بحلم وأفتح عنيا على جنه للإنسانيه

والناس سوا بيعشوها بطيبه وبصفو نيه

أحلامى تصلبلى ضهرى ويروق ويصفالى دهرى

ويلاقى زهرى لكل ناسى وليا

يا دنيا مهما تغرى غيرى مسيرك تمرى

وبعد مرى تسرى نفسى العفيفه الابيه

لاالمال ينور طريقى ولا البنون بلو ريقى

عملى فى حياتى رفيقى فى وقفتى الاخرانيه

بحلم وأفتح عنيه على جنه للإنسانيه والناس سوا بيعشوها بطيبه وبصفو نيه


ايام زمان كانت احلى ايام  كان الفن فن واللعب لعب كانت كل حاجة ليها طعم انما دلوقتى مفيش طعم لاى حاجة

Bahlam Wafatah Enaya

مجرد وقت وده كله هنساه هكمل ليه
فى طريق متعب واضيع وياه
دى احسن فرصة بالنسبالى للتغير
واحسن حاجة ان احنا مكملناش وخيرها
فى غيرها مش كل العالم ببلاش وبعدك عنى
بالنسبالى يمكن خير

انا هنسى جرحى قسوتك وهنسى عذابى
كمان هفوق اكيد من صدمتى من بعد
اللى حسيت بيه عمر ما الحياه هتنتهى
وقفت ع انسان كانك حلم
وحلمته وصحيت لقتنى نسيه

مجرد وقت .....

هقول للناس انا سبتك ومش زعلان
وعمرى ما هحكى مين فيا اللى كان غلطان
ولو سالونى سبتك ليه هقول عادى
فى ناس غيرنا كتير حبه ومتفقوش
وقلبى حبك وانت الحب معرفتوش
ولا ضيعت وقتى فيك ع الفااضى هقول
للناس انا سبتك ومش زعلان وعمرى
ما هحكى مين فيا اللى كان غلطان
ولو سالونى سبتك ليه هقول عادى
فى ناس غيرنا كتير حبه ومتفقوش

انا هنسى جرحى وقسوتك وانسى عذابى
كمان وهفوق اكيد من صدمتى بعد
اللى حسيت بيه عمر ما الحياه
هتنتهى وقفت ع انسان كانك
حلم وحلمته صحيت لقتنى نسيه

..............
 الكاتب : ناصر الجيل
الملحن : محمد ضياء الدين
غناء : هانى شاكر
...............

