Hope

نفسى اعيش فى فيلم قديم

من احب القراءات الى قلبى

الجزء السابع والعشرون بصوت الشيخ محمد جبريل

ابوس  ايديكي قبل أي كلام 
فرض احترام 
وحق حُب ف يوم من الأيام 
كان هو أجمل حاجه ف حياتي 
واتلو السلام كالرجال أوقات مابيفارقوا 
اديكي حقك عليا ف الغياب تقدير 
انا شفت منك برضه حلو كتير 
والله فرق كبير بين اختلاف وخلاف 
احنا اختلفنا ويجوز مابقاش ما بيننا نصيب 
لكن ما بيننا سنين كملها رب حسيب 
والراجل اللي يعيب ناقص مالوش ذمه 
باسم الحاجات المهمه 
باسمك ف بدأ القول 
وباسم كل عزيز كان له مكان بينّا 
ماتزوديش اللي بيننا بجرح هـيدينّا
خلى الحاجات طيبة 
ووشوشنا مترتبة 
والصورة متركبة مطرح ما سيبناها
وبلاش يكون حُبنا موجه ركبناها 
لا كلامنا كان عادي 
ولا كنا زي الخلق 
من يومنا متخانقين 
من يومنا جوز مجانين ومشينا على كيفنا 
مانكونش ليه على كيفنا واحنا متفارقين !
مانكرش فيه أوقات بيكون شيطاننا صديق 
وساعات بنرمي كلام مايكونش كله بريء 
وساعات بنتوعد بحاجات مانعملهاش 
بس احنا جوانا ماشيين وماكرهناش 
عن نفسي مش كاره 
أنا باحكي عن نفسي 
وبرضه عن نفسي باتمنى وادعيلك
كل الهنا يجيلك 
يارب منديلك مايشوفش عمره دموع 
وتكون ليالي الرضا بالسبعه ف الأسبوع 
يشهد عليا اللي خلاني اشوفك احن 
اني حزين مع إن 
ده قرارنا واخترناه
بس الوجع منطقي وان كنا فضلنّاه 
فياريت تقولي غلط 
لكن أكيد ماقصدش 
وان يسألوني هاقول أهو ربنا ما أرادش 
هي جميلة قوي
ومنظمة وطيبة 
وذكية وجريئة 
وقوية وبريئة 
لكن مافيش رابط 
طلقة فراق صابت 
والعلة ف المتصاب 
وعشان مابيننا صحاب 
وبيننا ناس عارفين ان احنا كنا اتنين 
بس بخيال واحد 
خلينا متفقين نقول كلام واحد 
قسمة ونصيب وخلاص 
وهتفضلي ع الراس مهما السنين مرت 
مهما الخيوط كرت والعمر فات بيّا 
هتفضلي الملهمه والبنت ف النية 
المخرَج اللي لقيته ف دايرة مقفولة 
وأول ظهور فعلي 
للسيدة الأولى 
شمس الغرام البكر 
أول دفا بيمر ف سقعة الأيام 
وهتفضلي الدبدبة من زهوة البدايات 
ريحة حنين لحاجات 
يسألني عنك قلبي قبل النوم 
تسألني عنك ياقة قميص أزرق 
أو كرسي عطفتي مرة عليه وسندتي ايدك 
يسألني عازف ايقاع عن صوت مرورك جنبي ف الشارع 
ويسألني الغياب 
يؤسفني أفتح باب لا تجلسي خلفه 
وانتي الكلام كله من ياءه إلي ألفُه 
هنعمل ايه ف اتنين اتفقوا ف اختلفوا 
كل الحلول اللي كانت ممكنه اتعملت
معادلة واكتملت 
وربنا الغالب 
سالب وجعنا في موجب التفاصيل 
بتساوي صبر جميل على ذكرى بالسالب
سيبيني افضفض بقا 
دول كلمتين يعني 
كان جرح ووجعني وقولت ما بدالي 
وانتي ف جرح قديم قولتي مابدالك 
هابوس ايديكي احترام ان جيتي على بالي 
وانتي اسمحيلي ابوسها ان جيت على بالك 
دول برضه مش ساعتين 
دول عمر والله 
ده انا كنت علشانك بازعل مع العالم 
باتحدى كل الناس 
كنت ان تحوم سيرتك 
اضحك ويلقوني باصبح خفيف الوزن 
كنت ان يغيب اسمك يمُر فيا الحزن ويمد ف جزوره 
نتلاقي زي عليل لقى حد بيزوره 
وسط التعب والهم 
لو جيتي كنت أهتم واضغط على ألمي علشان مايوجعكيش 
وكنتي قبلة حياة تديني فرصه أعيش 
لولا شوية بُعد اتسللوا بالغلط 
وكبروا بغيابنا 
واتحولوا للبلاب ملفوف على بابنا 
لولا اللي نقلوا كلام وانسحبوا بالأيام 
ولولا تركيبتك 
ولولا تركيبتي 
لا كنت انا سيبتك 
ولا كنتي يوم سيبتي 
البعد ياحبيبتي كان حل ماله بديل 
غاب النهار واستنيناه ميت ليل
والوضع ده أحسن 
انا ناسي كل جراح مرت بايد منك 
انسيلي كل هموم عدت عليكي ف يوم 
قولي ده واد طيب 
بس الزمن جه عليه 
واداني ياما ايديه وسندت وأنا صافيه 
وهاقول دي ست النسا 
الطيبة الدافية 
بلاش نكون ف السوق ، سوق الكلام المر 
الحرة حبت حُر 
واتفارقوا بالأيام 
وابوس ايديكي بعد كل كلام 
يتقال عليكي او يكون عنك 
ماتزعليش وخلاص 
ولا يتزعل منك 
يا اللي انتي بيكي نسيت كل اللي كان بيغُمّ
يا طفلة ساعة اللقا أسميتها دوم دوم 
وقلبي من وقتها اتعلم الطيران 
واتعلمت تنورة تبتدي الدوران
أنعم وأكرم لقا 
لما الفراق بيطيب 
خليني ف التجربة 
أب وصديق وحبيب 
وقولي سيبنا وبس 
مش شرط مين بيسيب 
ماتفرجيش الناس على جرحنا المستور 
ولا كسرنا المجبور 
وصدقي حكمتي أو لوعة المكسور
اللي اتزرع ف الضل 
بيموت ف أول نور 
https://www.youtube.com/watch?v=l2h_NxD1GMs

