القاء : منه هشام الطايل 
كلمات : محمد انسان 
من ديوان إنسانيات
-----
تسمَحيلى يا حَبيبتى .
اسألك كدة كام سُؤال .
هو ليه الطِيبة قلَِت .
هو ليه انا بختى مَال ؟ .
طب قوليلى بس يَعنى .
عَنك انتى ايه مَانعنى .
بس اوعَى تقولى باعِنى .
ده انتى عَارفة بـ كُل حَال .
عاَرفة انى كِتير قابلت .
وفـ كُل مَرة بقول وصلت .
يقتلوا جوايا حَلمى .
يندِمونى انى حَاولت .
.
تسمحيلى يا حبيبتى .
اسألك عن حق ليا .
ع الى زور والى خرًب .
واللى بايع القضية .
عن دقون عيرة فالصو .
عن جنون الليبرالية .
هما ليه كتمولى صوتى .
هو ليه غموا عينيا . !
هما ليه تملى صح .
هو ليه انا الضحية ؟

تسمَحيلى يا حَبيبتى .
اعترف انى ضَعيف .
وان خوفى وان طِيبيتى .
مَايجبوش حَق الرِغيف .
وان حُبى ليكى قَدرُه .
يِتولد ويمُوت " كَفيف ". ـ !

تسمحيلى | محمد إنسان

غناء وتلحين : أحمد غازى
https://www.facebook.com/Ahmed.Alaa.Ghazy
كلمات : محمد انسان
https://www.facebook.com/mohamed.ensan1
يا بنت الناس ماتتعبنيش 
ده انا طيب وحُبى يعيش 
ولو فى القلب شىء ليكى 
بقول على طول ومابخبيش 
فـ إياكى صراحتى فى يوم تأسًيكى 
وإياكى تشوفى الحُب لعنيكى 
دليل للضعف والكسرة
لا تخسرى قلب كان حابك
ولا هاتنفع فـ يوم حسرة 
يا بنت الناس ..
انا ع الوحدة متعوّد 
وقلبى من زمان مهجور 
وادوس على قلبى لو زود
لـ قلب يعيش عليه الدور 
فـ خليكى على طبيعتك وحبيّنى 
وخلى كلامك الدافى ده يروينى 
ده انا لو كنت قدامك .. أبان غضبان
بـ همسة ونـظرة مِن عينك تهدّينى ..

يا بنت الناس . Ghazy&Ensan

كلمات : محمد إنسان 

ألحان : شادى الغيطانى

توزيع : أحمد حبيب 

جيتار : Jimmy Grant


ريحة الشتا ليه تشبِهك . وبردُه ليه يشبه فراقك 
ليه يفكرونى بـ يوم فراقنا . يوم مابعدنا وقلبى سابك !

ريحة الشتا - شادى الغيطانى

قصيدة " عُمر اللى جاى " ـ
تأليف والقاء : محمد انسان 
هندسة صوتية : أميرة توفيق
--------
اطلبلى مـ البُعد الحساب ..
وضيف ع الشيك بدل حرمان
10% غياب . حساب تقيل
مقسوم على اتنين من زمان 
تربيزة دايرة وناس كتير 
لف عينيه نص لفه 
عقله كان قرب يطير 
لما فجاءة لقاها داخلة 
جرسون بيقطع لحظة مرت الف عام
صوته كان زى الكابوس مصحوب بـ صوت دوشة وزحام 
- الشيك يا فندم . وانا تحت أمرك 
زودلى كاس مـ الحُب صافى . وهاتلى عينيها اتملى فيها 
ابيع هدومى وامشى حافى – لو إيديى تانى تلمس ايديها
- مشهد بعيد تربيزة تانية . هيا قاعدة بـ روح ماجتش
على كتفها كتـ ايديه ساندة . مشهد اميرة فـ قلب نعش
قلبى اللى داق الحُب منها . اتكتف فـ لحظة . الكون ماسعش
مزيكا تعلى بصوت اغانى . ضحك البنات ممزوج بوابل مـ الامانى
كل اللى كان فـ القعدة سارح . حسيته كان جايلى وعشانى 
مزيكا تعلى وتعلى اعلى . من كل صوت سمعاه ودانى 
قامت بترقص على غنوة مرة . صحيت لاقيتها بعتهالى .
قلبى اللى طار مـ الفرحة يومها . مات لما جيتى وسمعها تانى
- تصقيفة عالية لـ جرسون بعيد . بعديها صدمة بسؤال غريب -
مين لسه فاضل فـ الموجودين . حاسس بـ إنه راح يوم يسيب
كل اللى قالوا مكملين . كانوا فـ الغرام متعشمين . فاقوا من حلم لـ كابوس . وقعدوا زيى مستسلمين . لـ تربيزة دايرة وناس كتير . وضحك عالى وقلوب تطير . بس إنت خالى والقعدة غير . السهرة تخلص . تنده سكير . اطلبلى مـ البعُد ديًة وضيف ع الشيك بدل حرمان . وبلاش تواسى بطبطبة ولاتهدًى فيًا . عُمر اللى جاى ماهيكون بنفس جمال زمان . !!


محمد انسان | عُمر الـ جاي

أداء,ألحان,توزيع موسيقى,تسجيل,هندسة صوت : أحمد المغينى
كلمـات وإلقـاء: محمد انســان
كلاسيك جيتار و فولك جيتار :أحمد المغينى
قانــــــــــــــون : ياسمين
عـــــــــــود : اسلام وهبة
ناى : عبد الرحمن المغربى
..

الحساب الشخصى لـ محمد انسان
https://www.facebook.com/mohamed.ensan1

الصفحة الرسمية الرسمية ل #أحمد_المغينى
https://www.facebook.com/AhmedElMeghenyPage
https://soundcloud.com/ahmedelmegheny

يارب النوبة ديا سماح | أحمد المغينى - محمد انسان

حورية - مصطفى شريف
كلمات : محمد انسان
من ديوان #عنها_سألت_الله
الحان : اشرف_الشريف
توزيع وميكساج : ميدو_راشد 
سولو كمان : ديفيد هانى 
music revolution studio : تنفيذ 
مصطفى شريف www.facebook.com/Mostafa.sherif.singer

مصطفى شريف - حوريه - كلمات محمد انسان

آخر كلمة في محمد محمود | محمد إنسان

كلام احمد يونس عن محمد انسان في كلام معلمين

كلمات : محمد انسان
الحان : سامح جلال
توزيع : أحمد عبد الواحد
-----

حد ينده ع الابتسامة 
اللى فارقت الوشوش 
حد يصرخ و بملامة 
فى وش ناس مابيختشوش 
حد ينده ع الضماير 
حد يعكس اللى صاير 
حد يقول للفرح يرجع 
لـ كُل قلب مابيشوفوش . !

‏#ديوان_انسانيات
page : facebook.com/mohamed.eNsaan
account : facebook.com/mohamed.ensan1

Popular tracks by ahmed shkshk