جااااااااااااااااااااااااااااامد فشخ

انت من اسعدني اليوم انت من اهديتني عمل اسمعه يوميا انت مبدع 

مواطن مصرى مطحون شايف حياتة سودة
اب و زوجة و اربع اولاد عايشين مع بعض فى قلب اوضة
اصل المرتب يبقى 300 جنية فى الشهر 
جرب تعيش مكانة يوم واحد هتحس بمعنى القهر

مـ ال 300 جنية ادفع منهم ماية ونور
مـ ال 300 سد ديون وراة بعض تبور
مـ ال 300 جنية  ادفع مصاريف علاج
مـ ال 300 جنية روح شغلك دة لو كان معاك

بـ ال 300 جنية عايزك تفرح قلب ابنك
بـ ال 300 جنية عايزك تحاول تستر بنتك
مـ ال 300 جنية ادفع مصاريف دروس تعليم
ال 300 جنية يكفة بس فى عصر المليم

ال 300 جنية مرتب اسمة قطم الدهر
ب ال 300 جنية ما تعرف تعيش لنص الشهر
مـ ال 300 جنية كل يوم بنحت فى الصخر
مـ ال 300 جنية عرفنا دوقنا طعم الفقر


يا كل مواطن مصرى اهلا بـ الحال الحصرى
فساد . ظلم . جوع . وفقر . مش تقليد دة كلة اصلى 
دة اسمة اجر وهمى والمطلوب انى اتقن عملى
احلام مؤجلة لحين ما يرجع نبض املى

الحد الادنى للاجور اتحط بدون دراسة وعقل
مش اكتر من فرقعة سياسة فاكر الامر سهل
ستة ونص مليون عاطل ، دة مش حق لاء دة باطل
عشت كتير فى حلمى اناضل ، خير بلدى موجود مش ظاهر

عشرين سنة مطحون فى الشغل والمرتب ما بيعلاش
ضغوط الحياة بى مشكلها العلاوة ما تكفهاش
انت بتاخد قرارك فى قلب اوضة تحت التكيف
عمرك نزلت شوفت ازى بيموتة لجل الرغيف

صابر مش اسم صابر دى صفة كل مواطن مصرى
تاية فى زحمة الحياة ، وغيرى سابق عصرى
اصل الحكاية دايرة وكل يوم موقف جديد
خد مثل صغير يالى عن ناس قلبك بعيد

تبداء القصة وبالتدريج فى فجر كل يوم جديد
حكاية مصرى فى بلدة فاكر انة هيفوت فى الحديد
بتبدى الحكاية انك بتكون مجرد طفل 
مش شايل هم بكرة والمسؤلية عندك صفر

تلف الديرة بيك والعمر يجرى قودام عنيك
شب فى بدايت حياتة والمستقبل كلة ليك
فجاة يلقى الشب ان كان مضوحك علية
عايش مسجون فى بلدة مكتفين ادية

من الممنوع انك تفهم احفظ بس خد شهادة
شخلل جيبك وانت تعدى وعلى نفسك اشرب قهوة سادة
خدت الشهادة اة بلها واشرب ميتها
مهندسين ودكاتره كان مين فيهم طال رحتها

عد كام خريج قاعد مستنى لسة على القهوة
اللى مستنى الوظيفة واللى فاكر هتجيلو على سهوة
واللى وصل الاربعين وعايش لسة من غير جواز
ماتت احلامة مفيش طموح شايف الحياة من ورا ازاز


ودة اب بسيط لاسرة عددها بس اربع افراد
عند استعداد جاهز للموت لو هيفرح الولاد
عايش ليهم مش لنفسة عايش يدوق فى طعم المر
صبر ع الصبر يامة ضاعت احلى سنين العمر

ابن فى تعليم عايز دروس فى بلد قاسية فيها نفوس
بنت ف عيد عايزة لبس شاف حياتة تسد النفس
عندة ابن شاب بيحلم يكون اسرة يفتح وبيت
علشان بس يربط عقدة عايز الف خيط وخيط

ع الوحش احنا اتعودنا نسينا طعم الحاجة الحلوة
كل شئ محصل بعضه ماشين نردد نفس الغنوة
تقلت هموم بقى فى مظلوم والحال اهوة بينا اتغير
حقك فين طب مع مين رايح فين دى حاجة تحير 

الفكر راح جوة عقول عايشة تسورد جهل 
بقت الحكاية عندنا عادة والموت بقى امره سهل
مسرحية مش كوميدية أبطالها شعب اموات وضحاية
خلص الحبر خلاص وصلنا ل اخر صفحة فى الرواية
                                        

