my miusec

كرهـتك قد ما ضحكتى على شقايا

كرهــتك قد ما امى تحب رؤيـايـا

و قد رعشة ايدى وانا بكتب

أول قصيده أكتبهالك

 

آخر قصيده أكتبهالك

و آخر قصه فى كتابك

و آخر كلب فى كلابك

و آخر طيف يبات الليل على بابك

 

دا انا اللى كسّرت السهر

و رَقَصْت ويا الليل و رَقَّصت القمر

 

أنا اللى فَضّيت بِكر نجمه فى السما بَكّيت نجوم

و طلقت ايدى فى صدر نسمه اتلخبطت بين الغيوم

أنا الجخ و سامعه عنى و عارفه انى كل يوم

كنت قبلك ويا واحده و يمكن ويا اتنين فى يوم

 

تكسرينى؟! ... لا يا عينى

انتى واحده من ألوف

و ياما وانا عايش هشوف

انتى مجموعة قصايد بالمحبه بتبتدى

وهى دى

آخر قصيده أكتبهالك

و كان بودى اسمعهالك

 

نبرة الحزن فى كلامى مش ندم

ما أنا خدت منك كل حاجه وسبتلك حبة ألم

أنا خدت منك كل شئ

و فضلت قدامك برئ

 

كل ما فى الأمر إنى لسه ماشبعتش خيانه

تعرفى يا نانا الخيانه؟

مش خيانه تحبى غيرى .. يا خى حبى غيرى

همشى مع واحده تشوفيها و زى ما هغير انتى غيرى

مش خيانه

 

بس تبقى خيانه عظمى

يوم ما يبقى الحب كلمه

يوم ما تبقِى م البدايه

حاطه للقصه نهايه

 

يا ترى لساكى فاكره؟

فاكره يوم ما رميتى قلبى بنظرتك

قلبى اتجرح

كان فرح

أنا لسه فاكر.. كان فرح

كانت الرقاصه بتزِفّلِى حُبك

قلت احبك يمكن الحب يداوينى

وادى ادينى

 

بكره اليوم اللى شفتك

بكره الشارع بكره الليل اللى ضمك

بكره القمره اللى بتفكرنى بيكى

و بكره اسمى اكمنه اسمك

 

بكره انى ابتسم.. حتى اترسم

حتى اتدفن

بكره البحر اللى زغزغ صدرك السقعان فى حضنه

جيتى حضنى

حتى حضنى بكرهه لما اتّسعلك

بكره الشعر اللى خللانى ابقى نعلك

بكره القلب اللى سابلك صولجانه و بكرهك

واللى زانك طول سنين جه الليلادى و شوهك

 

لا انتى ناعسه ولا انتى عبله ولا انتى شملوله الخجوله

اتكسر جوايه صوتك واتكسر جواكى عمر

بس عمرك هو عمرى

كان بودى أسيب فى قلبك ميت أتون من طين و جمر

بس قلبك هو شعرى

 

بكرهك ياللى ابتسامتك فرحتنى

و مرجحتنى و زحزحتنى و كبرت الله اكبر

من كلامك من غرامك من عينيكى السودا ليل

قلبك المكسور بيعلن لانتصارى ميت دليل

 

و انتصارى مال على ودانى وهمسلى

قاللى "أوزوَلد" البرئ ما بقاش برئ

قاللى إن "سيزيف" دا زيف

و ان قولة آه بتطلع م الصعايده فين و فين

قاللى أنساكى فى مساكى

و اما اشوف قلبك عساكى تفوقى من وجع البنات

قالى بالرغم انه عارف انى حبيتك.. هجيتك

و انه شافك كاتبه اسمى بخط نونو تحت بيتك

قاللى شافك ع المرايه بتكشفى صدرك لصدرى

قاللى صبرك.. يا دى صبرى

 

اياك فاكرنى من حجر

اللى قاسَى فى حب نانا لو حجر...كان انفجر

 

