العُمرُ يَحمِلُني سَعيـا إلي أَجلي
وما للعُمرِ منّي فَرضٌ ولا أَمرِ
رَأيتُ أَيامي سَواداً بلا أَمَلِ
وقَضيتُ أعوامي ليلاً بلا سَمَرِ
مَزَّقْتُ أَوراقي وبَكيتُ أحلامي 
وحَيَيتُ مهمومـاً مَوتـاً علي قدري
أصبحتُ لا أَدري مَعنيً لأيامي
افي الحياةِ أعيشُ ؟! أم احيا بلا عِبَرِ
كَتَبتُ أشعَاري في حُزنٍ ولا أدري
فالحُزنُ اعمَاني .. فلا نورٌ ولا بَصَرِ
قررتُ أن أرحلَ عن الحياةِ وأَمضي
فلا حَياةَ لمن في الأوهامِ قد عَثُرِ
أيا خِلِّـي لا تَغُرّنك بَسمَتي
فالوَجهُ مُبتَسِمٌ والقَلبُ قد بُقُرِ
قد فَتُرت قوّتي قد فَتُرَ عَزمي
فالبيتُ يقَتربُ وبيتي هو القَبرِ
ألتمسُ عُذراً مِن مَن يقرأُ أبياتي
فالحُزنُ قد هَلَّ والفَرحُ ف سُكْرِ
سَئمتُ كآبَتي والحُزنُ منّي 
قد شكا في طولٍ بلا قِصَرِ
ايا مُدَّعي الفَرَحَ كفَاك تَكَلُفـا
ففَرحُكَ في يومٍ والباقي في سَقَرِ
لا أكادُ اكتبُ حتي يسيلَ دَمعي
فالحبرُ قد جَفَّ والدمعُ في عُذرِ
يا ليلُ أتراني في ظُلمَتي ؟
فانا السَوادُ وانت صَاحِبُ القَمَرِ
قَرَأتُ قصّتي في كِتابٍ اسمُهُ
غريبٌ عن الدُنيا قَريبٌ إلي القَبرِ
فعَلِمتُ أنّي زَائرٌ لبَيتٍ وصفُهُ
كجُناحِ بَعوضةٍ وهو لي المَعبَرِ


#محمد_عزمي
______________________________

Mohamed Azmi : https://www.facebook.com/mohamed.azmi.315

Page : https://www.facebook.com/pages/%D8%AD%D9%83%D8%A7%D9%8A%D8%A9-%D8%AD%D8%B1%D9%81-%D9%84%D9%80%D9%80-%D9%85%D8%AD%D9%85%D8%AF-%D8%B9%D8%B2%D9%85%D9%8A/338947649621780?fref=ts

قصيدة رثائي - محمد عزمي

دي كلمات متواضعة كتبتها لدفعتي ؛ كانت بمناسبة نصف التخرج بتاعنا واتركبت علي أغنية الألتراس وايت نايتس بتاع شمس الحريّة وعملنا لها فيديو .
لينك الفيديو بتاعنـا علي الفيس :
https://www.facebook.com/mohamed.azmi.315/videos/vob.100001204033054/917760241607435/?type=2

____________________________________

غنّـوا لدفعتنـا دي أجمل دفعة في الوجود
قضّينـا نُص المُدّة وعدينـا الحدود
دفعتنـا هتفضل ديمـا دفعة الأسود (الورود)

عدّينا من غير ما نشيل
بوتاني ولا تحليلية 
والسكشن دة كان سئيل
نصحاله م الفجريّـة
ونروح ننااام
وسط الكلاام
ناخد غيابنـا 
وكله ف التمااام
~~~~~~~~~~~~
والميكروسكوب دة مش شغّـال هسقط يا نااس
السكشن كُلّـه مروّح وانا جبت جاااز
المعيدين بيبصولي وانا واقف محتااس

ولّا سكشن الأمان
في الفارما والأدويّة
بمسك بايديّـا الفيران
بلاقيه جري من تحتيّـه
فاري الجبااان
عايزك عشااان
اديك الحُقنة 
واعدّي الامتحان
~~~~~~~~~~~~
وفي قسم الميكرو ممنوع الهزاار
بنزرع بكتريا .. بنبوّظ الأجاار
المادة كبيرة يا ناس بتجيب انهياار

