سيبي إيدك من إيديا 
و إرجعي من نص الطريق 
مادام بقينا في كل شئ
ضد بعض !
ماشية عكسي ونا ماشي عكسك
إن قولت أبعد تقولي قرب 
و إن جيت أقرب تقولي بُعد !
الحب بينا تاهت ملامحه
فـ وسط زحمة العتاب
و إن جينا نتراضي بتفاهم 
نلقي التفاهم متسجل غياب !
إتقطعت كل الخيوط 
اللي رابطة بينك و بيني 
حتي لون عينك و عيني 
بقي لون سواد !
حتي الأمل 
بيموت فـ كل مرة بنختلف
و إن جيت بغلطي أعترف
تسبقيني و تهددي .. بالبعاد !
ليه عايزة دايما تبعدي ؟!
و تحطي إيدك فـ إيد الفراق !
ليه عايزة ترمي فـ طريقنا شوك ؟!
لو كنتي راضية بـ بُعدك و بُعدي ..
فـ صدقيني أنا مش حِمل إني ..
تعيشي لوحدك و أعيش لوحدي !

لـ #محمدعبدالمنعم

ماتبعديش !

صباحك شادي بينادي علي عيوني
بصوت فيروزي ونا عارفك
صباحك ضحكة بلون البنفسج 
بتمحي سمار الليل من جفوني !

صباحك شمس منورة في عينيكي 
و بلمح ضيها في رمشك 
فتضحك ملامحي في وشك
فـ يبدأ صباحي من بين إيديكي !

لـ محمد عبد المنعم

Mohamed Abdel Menam

Popular tracks