كنا زى اتنين فى صحرا

ما فى ناس ما فى عيب مافى خوف ما فى بكره

كنا خيل وليل و مهره

كنا سكر و كنا فجر و كنا سهره

كنا نتواعد بكلمه و كنا نتصالح بنظره

 

كنا لما تسافرى أو اسافر يصير الليل مالوش آخر

أكن عيونك النعسانه مجافيينك

و أكلم نفسى طول الليل و أقول فينك

و كان قلبى بوسع البحر..لملم موجُه فى سفينك

و نفس البحر دلوقتى لعنلك ميت سلسفينك

لا عاد موجه بيهواكى و حتى نجومه فى سماكى

رموكى بعد ما رماكى و كانوا فى ليلة زفّينك

 

و كانو يناموا فوق مريلتك الكحلى

ينقولك هدومك يوم ما نكون هنتقابل

أنا و نانا فى طول أيامنا ما كنا بنتقابل

ما كل الناس عتتقابل

احنا كنا..

احنا كنا..

والله ناسى كيف ما كنا ..بس كنا

 

يمكن الحلم اتقتل بس الجبل

لو هده ريح أو حتى مال برضك جبل

و انا مش جبل من طين وقش

ولا عضمى هش

إن كان على القلب اللى حبك آخره نعش

و انصِبله بدل الخمسه ألف و يبقى مات ولا اتخدعش

 

كنتي كيف السّبيه بيّه

و كنت ليكى عبد طايع

صرت ورقه و حبر ضايع

وقت فات ولا جابش عايد

مش بقولك.. انتى مجموعة قصايد

 

لمى ورقاتك خلاص الحبر جف

و احكى للجيل اللى طالع بكره يضحك

قولى لابنك فيه زمان واد عقله خف

اوعَى لتصيدك بِنَيّه و زى فرحه يولّى فرحَك

 

شيلى عمرك باللى فيه

خدت منك كام قصيده سامحى فيهم

حق كُرسيين معسل مش حكايه

خدت من عمرك بُكايه

و ابتسامتى سيبتهالك

يكفى إنى لسه مالك نفسى و بخبى البُكا

شوفى شاعر غيرى يوصفلك جمالك

 

أما ع القلم اللى فى ايدى

شاريه من دكان صعيدى

راسه ألفين دومه نَيّه لانسى حبك من أساسه

عشتى طبعا فى الصعيد و عرفتى ناسه

 

يبقى أسهل شى عليا

أنسى حبك و انسى حالك

وانى اقول ع القصيده ديا

آخر قصيده أكتبهالك

هشام الجخ - آخر قصيدة أكتبهالك

توينز الشظية وحكاية الاتنين  &&الصفحة الرسمية لدى جى فيلو

شاكوش مهرجان الحفله ابتدت 2013 ميك شاكوش توزيع رامي المصرى

كلمات : محمد السيد
الحان : هاني الدقاق
توزيع : مسار اجباري


مسار إجباري | إجباري المسار

على خيوط الأمل

على خيوط الأمل فيكي
أنا اتشعلقت
لمحت الحب فـ عينيكي
أوام صدقت

حلمت تكون بيبان فرحي
فـ حُضنِك لسَّه فاكراني
حلمت تسيلي فوق جرحي
مطر يغسلني من تاني
مطر يمحي ما بينَّا فروق
ماكنش وجودها بإيديَّا
يفجَّر بين ضلوعي شروق
ينوَّر كل شيء فيَّا

أكون شايفِك وأكون سامعِك
وأكون وقت اللُّقا شوقِك
وأكون ساعةْ الألم دمعِك
وأحسّ بنبضي فـ عروقِك
أمدّْ إيديَّا الاقيكي
والاقي لغربتي نهاية
أنام ماحلمشي غير بيكي
شطوط ممدودة جوَّايا
-----------------------------
كلمات والحان : أنطونيوس نبيل
توزيع : وليد ميمني