ولّا الدكتور المُعيد
ماسك الشيفت بعفويّـة
تخرج من جوّة سعيد
وخلاص بالشفا يا عنيّـا
قسم الخيااال
مفيهوش جداال
كل اللي عدّوا
دول اصلهم أبطاال
~~~~~~~~~~~~
غنّـوا لدفعتنـا دي أجمل دفعة في الوجود
قضّينـا نُص المُدّة وعدينـا الحدود
دفعتنـا هتفضل ديمـا دفعة الأسود (الورود)


#محمد_عزمي


page : https://www.facebook.com/pages/%D8%AD%D9%83%D8%A7%D9%8A%D8%A9-%D8%AD%D8%B1%D9%81-%D9%84%D9%80%D9%80-%D9%85%D8%AD%D9%85%D8%AF-%D8%B9%D8%B2%D9%85%D9%8A/338947649621780?fref=ts 

دفعتنــا

كل الأيام همّ وتعذيب
وفُراق ونَصيب 
وحاجات بتعيب
كل التغيير طالب تغيير
ويكون جَذري
جرّبت تغيّـر أيامك لـ نهار بيشوف ؟
جرّبت ظروف واحد غيرك 
جرّبت تقدّر للمعروف ..
ارجع من تاني لأيامك 
بُص لصورك جوّا الألبوم
شكلك بقي غير صور الذكري
ضهرك بقي شايل حِمل هموم 
فاكر أيام كنت بتَحَبي
وقتها فعلا ضَهرك مَحني
علشان يتعوّد ييجي ف يوم
ويشيل أحمال ...
متبدّل حالك من صُغرك 
من حال إلي حال ...
شايفك فرحان جوّا الصورة 
دة لأنك كنت عبيط يا أهبل
نَدّلت عشان تطَلَع ضحكة
واهو حالك دلوقتي بيوحِل
بتورّي الضحكة المبتورة
وبتخفي حاجات ..
لو جيت أوقات 
تحكي عليها
بتلاقي دموعك سابقة كلام 
مفهوم من وشك وملامحك
إنسان موهوم ..
والحال مهموم بفُراق أوهام !!
جرّبت تنام علي حلم جميل
مفيهوش كوابيس ..
جرّبت تجيب ورقة وترسم
كوشة ومسرح 
والناس بتهنّي وفرحانة 
وعملت عريس ..
كل دة مكبوت جوّا ظروفك
متحاوط بهياكل متاريس !!
حاول ترسم ضحكة بتضحك
اضحك ... اضحك 
يمكن من ضحكك 
تَطَلع دمعة تبكّينـا
وقتها نعرف جواك في اية ..
صُبّلنـا الشاي هنا خمسينة
نشرب علي روحك وجراحك
وبَرَاحك جوّا سُكات مؤلم
لو همّك فاض هيكفّينـا ..
عادي ولا يهمك انا سامع
هنحُط همومك علي همّي 
مهو اصلا دمّك من دمي 
بس انت محبّكهـا شوية
وعايشهـا ولا عيشة الميري !!
انا آسف جدا ع الإزعاج 
دة كلامي لنفسي مش غيري
حبيت انا بس افتح قلبي 
واصحّي جوّايا ضميري ...



‫#‏محمد_عزمي‬

___________

Mohamed azmi : https://www.facebook.com/mohamed.azmi.315

Page : https://www.facebook.com/pages/%D8%AD%D9%83%D8%A7%D9%8A%D8%A9-%D8%AD%D8%B1%D9%81-%D9%84%D9%80%D9%80-%D9%85%D8%AD%D9%85%D8%AF-%D8%B9%D8%B2%D9%85%D9%8A/338947649621780?ref=bookmarks

قصيدة "صوت ضمير" محمد عزمي

كلمات : نبيل عبدالحميد
