إحساس بالخوف إنك راجع ..
لقصص سيبتها متشعلقة ع الشبابيك..
لحاجات ~~
قعدت بتكمل نفسها..
وتكلم نفسها في غيابك..
لـ "إمبارح" اللي كرهتو تملّي ..
لكنّ حقيقة " بكرا "
رجّعت العشق لـ "كان"
إحساس بالخوف إنك راجع..
للحارة اللي اتحنّت عرقك ~
للشارع اللي تملّي..
بيبوس رجلك.. لما بتنزف ~
للوردة الحمرا اللي اتبعتت
لحبيبتك من غير ما اتمنت
وكتبت عليها " استنيني"
إحساس بالخوف,,
لتكون فعلاً فضلت ع الوعد..
أنا كنت بجد..
حد أناني..
وعلشان أنقذ قلبي من الرعد,,
خليتها " تموت " .. " تستناني "
إحساس بالخوف إنك راجع..
لزمن هتموت,,تنساه..
مع إنك لو يوم تنساه.. هتموت ~
ريحة الحيطان اللي بتخنق..
لكنها مليانة حياة ~
تخبيطة أيوك المعروفة ..
على باب البيت ~
ولنظرته لما ترجعله..
متعور من ماتش عيال,,
ولأول بوسة بعتّها لحبيبتك..
ولأول وردة إديتها للست الوالدة 
يوم عيد الأم..
إحساس بالخوف..
إن حنينك يطلع خوّان ~
ويبيعك زي ما بعت زمان ~
كل التفاصيل المركونة وسط الكشاكيل
والوردة الحمرا الدبلانة على ضفّ النيل
والساعة الواحدة اللي في حيلتك..
لأجل تودّع كل الحارة..
وحبيبتك " ســــــارة "..
اللي اتلهكت طول الليل ..
تبكي عليك..

إحساس بالخوف إنك راجع ,,
للكوتشي اللي اتمنيته زمان..
وقعدت شهور بتجمّعله ~
واتهرى في اللبسة الستاشر ..
للشيخ أحمد، لما بتقعد وتسمّعله ~
لـ "بشاي" ،، جاركم ~
اللي تملّي كان يلعب وياك بالكورة 
للطعمية ،والملوخية ،وخالتك نورة,,
إحساس بالخوف إنك راجع,,
لحاجات سبتها من عمر طويل
يمكن مكسوف حبة لنفسك
إنك راجع بس لنفسك
إحساس بالخوف إنك راجع
ومفيش في إيديك حاجة للماضي
لا كادوه ولا وردة!
ولا إنك حتى بقيت "راضي" ..
راجع للماضي تقول " هاتلي"
وكإنك ما شبعتش " أخدان"
إحساس بالخوف إنك ترجع,,
تلقى حبيبتك سابت الحارة
أو حتى اتجوزت الضابط
اللي اتقدملها ييجي مية مرة ~
أو تلقى وشها بقى لوحة لغدر الأيام,,
أو إنها حتى تكون نسيت
وأهي عايشة تمـــــــام ~
راجع بتخبط على "ســـارة"
وكإنك نفسك تلاقيها على وعد زمان
مع إنك نفسك تلاقيها خلفت بالوعد!
تجاعيـــدك ،، قد حكت البعد ~
وكتبت بخوفك كل الاحتمالات
إلّانك ترجع تلاقيها..
هجرتلك الدنيا بحالها..
وأهي " ماتت " " تستناك"
لسّـــــــــــــــــاك..
بتقوللي ماليني الخوف
ياخي بطل خوف ~
ملعون الخوف |
ملعون الخوف ~~

