قصيدتي إهداء ل داود  بصوت الحبيب احمد عبد الرحمن

مناجاه

الوقت ليه

علي

الليلة_الاولي

الليلة_التانيه








تلت ليالي بعدهم و اكفر
تلت ليالى بعدهم وبتوب
معرفش مين يقدر يشيل الحمل ده إلاي
معرفش أصلا كل دا بيمر، معرفش ليه و ازاي 

سكرت سكر شفتك محلاه
و بعدنا بس كان البعد ما ازكاه
دايما بسبح ف البعاد و تملي ب استغفر




" الليله الاولي" 


شايف حبيبتي من مكان تاني
عماله بتشاور  و بتأشر
و بتأثر
لكني ماشي ف سكتي ، بندهلها زي الغريب مش ندهة الاحباب

خليكي واعيه 
القرش ادفي كتير م الحضن
و الغربه بتجيب حزن غير الحزن
و الدنيا قاسيه بس ع اللي معوش
تقوليلي ع الفلسفه، كتبي اللي ف المكتبة، و المنطقية، الرائ
هقول دي زرعة بور لازملها من سقي
و السقي هنا يشار إليه بالمال 

خليكي زيي 
نحي قلبك جانبآ
و شوفي بعينيا
تلت سنين بسكر و انتي اللي حواليا 
تلت سنين جنبك وايديكي ف ايديا 
لازمتها إيه مسك الايدين من غير قبل
و البوسه خطف ما تتحسب ف العد
هيفيد ب إيه الحضن من غير اكتمال 
ايوه بهرج اضحكي وياي
هحط باقي ضحكتك جوا الشنط 
يمكن تحلى مرارة اللي جاي


خليكي جنبي
من بعيد ل بعيد
وشاوريلي 
كل ما احن
شاوريلي
و قوليلي خليك زي اللي سافرو وما تحنش
هتعود وهتلاقي القهاوي هي هي
ومصر قاعده، جميله مستنيه
خليكي جنبي 
يا قبلتي وقتي الغياب
وقت الصلاه
وقت اما هيحين الضباب
يا بوصلتي ف بلاد لاغراب
مهما إبان قاسي
هحنلك و هعود











الليله التانيه




أنا من هناك
قاعد و ببعتلك
بحن و اندهلك
نده الحبيب مش ندهة الأغراب

ايه اللي جابني؟
المال، بيتعوض
الجاه، ملوش آخر
لكن ف حضنك كان لي حل أكيد


اديني أيدك من بعيد
المسيني
ماشي بيقيني ف اللقا بعدين

مش كنت ارضي بس بمسك الايدين
القصد، مش قصدي اندهك
مش قصدي اصحيكي
انا بس بنبش إللي مات فيا، يعني بواسيكي


نامي و هغنيلك

غنوة لقا الحبيبين في جنينة الدنيا
و الزهر ف عينيكي ع المدي بيفوح
و الحضن بس الحضن يطيب المجروح 
والمسك في جسدك بيمس شئ فيا 
والخجل، آه م الخجل مع ضحكه مداريه
اطنان من الشهوه، و الشهوه ملاغيه
آه لو تبصيلي بس الوقت دا 
وكإني بوستك الف بوسه او يزيد
وكأننا بنتعصر من شدة الاحضان 

لو بس يرضى و يقنع الإنسان 

لكني ف الاخر بشر لكني ف الاخر جبان

فلت أيدك و انتي مسكاني
ورضيت اشوفك و انتي بتشاوري
وقبلت اسيبك و اعبر الضفه
ملعون ابو العقل اللذي ما يعادل الكفه


وكل شئ هنا كل شئ مش بببالغ
فيه حاجه من ريحتك 
أو بس يمكن كل دا من فعلة الاشواق
لكن فعلا بشوفك في مجمل الأشياء 
بالله عليكي إزاي  ألم المبالغ و أهمل المشتاق
اياكي تلوميني 
يمكن غبي لكني مش كداب
و البينه للي ادعي و انتي عارفاني
بقسي و بلم اللي جنيته ف نفس ذات الوقت 
سبتك تشاوري من بعيد و أشتقت 
عبرت ضفة جنتك، لجنه صنع البشر 
و ضحكت على نفسي انه اختيار القدر
كداب صحيح لكني مش قاسي
و الحزن حالا قدي و مقاسي
الحزن ف الغربه حزن غير الحزن وياكي 
اياكي 
ثم اياكي ثم اياكي 
تفتكري اني سعيد ل لحظة ب بكاكي

دلوقتي حل الليل و انتي هتنامي ب غنايا
صح الغنا مش عذب بس هيقضي
ولما يجي صباح و انتي ويايا 
مش راح اسيب أيدي تسيب يدك
ولا يوم تنامي الدمع علي خدك
ولوقتها اوعي ف يوم تنسى تشاوريلي
و قوليلي عود 
واندهني نده الحبيب مش ندهة الأغراب 













قصيدة الليلة الاولي والتانيه بصوت الحبيب احمد عبد الرحمن

#النوبة_القديمة
#بابور_كوسونا

قصيدة الليلة التالته "النوبة القديمة" ب إلقاء الحبيب احمد عبد الرحمن

قصيدة "الي حاتم العاشق في العالم الفوضوي"
قصيدة ل محمد داود
إلقاء الحبيب احمد عبد الرحمن 

إلي حاتم العاشق في العالم الفوضوي

بلاد المصاير ( غنا محمد داود الكبير وكلماتي )

حضنك بلاد النبل ف الكون الوضيع 

Mohamed Dawod 3

Popular tracks