Mostafa General - أحلام مؤجلة

Heya Fekra | هي فكرة
---
Verse1: Memo Ayman
Verse2: Thug Of Rap
Vocals By: MemoAyman & ThugOfRap
Recorded @GhostsBand Home Studio
https://www.youtube.com/watch?v=AuXeqVkcKsA
---
Chours :

هي فكرة هي ذكرى هي بس كانت انتي
في وشي اكتئبتي بس في وش الدنيا ضحكتي

Verse1 ( MemoAyman ) :

خلي الحياة تمطر طوب .. بردك بيجمد الصواعق ..
اعصار مشاعر غير مكانك .. و هم ثبت العوائق
سمّي شفايفك و قربيلي .. اغريني ب احتيال .. رغبتي تزود اللي بيننا ، رغبتك هدفها اغتيال
مين اللي بيسعى للتجديد .. مين اللي اتمنى الكمال 
بين ظواهر الطبيعة .. اتسألت ميت سؤال
لما بحرك ثار بموجه .. يعلى مده ويا جزره 
لما خفت منك انتي .. كل مشاعر قلبي هاجروا
كنت هم كنت قهر كنت بيت قديم و فقر
كنت غلاف كتاب الحزن نقطة دم ف كل سطر
مش هقولك اني بضعف .. ولا هقول خلاص تعبت .. كل كلامي مجرد ورقة مكتوب فيها زهقت ..
بحس همك و احس المك .. بس بقى البرود ف دمك .. 
نفس السم اللي سمتهولي .. اتقلب عليكي و برضو سمك ..
انتهت الحكاية الوقت عدى بينا و فات .. انتهى الكلام و بقى الحل لينا سكات

Verse2 ( ThugOfRap )

بعدد كلمات العشق كنت ببني و هي تهد
 بنحت في صخور و اصلح طريق مكسور و هي تسد
مقولتش ارجعيلي لأ بقول مش عايز اشوفها ولا حتى صدفه مش همشي خلاص تاني في طريقها 

كنت بتمناكي تبقي ام بنتي و ابني بس 
قلبك الخاين بطبعه عمره ما حتى بيا حس 
قلت اشرب يمكن انسى ان في يوم ناديت عليكي
اتاري كل ما اشرب الشرب يفكرني بيكي

مين حبك زيي .. مين خاف عليكي قدي 
مين اللما حس بالخطر رفض التحدي 
الوقت يعدي .. و استنى لوحدي 
مكانتش جمبي .. في وقت ضيقتي 

كنت  بموت 
علي صوت السكوت 
نام جوه تابوت 
مش هيفرف وقت الموت كلنا هنموت 
راجع الوعود شم في الورود 
كنت بحر عشق كنتي حوت
كان قلبك ساكن فيا بس قلبك بقى مطرود
 
لو فعلا  رايده .. او حتى كنتي عايزه 
يبقى اسمي بعد اسمك . مكنتيش تبقي خاينه
كانت الايام تمر .. كان مقابل الحلو مر 
بعد هروبي من سجن حبك قلبي اصبح قلب حر
يا ورده شوكها اقوى من قلب الكان حاببها 
يا اتعس وقت ذكرى مريت بيها ولا ناسيه 
حتى لو انتي ناسيه .. انا مش هعرف انسى
قلبي كان حرارته عاليه .. وانتي مشاعرك بردوا بارده
----
Enjoy <3 .. Ghosts Band 
©2014