على خيوط الأمل - جوني

من حفلة مكتبة الاسكندرية 20.8.2014

و الله تستاهل يا قلبي 
كلمات : امين صدقي
الحان : سيد درويش


مسار إجباري | والله تستاهل يا قلبي

كلمات: دعاء عبد الوهاب
ألحان: هانى الدقاق
توزيع: مسار إجباري


مسار إجباري | تقع وتقوم

جرح المره الواحده ممكن يهدى مع الأيام
بس أما بيتكرر صعب يقصر فيه كلام
وأنا قصرت فى حقى وكان من حقى كتير أوقات
أبعد بس سامحته وكنت بحبه حب ومات
وعشان البعد فى الأمكان
من غير ما أكون ندمان
هاستنى أكتر ليه
ده مافيش ولا ذكرى حلوة تعيش
أحساسه ما وصلنيش 
لو بعته هأكسب فيه
أنا مش هاتعب قلبى وأغيب عقلى وماحسبهاش
وقتى أهم كتير من حب يضيع عمرى بلاش
هانسى وأريح بالى
وأن يوم جالى يقولى رجوع
مش هاسمع له مهما هايندم وللا يبان موجوع
...

في الإمكان لؤي 2015

ارفع ايدك فوق لو مضايق هتروق 
القمه جت هتذيع اوعاك في العكس تسوق 
فرتكه فرتكه ع الطبله وع السكسكه 
فرتكه فرتكه تخطيط ومع التكتكه
فرتكه فرتكه راجعين نعمل دربكه 
غرقني في شبر الميه صحيني فتحلي عنيه 
هديك هديك وهكارك وارجع تاني اقول ده شويه 
ماهو مش واحد هيشارك ويشيلك من تحت اديا
ب اسم اتحاد القمه مع علم اسكندريه 
اعمل اعلان علي يافطه فيه صباح للناس مدلع 
واسمع كلامتنا اليافته علشان هدور واتسمع 
ارفع ايديك الاتنين قول ولع ولع ولع 
وسع وبلاش بجاحه واسمع ل مولك الساحه 
في الدنيا ناس تعبانه في الدنيا ناس مرتاحه
وفي ناس مش عايزه تعيشها وفي ناس واخدها سياحه 
وادم نزلنا الارض علشان قطف التفاحه 
ليه محدش حالو عاجبو والكل بقي بيتبطر
فيها اللي بيرفع حاجبو علشان شارب ومخدر 
ابعد ماترحش جنبو ل اتكون شبهو وتتكدر 
في اللي مبرشم ومصرصر واللي محروق ومستر
صحتك ضاعت منك يبقي انت يلا مش بتقدر
ايام بتهد الحيل ومفيش اصحاب بتشيل
دايما بتحس الوحده وانت لوحدك باليل 
صاحبك باعك علي واحده صابحك في الشده عويل
اصحابي مابتدمعشي لو حتي شافوني قتيل
عامل تحكي يلا وتقول تشبه للقطه العميه 
احنا نشقك بالطول مايكتنا دي سكاكين حاميه 
مافي ناس قبلك واتعالو وانزلنا وقولنا تعالو 
احنا نزلنا ونفذنا والتانين حكيوو وقالو
مش بفلوسك هيقولو عنك راجل الرجاله 
فعلك بس وتنفذيك بالنسبالك احسن حاله 
مافي ناس راكبين الفرس وهما مش خياله 
ياللي انت عايم الفكه البس قمصان وجاكته
امشي برحتك واتمخطر صبح علي كل حته 
لكن عمرك مش دايم اذكر رب العالمين 
لو هتعنتل وعايم في الفقر هاتعيش سنين 
القطر سكتو قطبان حسو وفوقو ياني ادمين 
في واحد يجي يرميها داير الدنيا وحواريها 
كل دقيقتين تسمعلو درويلا في اي جيهه
واللي عاش قلبو جنب الحيط ده بيمشها
القمه الشغل الفائق اللي بيخرج ع المألوف
ابعد ب اديك ب الصاعق ولا اديك بالكلاشنكوف 
هنقول علم اسكندريه احنا شباب نتحدي الخوف
'
والتوني هايخش يغني حاولين نفسك لف وطوف 
''
والدنيا دي حكايه وقصه وكل واحد له قصه 
والناس دي يابني ماتتوصي ليه علي بعض تكونو أسين 
زي السمك احنا بقينا ناكل في بعض ماخلينا 
وده الكتير مال علينا وبالقليل ماحناش راضين 
بقي كلو يجري وارالمبدأ زمن المحبه خلاص عدي 
''
المسي علي اسلام فانتا من علم اسكندريه 
مابعوت من اسلام عزت و اللي قالو الدخلاويه 
داير الدنيا وايامها تلاميذنا دي بنعلمها 
هنزيع ب اسم الدخيله والقمه ياناس اعلامها 
واي فرق تتحدي لموأخذه دي عارفه تمامها 
الكل يصد جيتهنا ع المزيكا بنقسمها 
الفيلو والتوني وشاعر الغيه والناس مش هنيمها 
الدنيا بحالها اتهزيت لما احنا راجعنا وجينا 
الكينج اسلام عزت مسي ل علم المدينه 
طب يله نبدأ فوره ونزيع ب اسم الاسطوره 
المسي طالع م القمه ع الزوز والفرفوره 
القمه اتهز العالم والناس كلها شاهدلنا

