ya 7abibi leeh te3mel keda fia

انا قلبي ده بيحب البت دي
وكمان دي
وكمان دي
مانا كل اما امشي في حتة بلاقيهم ماشيين مع بعض
واقفين مع بعض
هيجننوننيييي
انا دلوقتي قلبي بيحب كتير
تلاتة كتير
مش عارف اختار منهم واحدة ولا حتي اتنين
لازم كاملين

انا قلبي كان

كان ليا صاحب فاكره ونسانا
بعزه اكتر مالناس انا
غاب وقابلته بعد سنة
قاللي انا مش عارفك انت مين

قلتله ليه بقي لوني مناويشي
ولا انت علي ستري ماناويشي
اتأكد كويس من وشي
قالي انا مش عارفك انت مين

دا انا شوفت صورتك في كريتك (كروتك)
ولما جيت اتأكد فيك رأيتك
شغل شوية فكرتك
قالي انا مش عارفك

قلتله بص كويس في لونيا
دانا بلاك ماكلتش فولة نية
واحنا في البلد الفلانية
قالي انا مش عارفك انت مين

احنا ياما عشنا سوا
وكل اللي بينا يتساوي
كلامك ده اعتبره قساوة
قالي انا مش عارفك انت مين

صحيح ولابتضحك طمني 
دانا صديقك وصاحبك امني
اتأكد كويس مين
قالي انا مش عارفك انت مين

قلت انا معاك ومع غيرك بسلك
وانت معاي ماعملتش بأصلك
كان يعمي نظري لو بصلك
روح وانا مش عارفك انت مين

حفني حسن -انت مين

ايه من الكذب ده يفيدك
لو انت في شغل هيرفدك
عاملني لعبة في ايدك
وتضحك عليا يا كداب

لو ليك صاحب كان لامك
وحكم عليك وكان لمك
خلاك توحد كلامك
بتضحك عليا ياكداب

حتي اللي بتشكر فيه ذمك
وقال ان الشهرة فدمك
كداب والكدب في دمك
بتضحك عليا يا كداب

تقول كلمة لغيري وكلمة لي
دانت عايزلك وكيل مالي
وانا مضيع كل مالي
بتضحك عليا ياكداب

تقولي هاغيب ساعة تغيب يومين
وانا  فاكرك دراعي اليمين
وتحلفلي ميت يمين
بتضحك عليا يا كداب

شايف الدنيا هتاني
تاخد وتقول لي هات تاني
فاكرني هارجع واتاني
بتضحك عليا ياكداب

انا اللي عانيته مين ده اللي عاناه
احنا عمرنا ماتدلعنا
يا اخي الكذب ده لعنة
بتضحك عليا يا كذاب

مين اللي عاشرته وعاداك
علمك تخلف وعدك
مني هتلاقي وعدك
بتضحك عليا ياكداب

تتملعن وباينة ملاعينك
عايز اللي عنده مال يعينك
يعني ماحدش مالي عينك
بتضحك عليا ياكداب

وانا ياما كرمتك وخبيتك
وانت مش داري بخيبتك
يحرم عليا يا اخي بيتك
بتضحك عليا ياكداب

مثل ويا العالم دار
انا امشي معاك لغاية الدار
يا أخي الكذب ده يوتر
بتضحك عليا ياكذاب



احمد حفني حسن -يا كداب

مادام عندك نظر تري به
اشر اللي يكون اتربي
ارض رملة وارض ترابة
قبل ماتبني اسس ياخال

فيه اراضي علي وشها تغر
لو تقلت مبانيها تغور
الاساس الخايب يغور
قبل ماتبني اسس ياخال

يعني الاصيل لما يقابلك
تلاقي طلبك سريع قبلك
اسأل اللي ابتني قبلك
قبل ماتبني اسس ياخال

كلامي بقوله وبعيده
عمري مانصح بيه عدا
غويط وليه معاني بعيدة
قبل ماتبني اسس ياخال

ايام عدلونا وقلبونا
علي المبني السكة يقولوا بنا
وده قولنا وقول ابونا
قبل ماتبني اسس ياخال

فيه طوبة سليمة وطوبة نية
ربي الولد والبنية
وشوف اساس البناية
قبل ماتبني اسس ياخال

عاشر اللي تعينه ويعينك
وسيب اللي بايعينك
خليك صاحي وفتح عينك
قبل ماتبني اسس يا خال

