خد سنيني معاه و سافر :( ♡

رووعة مش ممكن مؤثرة جداً 

كنت اول مرة امسك بين ايديا ايدين حمادة ?

خد سنيني معاه..... وسافر!!!

خد سنيني معاه....وسافر...

كلمات : نبيل عبدالحميد
https://www.facebook.com/nabil.ab7meed?ref=ts&fref=ts

أداء صوتي : محمد عزمي
https://www.facebook.com/mohamed.azmi.315

قصيدة (مذكرات أم حمادة) من ديوان أهرام الجمعة 
__________________________
من يومين ..
روحت للدكتور وقاللي
بعد ما شاف السونار ...
ربنا عوّض عليّا 
بعد طول الإنتظار ...

(2)
النهاردة يبقي فاضل 
ييجي اسبوع ع الولادة ...
قولنا هنسميه محمد
والدلع هيكون حمادة ...

(3)
اشترينا سرير صغيّر
كان معاه ألعاب كتير ...
رغم إني عارفة إني 
مش هسيبُه ف السرير ..
وإهتمامي بكل حاجتُه
خلي أبوه بادئ يغير ..

(4)
رغم وجع الحمل فيّا
والولادة القيصرية
كنت طايرة م السعادة ..
كنت أول مرة امسك
بين ايديّا ايدين حمادة ..

(5)
النهاردة مات بباه
سابني وحدي للي باقي ..
ساب حمادة وهوّة عيّل 
لسة داخل لـ إبتدائي ..

(6)
بعد مُر سنين شقايا
جه كرم ربّك زيادة ..
لما جالي وجاب ف ايدُه
ظرف ابيض فيه شهادة ..
م السعادي انا هبقي رسمي 
مامِت الدكتور حمادة ..

(7)
لسّة راجعة م المطار
بين حيطان البيت أعافر ..
سابني لأجل يشوف طريقُه
خد سنيني معاه وسافر ..

(8)
..........

(9)
..........

(15)
مرّ الوقت 
شهر اهو فات
لكن لسّه مفيش جوابات ..

(16)
..........

(20)
..........

(25)
عدّي شهور
عرض وطول 
جايز برضه يكون مشغول !

(26)
...........

(40)
...........

(50)
إبني حمادة ..
بكتب م المستشفي سلامي
مستنيه دُعاك بالرحمة
أول لمّا هتقرا كلامي ..
تيجي تزورني فـ مدفن أبوك
ويارب ما يقطعلك عادة ..
لو مش عارفُه
هيدلُّوك ..
إسأل علي قبر أُم حمادة ..


مذكرات أم حمادة - كلمات : نبيل عبدالحميد - أداء صوتي : محمد عزمي

بحب الشعر و المكرونة البشاميل 
للمتابعة على فيس بوك :
https://www.facebook.com/mohamed.azmi.315

Comments

محمد مصطفي

Nihal Nehal

Dalia El-Rayes

Dalia El-Rayes

Dalia El-Rayes

Dalia El-Rayes

Dalia El-Rayes

Dalia El-Rayes

Marwa AbdEllateef Sherif