لـ أسماء الشربيني
https://www.facebook.com/AlshartAsmaAlshrbyny

إحساس الخوف.. لأسماء الشربيني

تحت تأثير الحشيش

قالولى زمان - مصطفى ابراهيم

خدوا العجل منى :( خدوه على الننى :( مشروع و ضاع منى :(

اللمبى فِشِل

amr hassan poems - جوابى الأخير.mp3


من كام شهر
خدت قرار مش هاكتب شعر
وإني هذاكر وانجح أفلح
واخد البكاليريوس وأتجوز
وأشتري عفشتي بالتقسيط
من كام شهر
أنا كنت عبيط
من كام شهر
زرعت المياه وطرحت فجلة
جاب العجل الفجلة لعجلة
وقالها مهرك
ريحة قهرك
فايحة في نهرك
قالت إوعا تعيش كسلان
بابا نويل بيوزع يويو في حرب إيران
شامم ريحة جبنة قديمة
فيلم السهرة مكنش سياسي
كان عباسي
عبدالناصر حب يقلب فينا الروس
ساوى الروس
لبرل نفسك
لأجل ما تبقى مثقف زي صاحبنا إياه
عندك ماركس عندك هيجل
عندك حسن البنا وحجي
عندك زحمة
صفي ونجي
منحى عرض النسكافيه واخد إفيه
حاصل ضرب النكسة في حرب أكتوبر في معاهدة ديفد
بيساوي حاصل ضرب النار في التار في العار
وزي إمرؤ القيس وجلامدة
اللي بتنزل من علي
عندينا واد اسمه علي
بيطلع الدبابة ويلف بيها في البلد
ومراته دايرة بشعرها تدور عليه
ومتسألوش أنا قصدي إيه
أنا نفسي مش فاهم كلامي
بس الكلام واعر حويط
أنا اللي دون الناس ... عبيط
من كام شهر وكنت بحبك
كنت بوضب روحي واحبك لأجل ما أقابلك
كنت في كل حلاتك قابلك
تفرحي قابلك
تزعلي قابلك
تتقلي قابلك
كنتي الأرض وكنت سنابلك
كنتي الحرب وكنت قنابلك
حتي في بعدك وإنتي مسافرة
وبيني وبينك ألف محطة
كنت بقابلك
عمري يا "نانا" ما قلبي اتنازل ولا ساب حقة
زي ما سابلك
عمره ما ضحى بسهده وسهره وجاب من عمري
زي ما جابلك
)هذا الوجع بقاياكي
سحر تمدد بين ضلعي
وتواري خلف سلم منزلك
ترك لكي رسالة كل صباح(
وسافر
يشهد عليكي السلم المستني خطوتنا
تشهد عليكي الشبابيك اللي فتحتيها علشاني في نص الليل
وعز البرد
يشهد عليكي محل الهدايا اللي ع الناصية
وكشك الورد
تشهدعليكي هدومك اللي قولتلك ما تلبسهاش
تشهد عليكي إمتحاناتي اللي علشانك مدخلتهاش
تشهد عليكي ودني هوستن جورج مايكل
عم شوقي بتاع الفطير
كيف يصير الحال كده
م الإبتدا
أنا اللي غلطانلك
وأنا اللي محقوقلك
وأنا اللي دون الناس
عشقتك
كنت عايش جوه صدرك حلم دافي
كنت بنسى الناس وأجيلك يوم معادك
يكش حافي
كنت أبسط من بسيط
واكتشفت إني ف هواكي
كنت دون الناس
عبيط

هشام الجخ - قصيدة سكرانة

أنــا و أنتي يا بنتــــي طِباعْنا صُوفِيَّة

كلمات : آلاء أشرف 
www.facebook.com/alaa.ashraf.5264
إلقاء : محمد دهشان 
www.facebook.com/moh.dahshan

