عزيزي اللي مات

Music : Soundtrack Series "Taraf Talet"
Lyrics : Ahmed Said Bukeir
‫‬Facebook Profile : ( https://www.facebook.com/ahmedsaid14 )
Performance : Samar Mohsen

*الجو غيّم
والسحاب قرر يثير بعض البُكا ..
نور السما بيبوش /
اللحظة دى ..
مُربكة*

ورق الشجر عَ الأرض ..
بيثور مع الأنفاس
معادتش باقية الناس .. معادتش باقية الناس ..

سألوا الرحيل مرّة :- "ماذا عن الإحساس ؟"
رد برحيل أكبر !

بسم البُكا ع الخَد ..
مهما اتهزَم يكتَر ..
بسم الفساد فِ الأرض ..
بسم المجال فِ العرض ..
بسم السفينة ..
والمدينة ..
والشوارع ..
والهوا ..
بسم الدوا ..
مليون عقار قبل الغياب ..
مليار عقار بعدُه ..
بسم إللى قالوا إحنا هنا ..
ومع الجميع بِعدوا ..
بسم اللا شئ ..
بسم الطريق ..
مليان حواجز مُهلِكة

*الجو غيّم
والسحاب قرر يثير بعض البُكا ..
نور السما بيبوش /
اللحظة دى ..
مُربكة*

النَص ده ..
آخر مجاز للحالمين
بالعوم فِ بحر المشكلة ..
آخر نداء للنائمين
جوّه إنفصام المسألة
النص ده ..
للّى لِعبوا الدنيا دومنة،
ومَكسبوش ..
كان معاهم كارت يلعب،
بس جَلّوا ..
النص ده ..
للّى ماتوا ومَنتهوش ..
للّى عاشوا ..
بس مَلّوا !

بكتب لكُم ..
من جوّه حُضن الإنطواء ..
كَم كانَ صعب الإحتواء ..
كَم كانَ كل المشتاقين خيفة ..
كَم كانَ فرط العشق داء ..
بلضُم بروحى فِ البواقى كأنما كل الخيوط إتيَتمِت ومعادش حىّ غير الفراق ..
برقص على السلم مزيج مِ الغربة والأوجاع ..
بفرد جناحى مُقيداً بالمُهلِكات ..
وبعتمة الليل والسكات ..
والخوف من الآتى الغريب ..
بفرد جناحى مُقيداً بـ فُتات باقيلى من الحبيب !

قال الطبيب :-
- يُعزَل عن الناس ، يُعزَل عن الأضواء ، يُعزَل عن اللمّة ..
وإن كان حبيبُه قُصاد عينيه / يُمنَع من الضمّة ..
يُحفَظ فِ لوح درجة حرارتُه أقل مِ الضَلمة ..
يُرفَع فى حال حَطّوه فِ محل مِ الإعراب ..
النور ..
يُؤدى لضيق المسافة ..
والشوق يُؤدى للإكتئاب ..
والمشنقة

*الجو غيّم
والسحاب قرر يثير بعض البُكا ..
نور السما بيبوش /
اللحظة دى ..
مُربكة*

أنا عندى عُقدة من القلوب المُرغمة بتحكُمات العقل ..
ومن الحنين لـ فُتات بشر مُسْتَنسخة ..
ومن السراب إللى فِ عيون العاشقين ..
أنا عندى عقدة من السنين ..
ومن البشر ..
ومن الآلات ..
ومن البنات ..
ومن الأمور الممكنات ..
أنا عندى عقدة من الكلام ..
ومن الحكاوى ..
أنا كرسى ثابت فِ القهاوى ..
وبسْتحرم قُعاد الناس على خشبى، فَـ يتجرحوا ..
بحُكم إنى مِلصّم روحى بالمسامير ..
ومستحمل يا دوب نفسى ..

أنا عندى عقدة وإنفصام نَفسى ..
وبكرَه توهة التفاصيل ..
وبكرَه Zoom على وشى ..
يبيّن كُفرى بالتأويل ..
وبكرَه كونى متحجّم ..
فِ جسم عويل ..
وبكرَه زحمة المترو ..
وبكرَه زَهر بيعاند ..
وبكرَه فجر بيساند فِ بِدء اليوم ..
وبيفاجئَك بـ غيب معلوم!

***
النَص ده ..
بالنسبة للّى شاف فِ ضيق الكون براح ..
مالوش لزوم ..
هيشوفُه فيض مِ الهرتلة ..
أو ما تبقى من فُتات شاعر ..
قرر رحيله إلى الخَلا..
***

باقيلى مِ الحياة صورة ..
بتلعَن مُهلِكات النور ..
وبتسلِّم على الغايبين فِ وِسع القدر ..
باقيلى من الفرَح عينها ..
وما تيسر مِ الصحاب ..
وما تيسر مِ البشر !