هي فكرة

verse 1:mc khateb
قصه فكتاب تاريخ اصداروا من سنتين اتنين
بحور شعري ماتكفي تملي الحب بين كل سطرين
ثقه ف عدم اغلاق كتابي غير وجودنا ف قبرين
قلب فالصفحات انعدام الثقه واضح فالعين
حلمت حلم علي قدي اشوفك بالفستان
حلمت وعزفت حلمي علي اوتار كمان
حلمت بالحنه منقوشه حلمت بيكي فالكوشه
حلمت حلم جميل خايف ينتهي بأحزان
كنت ليكي كتاب حلول لما تقابلي المشكله
كنتي ليه اغلي فص ماس فدلاية السلسله
كنت ابتسم تبتسمي كنتي  تبتسمي ابتسم
كنا ف يوم جسد واحد ازاي الجسد يتقسم
كلامي مش تعبير عن اليأس لا في امل
ان كل شئ يرجع كل اللي كان يكون محتمل
كل فعل ماضي يبقي مضارع عايش بصارع
خايف ان الكتاب قبل الاوان يتقفل
chourse 1 : mohamed salem
دلوقتي انا فرحان اني بجد بعدت عنك
كنتي ماتستاهليش واساس حياتك هو غدرك
كنت باجي علي نفسي واستحمل كل كدبك
لكن انفجر البركان ومسح من دماغي صورتك
chourse 2 :mc khateb
دلوقتي انا فرحان يمكن تعود ايام زمان
دلوقتي انا مبسوط لما بفتكر اللي كان
ايام فيها كتاب حياتنا مليان بالألوان
طب ليه الاسود ساد امسحي بدمعة احزان
verse 2: mohamed salem
بشكي ع الورق احكي فاسرد قصة خداع
برسم بالقلم برود مشاعر رمز لحب اتباع
شعور مريب كل واقع اللي بينا خدعه
الحب كان جزء واتجزء علي هيئة كدبه
عاصفة وهم تمحي تذكار كام يوم بينا
رسالة ماضي وسط بحرهم غرق مركبنا
والحزن الشراع بيحكم عليا اني اموت بالبطئ
واشوف ف عيونك فرحه ف عز وقت الضيق
حبك انتهي مبقاش الدوا قلبي من القسا ارتوا
قرار اخدتوا اعدم ماضينا وذكرياتنا سوا
واللي صار لا انا ليكي ولا انتي ليا وده اختيار
ابعد واسيبك مع انسان شبيهك وده قرار
والحكم ف مدينة قلبي بأنسانه عنك بديله
شالت عني نار حزن هم وانتي لحبه ذليله
انتي مر الماضي وهي حلو وبسمة كل الحاضر
انا مش بكدب عليكي ده كلام طالع من جوا قلبي صادر
chourse 1 : mc khateb
دلوقتي انا فرحان يمكن تعود ايام زمان
دلوقتي انا مبسوط لما بفتكر اللي كان
ايام فيها كتاب حياتنا مليان بالألوان
طب ليه الاسود ساد امسحي بدمعة احزان
chourse 2 : mohamed salem
دلوقتي انا فرحان اني بجد بعدت عنك
كنتي ماتستاهليش واساس حياتك هو غدرك
كنت باجي علي نفسي واستحمل كل كدبك
لكن انفجر البركان ومسح من دماغي صورتك

برود مشاعر Mc Khateb Ft محمد سالم

لينا شما ميان .يما لا لا

كلمات - محمد إبراهيم 
ألحان - احمد ناجي 
توزيع - احمد ناجي

لينك تحميل - MP3 
http://www.gulfup.com/?4lHzfW
---


جواكى خوف جوايا شك ..
جوانا حُزن ودربكه ..
إتنين بيتقاسموا البُكا 
على كتف بعض ..
إتنين بيتعالجوا بدوا 
من فوبيا بُعد
خايفين لـ بكره يشدّهم 
يتفرّقوا .. فـ بيدّوا وعد 
مليون بحبك فإنطقى ..
و إدينى حلم أمسك إديه
و أمسك إيدكى معاه أوى 
علشان أعيش !
إدينى بيت ..
مش شرط يبقى أربع حيطان 
يكفينى جدا ضّمه فيها 
وعد منك متغبيش

---

internet - Social Media CN '-



Ahmed Nagy MAT3'EBESH - احمد ناجي متغيبيش

كلمات واداء :خالد صبحي
Mix&Master:AR Devile.
الكلمات..

كان ممكن اقول نصيحه وانا نفسي مبعملش بيها .
كان ممكن اسمع منك حاجه وكأني مسمعتهاش.
وفي الاخر مصيرك غير مصيري وكله ع قد عمله.
محدش في وضع التاني..ولا بيتحملله المه
................
ممكن تتقال الكلمه وفيها الزام بالتنفيذ.
اصله بيعرف اكتر والخساره مفهاش عزيز 
بس العناد ده طبع ولازم اتعلم بنفسي.
طعم النجاح من غير تعب بيبقي مر ومش لذيذ.

(1)
تكمن فروق!! لو انت بتكلم في نفسك.
نصيحتك هي نصيحتك ومصيرك نتاج لعملك.
و اودام نفسك ..انت متراقب بنفسك.
في وقت ضعفك انت بتقوم وبتحمل اسمك

(2)
ياعم كفايه فلسلفه واعملك حاجه مفيده.
كلامك ضعف ودليل اساسي ع خيبه جديده.
خليك واقعي انت مش هتبقي حاجه.
اشعارك تأثيرها ضعيف ولا بتقوي في الاراده.

(1)
اسمع مني..اسمع من واحد احلامه بتموت اودامه الف مره ومبتسم بكل قوه ولسه بيبني.

