هوباااا بقي أغنية راب تألفي وغنائي وتوزيعي =D 
وللعلم فقط .... دي متسجلة بالهاند فري ...
ـــــــــــــــــــــــــــــــــــــــــــــــــــــــــــــــــــ
حمد الله علي السلامة ..
حمد الله ع السلامة   ...   عقلي جي من السفر 
طول عمري في الندامة  ...      قلبي في الهم انحصر 
  
طول عمري كنت عايش  ...    بس مش حاسس بنفسي 
والدنيا علمتني إني أتحكم في يأسي 

واليأس يأسه طول  ..    لما شافني رحتله
والهم وحش جاني ..   بكل صدق قلتله 

ابعد وخدلك ساتر قبل ..     ما اتجنن عليك 
 داجناني وحش كاسر  ..   راح يقيدلك ايديك

متقولش عني طايش  
روح عيش وسيبني عايش
سيبني اعبر عن فكري لو حتي فكري هايش 

ياما قالو ولامو الناس 
تجريح وبدون احساس

واللوم خلاني اتغيرت 
غيرت حياتي وفكرت 

ولقيتني مضيع ضحكاتي
ونسيت النور لازم آتي 

مع اهلي وحاسس بالوحدة 
م الفرح مشفتش ولا واحدة 
والبسمة اللي تقرب مني 
مدتها ثواني ومتاخدة

حمد الله ع السلامة عقلي جي من السفر 
طول عمري في الندامة قلبي في الهم انحصر 
طول عمري تشوفني الناس وتشاور كافح وانتصر 
أول مالناس أحتجتها ...م الناس قلبي إنكسر

لو جيت أشوف عمري اللي فات 
طول الليالي والسكات 
طول الملامة والأهات 

هلاقيني خسران الكتير 
في طابورها انا واقف أخير

أول ما افكر أتهزم
بالهمة في المحنة أتسم
الحزن مني بيختفي
والفرحة فيا بتترسم

ياحزن غيب عني وولي 
القوة في المحنة تمللي 
اللي يقولك لأ.. قاللي 
الرد كان .. سيبني وخللي 

في أعتراضي 
اتجاهنا للتراضي 
واللي راضي ... اللي راضي 
عن ظلم انكتبله يبقي عقله هو فاضي 

يا ليلي قصر في الطريق  ...   وارحل وهات ليا النهار 
واهديلي من ليلي صديق  ... واهديني آخد يوم قرار 
لو حتي حسن النية نار !! قلبي نواياه أختياار

واختياري ...
يبقي ردي لأعتباري 
وانتصاري يبقي من بعد انتظاري 
من قراري ... يبقي تبريدي لناري 
يامصيباتي وعاري 
لو يصيبني ظلم ضاري 
وأبقي ناسي مرة تاري

ياللي فاكريني بآسي 
صحصح إصحي الصبح قاسي 
لو يجيلك وانت ناسي 
إني عانيت المآسي 
وقت ماقلت التماسي 
كت عيوني وسط راسي

ياللي فاكريني هضيع 
قلبي من طيبته .. رضيع
بس لو قابل وضيع 
ينسي إحسانه .. يصيع

ياللي فاكريني فظييع 
زي ماقلت أنتبهلي 
قلبي من طيبته رضيع 
بس حاسب قلبة الجو الربيع

ياربيعي وياخريفي .... رد ع اللايم عليا
ياشتايا أنت ياصيفي  .... عرف الدنيا دي بيا 

عرف إني كنت صابر  
بس ظنوا اللي شافوني 
إني عايش في المقابر 
عرف إني ردي حاضر 
عرف إني كنت قادر 
عرف إني ماضي حاضر 
لو هينساني ماضيا ....أو تلوم الناس عليا 
برضو أنا أوصافي صابر
برضو انا اوصافي صابر

أغنية .. حمد الله علي السلامة ...

إبتهال " يامن يراني في علاه ولا أراه " 
.. محمد عبدالله
.. يارب يعجبكم

mohamed abdullah

Popular tracks