قال وانا فكرت الجرح فِـ قلبي عالجته ولم.

لا فاكر امتا بقينا سوا .. ولا فاكر يطلع اسمك اي

دلوقتي بقالك تقريبًا ألف و100 يوم..

وساعات ودقايق مش جمبني.

وانا وعد اسيبك مرتاحه ف قبر قصايدي   الله 💙

وانا قلبي اسود من الأحزان  مين هيرده؟!😅💔

تأليف موسيقى وهندسة صوتية: يوسف محمد
https://www.facebook.com/yousefdark960?mibextid=ZbWKwL
كلمات: محمد عصام
https://www.facebook.com/M7mdess16?mibextid=ZbWKwL
الكلمات:

وان سألوا قال إيه قبل موتُه
قولوا انه قال:
"كان نفسُه يبقى في قلوب الجميع
هادي ووديع
وأحن م الأيام على المكسور جناحُه
واطيب من اللقمة اللي فـ إيدين الغلابة
وأخف من كل اللي راحوا
ومسابش خدش ف قلب حد الا وداواه
ومكانش وقت الحُزن ياخد ناس معاه
كان محب
وكان جميل
وكان بيكره الدمعة ف عيون كل الحبايب
كان يحب القرب
مايحبش يكون عن حد غايب
وانه نفسه يسيب أثر في قلوب حبايبه
وانه طول الوقت كان بيخاف يضيع
وكان برغم القسوة م الأيام..
وحزنه
بيحب الجميع!

قبل موته - محمد عصام

هندسة صوتية: احمد سعيد بكير

https://www.facebook.com/ahmedsaid14?mibextid=LQQJ4d

كلمات: محمد عصام

https://www.facebook.com/M7mdess16?mibextid=LQQJ4d
 
الكلمات:

مش كنا خلصنا من السيرة!!
في إيه تاني!؟
قال وانا فَكَّرت الجرح فـ قلبي عالجته ولمّ
وان انا دلوقتي بقيت أحسن
بقا انام وانا فاكر نفسي نسيت..
أصحى والاقي..
جرحِك في القلب منقَّط دم!!
بقا كلمة في كلمة تفكرني!! 
أو تفتح باب قلبي على الريح..
من بعد ما كنت شهور سَدُّه
إبيَضِّت عين يعقوب م الحزن.. ارتد بصير
وانا قلبي اِسوَدّ من الأحزان..
مين هيردُّه؟
هتشوفي الناس عمارات حَيَّة..
بيخش ويخرُج ناس منهم
تلاقيني مابينهم بيت مهدوم!!
فكَّري بمحايدة ده مين هَدُّه!؟
بقا بعد ما كنت..
لا فاكر إمتى بقينا سوا
ولا فاكر يطلع إسمك إيه!
وفراقنا ده ذنبك أو ذنبي
في مجرد ثانية لاقيتني بقول..
دلوقتي بقالك تقريبا..
ألف و 100 يوم
وساعات..
ودقايق..
مش جنبي!
شايفة النقلة؟..
من فاقد ذاكرة.. لـ مُؤَرِّخ!
شايفة جروحِك ودِّتني لفين! 
الدنيا تجيبك من غير قصدك توجعني
وانا بعتبرك..
جَيَّالي عشان تسألي عنِّي
الواحد لو ماجَبَرش بخاطره.. هيجبر مين؟
كنت بستغرب شعوري فـ كل مرة..
فيها باغلط في الكتابة..
وقت ما اطمن واقولك:"هاملة إيه؟"
وانتي بتردي بروتين عادي ورتابة
كنت مش فاهم ساعتها إيه الإشارة
واتضح لي بعد فترة..
إن انا كنت الإجابة!
كنت باتعكز عليكي وانتي مايلة
سيبتي إيدي تتوه سنين.. رغم المحايلة
كنتي قايلة..
إني مطرح ما ابقى كنتي.. هتِبقِي جنبي
وهو إيه مفروض يزَعَّل..
قد إنِّك كنتي قايلَة!!
كل ما اغلط وافتكر..
تِغمَق الأيام السودة 
تعرَق إيدي فـ أيام باردة
بتموت وردة..
وبتكبر صبارة فـ قلبي
وتزيد الطرق المسدودة  
وتبوخ أشياء..
كان المفروض افرح بيها
أو كل ما اقابل.. 
ذكرى مابينَّا فـ أي مكان اهرب منها
متخيلة بهرب.. من ذكرى!
دي الدرجة الكام م الضعف اللي انا واصل ليها!
ويجيلي فضول دايمًا أسأل..
جيت حتى وَلَو مرَّة فـ بالِك؟
بالصدفة فـ أي طريق مثلًا
ويا بختِك حتى لاقيتي طريق!
أنا لسَّة بترفُضني الطُرقات
واشمعنا انا بس اللي الأيام بتفَكَّرني؟
وانتي الأيام وخداكي بأحضان النسيان!
وكأن مفيش..
لون احمر عندِك في الإشارات!
مش عدل ان انا بس اللي اخسَر!
هو انا كنت لوحدي اللي باحب؟
وان كان ده حقيقة.. - وده الواضح-..
ليه علَّقتيني بإن وجودِك شئ دايم؟
ليه تمحي هزايم.. لمَّا انتي هتِبقِي هزايم؟
ليه شيلنا خيار "انِّك تمشي"..
من ضمن جميع الإختيارات!؟ 
أنا أثَّر فيَّا فراقنا لإني مانيش زَيِّك
أنا باملُك قلب!
وكنت ضحيَّة لـ تهديدك
وان شوفتي فراقنا ده شئ عادي
ده عشان بس اختارتي بـ إيدِك! 
أمَّا انا علشان بس انساكي..
كانت بتدوس فوقي الأيام..
لو مهما راضيتها ومهما عملت
ومكانش في غير.. باب قدَّامي
ورا مِنُّه النار اللي انا دلوقتي بقيت فيها
زقِّتني الدنيا.. لاقيتني دخلت
اه ياما فارقني بشر لكن.. كنتي خلافهم
وجعِك مش زي حاجات عدِّت وأثرها بسيط
الطلقة فـ قلب ازاي تشبِه.. جلطِة أسفلت!
إن جينا وحبينا نقارن..
كنت افتكرك أيام وشهور.. وانسى دقايق
وانتي تفكَّري فيا دقايق.. وبتنسي سنين
كات صفحة بسيطة وسهل ايامك تقلبها!
إنتي الأيام ضحكت ليكي.. جابتلك دبلة
وانا لسة بابيع..
في خيالي الدبلة اللي المفروض كنت هجيبها!
إنتي بتحسبي بالنسبالك..
كام مَرّة كتب ليكي "بحبك"
وانا بحسب كام مرة قصيدة..
علشانك كنت باعَذِّبها!
واضحك مكسور.. لو جيت اسمع..
"لست وحدَك حبيبها"
وبرغم انها واجعة.. باسيبها
وبرد واقول لـ حليم غلطان
كان المفروض تقسَى عليا..
وتعدل نص الأغنية.. 
وتقول وانت مشاور ليا..
"ولا عمرَك كنت انت حبيبها" 
أنا اه مش أحسن من بعدِك
لكن أحسنلي ان انتي بعيد!
وان كنت اتخانت وانا معاكي
صعب اني اتخان وانا شخص وحيد! 
داين وتدان واهو ده العادي
نقطف في الورد عشان نهاديه للناس يدبل
تقطفنا الأيام بإيديها..
وفـ حالتي لاقيتك إنتي الإيد!
مبقاش ينفع تاني افتكرك
ولا ينفع اقول ذكرى وعَدِّت..
وانا نبرِة صوتي تبان باردة
في حد يبات في النار أيام.. يخرج مبلول؟
عجَلة أيامي يادوب كانت لسة هتمشي
أفتكرك تاني ألاقي ان الجنزير مفصول! 
مبقاش ينفع أبقى طبيعي فـ وسط ده كله
ومافيش ولا حاجة عملتيها تخليني اغفر..
صعب ان القاتل يتصالح ويَّا المقتول!
خليني انساكي..
ويبقى أخدتي ثواب انِّك خرَّجتي سجين
واديني ضمان زي الشركات..
إنِّك ماتجيش تاني فـ بالي
واني ارجع اعيش زي عوايدي
وان كان الحل..
مقايضة شئ قدَّام الشئ..
فكَّري فيها.. 
خليني انساكي ويبقى عملتي جِميل فيَّا
وانا وعد أسيبك مرتاحة فـ قبر قصايدي!

١٨ يوليو ٢٠٢٠

ألف و ١٠٠ يوم - محمد عصام

هو التراك ده طويل ؟ ولا التراك طوّل!