(2)
بتبني ايه بلا وكسه لو بتبني ف فكر هما ضدك يمنعوك ولو في طريقهم بيسدوك.
(1)
مش مهم.انا الاهم.
بكره هيقفو يشجعونى زي ماقبلهم هاجمني وفي الاخر جم.
اعترفو بفكري..مش فاكرني!!
انا اللي قولت عليا فاشل م الاحباط اللي كان قاتلني
وقفت ضدي وقفت ضدك حققت نجاحي بأسمك
مش هسامحك لو كنت مصدر ضعف ليا تاني حتى ولو بملامحك بتفكيري اللي بيا جامعك
خليك سند خليك سبب تقدم ليا انا مش عدوك
(2)
ماشي انا سامعك .وان كان عليا انا فاهمك.
والفرق اللي بيني وبينك مهما كان اساسه جامعك.
حط تفكيرك ف الناس اللي مش فاهمينك.
مفيش اعتراف بقدره ليك و عالرفوف راميينك.
اثبتلهم.
(1)
مش عايز..ومهما كان انا فايز.
وطريقي لو في وجودهم هيكون متكسر وبايظ.
(2)
خلاص غيرهم.
(1)
الفكره سهله !
ضعيف معرفش يثبت نفسه قام هرب منهم في وهله.
جبان بالعكس انا هثبت وهثبت لكل واحد فيهم اني اقادر اهزم الضعف اللي بسببهم قوه بتكبر.سفينه ف محيط ومهما علي عليها المج بتبحر.
.........
مش واقعي..الواقع مش واقعي.
انا بثبت اني اسف اني وقفت جمب ناس بدون سبب مرجعي.
ارجعي ياكل لحظه انا كنت فيها معاهم واقلبي العكس
او امسحي تاريخك وشوفي من غيري كانو هيبقو ايه بكل بساطه ودمعي ع حالهم من بعدي.
انا اللي اخترت البعد وسوقت المركب اللي تودي.
انا اللي مهما عاشو فوق حياتهم مش هيبقو قدي.
انا اللي خنت نفسي انا اللي خنتك.
انا اللي اسف اني مسعتش ساعتها كلمه منك!.
---------------
(2)
تعالي فلاش باك عالحظه دي ونسترجع منها.
تعالي افكرك نسيتني وسيبتني ساعتها.
اكلم نفسي .انصح في نفسي.
ياعم اسمع مني دا انت انا انت نفسي.


(3)

حسيت بالغلطه لما بعدو هما لما كنت بتكتب لجل هما يسمعوها.
..
الكلمه بتطلع منك انت كنز لاغيرك يستهلها.
الحرف لو اتباع بفلوس جمهورك ليه يقبض ملاينها.
عزة نفسي لما قولت انا جمهوري
ضعف لا دا الاصل مالبدايه للنهايه دوري.
..
مطلبتش ترحمينا.
ولاترسي علي مينا.
خلينا في وسط البحر انا قبطان بدون سفينه.

لكنك انتي خايفه يكون في بحرك خالد صبحي
ملكش فايده ياشراع مركبي من غير بوصله بتبص ع جزيريتها 
هكسر الشراع بكل قوه لجل لو لقيت البوصله يتفقد فايدتها.

اما هي ..كانت موناليزا عاميه في بورتريه من رسمي مش شايفاني من كل اتجاه مع ان وجودي كان محاوطها..

شوفت النهايه فين..
عرفت.لما تبعد عني بتتكسر..
لو رابط سعادتك باشخاص .لو مخسرتنيش..صدقني انا اللي هخسر.

 

موناليزا I monaliza (AR Devile Studio)

