مابعد الإعجاب

Ahibbak Yani أحبك ياني.. ريما خشيش

قد ايه القلب يعشق - الشيخ امام

حميد الشاعري - بتحبني

ياقلبي آهـ .. || الشيخ امام

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خس
ولا شحط مشمرخ افندي معاه عود خلفة ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريس

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريس

ولا واحده فى وش الفجر تبرطع مالية الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريس

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وخناق ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريس

ولا شفتش ده اللى بلاسة وده اللى بعمه وده بطربوش
ملابسنا يا ناس تشكيلة تعد أصحابها ما يتعدوش
والنكتة ان احنا قراشوة وضحكة وشاطرين في التهليس
هتجن ياريت يا اخوانا ماروحتش لندن ولا باريس
 
ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريس


ولا فيش ميت الف جعيدى بتوع يانصيب هاجمين ولا فيش
ميت الف معوض هاجم جاي معاه صندوق ورنيش
والله كرهت القهوة وحرمت اقعد ع الافاريز
طبعًا هتجن يا ريت يا اخوانا ماروحتش لندن ولا باريس


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريس


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام

حلوا المراكب - مسبوقة بارتجال التوديع- باريس 1984

يا شمس يلّي هالّة- الشيخ إمام

أوعى تفكر او تتصور
يوم اشتاق واحن اليك
كنت أتمنى انى اتهنى
كنت أتمنى انى أتهنى
لكن انت الحق عليك
أوعــى تفكر

طبعاً عامل نفسك ناسي
شوق وفراق وسهر ودموع
ولا ع بالك حب يا قاسى
ولابتحِس بنار فِ ضلوع

أبداً أبداً عمري ما اسلِم
كده احسن لي ومش حتكلم
ولا حتألم ولا حتندِم
أوعي تقولي لسه شاريك
كنت أتمني انى اتهني
لكن انتَ الحق عليك

فاكر يوم ماحلِفت بحُبى
انك آية فِ الاخلاص
فاكر يوم ماغدرت بقلبي
أنا ياحبيبي توبت خلاص

أبداً أبداً عمري ما اسلِم
كده احسن لي ومش حتكلم
ولا حتألم ولا حتندِم
أوعي تقولي لسه شاريك
كنت أتمني انى اتهني
لكن انتَ الحق عليك


اوعى تفكــّر- الشيخ امام

الشيخ امام عيسى - على بحبو ياعينى ياليلى اللى مسهرنى بطول الليل
من تسجيلات فرنسا
Theatre des Amendiers - Nanterre

الشيخ امام عيسى - على بحبو ياعينى ياليلى اللى مسهرنى بطول الليل

الشيخ إمام - عشانك اركب الصعب

الشيخ امام
موشح
تذلل لمن تهوى فليس الهوى سهل
--------
من تسجيلات عصمت النمر
http://misrfone.org


الشيخ امام - تذلل لمن تهوى فليس الهوى سهل

 محمد محسن يغني رائعة سيد درويش "والله تستاهل يا قلبي"
 عود اللبناني رامي يعسوب
كلمات : عبدالحميد الديب 
 ألحان : سيد درويش


محمد محسن - والله تستاهل يا قلبي

وبتسأل يا حبيبي .. عفاف راضي

دنيا جديدة - عمر خيرت و ايمان الطوخي

----
من تسجيلات عصمت النمر

الشيخ امام عيسى : عدى الهوى عدى ميل هنا.. هنا وهدا

جددت حبك ليه


ام كلثوم
كلمات: احمد رامى
ألحان: رياض السنباطى
غنا: أم كلثوم
إنتاج: 1952
جددت حبك ليه ... بعد الفؤاد ما ارتاح

حرام عليك خليه ... غافل عن اللي راح

ده الهجر وانت قريب مني ... كان فيه أمل لوصالك يوم

لكن بعادك ده عني ... خلى الفؤاد منك محروم

يا هل ترى قلبك مشتاق ... يحس لوعة قلبي عليك

ويشعلل النار والأشواق ... اللي طفيتها انت بأديك

دانا لو نسيت اللي كان ... وهان على الهوان

اقدر أجيب العمر منين ... وارجع العهد الماضي

أيام ما كان أحنا الأثنين ...انت ظالمني وأنا راضي

صعبان علي اقول لك كان ... والحب زي ما كان وأكتر

وأفكرك بليالي زمان ... وأوصف في جنتها وأصور

انت النعيم والهنا ... وانت العذاب والضنى

والعمر أيه غير دول

أن فات على حبنا ... سنه وراها سنه

حبك شباب على طول

انت اللي فات بنعيمه وراح ... وفات لي طيفه في خيالي

أسهر معاه الليل سواح ... عايش على العهد الخالي

وأنت اللي فات بضناه وشقاه ... وساب لي ناره في ضلوعي

ان مر ع الخاطر ذكراه ... تنزل من الوجد دموعي

يا اللي قضيت العمر معاك ... أرضى بجفاك واتمنى رضاك

انت النعيم والهنا ... وانت العذاب والضنى

والعمر أيه غير دول

أن فات على حبنا ... سنه ورا سنه

حبك شباب على طول

يا اللي هواك في الفؤاد ... عايش في ظل الوداد

انت الخيال والروح ... وانت سمير الأمل

يجيني الزمان ويروح ... وانت حبيب الأجل

وأزاي أقول لك كنا زمان ... والماضي كان في الغيب بكره

واللي أحنا فيه دلوقت كمان ... ح يفوت علينا ولا ندري

ولما أكون وياك ... هايم في بحر هواك

ما اعرفش أيه فات من عمري ... أن كان رضا أو كان حرمان

وأفضل وبس انت في فكري ... يا اللي بحبك زي زمان

جددت حبك ليه

الموسيقى لكل شخص ولكل مزاج، اتمزج في حزنك في الوطن في الفرح في الهشتكة في الخمارة.

قد ايه القلب يعشق - الشيخ امام

Mohamed Saad

Recent comments

‎ 𐙚 سَلمىٰ

فرحة صلاح

آسما

أيوب

Related tracks