عمار حسني

Man in the mirror

مش فكره اكتئاب وكده انا مش مبسوط
"عايز اغني كتير" لا "عايز ابطل" يمكن "عايز اموت"
بفضل كتير ف اوضتي افكر واتسحل ف عقلي
من اسبوع بكلم حد عرفت امبارح انه نفسي !

عايش ف اعراض انسحاب شخصيتي من جوايا
انا بضلم واحده واحده احلامي بتدفن معايا
احلامي؟ يعني ايه احلام اساساً
قصدك اتعشم واتخدر بالامل واضحك ف الشاشه

طب ما خدر بـ خدر رول ف جوب صب الشوت واشرب
طب ما حضن بـ عهر حب بـ ذل حل الكل ياهبل
متبصليش قلتلكو م الاول سيبوني فايق
مش مسطول انا مش مملعن عارف واحد واحد

انت بعتني برخيص عشانها بس عادي
"وانت "سطرت الي بينا نسيتني ف شمه" وانتو "كلاب
"انت "تربيه نسوان" وانت "عينك فاضيه
"وانت "كلت من عرق الحريم شنبك بطل ينبت 🙂

"وانتي "وسخه" وانتي "كلبة شهره" وانتي "كسر
عندي بنات كتير والمشترك مبينهم قله اصل
عملت الخير رميت ف البحر البحر استغرب
قالي اه لو تعرف الكلام الي بيتقال ف ضهرك

بس عادي .. انا بتغفل بس بمزاجي
قاطع النحله الي دايره بس بردو بقول ولادي
كلو هيجي تحت رجلي ف الاخر ومش هسمي
يكفيني ان جتتهم تترعش ف سيره " عمار حسني "

مالك ؟! بتبصلي بقول كلام غريب
مش دول صحابك الي فضلت تشتم فيهم طول الليل
قعدت معاهم كلهم كلو اتكلم علي كلو
محدش سالك متصدقش مصلحتك بتحكم

فلوس بتعمي العين انا اترميت عشانها بصي
كان الدنيا بتلوي دراعي بتستمتع بضعفي
وانا بقف علي رجلي نجحت ف حاجه مش عايزها
لما جيت ابطل قالو لا .. الناس مسيرها تزهق

وفضلت بكتب كل واحد شاف ضله ف حكايتي
وانا مغنتش لحريم ولا لرجاله انا كنت نفسي
بيدعو الزعل" عشان يصعب عالناس قلدني"
بقيت بشوف ف كل حته نسخ ماشيه مني

ويجو يقولو عليا ف الاخر مريض نفساني
طب بزمتك اديك سمعت مين فينا التعبان
انا .. بكلم دماغي انا انضفلي
انا .. بشرب عشان اسكت دوشه عقلي

انا .. عيان ومكتئب بجد فاهم ؟
انا .. بغني براحتي مش مهم اضايق
انا .. هوصل للسما دي بعد فترة
هنا .. هيجو يقولو نتصور من فضلك 🙂
--------------------------

Ammar Hosny _ عازف _ -  overdosed _ مملعن

الدنيا برد الجو ساقعة و انا من جوا بولع ! 
بكره كل الي مني و كل عيلتي و بردو برجع
 حاسس بخنقه ميت والمزيكا بتأذي روحي 
مع اني طيب بس كلهم واقفين لموتي :"))!
 نجوم السما بتوشوشني و بتحكيلي يامه
 قلبي الي داب ف الف كسره و 100 علامه 
محبناش نحب ناس احتجناهم جمبنا 
خلونا نشحت حبهم ! .. ملعون كسرة اهلنا :)

ماليش مستقبل مين هيجوز بنته "بتاع اغاني"
 يمكن شايفني كويس بس انا معرفش مالي :") !
 هيستريا بالعياط و كره لنفسي زايد جدا ..
حبة تراكات و را تراكات بغني بموت و تضحك

مافيش حيل اني اصالح حد يزعل غار بناقص
 سابوني و استنتهم بس غيبتهم عني طالت
 خايف ! .. و الروح بتطلع مني كل يوم بليل
 ساعات بدل ما ادمع اضحكلك و اعمل عبيط

----(C)----

اخر عازف ع الارض بيعزف نوته مش موجوده بياع الورد اخر ورده عنده لبنت عوجه هنرقص اخر رقصه بس لما الحفله تخلص صوتك بيقيد النار ف بردي اقفل بوقك اخرس ! 
(X2)

----(V2)----

الساعه 12 الا ثانيه و المذيكا عاليه
يشوف صورها يحن و يبكي و هو بيحكي عنها

ماتطلع بره اوضتك
طالع ثانيه استنو بره..! 
يمكن مش عايز حد يشوفني و انا مكسور بعيط :")!