الدُخان بقى مالى البيت وكإنه..
شخص رزين بيحاول إنه ،
يخلق وجوده فى وقت الوجود بقى تايه
بين الصيف والخريف والشجر
بين الشِتا والسحاب فـ المطر..
بدأ الممثل فـ الفيلم القديم
يسحب صورة من ذكرى ماضية
وحِس حليم كان طالع من ركن شمال ع الطرف
فتح الظرف ، وبقى يقرا الآتى :
" الشوق من كُتر كُتره ، بقى وشه حزين
كان فين وقت الحنين لما غبت؟
أنا عمرى فـ يوم مافكرت أسيبك لكن إنتَ إللى سبت
جبتلك الحُب لحد عندك
لكن قلبك الغير مُتاح فيه الإحساس..
إنداس من فترة غايبة "
وفـ عز تركيزه مع الماضى ،
كان حِس حليم بيثبت وجوده عليه بالزور
" فـ حبيبة قلبك يا ولدى نائمةٌ فى قصرٍ مكسور "
إنسحب نحية الصوت بهدوء
وبدأ يهز الجرامفوم من تحت لفوق
لحد ماوقع جمب رجله ع الأرض
وسجايره الفرط بقت منتشرة ف كل مكان
ولع سجارته وبدأ يفكر مع صوت الأذان :
جايز الدُخان ينسينى هم الذكرى ؛
جايز الذكرى تنسينى مرض الدُخان..
الموت البطئ مفيش أصعب منه مرض
حتى السرطان مايعرفش يثبت وجوده عليه
مرّ برجليه ، وغمض لثوانى ثم فتّح عينيه
لقى كَدر المشهد بيعيد نفسه..
والمُشاهد بيعيَط على حاله
بيعيَط ع الإكتئاب إللى جاله من سنين فاتت
مذهول بالفيلم وتراكيبه!
بيعيـط على حبيبته إللى ماتت
وصحابه إللى ناكرين وجوده دايماً بالسؤال
أهى المشاكل حضرِت قبل الأسباب
أهو المبتدأ جه بعد الحال..
إدمان الوِحدة بقى شئ عادى
من غير أُسرة ولا حتى صديق
من غير سجاير ليل ولا أى شئ
شوفت يا صاحبى..
البيت الرزين إتحوّل لزنزانة فارغة
وحيطان البيت أصبحت أسوار عالية
لا مِنك تقدر تخَطِيها
ولا تهِد معانيها..
فكرتنى بشكل الفنان البُهيمى زمان!
كانت روحه بترسم الألوان
وشعره المنكوش متقصف فى كل مكان
من كُتر حُزنه ع اللوحة إللى راسمها
ماكنش نضيف..
كان مُجرد روح فِهمِت طباع البشر
نقدر نقول إنه إنتصر لما شافها فـ حياته داخلة..
الصدفة تجمعه مع.....
مش بنى آدمة..
كانت مُجرد روح خطفت قلبه فى أقل من ثانية
ساعتها الوقت كان واقف بين الدقيقة والتانية
كان شايفها ألوان وسط عالم إسود بهتان
بصتلها وقولت..
أنا إللى كنت دايب فـ تفاصيلك إمبارح
وفـ لحظة ، لفتلى بـ نص وشها
وأنا إللى فـ سرى قولت الله فـ وقتها
إزاى ملاك يمشى عادى وسط البشر!
قالت كلام كتير كله سكوت
وأنا إللى زى الطفل حسيت إنى من الفرحة هموت
مشينا طريق طويل قد الليل
وماعّداش قَلِيل ، كانت مشيّت فى لمح الدُخان
ومشى الفنان طريقه هو..
وقلبه كان بيرقص من جوة
والشِتا كان لسة بيحاول يثبت وجوده فـ وقت الصيف
عارف ياعم..
أنا نفسى أبطل غمّ ؛
من ساعة ماشوفتها وأنا عايز أرسِم فرحة
مانتوا ماشوفتُهاش لما كانت بالطرحة!
وإبتسامتها ف عِزّ حُزنها
وضحكة عينيها فـ وشها
وملامحها إللى تشبه فاتن حمامة فِـ فيلم عربى قديم..
ولا وحدتها وهى ماشية من ميامى لِـ جليم
ولا صوتها إللى يشبه حِس حليم
كُنت ساعتها قاعد..
والدم فـ مُخى فى التفكير فيها فاير
وفـ إيدى إزازة الڤودكا والسجاير
ولسة بفكر فى فراق شِتا يناير
والدُخان إللى بيتجسد ويتألِم فِـ الروح
والماضى إللى أصبح فُراق وجروح
لكن من النهاردة..
قرر يعيش بيها
يِحىَ بإبتسامتها وأراضيها
يحلم فيها ويتخيلها أمه ، إللى الظروف حرمته مِنها
أنا كُنت فين لما كانت فينها؟
وكُنت ليه لما كانت هى مش موجودة!
بس لما جدت وبقت فِـ حياتى..
قررت أقفل الحدوتة.

#فى_لمح_الدخان
4 jan.