♠ ْمُجَردْ وَقَت ♦


لما جيت اكتب عن امي
قولت عنها شايله همي
قولت دي بتجري فـ دمي
قولت ياما حجات كتير مش جديدة
لما جيت اكتب عن امي 
عجزة قدامي القصيدة
شايله سري
كان زمان بيني وبينها حبل صري
اتقطع يوم الولادة
واتوصل حبل الواداد
حب متحولش عادة من كلام رب العباد
حبها اصلا عبادة
فـ التعب كانت بتسأل
جيه مؤنث جيه مذكر
جيه بيضحك جيه مكشر
جيه على الدنيا بسلامة
وقتها مكنتش بفكر
كنت ببكي وكانت بتحضن بابتسامة
وقتها مكنتش بفكر
ده الضنا جيه مـ الضنى
لما جيت اكتب عن امي لاقتني بكتب عني انا 
لما جيت اكتب عن امي عجزة قدامي الحروف
قام ال (أ) زعق وقف
قالي ما تفهم يا ولا
ده انا مشترك ف اسم من لا شريك له
واول الاسم الـ(أ) واول الام الـ(أ) ودي مش صدف
ربك بيخلق مـ العدم خلق الألم وهنا علي وهن
شالتني لحد ما بلغت الحلم
وياما بتدلع عليها وياما بتمنع عليها
وياما حوطتني بجنحها وياما دمعت ف عنيها
ومن ايديا تاتا تاتا
ورجلي داست ع البلاطة
وداس عليها عجل زمنا وكانت بتحضني ببساطة
ولما كانت بتعب كانت تطبطب كانت تجيبلي الشوكلاتة
كبرت فجأة
لاقتني بزهق من كلمها عن السجاير 
عن العيال اللي مصحبهم
عن الدراسة 
خش ذاكر
اجي اتدلع تقولي ده انت راجل
ده اللي قدك دخلوا دنيا
بص يا ابني 
خلي بالك دي السنين زي الكلونيا
تحطها بتطير بسرعة
متلاقيش لهواها ريحة
السنين بجحة وصريحة
امي مبتعرفش تجرح
بس ياما باتت جريحة
لما جت وقفت قصادي 
قلتلي انت امتدادي
انت نور عيني اللي شبهي
انت دونان عن ولادي
وقتها انا كنت غاوي للغناوي
كنت اسيبها قاعدة وانزل اترمي ف حضن القهاوي
هي دي احلي عيشة 
هاتلي نار علي فحم شيشية
هاتلي طولة
امي دي فكراني طيشة
لا ده انا راجل بشنبي 
بصوا دقني
واما جالي الحزن دقني
والزمان خد مني خانة
الدوا اللي عندي امي 
مش لاقيه ف الاجزخانة
كل ليلة كنت برجع
والدعاة صالبلي ضهري
والتعب فارد طريقي
والسنين بتقولي اجري
فـ الزمن عمال بسابق
بلتقي بحضن بفارق
زحمت الدنيا خدتني
مفتكرهاش الا لما بس الاقي الاكل حادق
انت فين مش عارف اكل
اقعدي جمبي تعالي
اسمعي اخر المهازل
مرة واحد حب ينجح قاله عنه لا ده فاشل
مرة واحد حب واحدة 
بس سبها لانه عاطل
قاله عني اني شبهك
قاله واخد شكل شعرك
ضعف نظرك
والسنان البايظة منك
ياما جرحوني يا امي وبدعاكي جات سليمة
هما لما يقولو عني ابن امي دي شتيمة
كملي جميلك يا امي وبعد عمر طويل اووووي 
روحي للرحمن قوليله ان ابني بيحبني اوووي
ياما زعلني وسمحته
ياما زعقلي وكان يكفيني بس اشم ريحته
كان بينسي يقولي شكرا وانا بديه من حياتي
بس انا وانت اللي عالم كنت بدعيله يوماتي
ربنا يهديه يسمحه 
كان كتير يصعب عليا لما اشوف ف عيونه جرحه
مهما يعمل
لسه ابني اللي كان ف اللفة خايف
مهما ينطق لسه سامعة ماما من اصغر شفايف
كملي جميلك يا امي 
وروحي للرحمن قوليله
هو ابني امتدادي
هو نور عيني اللي شبهي
واما جيت اكتب عن امي
برضه كل كلامي عادي

كلمات والقاء الشاعر عبد الله حسين

لمـــا جـيــــت اكـتـــب عـــن أمــــــى

يا شايلينكوا على الاكتاف
 بننعى دمكم بهتاف
 و ندعيلكوا
 غموس الناس و عيشها الحاف
 بيدعيلكوا
 و درس العربى ف الأرياف
 بيدعيلكوا 
 و كل جنية زيادة ف جيب
 موظف هيئة الإنتاج
 و ابنى اللى ف علم الغيب
 و أمى اللى حتلقى علاج
 و أرض المعتقل لما
  حتفضى.. أكيد حتدعيلكوا
 و كل ظلومة ما اتظلمتش
 و كلمة حق ما اتكتمتش
 و كل قلم نِقِص ف القسم
 و كل علامة مش ف الجسم
 بتدعى لكل وش و إسم
 من اللى عندكم ...منا
 يجوز حيكونوا من جيلنا
 يجوز حيكونوا أولادنا
 يجوز حيكونوا م الاتنين
 لكن ندرن عليا و دين
 لا تيجى عيالنا تشبهكوا
 تبوس على رجل أصغر شاب
 و ترفع رايته زى ما حب
 و تحفظ صم أساميكوا
 و من آخر نفر فيكوا
 لأولكوا
 حتدعيلكوا