قهوه و سجاير كل يوم سواد عنيك دا فضحك
تسهر تحب اليل و بردو شايف انه صاحبك

بتاع اغاني فاتلعن فهمت نص القصه..! 
كانت " نهايه عشق " اخر اغنيه خلاص خلصنا

مش عايز ابان كئيب اصادهم اقفل المذيكا
لما تشوفيني سلمي متفرحيهمش فينا :")!

مش عايز ابان ضعيف اصدها متبصش في عينها
عيني بتفضحني دي اللي قلت مش هتكون لغيرها

نفس السنين نفس الشوارع و العيون علينا
و تقول غنيلي و احكي عنها اتغزل فالاميره

عمار تعاله نغني انا مخنوق و جبت اخري
هحكيلهم لما اقع ان انت ديمااً كنت في ضهري

----(C)----

ياليل اندهلي دا اللي سابني مش راجع منتاني
حبيتهم استنتهم بس محدش استناني 
يا ليل زود ف بردك انت ادفي من الي مني 
كل الي مشيو قالو اصلااً انهم حابني
(X2)

----(V3)----

متبصليش انا مش ملاك و قولتلك م الاول
 انا فاكر من 3 سنين انا كنت زي زيك ! 
و ايه الي كان وصلني لهنا و ليه واقف بغني
 تقريبا كل شئ اتغير لما قابلت عوني :)

محبتش المزيكا و لا الكئابه ولا حبيتني 
حبة تراكات امراض نفسيه و الناس بتعايرني :") 
ولا تعيب فيا ولا اعيب فيك شكلك زيي فمرايه !
 كل الي عاهد قلبي يفضل اصلا مش معايا ..

كونك كداب بتكره ناس بتحب تكون لوحدك اطلع فضا بليل و زعق عيط مين الي سامعك !
 ياعيني ع الي بيجري فيا انا غلبان و الله :")) 
عايزك تتخيل مثلا ان دي احلي سنين حياتي ؟

فاشل ف دراستي و ف حياتي احلامي اتفرقت حبيتك و اتخميت فعنيكي انا كنت فعلا غبي جوايا ذكري من زمان تعباني و الف خيبه 
لفيت و دوخت لما روحت انا ف درويله :)

-----(C)-----

اخر عازف ع الارض بيعزف نوته مش موجوده بياع الورد اخر ورده عنده لبنت عوجه هنرقص اخر رقصه بس لما الحفله تخلص صوتك بيقيد النار ف بردي اقفل بوقك اخرس ! 
(X2)

-----(V4)-----

اقفل مذيكتك هزت قلبي قلبت مواجع
تشرب فا تعلا تنسا تحلم تفرح انك راجع

دخلت السكه و انت عارف الرجوع معجزه
لو كانت حباك من الاول عمر ما كنت وصلت لكده

تقريبااً كنت شايب من ايام ما كنت عيل 
تقريبااً اكتر ناس حبيتهم كسروك تخيل..!

تعالو نلعب لعبه حلوه مع كل اللي مني..! 
انا هعمل نفسي معرفكمش و انتو سيبكو مني :")!

مش عايز حد معايا انا احسن ابقا لوحدي ديمااً
مش هبقا و انسا و اقسا والقا مرسا في وهمي احسن

اكتب اخر صفحه في كتابي و انتي مش معايا
مهو اصل "حواء" حبت "كاتب" بوظ "الروايه"..!

احرق البوم صورنا و قلبي يتحرق معاها 
ما انا اللي كاتب اخر قصه و بكتب النهايه

اخر سجاره و اخر صفحه و اخر الفنجال
محدش حب حد و اللي حب كان كداب :")!