فى لمح الدخان

-
لو عجبك متنساش السبسكرايب و اللآيك و الشير عشان تسمعني تاني قريب ♥
-
Follow Me | تابعني

غراب "
fb : https://www.facebook.com/subzero.code.5
Sc : https://soundcloud.com/salem001

-



الكلمات :



مَ بين هدوء وزآر . مَ بين جد وهزآر . مَ بين خان وصان 
مَ بين كآن وصآر . مَ بين دام وغار . مَ بين دخان وصآل
دة انا قلبي كآن دُكآن احزان ، وبآش شبع فصآل 
دة انا غلبي كان داكن اوهام ، ودآم وجع الأسرآر

بنام هروب ، بدآم عايش بين صراع وحروب
صدآع وحبوب . هلكان مغلوب . دآر كان مهدوم 
دا ركن هموم معزول . دآ كلام سم لكن معسول
دآ بلا دم عشآن مقتول . ودآ شآل عشآن مغلول

أجبر بخآطري ، اهجر وخلي حاجة افتكرك بيها
مش هتبقي عنوة أغنيها بين بآرات انا بنسى فيهآ
الذكـريـآت لو تبآن سآفيـهآ ، فـ انا بسعـى ليـها 
لآ كآنت سفينه . ولا حتى وردة مقطوفة آتدآس عليهآ

عشمونآ بكل اللي رآح .. 
قآلولنآ فِ اللي جآي هنرتـاح ..
وأنا مكدبهم بس هتلاقيني أبـان مصدق .. 
شوفت كتير خلاص ، دلوقتي ي صاحبي صعب اقلق

-

كل اللي كان جنبي . دلوقتي مل وسآبني 
كانت اكتافنا واحدة . و لما غيبت آغتآبني 
آستحملني واللي خلقني . اخوك تعبآن ي آبني 
طيب قولي مثلآ آحسآسك ، " لما أنا ههدم و أنت آبني
x2

-

صحآيآن من البدآري . انا بقيت بدآري . بضحك وعآدي 
في برك طين لحآلـي . برآكين في بآلي . ولسه هـآدي
محسوبك جـدع مرضـيش . يبيعـك فَـ يعيـش 
وعشآن مآفيش دافع اكمل بيه احسنلك مآتجيش 

كــدآب لكني بين نـآس بـرآس كـلآب مبترحمش 
مستكترين الليل ع آلسهـرآنين مع انه مبيطولش 
قلبي رآدهاا . انا تعبـآن وأخري نآدهآ مبتفهمش 
بـضـحـك ع الـوجع ده ، جـوآيآ وَش مآبيخدمش

تملي اتجرح وارجع تاني . آتسجن مآبين اغاني
اتآري كآن مكتوبلي آعآني . لحين مآتدوب كيعآني 
آنـآ متبقآلــيش ولآ غــآلي . قـول عـليآ وحدآنــي 
قول عليآ عشقت اللي آذاني ومسكت فـ اللي رمآني ، غبي 

غبـي وغبآئي مصورليش . ان اللي سآبني من غيري هيعيش 
غنـي بغنآئـي متصبرنيش . وادي اللي بآعني كآن حرآمي مرجعنيش
نبـي ودآئــي مـيـكفرنيش . 
ولو كنتي كعبه فـ انا قلبي من آل قُريش
-

كل اللي كان جنبي . دلوقتي مل وسآبني 
كانت اكتافنا واحدة . و لما غيبت آغتآبني 
آستحملني واللي خلقني . اخوك تعبآن ي آبني 
طيب قولي مثلآ آحسآسك ، " لما أنا ههدم و أنت آبني
x2

-

Artist : Salem Metab (غراب)
Rec & Mix & Master : Salem Metab (غراب)
Prod By : Muhammed Mahmoud
Video By : Bahy Mohamed
Poster By : Omar Yasser

Salem Metab - غراب Hush | بداري

اسكندريه مكان نازل غلط ع الأرض 
وِقعت يجوز مـ السما او جايه مـ الجنه
ولكنّها للأسف فيها لعنه للعشاق
والذكريات فيها دايماً تكون سامّه
اسكندريه مكان على قد ماهو جميل
ولكنّها بـ الليل بتجمّع الاشواق
واللي مشافش الفرقه على شطّها
يفرح لأنه مشافش لسه فراق
اسكندريه مكان على قد ماهو جميل
على قد ما التفاصيل راح تقتلك فيها
كل الاماكن فيها هتبصّلك 
و هتبتسم وتفكّرك بيها
واسكندريه برغم اوجاعها 
وبرغم ذِكراها اللي هتبهدلك
مهما سافرت بعيد و روحت وجيت
 الذِكريات هترجّعك ليها !

واسكندريه زمان كان طعمها مختلف
كات حلوه اوي علشان مبروحش من غيرِك
اتغيّرت دلوقت مـ الياء لحد الألِف 
من بعد ما طريقي بقى غير طريق سيرِك

سافِرت ليها لوحدي من كام يوم
قابلتني مُندهِشه و كأني حدّ غريب
ستانلي شافني يوميها وقّفني
و سألني عنّك ، قولت كله نصيب !