عمرك سمعت عن ان حالة اختناق 
ماتت نتيجة دمع محبوس ف الوريد 
او كلمة واقفة ف الرئة ..
او نبض عارض ضخة القلب العنيد .. علشان يُقف 
على بعد خطوة من الحياة و قرب شِبر من النهاية المحتمة ..
عمرك سمعت ان الضحية مجرمة رغم ان سبب الموت مكانش الإنتحار .. 
او  ان الروح ترجع لجثة ف مشرحة 
ابر الخياطة لسه فيها ماتشالتش 
و الروح بتنسج من بواقي الجسم هيئة اجنحة ..
فَ يرُدّ سليم و يقوم و يعيش .. 
عدت ف حياتك دي يا دكتور 
جاوب بصراحة و ماتخبيش ..
بالتأكيد لأ .. كان عندك حق 
تقرير الطب الشرعي فشل  
انه يفسر اسباب الموت 
مقدرش يفسر ان الدمع بيكوي الأعصاب من جوة 
و ان الأمل اللي يخيب ف الناس بيهدك من بعد القوة 
و ان النور الفاضح قلبك كان بيسبب اعطال فيه ..
و ان كلام كان مش من حقك انك حتى تدندن بيه ..
لما اتراكم ف حيطان حلقك سبب نزف .
ف اتكلمت بصوت مكتوم 
عُمر اللوم ما يرجَّع حد 
ف بتنزف روحك ع الفاضي 
و النفس الخارج من صدرك على شكل حروف 
بتمس الأرض بإحباط ..  
كان الأموات حلوين جدا 
بس احنا ماكُنّاش شايفينهم وقت ما كانوا 
و كأن الدنيا بتعمل سور 
على كل المتهمّش فيها 
و تخبي مزايا جميع الناس 
و ما بعد الموت بس يبانوا .
الطّبع البشري اللي مأثر على اغلب علاقاتنا الفانية 
حب الدنيا 
و الدنيا اساسا مخلوقة كَـ مكان بيجمّع بين النّاس 
و خيوط اقدارهم تتشبّك 
لكن ف الرؤية المحدودة الناس بتقطّع من بعض 
يتولِّد بُعد ..
و بيُقفوا ف صفين او أكتر 
ف الغالب واحد كان سايب بإرادته عشان مالقاش اسباب يمسك ف الناس 
زي اما تقول .. انا عايز اسيب لكن مستنيلك غلطة علشان لما ابعد احسبها و اقول ده نصيب 
و ان فراقنا مكانش حصل من غير اسباب ..
و كأني بقولك حرفيا من غير مـَا استخدم اي كلام .. ان انا كدّاب 
مشهد متكرر 100 مرة 
و يعيش الطرف اللي يسيبك 
و تموت اخلاصا ل حبيبك 
و حبيبك بيستف ورقه .. و يشوف هيحُطّ مكانك مين 
حطّيت ثقتَك كلها ف ايديه و لذلك مش قادر بعدُه تدّي امان للبني آدمين ..
قولي يا دكتور
لو كل كلامي حالات تشبيه
و مجاز للحال 
ازاي في عيال لسه ماوصلوش سِنّ العشرين 
بيموتوا بفعل عوامل جرح 
و يعيش جواهم خوف يكبر كل اما يشوفوا من الدنيا  
ده لحد اما يموتوا اخيرا 
من فَرْط وجود الأدرينالين

أدرينالين .. كلمات : آلاء أشرف .. إلقاء : محمد دهشان

Rapper / Casber
Facebook Profile / 
www.facebook.com/mohammed.casber
Lyrics / Casber
Music / Free Beat
Mix&Master / Turbo

الكلمات
كاره للنور وبكره اني أكون مع حد
الضلمة سترة كونت مابين قلوبنا سد
رعشة برودة وسط أصوات رياح وبرق 
كل فكرة كانت ف بالي ماتقالتش لأي حد

بستناها تجيني واستني اني المسها بإيدي
بس الروح تملي تروح للي ضلو من طريقي
رسمت بإيدي لوحة بتحدد صعوبات سنيني
أعمي راسم المصار الي هيحدد مصيري

عارفين انكوا تايهين معايا وبرضو بتقاوحوني
عارفيني اني بحب اشوفكوا وأنتو بتسمعوني
شايفها بتبكي ... قدامي
عنيها رغم جمالها برضو لسه مش شيفاني

فقدت الثقة في كل حاجة لسه بتقولوها 
عكس لأي حاجة أنتو لسه بتعملوها 
سمعت منكو كتير ماستفادتش اي حاجة 
اسمعوني أنتو مرة جايز أكون فيا حاجة

لسه الليل طويل هحكي وهقول خليكي معايا
لسه الليل طويل ناقص جزء من الرواية 
لسه الليل طويل اليوم بيبدأ لما عيونك تضوي
لسه الليل طويل هفضل أقرب وانتي بتجري