----(C)----

ياليل اندهلي دا اللي سابني مش راجع منتاني
حبيتهم استنتهم بس محدش استناني 
يا ليل زود ف بردك انت ادفي من الي مني 
كل الي مشيو قالو اصلااً انهم حابني
(X2)

--------

Ammar Hosny -عازف- - Last Musician On The Earth - اخر عازف ع الارض Ft - Awney Adel -بياع الورد

Ammar Hosny " عازف " Ft. Omar Adel | Hide - مخبي

Ammar hosny _fostan      عمار حسني فستان

Ammar Hosny " عازف " | Don't Sing - بلاش تغني

Ammar Hosny " عازف " ft. Karim Adel " كسار " | Bar - حانة

Ammar Hosny " عازف " | Last Musician on the Earth - اخر عازف ع الأرض

Ammar Hosny " عازف " | Vatrenaa - فاترينا

Ammar Hosny " عازف " | Marionette - ماريونت

Ammar Hosny " عازف " ft. Osakkaa | Script - سكربت

Ammar Hosny " عازف " ft. Awney Adel " بياع الورد " & Nour | Gather - لمة

الكلمات :
مكنتش بعرف احكي كنت بشتكي للورق فترات
مكنش بينا طريق مقابله كنت بسهرلك فـ شات
و فرق بين جوابات و بين كلام ع لوح ازاز
محدش عارف انا عيطت كام مره ومكتوب تمام

مكنش فـ ضهري عيله فـ اتسندت فـ صحاب فلصو
اول ما اتحطيت فـ اول عركه سابوني لوحدي و جريو
فـ انا اتعودت اكون لوحدي و متسندش بحد
و اتعلمت انها كلها جدعان بتسيبني وقت الجد

حبيت ملاك كانت جميله و الايام بتغير
عشنا جوه دماغي و بره العالم كان لسه بيترندر
هي تعبت و انا يتزهق مني ان جيت للحق
اظن كده خالصين يا بنت الناس بكفايه كسر فـ بعض

و انا ابن اصول محيلتيش اللضا وكده بس جدع
ممكن اديلك عنيا بس هتسندني اما هقع ؟
مش هتجمعنا صدفه الطيبون للطيبات
و انا كان قلبي طيب جدا وانتو اوسخ خلق الله

----------------------------------
كات جوابات لـ السما مكتوبه فـ ضهر الملزمه
مبلوله بـ عياطه لما قالو عليه يتيم ف المدرسه
و الي يزعل اكتر من انك لوحدك
انك تتعب بس ما تلقي حد تبوحله حتي بتعبك

جبنا اخرنا .. الدنيا باين زهقت منا
ماهو يا تغورنا فـ داهيه يا تدفنونا مع زمايلنا
كنت نفسي فـ حضن بس مافيش احضان كانت بتساعني
انا كل الي اذاني كلام كتمته فعشت اتأذي لوحدي
----------------------------------

في صوت كمان مسكتش صوت عازف مسابش السوق
انا حالي كل يوم بيسوء و شكلي مش هفوق مش كده ؟
متفوقنيش عشان لو فوقت هكره نفسي
كانت الناس بتحب الناس و كنت لوحدي بحب ازايز ويسكي 


كتبت ان انا مضايق ع الحيطه اتصوروا معاها
كان كل الي هاممهم ياخدو بوست مش يسمعو غنايا
حاربوني عشان نجحت فـ حاجه مش حاببها
لو هكون كويس بكره اشبعوا بالشهره وربك مش عايزها

متفرحيش ان انا تعبان انا هبقي كويس بكره
هطلع المس نجم السما بس انتي هتفضلي لسه وسخه
و الي اتباع  بمال قارون هيفضل اسمه اتباع
و الناقص لو خد كنوز الدنيا هيفضل بردو جعان

كل الناس سميعه مش كل الي سمعك صاحبك
بكره الهيلمان ده هيخلص و هتتفض و تبقي لوحدك
بلاش عشم و و متسبنيش عشان هوحشك
بكره كل الناس هتحبك لما تموت فصله نقطه انتهي

----------------------------------
كات جوابات لـ السما مكتوبه فـ ضهر الملزمه
مبلوله بـ عياطه لما قالو عليه يتيم ف المدرسه
و الي يزعل اكتر من انك لوحدك
انك تتعب بس ما تلقي حد تبوحله حتي بتعبك

