محمد

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

لسه شايلك جوه قلبي  راب حزين

Boyband - 3eshha Bedmaghak | بوي باند - عيشها بدماغك at Egypt

تبص يمين شمال..تلاقي عيال..لا مؤاخذة طرية شوية
سيدي ع الجمال..انقلب الحال..و ده سامي و لا سمية

ده كيوت قوي و لابس سكيني..أحمر و محزق خضني
حاسب ليقولو بيتني..إيه نوعك بقي لخبطتني

زمن الرجولة فيه حاجه نادره فين ايام الشنبات..فاهمين الرجوله كده بالعكس سيبك دي عيال خواجات

في ايده علبة سجاير ماشي بيها..علشان يتقال عليه راجل
ويشوف اخته وصحابها ماسك ايديها..وهو رافع الارايل

يخسر صاحبه علشان بنت..و ف الخناقات يعمل م الهند
لو شاف واحدة بيقلب قرد..و يمنع صاحبته تخرج عند

زمن الرجولة فيه حاجه نادره فين ايام الشنبات..فاهمين الرجوله كده بالعكس سيبك دي عيال خواجات


Boyband - Zaman El Rogoula | بوي باند - زمن الرجولة

اقوى اغنية راب حزين 2016كرهنا بعض ليه بركان النائب

بوي باند - #الصحاب - Boyband - El So7ab

اغنية منظره علي ربيع  دنيا سمير غانم و بوي باند

كلمات الأغنية
""""""""""""
كل ما حتعيش حتقابل ناس
عارفاك علشان مصالح
غش ونفاق تعرف منين
مين في الدنيا دي صالح
لو حد له عندك مصلحة
وشك يضحك ويسلم
واهو بعد ما تمشي حتلاقيه
في ضهرك علاطول يتكلم

مسرحية نجوم شباك
وكله بيلعب على كله
واللي عامل فيها ملاك
الشيطان ماشي في ضله

لو فيها فلوس الناس حتدوس
ع النار علشان توصلك
اول ما تضيق الدنيا عليك
حتشوف ايه اللي هيحصلك
لو عندك قوة تلاقي كتير
علاطول عاملين حسابك
القوة دي لو منك تروح
حتلاقي الكل سابك

مسرحية نجوم شباك
وكله بيلعب على كله
واللي عامل فيها ملاك
الشيطان ماشي في ضله

عيش الحياة مش كل حد تعرفه علشان ليك حاجة معاه
دي الحياة احلى من كدا بكتير
عيش الحياة لو حد عارفك علشان مصلحة يلا نسامح
دي الحياة ابسط مش محتاجة تفكير
••••••••••••••••••••
تحميل الأغنية
""""""""""""
رابط مباشر :-
https://sites.google.com/site/ebncairomusic/masale7/Masale7%20-%20Donia%20Samir%20Ghanem%20ft.%20Boyband.mp3?attredirects=0&d=1
••••••••••••••••••••
رابط الموضوع الأصلي :
http://ebncairo-b.blogspot.com/2015/10/Masaleh-Donia-BoyBand-mp3-lyrics-download.html
••••••••••••••••••••
لتحميل المزيد من الأغاني الحديثة مجاناً بصيغة MP3 تابع موقع اغاني ابن كايرو .

أغنية المصالح - دنيا سمير غانم وفريق بوي باند

redone ft. enrique iglesias r. city shaggy & serayah - don't you need somebody - KYMA Edit

مهرجان اخ صالح اخ طالح

ArabSeed.CoM - MaZiKha

هدى | روح

بوي باند - صوره باهته | Boyband - Soora Bahta

قصيدة الشاعر الهويس هشام الجخ - أيوة بغير - YouTube

قصيدة هشام الجخ في رثاء طفلته جويرية

هشام الجخ - قصيدة رثاء طفلته جويرية


أيوه بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
 
واللي قالولك غيرة الراجل
قِلّة ثقة او قلة فَهم
خَلْق حمير
 
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها يبقى يا غُلْبها
 
اصلنا ناس على قد الطيبة كلنا هيبة
والنسوان في بلادنا جواهر
 
طب لو عندك حتة ماس
حتخلّيها مداس للناس؟
ولا حتقفلي اوضة عليها بميت ترباس
يمكن حتى تأجري ليها جوزين حراس
 
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل اللي لا ليه اخر ولا أول
اللي طلعت لقيتني صعيدي
 
لو كان بايدي كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟ هو انا كلب ؟
 
ثم العبرة ماهيش في اللبس
أصل المشكلة مش فى اللبس
أصل المشكلة عندك .. عندك
قلت حاسيبها وبكرة تحس
بعده تحس.. بعده تحس
ده انا لو جبس كنت زعقت
 
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك  واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
 

محمد

Mohamed