معرفش اعزف ولكن ... بحب صوت الوتر 
وعفقة الاماكن ... بريشة ايد القدر 

معرفش اعزف ولكن ... بحب صوت الوتر 
وعفقة الاماكن ... بريشة ايد القدر 

مع كل نغمه سامع ... صدى لصوت البشر
بحسه فيها طالع ... يلمس نور القمر 

معرفش اعزف ولكن ... بحب صوت الغنا 
وعفقة الاماكن ... لما توصل للسما 
معنى جوانا كامن ... من ميت الف سنه 

انا انا .. انا انا 
معرفش اعزف ... انااا

كلمات ودندنه و الحان ( لو اعتبرنا ان ده لحن ) : محمد علي 
(جوبا)

معرفش اعزف .. ولكن

العمر بيعدي و الوقت بيفوت 
بناخد وندي بعدين نموت 

العمر بيعدي و الوقت بيفوت 
بناخد وندي بعدين نموت 

واللي مات واسمه لسه فيها عايش
واللي صاحي واسمه مركون عالهوامش 

واللي مات واسمه لسه فيها عايش
واللي صاحي واسمه مركون عالهوامش 

وكله له كلمه .. سطر أو فكره 
كله له امبارح .. والنهارده وبكره 

وكله له كلمه .. سطر أو فكره 
كله له امبارح .. والنهارده وبكره 

كله ساب أثره يشاور عليه .. يشاور بذكرى 

وكله له كلمه .. سطر أو فكره 
كله له امبارح .. والنهارده وبكره 

وكله له كلمه .. سطر أو فكره 
كله له امبارح .. والنهارده وبكره 

كله ساب أثره يشاور عليه .. يشاور بذكرى 

واللي مات واسمه لسه فيها عايش
واللي صاحي واسمه مركون عالهوامش 

العمر بيعدي .. العمر بيعدي .. والوقت بيفوت 

كلمات : محمد علي 
ألحان وغناء : محمد علي 
(جوبا)

العمر بيعدي

قالولي من اربعين  سنه فاتو بلدك جابت النصر 
من عدو ادعى انه غير قابل للكسر

وكان مسنود ساعتها من اقوى دول العصر 
 وجنودنا قدرو عليه ورفعو علم مصر


وكتب جاهين والعندليب غنى 
كلام من القلب صادق مش فشر

والكل كان يتمنى
 انه يشارك في ساعة الصفر

لو مات يخش الجنه 
 ولو عاش كسب بقى هو النسر

************************

لما الكلام سمعته جسمي قشعر 
 ولقيت  من حقي بمصريتي افخر

بس بعديها قعدت شويه افكر 
 احنا كسبنا فعلا ولا ده كان منظر

في صور زمان خدناها واحنا بنعبر 
  وما نملكش الوقت الا اننا نتقنعر

والدمعه فرت من عيني على دم الشهدا الي اتبعتر 
 فدا لناس لا بتحافظ عالنعمه ولا هي بتشكر

صحيح الأرض رجعت لنا بس مفيش فيها شيء يذكر 
 طنشنا اهلها ,, وبعنا نصها ,, والنص التاني بقا للمنكر
وخدوها تاني مننا بس المرادي بالقانون ,, وكله متأيد في الدفتر

***************************

وبعد الدمعه ما حشتش نفسي وبكيت 
وقلبت في ايامي القديمه  بصيت

اما ماكنتش في البلد كنت بعيد 
وكانو بيشتموني يا مصري يا عبيط

سايب بلدك وجاي تشحت هنا  فحبيت 
 ارد عليهم ,, اعرفهم ماضيهم ,, ومين  رفعهم مالحضيض

بعدها اشتقت لبلدي وليها حنيت 
 ورجعت  عشت فيها وبيومين بعديها قلت يا ريت 
. ياريتني ما جيت

كلمات وغناء : محمد علي محجوب 
لحن مأخوذ من مصدر آخر

نصر أكتوبر _ راب

ألحان الراحل سيد مكاوي

موسيقي♫    يا مسهرني  ♫

كل راس سنه يمر علينا يؤكد تماما انه لا وجود لثوابت حقيقيه في اي اتجاه الا ثابت واحد وهو اننا اقتربنا من ميعاد اليقين .. اما عدم او ندم 

فلننصت للحظات ونتأمل ونترك ضمائرنا لتبكي قليلا

.Wadaa (bab l 7ara tracks )

بقايا حكايا من روايه لم تكتمل بعد 

تأليف وإلقاء : محمد علي  

ما بين براءه وانكسار .. يوجد طفل

انما الخوف من تلك الأحلام التي قد تتخلل رقاد الموت هو الذي يجعلنا نفقد العزم فنفضل عذاب الحياة ..

Mohamed Ali Mahgoub

Popular tracks