غريب وتايه ساكت وسط الي اعتبرهم ناسي
عايش علي ذكري وماضي لسه ماشي
حبست نفسي .. وسط أحلامي 
بدور ع الي ضاع والي خد فيكم مكاني

سكون وصمت ضعف قولت لنفسي هقوي
علمت نفسي بنفسي مش مستني منكوا زقه
كسرت كل باب لقيته ممكن يعديني
مبروك رسمت خط النهاية الي كارها بإيدي

زاد السواد جوايا ليكو من كتر الأذية
اديتكوا كل الحق وفاضل لسه الي ليا 
صور ملايكة بتضحك وتشاورلي وسط ضلمة
عدت الساعة بطيئة رافضة تخلص النهاردة

الحلم بعيد والظروف لسه مش سامحة
كل حاجة ساكنة والأسوء مابينا أبقي
فكرت نفسي هكون وهوصل واني هبقي في يوم حاجة
ضيعت وقتي فإني لسه بديكوا الإفادة


لسه الليل طويل هحكي وهقول خليكي معايا
لسه الليل طويل ناقص جزء من الرواية 
لسه الليل طويل اليوم بيبدأ لما عيونك تضوي
لسه الليل طويل هفضل أقرب وانتي بتجري

Casber _ Lesa ELlil Tawel _ كاسبر _ لسه الليل طويل

إلى  روح طبيب الإنسانية د.محمد مشالي
#طبيب_الغلابة

"قصيدة "طبيب الغلابة

الدنيا أبسط من كدا بكتير
أبسط من التفكير ف مين ماسألش
ومين ماحاولش من أجلي
ومين ماطمرش فيه الخير
الدنيا سير بيلِف مش واقف
ولا اللي واقف فيها عارف يبقى ف مكانه
ولا اللي قام يجري وصلْ
غير بس ف منامُه
الدنيا أبسط من دموع البشر
على حد قرّر يمشي ويفارق
الدنيا “دُنيا” مهما تعلى وانت جواها
إياك تحاول تنتصر
وتصِر توصل لحظه لسماها
وإياك تحاول تبني دور فوق دور
الدنيا أكبر متاهه ف قلب أكبر قاع
وباب خروجُه من القبور
ف عشان كده وقت ما تيجي تزور
إوعاك تعاتب أو تعيط وقتها
الدنيا أسوأ كتيير من إنها تنحب
وابسط كتير من عدّ أحبابك ف يوم ما تموت
الدنيا ذنب وكلنا عيشناه
والشاطر اللي يعيش
بعد اما حلمه يموت
الدنيا أبسط من فوات العمر بنعافر عشان المال
عشان الكرسي والحكام
عشان الميه والصحرا
ورأس المال بيتحَكِّم ف عُمر وقوتِةْ الفقرا
الدنيا أبسط من تعصب كل صاحب رأي
الدنيا صقر وعصفورين مع بعض
طب ليه مايتقاسموش سوا
نفس الهوا والسِرب
الدنيا ليه واحد قصاد واحد
ماهيش اتنين
بدون قِسمَه وطرح وضرب
كان يجرى إيه لو كلنا مشينا الطريق
بنزُق بعض بدال ما بندوس بعضنا
نرسم سوا كل الحلول
ف تتوه ما بينا المشكله
الدنيا أبسط كتير من إننا نحاول نفوز
وابسط من اني أعوز لحد الشر
الدنيا أسهل مافيها انك تخاف م الناس
واصعب مافيها انك تخاف من ربنا
الدنيا سيل الاسئله بنت الهوى والكيف
وانت الجواب الكفيف اللي نجاه الـ لأ
إوعاك تدوّر عليها الدنيا بنت الزيف
واعمل عشان الموت
أول طريق الحق

الدنيا أبسط من كده بكتير🖤

#يوسف_الصياد

أدرينالين .. كلمات : آلاء أشرف .. إلقاء : محمد دهشان

Mohamed Dahshan 1

Related tracks