مشيت وأنا مغمض ...كلماتي :)

كانت

النهارده يوم عادي
النهارده مش عيدي
لا انا مأنتم ولا مظبت 
ولا دبله مربوطه في أيدي 

أنا عايش مبسوط على فكرا 
والماضي دا هانساه مع المده 
يا اللي بتحب ومتعذب 
خايف مش قادر على بكرا 

ما تخليك راجل وابعدها 
لما انتا مش قد كلامك
عاوز بس تعيش ايامك
طب كنت ليه بتعلقها



انا سانجل وعايشها براحتي
مش بسمع تامر ولا تركي
بسهر في الليل مش م الفرقه
ولا بحكي في  كلام مالهوش لزمه
وشموع ودموع عزف كمانجا
السكه دي مش اكله معايا 
انا عامل في دماغي مزيكا 
جوايا بغني عامل فرقه
عازم نفسي على فنجان قهوه
حواليا الدنيا فيها موسيقى

مش لابس احمر ولا بمبي
ولا جايب دبدوب بيغني
انا نازل اتمشى شويا
حلوه الحياه لما بكون وحدي

عيد الحب دا يوم عادي
علشان انا انسان عادي

https://www.facebook.com/mohamedelabass 

Single

حلف القمر فضل شاكر على العود

يا نظره شارده في عينيها
وكف على خدها المكشوش
راح بعيد ونسيها
إشمعنى هي مانسيتهوش

عايشه بأمل مالهوش أساس..وتقول زمانو جاي بكرا
وان جابو ليها سيرة الجواز..تصرخ تزعق خليكو برا

سبوني وحدي من سكات
كفايه تجيبو أسمي دايما
أزاي تحسو بمعنى موت
وأنتو خارج منكو صوت

ترجع أوضتها الحزينه..تحضن مخدتها السفنج
تبكي في رساله بعتها ليها..وتنام كأن كلامو بنج

هي دي البنت اللي متسابه 
وعايشه بذكرى كدابه 
وماتت جوا ماضي حزين
سؤالها عن حبيبها مالوش اجابه 

الباب خلاص بطل يدق.قطر الجواز عدا وفات
الناس حقيقى بدأت تشك.ويحكو عنها في حكايات

سنين العمر تجري وتستنى
عيون الناس تملي بتجرحها
وقافله الباب على نفسها
وتفضل النظره في عينيها شارده


البنت اللي متسابه

دراويش

وبيسألوها عن حبيبها 
وبيسألوها عن عشيقها
مابتحكيش !
وبيسألوها ع اللي كان بينهم 
وايه اللي فرقهم 
تسكت تقول مافيش 

وبيسألوها في عيد ميلادها 
ليه بتكذب علينا يومها 
وقالت أنه جاي ورايا

ولما تبعت  يوم وجعها 
ليه مجاش وسأل عنها 
فيها أنى الحكاية 

كل الحكاية عايشه فيها 
ليه هاتحكي للناس عليها 
ايه هاتكسب لما تسمع مش نصيبك 
بكرا هتلاقي اللي جوا عينيه يشيلك 
لو كان كلامهم فعلا هايداوي جراها 
كانت تقول عن اللي سبها لما جرحها 

وبيسألوها حب غيرك أو حد تاني في حياتك 
يمكن زمانه فضى قلبه او حد تاني خد مكانك
أو نسيكي ومش راجعلك   
سمعنى انه حقيقي سابك 

وبيسألوها عاوزه نيجي نسأل عليكي ! 
صمت في عينيها 
وحكايتها مش هاتقول عليها 
طيب تمام ...أحنا كنا بنطمن عليكي  :)

وبيسألوها

lyrics : mohamed elabass
singer : Mennatallah Ashraf

أنا أسف 
يا أول واحده حبتها 
وسبت في قلبها حته
يا أول حضن ضميته 
عشان أحساسي بالوحده
 
يأول واحده تندهلي 
وخلقت فيا شيء فرحه 
أنا أسف 

يا أحلى ورده دبلانه 
وأجمل ضحكه خجلانه 
سحبتك يومها من الجنه 
وسبتك ع الأرض زعلانه 

وكان قلبي هناك ساكت
وسبني أسبها في متاهه
أنا أسف 

يا أول دنيا وحشاني
وأخر حب حباني 
ياريت يرجع زمان بينا 
هاقول أسف انا أناني 

أنا أسف :)

أنا أسف

على كل حال أهو ماشي حافي 
والشوك في رجله ما يعجزوش 
أو يوم ينام ماعهوش قروش 
ده من زمان على الأرض ماشي
وفي الحياة كان ماشي حافي 

ضحكة رضا بالحال 
على وشه مرسومه 
أحساس براحة بال 
لو نفسه مظلومه 

ولا يشتكي للناس 
لو حتى مش لاقي 
أجمل مافيه احساس
عطشان..وكان ساقي :) 

كون حياته بعد سنين شقيان 
تشيل وتحط فيه الدنيا
ماهزهوش وجع الطريق ثانيه 
غني بالأيمان مع انه كان غلبان 
وفي الحياة ماشي وكان فرحان 
:)

حافي

lyrics : mohamed elabass
singer : Mennatallah Ashraf

راجع لكل حاجه حلوه سبتها
راجع لأم تملي فاكره أبنها
لو يوم نسيها ماتنساهوش
دايما بتدعي ورافعه اديها لربها


ياحبيبتي راجع من السفر
سامحيني قلبي كان حجر
والغيبه طالت سنين

وعرفت معنى بيت وأهل
البعد عنك ماكنش سهل 
وجابني تاني الحنين 

أحضني كل الحجات التايهه فيا
لملمي عمري اللي ضاع قدام عينيا
من النهارده مش هشوف 
غير ضحكتك وحضن بيهون عليا

أمي :)

 

أمي

اسرقيني أنا  عندي ليكي شوق مكفيني
وبزياده يا نور واصل على جبيني
وقلبك اصله عنواني 
وسكر  حلى فنجاني
بدون سكر عشان حلتو بعنيكي 

يعيني على نسمة هوا 
طايره ما بين شعرك 
من العيون قلبي ارتوى
تفتح عيوني على رمشك

يارسمه الحلم في الطله 
شافوكي قالو ماشاء الله
يا اجمل غنوه غنتها
وغنى الناي على صوتها


عيشي ليا زي عمري عشته ليكي
اضحكيلي قبل لما الشمس تيجي
قبل ما تنام النجوم 
قبل ما تكوي الهدوم
احضنيني لما روحي تروح متيجي
:)
lyrics : Mohamed ELabass

اضحكيلي

Writer : Mohamed ELabass
singer : Mennatallah Ashraf 

my words

بحلم

كان ميت !

وبيحاول يعيش أكتر 
وكان الحلم متعلق في ضهر الباب.... ومتساب 
وكان الماضي فيه مبيت 
عشان عقله بيفكر 

ودقنه طويلة كالعاده 
وطولت في أخر مدة بزياده
سواد الجفن كان أكتر وتحت العين 
وصوت خايف في مزيكا بكمانجا حزين 

سجارته ريحتها فايحه في الأوضه 
وصورة أمه ع الحيطه وبصاله مخضوضه 
فا غطى بالقماش الصورة 
فضل حته ! ..لفها على جراحه اللي مفتوحه

وبص لفوق سرح بالعمر 
حجات ياما كانت بتمر 
وشاف ضحكة حبيبته مرت 
وياخسارة ملحقهاش ... أكمنه كان ميت

كان ميت

Mohamed ELabass
شـــــــــاعر
 



mohamed elabass (writer)

Popular tracks