شارع فؤاد غلّبني في الاسئله
اول ما حَس بقلبي متعوّر
عيّط عشان شافني باخد سيلفي
من غير ما تبقي معايا نِتصوّر !

كان صوت عياط جوّايا مابيهداش
و كأن جوّا القلب فيه جنازه
مقدرتش امسك دمعتي خالص
اوّل ما خطيت رِجلي في بلازا

سيبت المكان من كتر اوجاعي
و طلعت برّا قررت آخد تاكسِ
مقدرتش امسك دمعتي برضو
اول ما قولتله خدني لـ "ستار باكس"

الاسطى شافني ساعتها فـ اتأثر
ولاحظت دمعه بتجري على جِفنُه
سيل العياط من عيني زاد لمّا
لمحت بعنيّا سان ستيفانو

معرفش ليه شُفتِك في كل مكان
وعنيّا زيّ رُصاصه راصداكي
معقول مفيش في اسكندريه مكان
إلا وليّا فيه ذِكرى معاكي !

مبقاش فيها مكان بيساعني 
والكل عاملني بقلة زوق
المنتزه حالِف ما هدخل فيه
والشاطبي شافني رفعلي حاجبه لفوق 

اسكندريّه اتغيرت جداً 
عكس اللي كانت ساكنه جوّايا
زعلانه منّي عشان سافِرتلها 
من غير ما تبقي يا حِلوه ويّايا
واسكندريّه حالفه ما ارجعلها
و لا ان رجلي في يوم تخطّيها
من غير ما تكوني انتي معايا !

الشاعر محمد ناصر - لعنة اسكندرية

واحدة تكفي 

بعض المجانين سيرفضون كل العروض للحياة الأخرى . 

واقع الآخر .. فرصة أخرى .. شعور أخر .. فتاة أخرى .. جنون أخر .. قصة أخرى .. هوس أخر ...

لا مكان لحلقة أخرى ، فواحدة تكفي ، واحدة تكفي

 فبراير لا تقع في الحب مجددا ، إلتفاتة واحدة لك ، ثم أصبح العنق مشلول  مجمدا ..

دفأ وحيد ونتوقف عن هذا ، ربما نتسبب بحرائق ، ما من توقيت أخر ، ساعتي تعترف فقط .. بقبل 10 دقائق .. ربما لن نرانا مجددا ، و القدرلا يعبث في أمور هكذا يا هذه .

لكني متيقن من وجود سبب مقنع ..

إذن فورًا تخلصت من كل شعور قلتِ هاته .. واحدة تكفي .. لن أشعر مجدداً نحوك .. جربت فيك كل شيء .. أصبحت خبير يا شيطان لنيقاس له هابله .. ما من مجددا .. واحدة تكفي ..

سألني إبني و من أبناء القمر هو .. 

أبي كيف أتيت إلى  الدنيا .. كيف سأجيبه الآن .. اللعنة .. و لأنه أصغر من أن يعلم بشأن تلك القوى أخبرته .. أن القمر يدخن وحينما نفضسيجارة سقطت على الأرض .. أنا .. 

رمادية واحدة تكفي .. لن أوقع المزيد من الهدن .. أنتهت السحب الغير رمادية .. واحدة تكفي .. تلك مشاعر كل ما يميزها أنها أصبحتملموسة مادياً .. رقصة واحدة تكفي لأعلم إن كنتي تجيدين الرقص .. أظهري كل براعتك .. آش يحب السطر الأول فقط .. لن يكون موجودحتى نهاية النص .. 

نظرة واحدة من لعبة الخفة .. تكفي لتثبت أن حتى الذكور خلقو بنقص .. غمزة واحدة تكفي .. لتخرج منك حيوانك .. تبا لغرائزك لم تظهر منكغير الضعف .. 

إكتفيت .. لا تتمتمي حروف إسمي أكثر .. لن أعود .. إكتفيت أمي ليس ذنبي الآن .. أنها تعتاد أن تسهر .. 

واحدة تكفي .. لتأخذ إنطباع عني صديقي .. واحدة تكفي أيضا لتأخذ إنطباع عن من يعتبر في جسد رفيقي .. إنطباعان في جسد .. إنطباعان منك لنا .. و انطباعان منا لك ..

 واحدة تكفي .. لنكتفي .. فراغ ..

 إجعل من جسدك محتفل .. تمرد ..