https://www.facebook.com/nabil.ab7meed?ref=ts&fref=ts

أداء صوتي : محمد عزمي
https://www.facebook.com/mohamed.azmi.315

قصيدة (مذكرات أم حمادة) من ديوان أهرام الجمعة 
__________________________
من يومين ..
روحت للدكتور وقاللي
بعد ما شاف السونار ...
ربنا عوّض عليّا 
بعد طول الإنتظار ...

(2)
النهاردة يبقي فاضل 
ييجي اسبوع ع الولادة ...
قولنا هنسميه محمد
والدلع هيكون حمادة ...

(3)
اشترينا سرير صغيّر
كان معاه ألعاب كتير ...
رغم إني عارفة إني 
مش هسيبُه ف السرير ..
وإهتمامي بكل حاجتُه
خلي أبوه بادئ يغير ..

(4)
رغم وجع الحمل فيّا
والولادة القيصرية
كنت طايرة م السعادة ..
كنت أول مرة امسك
بين ايديّا ايدين حمادة ..

(5)
النهاردة مات بباه
سابني وحدي للي باقي ..
ساب حمادة وهوّة عيّل 
لسة داخل لـ إبتدائي ..

(6)
بعد مُر سنين شقايا
جه كرم ربّك زيادة ..
لما جالي وجاب ف ايدُه
ظرف ابيض فيه شهادة ..
م السعادي انا هبقي رسمي 
مامِت الدكتور حمادة ..

(7)
لسّة راجعة م المطار
بين حيطان البيت أعافر ..
سابني لأجل يشوف طريقُه
خد سنيني معاه وسافر ..

(8)
..........

(9)
..........

(15)
مرّ الوقت 
شهر اهو فات
لكن لسّه مفيش جوابات ..

(16)
..........

(20)
..........

(25)
عدّي شهور
عرض وطول 
جايز برضه يكون مشغول !

(26)
...........

(40)
...........

(50)
إبني حمادة ..
بكتب م المستشفي سلامي
مستنيه دُعاك بالرحمة
أول لمّا هتقرا كلامي ..
تيجي تزورني فـ مدفن أبوك
ويارب ما يقطعلك عادة ..
لو مش عارفُه
هيدلُّوك ..
إسأل علي قبر أُم حمادة ..


مذكرات أم حمادة - كلمات : نبيل عبدالحميد - أداء صوتي : محمد عزمي

سَنَلتَقْي ...
حتماً سَيجمَعُنـا القَدرْ 
أشتَاقُكي ...
عِشقـاً يَنُوبُ عنْ السَجَايـا والعِبَرِ
لا تَبرَحي حَبلَ الوِصالِ عن الليالي والسَفرْ
قَلبي كَفيفٌ دونَكِ 
وبذكْركِ يَهوي البَصَرْ
شاءَ القَدَرُ أن تَرحَلي ..
أن تَغرُبي ..
أن تُسْكِني ولهـاً يُأجِجُ مُُهجَتي 
يا وَيلَتي !! 
صَرحُ الفِراقِ غَدَا يُضَلِلُ فَرحَتي 
في سَاحَتي ..
قَلبي يَرومُ لحَالِكِ
في غَسَقٍ لَيلٍ حَالِكِ
يَأبَي الحياةَ سَعيدَةً من دُونكِ
عيونُكِ .. جُنونُكِ .. 
كُلُ شَئٍ بكِ يَخْطو بأَركَاني 
يَسْطو لحُسبَاني 
قدْ عشْتُ بعدَ غِيابَكِ مُتَسائِلاٍ من يَنتَصرْ ؟
من مُؤمِنٌ بالوَصلِ دونَ عَوائلٍ أمْ من كَفَرْ ؟
من سَبَّ إخلاصاً يَصُونُ المُلتَقَي أمْ من هَجرْ ؟