فرتكة فرتكة

كلمات وألحان  ورؤية: أنطونيوس نبيل
(الفصحي للراحلين: إدريس جمّاع ونزار قباني)
توزيع:  وليد ميمني

الأغنية مُهداة إلى الذين يؤمنونَ بأن خلاصَ العالمِ مرهونٌ بالعُشَّاقِ وحدهم، إلى الذين يحاولونَ إيقافَ الحُروبِ البغيضة بأغانيهم الصادقةِ المدجَّجةِ بالقُبلاتِ الوالهة - أنطونيوس نبيل
..............................

هو: لَكِ عينٌ
كُلَّما أخفَيتِ سِرًّا حدَّثتني
إن أرَدتِ
كتمَ سِرٍّ فأغمِضِي عينيكِ عنِّي
هي: وانتا جنبي
مستحيل هـ أقدر أغمَّض أو أخبِّي
سري إنتا
ياللي اسمَك غنوة دايبة فـ نبض قلبي
سري إنتا يا حبيبي
هو: يا حبيبتي سرِّي إنتي
هي: روحي إنتا يا حبيبي
هو: وانتي روحي يا حبيبتي
وانتي روحي .....
(فجأة صوت رصاص غزير مصحوب بنباح كلاب
ثم صوت إغلاق شباك تصاحبه تنهيدة أنثوية)

هي: ليه مصمم إننا نفضل هنا؟
ياللا نهرب م المكان ده
يعني تزعل لو أعيش متطمنة
ياللا نهرب م المكان ده
هو: مستحيل
هي: بطَّل معاندة
هو: مستحيل
هي: بطَّل معاندة
هو: لو هربنا نبقى بنخون حبنا
داللي مسّ الحب قلبُه
لو جيوش الكون تحاربُه
مستحيل يهرب فـ يوم أو يستخبَّى
هي: لو هربنا نبقى بنخون حبنا
صوتنا أقوى من رصاصهم
صوتنا فـ الآخر خلاصهم
ياللا بينا نغنِّي حبَّة
هو وهي: ياللا بينا نغنِّي حبَّة

هي: بشويش يا حبيبي إحلم بيَّا
تلاقيني فـ حُضنَك صدَّقني
دانا بأغرَّق فـ عينيك وعينيَّا
بتقولَّك إياك تلحقني