El Sakia TV Concerts

كلام ماتقالش في جوابى الاخير - عمرو حسن

رابط الفيديو للمقطوعة الصوتيه 
https://www.youtube.com/watch?v=mczwsV-Wz-Q&list=RDmczwsV-Wz-Q&t=73

(André Rieu ) (Gheorghe Zamfir) & the tribute to the composer (james last )

الشيخ السيد متولى عبد العال من سورة آل عمران

لينك الفيديو للمقطع 
https://www.facebook.com/Mash3ur/videos/1854522274577496/

خليك فاكرنى ...ياسمين على

حبك الجبار ...نجاة الصغيرة

بكار جـ1 تتر النهاية .. محمد منير

ماتمنعوش الصادقين عن صدقهم 

ولا تحرموش العاشقين من عشقهم 

كل اللي عايشين للبشر 

من حقهم 

يقفوا ويكملوا 

يمشوا ويتكعبلوا 

ويتوهوا أو يوصلوا 

وإذا كنا مش قادرين نكون زيهم 

نتأمل الأحوال ، ونوزن الأفعال 

يمكن إذا صدقنا نمشي في صفهم 

الدنيا مالها ولا إحنا مالنا 

ولا الزمان نسانا إيه جرى لنا 

بقينا نحبس في الصدور سؤالنا 

ونحسد الصادق على صدقه 

ونقف بين العاشق وبين عشقه 

نهرب من الصافيين إذا بكيوا 

ونحسد الباكيين 

إذا ضحكواماتمنعوش الصادقين عن صدقهم 

ولا تحرموش العاشقين من عشقهم 

وإذا كنا مش قادرين نكون زيهم 

نتأمل الأحوال ، وندرس الأفعال 

يمكن إذا صدقنا نمشي في صفهم 


-------------- 

كلمات عبد الرحمن الابنودي 

الحان عمار الشريعي

ما تمنعوش الصادقين

حفلة الساقية 30/1/2019
لروحنا نعود ...ونبقى احنا..