‫
‫#‏أحمد_سعيد‬

حضن الإنطواء - أحمد سعيد / أداء صوتي - سمر محسن

قصيدة كواليس علاقة منهية
كلمات واداء || علي أحمد
تسجيل|| Swaneez studio
هندسة صوتية ||جوهر

كواليس علاقة منهية || علي أحمد

السماء الأولي - elsama2el2ola

١١ نوفمبر || Muhamed Amer

علاقات وهمية. - روز مؤمن.

" الخيط " 

فـ ركن فـ قلبي غرب النِيل

لقيت اتنين فـ وَّسط افّراح
فـ واحد كان نصيِّبه سراب
وواحدة كل ما بتضحك
تزيدنِي جراح ..

فـ نفس المشهد الهزِّلي
لمحت البنت ماسكة الخيِّط
بتَّسحب شخَص من الضفة
لاخر نقطة وَّسط غريق
و دنيا ماشٍية تدريجي
انا كان نفَّسي لو تيجي
و اعلق حلمي ع كفك
بدال ما اشوف فـ حٌضنك موت

كأّني كنت وحداني
كأنِك كنتّي منعاني
من اخر لقطّة فـ القصة
فـ جيتي فـ شكل َّسرب حمام
و ليه بتّعلم الطيران
مانا اصلا مليش جنِاحات
و ليه ببكي ع الازمَات
و صوتك نفسه يشفيني
ما يكفي من اللي فات وجعي
بعاتب نفَّسي كل نهار,
و اقول فيِّنك و اقول فيِّني

فـ ركن فـ قلبي غرب النيل

بيلمَس روحها كل صباح
وانا يعني مانيش شايف
فـ طلة بنِت تشبهها
لأي صباح
نصيبك .. وقت ما بتفِّرح
تلاقي جِراح .. 
تلاقي ذنوب تداوي عليل
و وردة فـ قلبي كات ماتت
بدمعة الحزن يرويِّها
ده اول وصف يشبهِها
بموت الورد فـ عينيِّها 
يقيني قل من دونِك
مشوفتش فـ السمَا نورك
بَّساير قلبي ع النَّسيان
و اسيب الدنيِّا و ازورك 

فـ ركن فـ قلبي غرب النيِّل

لقيت عيِّونك رسمة ع الشباك
لقيِّت حكاوي من هنِا و هناك 
و لقيت غيِّابك علم الحاضر 
اياه يأمن لو مرة حب مَلاك

و لقيتّني وحدي .. 
وحدي شايل حٌزني ع كتفي
وحدي راسم ضّحكة من همي
وحدي ماسك طيِّفها ع كفي
وحدي لكن قلبي شال حزني
وحدي يمشٍي العمر و يعدي
وحدي بمَّسح دمعي من خدي

وحدي احايِّل نفسي واعيط
وحدي اجّـمل روحي فأتخيِّط
وحدي وحدي دون ما قلبي يميِّل ..

كان خيِّط و مرمي جنب شط النيِّل.! 🖤

#مـحـمـد_عـامـر

الخيط || Muhamed Amer

غمضت عيني فـ مكان ما 
و لمحت صورة ساكنة جوايا
لملمت روحي من قصاد الباب
و سحبت اوكرة قلبها معايا

و سألت روحي ..
ازاي تروحي فـ شط بحر غريق و تغويني
حزنك الخام أكل حتة من عيني 
ف ازاي بدون ما تبرري لوجعي
رمتيني غلطة فـ وسط بحر الشوق
بصيتي ضاحكة من بعيد ع الموت
و قولتيلي عيل نفسه يتعلم
مانا يعني عيل بس بتألم
ساعتين وبرجع للبراح بهدوء
فـ يتم نقلي من ضريح الموت
لـ ضلوع بتسكن بحرك المالح
انا ليه بعلم قلبي يتسامح
و يعيش ضحية وسط شعب رجيم
انت الذي أدخلتهم و أمنتهم
وقصدت عمدا حبكة التأليم 

بوصفلكم / سرب المواجع لما يهل الليل
و نصيبي لدغة لعقرب الوحدة
مشوار مأخر يعني من مدة
غربال فـ قلبي بدون وجود شدة
والحزن طايل كتفي بيشدني

ضحك الملحن لما عزف الكورد
والقاعة حسمت مشهد الجمهور
ازاي ببرر حزن كان مأمور
واختار طريقي بدون وجود قفلة
قد خاب قلبي لما قالوا له ضعفت
و لقيتني ميت بس من الغفلة 

الهوي ويا الجراح
اتنين شقايق بس مختلفين
و دموعي واقفة فـ جمعهم تالت
الحزن عوض فرحنا الفالت
سالب نصيبي فـ موجبك سالب
والحسبة ناقصة و البشر واقفين

ابانا الذي فـ السماوات
قد شاب شعري من الفراق و الشوق
كان نفسي مرة ازور مقام قلبها
و لقيتني صدفة طلعت عندك فوق 

البحر ٢

البحر ٢ || Muhamed Amer

Mu'hamed Amer - محمد عامر

Recent comments

مصطفى امين

مصطفى امين

Menna A Elshiekh

Sabren

Related tracks