كلمات  مصطفى ابراهيم 
اداء محمد محسن

محمد محسن - بندعيلكوا - افضل اداء


نشبه لايه
نشبة لاى اتنين يحبوا وما يقولوش
نشبه لايه 
للى خايفين يحلموا فمبعيشوش
وملقوش طريق يتقابلوا فيه 
نشبه لايه 
نشبه حكايات عشتها او حلم ناقص وانتهى 
نشبه حاجات مش وقتها 
او جرح متعود عليه
نشبه لايه
برغم ان الكلام عن الحب من نظره كلام متعاد
وبان الصدفه احيانا بتبقى بالف الف ميعاد 
ورغم ان الكلام اصلا بينقص حاجه كل ما زاد 
ورغم انى جدع وتقيل وعمرى ما اقولها بالساهل
انا نفسى اقولهالك فى اول مره نتقابل 
فلو كان المكان يسمح وست الكل لو تاذن 
انا عايز اقول انى بحبك من زمان جدا


كلمات مصطفى ابراهيم 
غناء واداء محمد محسن 

محمد محسن - نشبه لإيه - من زمان جدا


نقدم لكم اليوم الانشودة الرائعة "هزتني نسمات الليالي" للمنشد اليمني محمد مطريمني مواليد صنعاء 1977 بداء مشواره الفنى منذعشرسنوات له مشاركات محليه ودوليه ذواق فى اختيار الالحان والكلمات الرائعه
واسمه بالكامل محمدقناف على المطرى متزوج ولديه 3 اطفال


*معلومات عن الانشودة *

الرؤية الفنية : خالد الضياني - محمد مطري .
كورال: أحمد عفت - صالح المطري - عصام العصامي - خالد مفلح


*كلمات الانشودة*

هزتني نسمات الليالي فتراءى ببالي طيف آلام مرير


أبكتني صرخات الأيامى وأنين تنامى حول قيد وأسير


:::


تكويني شهقات الثكالى طعنات توالى دمعة الطفل الغرير


مديني يا شراع الزمان لربوع الأماني لمدى زاهٍ منير


:::


يا أنسي يا نفائح نفسي فيكِ ليلي و همسي ودعاء المستجير


من يدري يا صبابة صدري أرى ميلاد فجري يعقب الليل المغير


:::


عيناها نزفها مشتكاها حزنها وبكاها مسجداها والمسير


سألاها عن بقيايا رؤاها أين يرنوا مناها فأجابت بالقدير


:::