لروحنا نعود

ستقف كثيرا امام روعة وعمق المعانى 
كلمات : سيد حجاب 
لحن : ياسر عبد الرحمن
دنينتا موجة موجب وسالب عرجة وعوجة مسلوب وسالب
وناس تعاند غاوية المقالب تيطالها تغلب تغالبها غالب
ياصاحبي حقك متسبش حقك .. شئ تستحقه ويستحقك
خد مستحقك ماحد حقك .. ومضاعش حق وراه مطالب
عقلك في راسك تعرف ميراثُُُُُك .. وافهم تراثك يصعب مراسك
وان درت راسك سهل افتراسك.. ده عداك قصادك لهم مخالب
ياصاحبي صبرك دي الكسرة جبرة .. صبرك لقهرك بيبقي أبرك
وان فاق وأدرك أطهر وأبرك .. أصبر وثابر وخد وطالب
دنينتا موجة موجب وسالب عرجة وعوجة مسلوب وسالب
وناس تعاند غاوية المقالب تيطالها تغلب تغالبها غالب

أغاني مسلسلات علي الحجار

دنيتنا موجة - من حفل  علي الحجار تتر بداية الوقف

وماشى بدور اضلم  و انور و وشك يحير اخاف لو قابلته فى يوم معرفوش

ميدلى ذئاب الجبل - علي الحجار - حفل أغسطس 2018

بدور عليكى فى كل الوشوش

يارب ...
ياللي سايبلي الحبل ع الغارب 
أنا غرقان ماليش قارب 
ومعرفتش أعوم وحدي 
وكل ما امدلك يدي
وتنشلني 
وأعوم شبرين 
إديا يفلفصوا الاتنين 
وأقولك سيبلي انا الباقي
تسيبلي الحبل ع الغارب 
تخش المية حلقي .. اشرق
فاصرخلك .. وأقول بغرق 
وأقولك عمري ما حسيبك 
فتنشلني 
أعوم شبرين 
إديا يفلفصوا الاتنين 
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
و انا لسه 
بسيب إيدك !

كلمات : مصطفى ابراهيم - لحن : شادي مؤنس - توزيع : محمد حمدي رؤوف

Ali Elhaggar

علي الحجار- يارب

عناية مركزة :

كل الجروح ليها دوا

يا طير يا طاير ف الهوا

اطوى الجناح على الجراح

وياللا نطير سوا

أنا مش هابيع الصدق بالأكاذيب

ولا أقولش للحمل الوديع يا ديب

ولا أقولش للديب يا أعز حبيب

والصدق مهما عز

فى الأزمة مش هاهتز

ساعات يكون كتم الأنين أصدق

وأنا مهما أقع راح أقوم

ودى مسألة مبدأ

كل الجروح ليها دوا

بيكدبوا الصدق أما الكدب يتصدق

يا ليل تطول

بكرة تلقى الفجر بيشقشق

أنا فى انتظار الصباح

أنا احتويت الجراح

وخلاص نسيت اللى راح

ومن جديد هابدأ

ودى مسألة مبدأ.

الجمهور يغنى مع على الحجار وفرقته الموسيقية  - كل 

مسألة مبدأ لعلى الحجار مع الجمهور

زى بقيت خلق الله
زى بقيت خلق الله
بحب الفرح وبغنى
وخاف للجرح يألمنى
بحب الفرح وبغنى
وخاف للجرح يألمنى
ومهما همومى تغلبنى
بقول الله
بقول الله
انا فرحان عشان قدرت اتنسم
واقول الله
والم همومى من الدنيا
واتبسم فى عز الاه
زى بقيت خلق الله
بصبر نفسى واتمنا
انا عشمان ومش ضامن
محدش ضامن الجنة
بحب الفرح وبغنى
وخاف للجرح يألمنى 
بحب الفرح وبغنى
وخاف للجرح يلامنى
ومهما همومى تغلبنى
بقول الله
بقول الله

خلق الله - علي الحجار

مفيناش من بكي علي الماضي , ولا عمر يضيع عالفاضي
القلب اهو لسه عايش , والدنيا اهو لسه قصادي
لو علي اللي جرحنا و فاتنا , اهو درس جديد في حياتنا
وإن كان علي تعبي معاه , اهو راح في ميزان حسناتنا
مفيناش من بكي علي اللي اذانا , البعد خلاص نسانا
احنا بتوع اللي بيفضل , احنا اللي بتوع اللي معا

Mahmoud Naguib

عمرو دياب _ مفيناش من بكى

"اني مسني الضر وانت ارحم الراحمين"
"رب لاتذرني فردا وانت خير الوارثين"

MOHAMED ATTIA

Popular tracks