هيّا أجيبيني فصَمتُكِ نَاطِقٌ ؛؛
فنسَائمُ الأنفَاسِ تَعرفُ من جَبرْ 
..
يا أيها القَمَرُ المُسَافرُ نَحَوها 
لي عِندهـا ما عِندهـا
من فَرحَةٍ مَسَلُوبةٍ 
ومَشَاعرٍ مَنسُوبةٍ
ووثَائقٍ وحَصَائدٍ وقصَائدٍ
وكل شَئٍ كان يَسْكُنُ حَيّنـا ؛؛
فكُلُّ شَئٍ عِندَها مِلكي أنـا 
كُلُّ شَئٍ عِندَها كان هُنـا 
..
يا أيها القَمَرُ المُسَافِرُ حَيَّهـا 
حيِّهـا ..
وأقْتَبسْ لي صُورةً من وَجههـا 
وأشْكُرْ فَضيلَةَ ضَيِّهـا
إياكَ أن تَروي لها عن أيِّ شَئٍ قَدْ صَدرْ
أو أي قَولٍ قد ذُكِرْ 
وأمكُثْ طَويلاً عِندَها
تَمَلَّي من أركَانها
وسَأنتظرْ ...
.. سَنَلتَقْي .. حتماً سَيجمَعُنـا القَدرْ ..


#محمد_عزمي
https://www.facebook.com/mohamed.azmi.315

page : https://www.facebook.com/pages/%D8%AD%D9%83%D8%A7%D9%8A%D8%A9-%D8%AD%D8%B1%D9%81-%D9%84%D9%80%D9%80-%D9%85%D8%AD%D9%85%D8%AF-%D8%B9%D8%B2%D9%85%D9%8A/338947649621780?ref=bookmarks  

قصيدة سَنَلتَقي - محمد عزمي

يا بنت الناس أنا شاري
و رايدِك لأجل ما تحنّي
زَرعتك وَرد مشواري 
رَويتك عُمر من سنّي 
عيونِك فَرض إجباري 
تكَلبش قلبي تسجنّي
_____
ما بين كل العيون ديّه 
عشقت النظرة من عينك 
سنيني لو تكون ديّة 
ما تكفي لشوقي لحنينك 
..
يا قلب أبيض براح فاضي
أنا مُجرِم و أنا القَاضي
حياتي وعُمري لو ماضي
هكون راضي و أنا فـ حُضنك 
..
في بُعدك قَلبي متحجّر
ببَات فـ سكوتي متكدّر
تطول السكّة لو ترضي 
وتقصَر لو تطول أكتر !! 
..
يا راسمة فـ الفُؤاد صُورتِك 
يا جين موجود في تكويني
سُكاتي لو يطول جنبك
فصَمتك رَدّه يكفيني !!
..
يا بنت الناس

.

#محمد_عزمي

تهييس مُذاكرة ^^

يا بنت الناس - محمد عزمي

في مَسكة الإيد اللي سابت
كل حاجة بتختلف ..
لون السَما .. ضيّ القَمر
وَرد الجناين و الشجر ..
كل البَشر بتحسّ إنك وسطهم 
بقى ليك كيان ..
كات حاجة فايتة الروح
و جات تشفي الالام
ــــــــــ
في مَسكة الإيد اللي سابت
طعم الحاجات بقى مُختلِف
عربون محبة 
كان فـ إيدك و اتصرف ..
طعم الشفايف و الخدود 
لون البيوت و الأنتيكات
و حاجات كتير كانت معايا
فـ وقت ماكنتش أنا !!
فـ وقت مـ كان القدر 
شئ مُقترِف ..
في وقت مـ كانت بعيد ..
و أنا كنت مَلهي فـ دُنيتي
أو مُنصَرِف ..
أو مُنحرِف ..
كل اللي فاكرُه 
سيجارة كانت فَرحتي ..
أشربها و أنسى و افتكر 
و العن أبوها و الزمن ...
كل الطرق 
تشهد على دموعي 
