واكتب عن الضمه وانا عمري ما اضميت..❤عاااااش جدا❤👏

بكتب عن اللمة
جت عكس ماإتمنيت
بكتب عن الحمّى
بردان .. وامتى دفيت
واكتب عن الضمّة
ونا عمري مااتضمّيت

بكتب وبتراجع
وامسح كلام مُفتعل
واكتم كلام واجع
علشان مازدش الزعل

بكتب عن الماضي
وارجعله وانساني
كان نفسي تتغاضي
لو مرة علشاني

بكتب ومش لاقي
ولا فكرة جوايا
بكتب ، ومين باقي
يقراها ويايا
كان باقي كتير
ومشيوا مع الوقت
وعدوا هيبقوا..
نفس وعود كل اللي مفارق
وانت يـ عبيط بردك صدقت
قالوا هيفضلوا..
لكن عادي
كله مفارقك
فرقت ايه يعني المرادي؟!

يتكرر صوتهم ف دماغك
ف تشوف نفسك
زي ماوصفوك
مولود بنقص وعيب
بـ إيدين تملّي تسيب
بتخاف تدوم فـ تغيب
ومفيش بطل خوّاف
مش خامة الابطال 
ولا كنت يوم زيهم
علشان كدا محسوب
دايما مع الأنصاف
وعشان كدا بقيت وحدك
لا عُدت بتحكي وياهم
ولا بتهمّهم ف الاصل
يدوب كات فترة ، جه غيرك
ف قطعوا معاك حبال الوصل
ف خُدها نصيحة لو عايز
لا يُغرز فيك حدّ النصل
اصنع حواجز وحدتك
ولا تخرجش برّاها
ولو على حلاوة اللمّة
ماتتعشمش تلقاها
وماتآمنش لحد ابداً
بس قوله "مصدّقك"
شمسك اللي تدفّي قلبك
سهل جداً تحرقك

#محمد_احمد

Comments

محمود محمد

Khokha Saber

yasen yasser

Yousry Amin

Esraa Mayo