مالم تره مراية الاتوبيس - محمد العواوني

قرار إزالة - محمد العواوني

قصيدة ماتجيش الشاعر محمد العواوني

ماتجيش | محمد العواوني

Facebook profile:
https://www.facebook.com/M7mdess16
lyrics:-
اخِر جواب
كان فيه بَوادِر الإنسحاب
لَجل الخروج م الإكتئاب
...بالفضفضه.
اخِر جواب مش مِن فَضَا
ومهوش عِتاب.
ده عَشان اكَمِل راضي مُجمَل سِكِّتي
مقصُدش منه إنى ناوي نكون سَوا
بالعكس تأثيرِك فَلَت من جتِّتي...
زي الهَوا.
مَبَقِتش بسرَح ف اللي فات مِن عُمرِنا
مَبَقِتش بزعل او بخاف او بَرتِجِف
شكل الحياه راح م المؤكَد يِختلف
والراحة دايما تِتحسم حَسَب الدوا
حتي الورق..
مبقاش يزورني ف وِحدتي
علشان اسيبلِك فيه حَصِيلة كام سنه
وان الفُراق خلَّاني نُسخَه لمُنحني
او حَتي اقولِك إني مفضِلتش انا!
لَجلَن ترُدي وتكتبي...
فياريت بلاش تِستَعجِبي!
لو قولت إنِك بس هاجِس ع الوَرَق
وإنِك مُجرَّد شوق َوخَدني لمُفتَرَق
وإن إنتى قَش ساعدني لكن ع الغَرَق
ده لإن عُذرِك ف البعاد كان مُختَلَق
وإن إنتى كُنتي بتكدبي!
مبقِتش بسهَر ف الشتا تحت المَطَر
ولا حتي احِب الوقفه تحت البَلَكونات
مبقتش اصَبَر بيكي قلبي اللي انفطر
مبقاش فاضِلي ف ضِلي شئ م المُمكنات
جواباتِك اللي شالِتها عِيني ف نِنَّها
خوفاً عليها مِن التَلَف او م الضَياع
كَلِماتها كانِت أُكسُجيني لَكِنَّها
دابِت مِن الخوف اللي غيَّر الإنطباع
اسفَلت شارعِك اللي خَد علي خَطوتي
مبقاش يدوقها صُدفه مِن يوم بُعدَها
اسفَلت شارعي اللي إبتسم علي ضِحكتِك
مَعَدش يضحك تانى ليه مِن بَعدها
ضَمِّة إيديكي اللي إتعزمت ل حُضنَها
مَبَقِتش تِفتَحلي امَّا أخَبَط واطلُبه
مَبَقِتش تسمحلي ب عياط علي كِتفَها
مَعَدِتش تِتصدَر ل حُزني ف تِغلِبه
سَبَب الكَلام...شَرْح ل هلاوِس مُزعِجَه
مِش مِن دَواعي المسأله والإحتياج
ومَهوش جَرَس دقُّه الحَنين بالمَطرَقه
أنا بَحمي روحي مِن مَشاكِل الإزدواج
وعَشان مخُشِش ف إكتِئَاب ويهِّدِني
ويُدُوب هَوَس روح الهروب لو شَدِّني
وابقي ف طابور عرض الأمل ف يعدِّني
كان لازِم أبعَت وقتها أخِر جواب.

آخر جواب - محمد عصام

مصطفى عبدالرحمن ربنا يكفيك

قصيدة "عدت سنة" من الحفل المنفرد بـ ساقية الصاوي 2016

مالم تراه مراية الاتوبيس | محمد العواوني

Mohamed Elawawny

Recent comments

Hend Gamal

Hend Gamal

Hend Gamal

وليد عبد الوهاب

Related tracks