من قلـبي يا حبيبة قلبي بت ادعو لـــربي أن يواسي و يجير


من روحي يا رفيقة روحي جئت كي لا تنوحي أنت من روحي الكثير


هزتني

قصيدة سأموت يوما للشاعر الكبيرة عبدالعزيز جويدة 
من القاء M.A 

كلمات القصيدة 
سأموتُ يومًا
ويُقالُ إني
مِتُّ مِن دَفَقاتِ حُبْ
سأموتُ يومًا
ويُقالُ عني
ماتَ مِن خَفقانِ قلبْ
أنا أكتبُ الآنَ الشهادةَ
مُعلنًا أسبابَ موتي
قبلَ موتي
مُتحديًا بالقولِ هذا أيَّ طِبْ
لا تَعجبي مِما أقولُ حبيبتي لا تَعجبي
فأنا بِحُبِّكِ أستشِفُّ الغيبْ
أنا عِشتُ أرصُدُ بينَ عينيكِ الكلامَ
وأنتِ تَحترقينَ حُبْ
عُودي إليَّ وزَمِّليني..
عَلَّ روحي مرةً أخرى تَدِبْ
أو علَّ جُسماني يراكِ الآنَ قادمةً
فينهضَ أو يَشِبْ
مازلتُ يا عمري أُحبُّكْ
مازلتُ في عينيكِ صَبْ
فهلِ المشاعرُ حينَ يَكسوها الترابُ
يصيرُ للأمواتِ قلبْ
واللهِ قلبي لم يزلْ بالحبِ يَنبِضُ لم يَزلْ
حتى كلامُكِ لم يزلْ في مَسمعي
عَذبًا ورَطبْ
فأنا أراكِ
بِخاطِري..
أبدًا حُضورًا طاغيًا
بالرغمِ أني
قد غدوتُ الآنَ غَيبْ
***
إن كنتُ فارقتُ الحياةَ
ولم يَعدْ مِني أثرْ
إن كانَ لا يَبقى لدينا
غيرُ حُلمٍ وانكسرْ
مازلتِ أروعَ مَن رأيتُ
ومَن عرفتُ مِن البشرْ
هيَّا أقرئي لي بعضَ شِعري مُنيتي
حتى يَصيرَ الشعرُ هَمسْ
شفتاكِ تَحتَضِنُ الحروفَ تُذيبُها
وتُحيلُها خَمرًا وكأسْ
فيُطلُّ مِن عينيكِ نورٌ
بينَ أعماقي يُحَسْ
أنا رغمَ موتي، رغمَ بُعدي
لم يَزلْ في داخلي
إحساسُ أمسْ
أنا ميِّتٌ لكنني واللهِ يا عمري أُحِسْ
إن كانَ قبري يَنتفضْ
لا تَعجبي
هي لحظةٌ فيها الحنينُ يَمَسُّني
يا ويحَ قلبي إن يُمَسْ
بالأمسِ حينَ أتيتِ قبري
وتركْتِ باقاتٍ رقيقةْ
نشتمُّ منَّا طيبَ عطرٍ
حينَ فاحَ العطرُ منَّا كالحديقةْ
إنَّ المنايا إن أرادتْ قهرَ جسمي
مستحيلٌ تقهرُ الروحَ الطليقةْ
أنا كنتُ أسمعُ ما نقولُ
ونحنُ نصرخُ
فوقَ بركانِ الحقيقةْ
أنا رغمَ موتي لم نَزلْ
في كلِّ يومٍ نلتقي
نفسَ اللقاءْ
مازلتُ أحمِلُ كلَّ يومٍ
عَشْرَ ورداتٍ وآتي
في المساءْ
أنا في جِنانِ الخلدِ أسكنُ يا حياتي
أبشري
كلُّ الذينَ يُقتَّلونِ مِن الهوى
عندَ الإلهِ جميعُهم شهداءْ
أنا لم أزل أُلقي برأسي
فوقَ صدرِكِ
كي أرى هذا الشموخَ
وعُنفُوانَ الكبرياءْ
مازلتُ أقرأُ عندَ عينيكِ القصائدْ
وأرى حروفي
حينَ تَجهَشُ بالبكاءْ
مازلتُ أهمِسُ: كم أُحبُّكِ
تَسكُتينَ مِن الحياءْ
أنا لم أزلْ طيفًا يَلُفُّكِ
في الحياةِ وبعدَها،
طيفًا يلفُّكِ كالنسيمِ وكالهواءْ
أنا لم أزل كلِّي أُحبُكِ
في تَحدٍّ للمماتِ وللفناءْ
فإذا أتى لكِ ذاتَ يومٍ طائرٌ
قد جاءَ يَلثُمُ في يديكِ..
فاتركيهِ كما يشاءْ
ها إنها روحي أتتكِ
فقبِّليها مرتينْ
ثم احضُنيها مرتينِ
وأطلِقيها في السماءْ

Mohamed Ahmeed

Popular tracks