جبنا اخرنا .. الدنيا باين زهقت منا
ماهو يا تغورنا فـ داهيه يا تدفنونا مع زمايلنا
كنت نفسي فـ حضن بس مافيش احضان كانت بتساعني
انا كل الي اذاني كلام كتمته فعشت اتأذي لوحدي
---------------------------------

عمار حسني - ويسكي

الكلمات :
انت فين !
كان المفروض تكون هنا
النهاردة هكمل العشرين وانا عندي ميت سنه
كان مفروض تكون هنا .. انا سبتلك جوابات كتير
و اتصلت بيك لكن ارقامك فجأه ضاعت او نسيت

ع فكرة انا تايهه .. و مش سهل عليا اني اعترف
مش هعرف اقول اني بخير عشان انا ببساطه بتخنق
و بحس بإني اراجوز ع طول بضحك قدام الناس لكني حزين
انا رايح فين

انا مدخلتش هندسه و مجبتش بيت بدورين و بسين
ومسافرتش جزر المالديف و لا انا مشيت علي سور الصين
و متحولتش خارق فجأه ولا لقيت مصباح وبساط
عارف البنت الي انا حبتها زمان ؟ محبتهاش 
 
مطلعليش دقن السلطان طلعلي خطوط وتجاعيد زمن
و معملتش شعري لونه ابيض بس طلعلي خصل شلتها
و صوتي اوحش فالقرآن من كتر ما انا حفظت اغاني
و عرفت بنات مالهمش عدد بس انا نسوانجي ك اجمالي

و ع فكره مبشربش سجاير بس صحابي مبطلوهاش 
عارف علان مات من فتره و هو بيضرب قالي ده هاش !
فاكر كذا ؟ اتوفي بردو 
اخر مره كنت بزوره قالي انت عبيط خلي السرطان ده يجيب اخره

و اهو جاب اخره 
انا شخص للاسف مبيعيطش
حتي يوم جنازة جدي الي كانت روحي فيه فضلت بارد
بس فاكر بعدها بشهرين عيطت اسبوع حتي ليه مش فاكر

انا شخص فالازمات بيبان جماد ساكت مش اكتر
دكتور فالمشاعر الضاله بحس بالحاجات متأخر
مش شخصية بعرف اعبر فتلاقيني باخد جمب
بتعصب من اي شئ بزعق لحد مالوش ذنب

و بأذي نفسي و بفضل ساكت بالشهور زي المجنون
او بكلم نفسي فالتليفون بشكيلي من وجع القولون 
و اقولي انا جمبك متخفش و الله كله هيعدي
والله كل ده هيعدي و الله كل ده هيعدي 

حقك عليا يا عم متعيطش عشان خاطري
لفيت دراعي مسك ضهري وكأن شخص بيحضني
تبت فيا و صدقت اني حد غريب بجد 
فصعبت عليا من غلبي انا شخص وحيد مالهوش ولا حد

سيبك مني و طمني عليك 
انت كويس و الدنيا تمام ؟
قالولي ان انت تعبت من فتره و الدنيا تلاهي فنستني
لا انا بكدب .. انا خفت ان انت تزعل لما تشوف وشي

و انا كنت متعصب منك بس انا دلوقتي هديت والله
ولو ممكن لو حابب يعني تكلمني كلمني انا مستني و قاعد
انا مش وحش والله علي فكره ساعات بصلي
وبقول الاذكار فمعادها و مبقتش بحب ان انا اغني

ع فكره فلانه اتخطبت دلوقتي 
قالتلي صراحه ان انا فاشل و مافيش خالص رجا مني
و قالتلي انها كرهتني 
و اني بقيت ذكري بتنساها اه و بقت تقرف مني
و اني منفعش اعمل اسره علشان .. فاهم تعبي النفسي
و قالت همشي .. مشيت ومبصتش وراها 
و حقيقي انا عايش دلوقتي بالوقت الي انا عشته معاها
و عموما ده نصيب مش هكفر 
انا مبسوط علشان هي قالتلي انها مبسوطه
هو الراجل مننا هيعوز ايه م الدنيا غير انه يشوف الست الي حاببها عايشه و مبسوطه
انا بس عايز اقولها .. ان انا حبيتها 
و اني مقصدتش ائذيها و مع ذلك انا بردو اذيتها
ربنا يهديكي و يسامحك و تلاقي احسن مني بكتير
اشوف وشك بخير 