هو: فـ عينيكي حبيبتي تمللي بأشوف
فراشات نونو بتضحك ليَّا
فـ العتمة بتسرق منِّي الخوف
فـ النور بتنقَّط حنيَّة

هي: مابقتش بأخاف ولا بأتوتر
مش عايزة أدوب سِنَّة بسِنَّة
عطشانة أنا ليك قرَّب أكتر
ماتسيبش مسافة خلاص بينَّا

هو: فـ عينيكي حبيبتي تمللي بأشوف
فراشات نونو بتضحك ليَّا
فـ العتمة بتسرق منِّي الخوف
فـ النور بتنقَّط حنيَّة

عُدِّي
عَلَى أَصَابِعِ اليَدينِ
مَا يَأتِي
فَأوَّلًا: حَبِيْبَتِي أنْتِ
وَثَانِيًا: حَبِيْبَتِي أنْتِ
وَعَاشِرًا: حَبِيْبَتِي أنْتِ

الحب في زمن الحرب - جوني وريم

كلمات : محمد جمعه
الحان : هاني الدقاق
توزيع : مسار اجباري

مسار اجباري | حاوي

كلمات : مصطفي ابراهيم
الحان : هاني الدقاق
توزيع : مسار اجباري

مسار اجباري | كانت هتفرق في الوداع

وبأتنازل
وأبيع روحي فـ مزاد حيرتِك
ماقولش بـ كام؟
وعامل م اللقا عازل
ما بين إحساسي بالغربة
وبين تصديقي للأحلام

وأميل على إيدِك الناعمة
بإيدي عشان أكلِّمها
وأعلِّمها
تُحط لحزننا نهاية
آلاقي ضباب غريب أعمى
بيسرق ضحكتِك مني
بيهزمني
ويخنق حاجة جوَّايا

ونفسي أصرخ وأبوحلِك
بالألم والخوف
وأكون ثغرة فـ حصون كُحلِك
لكن مكسوف
عشان مسنودة بجروحِك
على ضحكي
عشان عايزاني آه عايزاني
لما أحكي
مابانش حزين

وباين صرختي تاهت
فـ وسط كلام كتير باهت
بأقولهولِك
ومش عارف واخدني لفين
وأعيدهولِك مِن الأوِّل
وتتشبِّك صوابعنا
بتنكر إننا ضيعنا
يموت الحلم يتحوِّل
عرق بارد ما بين كفِّين
-------------------------------
كلمات والحان: أنطونيوس نبيل
توزيع: احمد العسال

وباتنازل - جوني

ليه يكون دايمًا حنانِك
للي ذلِّك واللي خانِك
واللي عايز أيّ شيء يتسلَّى بيه

واللي زيِّي مات عشانِك
يندهِك وانتي فـ مكانِك
رافضة تيجي بكلمة واحدة تودَّعيه

قلبي كان عصفور ورق بتلوِّنيه
كل غنوة فـ قلبُه كانت طايرة بيكي
ليه فـ لحظة تِملِّي منه وتحرقيه
وتسيبيه وسط اللهيب ينده عليكي
ومَّا يتبعتر رماد جايَّة تلوميه
وتقوليلي إن الرماد شوِّه إيديكي

ليه؟
قولي ليه؟
----------------
كلمات وألحان: أنطونيوس نبيل
توزيع: مينا ميلاد

عصفور ورق - جوني

سورة مريم 1423هـ - 2002م مشاري راشد العفاسي
 من إصدار سورة مريم بروايتي شعبة وحفص عن عاصم

سورة مريم 1423هـ - 2002م مشاري راشد العفاسي

كلمات : يونس القاضي
الحان : سيد درويش

مسار إجباري | أنا هويت

ارجع يا زمان - لؤي

كلمات : عبدالرحيم منصور
الحان : هاني الدقاق
توزيع : مسار اجباري

my miusec

Mohamed Abd Elnaby 14