سامعة الكلام ياما اهي ودني
وبعرف اللي هيودني
اسمع كلامي وهاودني
قبل ماتبني اسس ياخال

مادام حظك متصلح
خليك بالوعى متسلح
اسس وارمي مسلح
قبل ماتبني اسس ياخال

اللي يوديك ويجيبك
لازم يعرف واجبك
خلي فلوسك في جيببك
قبل ماتبني اسس ياخال

حفنى حسن - قبل ماتبني اسس ياخال

قدامك يشكر فيك
ورا منك عايز ينفيك
ياناس ينفع كلامى فيك
ازاي تعاشر ابو وشين

سيبه اوعى تتلفت له
ولاييجي فتلك علي فتله
البلد بحالها تتفات له
ازاي تعاشر ابو وشين

لايناسبك ولاتناسبه
ولابكلامك تنسبه
ان رجع لك تاني سيبه
ازاي تعاشر ابو وشين

ان شفته مرة كبير
ليكحتلك نقرة كبير(زي البير)
يعملك مشكل كبير
ازاي تعاشر ابو وشين

كلامه مابيداويش
من غير فايدة بيدوش
كمان عمره مايبيض وش
ازاي تعاشر ابو وشين

عندما يعرف سيرك
وعرف قوة تأثيرك
علي طول يطلع سرك
ازاي تعاشر ابو وشين

يسيبك ويكلم ميتين
ويدور يقول الكل متين
يذيعلك كلمة بكلمتين
ازاي تعاشر ابو وشين

انا لما ابنى اوزن قالبي
وبخلي الناس تقول بي 
ابيض سليم قلبي
ازاي اعاشر ابو وشين

كتير كلامه يشبعك
ويهاودك ويتبعك
ولما يلقي غلطة يبيعك
وازاي تعاشر ابو وشين

ماتقولش هو لغانى
قول عنه الله الغني
ابعد عن الشر وغنى
ازاي تعاشر ابو وشين









حفنى احمد حسن-ازاي تعاشر ابو وشين

انا صحيح زعلتك ورجيتك
لكن لما دمى راق جيتك
اتحايلت عليك واترجيتك
والله انا سايبك مش ندمان

اجيلك في صباحك ومساك
وماقولش كلمة تمسك
لكن بمبادئي بتمسك
والله انا سايبك مش ندمان

بابك ورا مني انا سكيته
قلبي يعيط وانا اسكته
ياريتني ماكنت اعرف سكته
والله انا سايبك مش ندمان

الناس بكلامهم ملوني
اجي اكتب وهما يملونى
انا هاعاشر ناس من لونى
والله انا سايبك مش ندمان

يكفاني من جايي وروحى
يمكن ربى يشفى جروحي
دانا كنت بضحك على روحي
والله انا سايبك مش ندمان


كفايانا من ضرب المثل احنا
انت مخاصمنا زى مصالحنا
خلينا نشوفو مصالحنا
والله انا سايبك مش ندمان




حفنى حسن - والله انا سايبك مش ندمان

يوعد ويخلف واستناه
لادمت انا استناه
مادام بيوعدنى ومايجيشي
انا من حقى لازم انساه

ناس تغرك بضحكها
علشان تكرم فيها وتدادي
عندى حكاية بدى احكيها
علي اللي كرمته ونسي ودادي
وعامل قلبى لعبة معاه

ييجي يكلمني كلام بارح
وانا اسكت وصوتي ماعلهشي
اقوله ماجتشي ليه امبارح
يقولي سامحنى معلهشي

اول مالاقيته ولاقاني
كانت قعداته مونسانى
بعدين غاب عنى ولا جانى
سابني لوحدى ونسانى

نسانى لمدة معينة
وبعدين بعتلى مراسيله
ياناس الحق معايا انا
وتايه علي بر ماراسي له

كتب فى جوابه كلام منقي
وعيونى بالكلمة عدته
عرفنى فى خطابه انا جاى
تراه كداب زي عاداته

انا اللي جرحنى بصة نظره
عاملنى زي العالم عادى
يوعدنى وانا يستنظره
وعمره ماحافظ علي معادى

شبكنى جماله وانوثته
ورمشه علي الجفن يسبله
عرفت غيره ونسيته
وسبته يروح لحال سبيله

Mohamed Elbesy

Popular tracks