شوفت ! خدنا الكلام و حكيتلك بردو عن نفسي
اعذرني متكلمناش من ياما فواحشني مش اكتر يعني
انت فاهمني ! عارف احساس انك تبقي انسان غير مرئي
ظرف و عرضي او شاشة اعلان دلوقتي هتديرها و تكمل عادي

انا عمري ما كملت اغنيه 
بزهق بسرعه من الحاجات 
من كتر ما انا حبيت بنات قلبي منحس
كل الحاجات تغلي الا انا ببخس
ببهت و ابان بلمع بتعب و اقول سهله 
اوسخ شعور لما قلبك بيستغني
او لما تتبقي البلاطه فالدومنه 
ضيعنا وقت كتير و حاربنا و تعبنا و طلعلنا فالاخر مكسب خسارتتا

هل كان هذا الامر مستحق للعناء 
هل نحن فعلا ابرياء !
من شخص عاش بطولة الروايات لشخص حقق
انا كنت غبي اتصدق
زعلان عشان عمري الي ضاع مش عارف ضاع فإيه
انا بكبر بمعدل مرعب فالثانيه بزيد سنه او سنتين
و دموعي الي منزلتش بتتخزن فسواد متشال تحت عنيا
وكل الاوقات الي سكت و متحركتش فيها طلعتلي فرعشة فأديا

كل البشر بتروح .. كل الحنين كداب
كل الي ساب دلوقتي كان قالي هبقي معاك
و انا شخص مش بنسي الوعود لكني بنسي البشر
بنسي الارقام و التواريخ بس مبنساش تفاصيل ضرر

بميل للوحده اريحلي قرف قرب البشر فواح
هتفرق ايه مسافتنا طالما حزين و مش مرتاح
متستغربش .. انا سني صغير بس انا كهل
طابور الدنيا عداني عشان وحدي و من غير اهل

انا اسف .. خلاص متزعلش انا مش قصدي
بس انت مكنتش هنا جمبي 
وقت ما الدنيا طحنتني كنت بتتفرج و بتضحك
فاعذرني انا كبرت لوحدي
باردون .. علي فكره الدنيا مش افلام كارتون
لما البطل جاع فالحقيقه السحر مأنقذوش
و الناس طلعت فشوش و الدنيا مش حلو
سيبك من كل الي اتقال .. انا فل تمام
صحتي مية فل و عشره و كله هيعدي قدام
ابقي اسأل لو ينفع يعني متكسرش بنفسي
مش عايز احس اني لوحدي .. مش عايز احس اني لوحدي

طولت عليك .. انا اسف علي ضيعة وقتك
اتفضل ممكن تتفضل اوعدني تاخد بالك من نفسك
لا متقلقش عليا انا هبقي تمام .. ههدي دلوقتي لما هنام
كل سنه و انا طيب .. سلام

Ammar Hosny " عازف " ع

▶ Social Media :   عمرو بندق و سوسكا المخترع و محمد ابو تريكه موقع مهرجانات دوت كوم 

▶  ▶ Subcribe  ◄  ◄ Share  ◄ ◄ Like ◄ ◄
▶▶ Click On The Bell + Turn On Notifications.
▶ Follow me : 

▶  https://soundcloud.com/amr-bondok-358843462  ◄ 
 ---------------------
▶  https://www.facebook.com/profile.php?id=100003645873460  ◄
 ---------------------
▶  https://www.instagram.com/3mr_bondo2_official/  ◄

--------------------- CONTACT ----------------------

...................................
▶▶ Arabic / Turkish / Oriental / Indian / Ethnic / Trap Music

 Trap & Bass Car Music & Gaming Mix

??  Arabic EDM / Instrumental / Drops / Oriental Style 

#SummerMusicMix #BestOfDeepHouse #HotSummer #SUMMERMIX #SUMMERMUSIC
Deep Mix EDM

#Onderkoffer #50Cent #CandyShop #TrapRemix #TrapMusic #Trap #TurkishTrap #TürkçeTrap #TürkçeRemix #TürkçeMüzik #Remix #ArabicTrap #ArabicMusic #ArapTrap
...................................

Ammar Hosny " عازف " | Last Musician on the Earth - اخر عازف ع الأرض

MIX

Recent comments

Jody Goyed

Jody Goyed

يوسف شعبان

ريهام اسعد

Related tracks