اللي ضحكت
لأجل مـ أخبّي الوَهن ..
الحُب إيه 
غير سَهرة حلوة و ضحكتين
و سُكات يطوّل قعدتُه فـ لمسة إيدين
كل المعاني و السنين 
أخرتها إيه ..
فـ قلوب بتسكر بالعينين !!
و الحُضن يشهد ع اللي باع ..
و القلب يوصِد فكرتُه ورا حكتُه
يصبح كفيف 
مجرور ورا ذِكر الضياع ..
ــــــــــــ
مين اللي قال أن النهاية 
حلوة دايماً فـ القصص ؟!
مش شرط كلمة من إمام
تحمل سلام
أو حتى خير ..
مش شرط لمّا عيون تكفّ 
صاحبها يتقال لُه "ضرير"
مش شرط فُرصة تسعدك
تشبه كتير باقي الفُرص ..
القلب لو عايز يحبّ
يحترس ..
كل اللي باغي الحُبّ 
لازم يتقرص ..
الفِكر لازم يكترس
ــــــــــــ
في مَسكة الإيد اللي سابت
قلب يشفى .. و روح تطيب
لو عزمتوا الحُبّ بينكوا
افهموا معنى "الحبيب" ..
.............
#محمد_عزمي" 
https://www.facebook.com/mohamed.azmi.315


في مسكة الايد اللي سابت - محمد عزمي

أبيات من بُردة الإمام البوصيري
الفصل العاشر 
في المُناجاة و عرض الحاجات

يارب بالمصطفى - محمد عزمي

فاكر شارع بيتنا الضيق ؟
والصواريخ ايام العيد ؟
فاكر ام حسين و خناقها 
لمّا الكورة تقرر تدخل 
.. عند المطبخ جوا بعيد 
.. كنا عيال شبه العفاريت

فاكر أحمد صفوت طبعاً 
و الشعر في زمن التهييس 
و البلية الحمرا المعووجة 
و لوليتا و كيس شبسي بشطة
و المبدأ دايما تنصيص 

 العسكر بقوا م المحابيس

فاكر عمك قرني كويس 
كان بيغرق كل الشارع 
.. لما نقرر نلعب فيه
صوت المغرب فجأة اتغير من بعديه 
!! امتى ازاي مش فاكر ليه 
.. قالوا ده مات و المسجد عيّط لما اتشيّع من اراضيه 

انا فاكر كل العواميد 
و اللمض اللي اتكسرت منه 
و السقعة في وقت الفجرية 
و نوفمبر كل اما يشرّف
يغمزلي و يقولّي بتكبر 
و انا اقوله بطّّل ملاغيه
خليني صغيّر في الشارع 
اسهر و العب واجري و اقوم 
حاسس من وقتيها بجد 
اني صغير ساذج جداً 
!! ماكبرتش حتى ولا يوم 
طفل صغير حابب انه 
.. يصغر سِنّه كل ما يكبر 
و نوفمبر مايجيش في حياتُه
هذا الشهر اللي بيجبرني 
اكبر غصبِ عني سنين 
فات الدهر قوام وبسرعه 
وكبرنا من غير ما نحاول 
نعرف امتى ازاي و منين !!


محمد عزمي
للمتابعة على فيس بوك :
https://www.facebook.com/mohamed.azmi.315

نوفمبر - محمد عزمي

غزالُ البَرّ ـ محمد عزمي

بحب الشعر و المكرونة البشاميل 
للمتابعة على فيس بوك :
https://www.facebook.com/mohamed.azmi.315

Mohamed Azmi 4

Popular tracks