آخر و أخرى يتمنون لو يكتفوا بواحده .. قمر .. ما من متمرد آخر .. خلق العالم بواحد .. إستحق كونه متمرد .. ربما نحمل القليل من بعضنابعض أن ننتهي .. ربما نقع في حب التفاصيل .. نصف ضحكة .. نصف غمضة عين .. أنصاف أشياء .. أنصاف قمر .. ربما نحمل معنا مايجعلنا هم .. أكثر عرضة للتذكر .. الطوفان .. إرفعوا الستار و نحن " الأوبرا " .. يرتفع الصدى و القاعة ترقص .. فوق الخشب .. هو و هييتمايلان .. منعته حتى من أن يعطس .. الهدوء و التأمل .. إتفقا للتحرك على إيقاع كل أغنية .. و كليهما يرقص للقمر .. لن يتوقفا .. فالقمررأهما فأغريا .. كان يحملان تفاصيل بعض .. كلما لتصقت وجوههما .. عينه تحتل عينه .. أنفه أصبح مكان أنفها .. و القمر يراقب نجميهما...

العبث بالملامح .. تتبعثر الرقصة كلما اقتربنا ..

و تتناسق الأغنية كلها كلما فترقنا .. أرقص بدون ذراعي الان .. إنهما معها .. ذراعها الأنثوية لا تقوى على عناقي لكي أنفصل ...

خط قاتل فوق الخشبة .. الكل سمعها .. مامن جثت هنا .. الجثة لا ترقص .. الجثة تنفصم ..

 اخذت تسريحتي القصيرة الأن .. وأخذت ضحكتها الاستهزائية .. أخذنا العالم نحن وتقاسمناه .. فأصبح لكلانا منطقته النائية .. اخذتيالقليل مني .. فأخذتك كلك .. و لا أحد منا أخذ الحب اللعين .. لا تبتسمي .. لم نكن أهلاً له .

 لا أنتي ولا أنا و لا العالم أجمعين .. إذن واحدة تكفي.

واحدة تكفي

Title : Ana Elda7eya 
Arist : Mc Romio Ft Ahmed Raafat
Lyrics And composition by : Mc Romio 
Recorded & mixed @ Mc Romio Home studio .
Mc Romio fans page : www.facebook.com/mc.romiomusic?ref=br_rs

 verse 1 :
حسيت نفس الإحساس اللى رسمتو لنفسى من قبلك
 ف مسألتش نفسى ليه مش عايزك كاره حتى إنى أقابلك 
قدر نصيب أسيب تسيب برضه ف نفس النهاية
كل قصه باعيشها بطلها بيبئه ألم جوايا
مش كفاية بتجرحينى بتتباهى علشان سيبتينى 
عايزه ليه تشوفينى دلوقتى حابه فيكى تكرهينى 
كان نفسى أعرف أيه النهاية أهو أن الأوان 
شوفت اللى مابينا حبل وريد لقيته خيط مالدخان
فاللى كان إنى حطيتك ليا حلم وهو حلمه يسيبك 
ماجاش فى بالى كنتى عايزه تنسى بيا حبيبك 

corus :
مالبدايه كان نفسى أعرف أيه جواك 
حد غيرى حاولت بيا أنك تنساه 
فارقنى سمعت مبعتش بعت 
مكنتش ليا 
شايفنى ندمت خلاص وفهمت 
أنا الضحية

verse 2 :

سبتى إيدى ف وقت قياسى بعد ماخلصت التسلية 
شفت 100 سؤال ورا إبتسامتك الخبيثه ليا
بس عرفت الإجابه قريت فعنيكى إنك كدابة 
حبك ليا كان بيمثل دور أمطار مالهاش سحابه
وأهو كل حاجه مكشوفه
رسمة صورتك كان رسمو
مفتكرش إنك مكسوفه 
إندهيلى تانى بإسمو
خلصت أتفه حكاية .. مش هبص فيوم ورايا 
مش هتفرق مين فينا الخسران او اللى رفع الراية
عيشتينى فقصه تافهه تستاهلى أكبر مكافأه 
إتعلمت إن اللى يحب بجد يتشاف فى وضع شفقه 

corus : 
رجعتى ليه نصيبك فيه 
مكنتيش شايفه شىء بعديه 
وشفتى فيه حياتك بيه 
وأنا اللى حلمت أعيش جمبيك 
............................................
مالبدايه كان نفسى أعرف أيه جواك 
حد غيرى حاولت بيا أنك تنساه 

Oraby Ft Ahmed Ra2ft ( Ana Elda7eya ) - أنا الضحية

 محمد سالم الشهير ب دربكه
21سنه
طنطاوي وليا الفخر :)

برود مشاعر Mc Khateb Ft محمد سالم

Mohamed Ahmed Salem ✪

Recent comments

محمود وزة

Ahmed Alisawi

Osama Ramadan 22

abdo bakry

Related tracks