احمد الطحان لـ زينب + موسيقي

قصيدة عشرين ديسمبر للشاعر - احمد ابراهيم و المغني الصوفي - احمد ايكو 
تصوير موسيقي و توزيع : علي فايتر 
تسجيل : فايتر استديو

قصيدة - عـشرين ديـسمبر

- نصيبي وقسمتك "كوميديا سودا"-

ليها .. 
لاول مسكة ف ايديها
لاول مرة اقول حبيت 
واخر مرة اقول حنيت 
واول مرة انا حسيت
بنظرة شفقه بتهينني 
لبوسة ف كفها مني 
يارب ف حبها عِينّي 
سِكتْ ف ردها اكمني ..
مكانش ف بُقّيِ اي كلام 
لكل مقابله ف الدقي 
وكل مقابله ف الاحلام 
انا عارف ..
خمورجي وسيرتي زي الزفت 
قتلت بنات كتير قبلك
جنيت علي نفسي لما قرفت
ماليش ف الدنيا ولا ف الدين 
ولابس ماسك بني ادمين
ممثل كوميدي بس حزين 
ف دور ابليس 
صحابي اتصفصفوا لاتنين 
قفلت الدايرة بالترابيس
لقلمي الحبر .. ولمحمود 
لوش القهوة لو مظبوط
لقطر الرحلة لو هيفوت
وانا ف محطة النسيان 
انا زعلان .. 
وزعلي ماهمش العالم 
وكل الخلق عادي تمام 
محدش قالي ايه مالك ؟ 
محدش حتي جاب منديل ! 
كأن دموعي دي تمثيل 
وكل الناس بتتفرج 
وبتهرج 
وانا عمال اقول : زعــلان 
يرد نصيبي : طب اكششن
كوميديا وسودا/ ضحكة هم 
قفلت الاوضه وانا بتغم 
قعدت ف ركني بنزف دم 
وضحكوا الناس علي الافيه 
بقولك اي ..
ماهوش لايق عليكي الحزن
انا مش ببكي دي دراما 
ماتتعاطفيش 
وماتخبيش كلام جواكي مابيطلعش 
ف اخر الفيلم انا هضحك
وانا متشال ف خشبة نعش
لازلتي كريمة واصيلة
وحلوة ف شكل فستانك 
مكانك جمبه ف الكوشة 
ولكن ف الفؤاد محفوظ 
ي بخته ابن الحلال محظوظ 
خلاص هيفوز.. بمسكة ايدك الياسمين 
بقيت مانيكان 
مابسكنش ف قلوب الناس 
مكاني الغربه ف الفتارين
لاعمري ف يوم حاولت امشي 
وكانلي ف ضحكتك مشوار 
ضربتي قصيدتي ليه بالنار !
وسيبتي رصاصه ف صميمي 
في وعد قديم ولازم اوفيه
تكوني الليله تقديمي .. 
ي زينة ي ست كل الناس 
هتبقي خلاص ف ايد غيري 
هكمل رحلتي وسيري 
وف الخلفيه ناي وكمان
ورب الكون انا زعلان ! 
وزعلي ماهمكيش بردو 
لقلبي ف مذهبك فرضه 
كأني ف معبدك كاهن 
سكنت ف كل ضواحيكي 
سكنتي ف عيني وحديكي 
مكانش ف قلبي فاضي مكان 
بتبكي ازاي ف ليلة العمر !
ياستي خلاص مانيش زعلان 
وماتبصيش عليا كتير 
وخلي عنيكي ف عيونه 
مالوش ذنب انه بعد الحب 
حبيبته ف ايده وتخونه 
قوليله ده صاحبي واحنا عيال 
وجاي الليله بيبارك 
وعينه بتبكي م الفرحه 
عشان كنت ف مقام اخته 
واديه مبسوط وزي الفل 
و واقف مبتسم للكل 
بيكتب شعر حلو جميل 
ويوم ما من الوجع بيميل
بيعرف بردو يتحمل 
ويسند روحه ويكمل 
يبص عليا يتأمل
ويقلب ضحكته تكشير
كفايه كلام عشان ببغير
..
انا همشي بعيد عنك
وهشرب حزني ف سيجارتي 
امانة الله 
حلفتي ماتبعدني عني 
واديكي الليله قدرتي 
خلفتي الوعد بتراضي
بقيتي الجاني والقاضي 
حكمتي عليا وظلمتي 
وانا مجني عليه وراضي
ماعلقتش علي الموضوع 
وقولت تمام .. هعيش موجوع 
ده حقك تمشي وتروحي 
يمين بالله انا مرتاح 
صحيح الشوق ساعات جراح
ولكن بردو هستحمل
وهمسح دمعتي برمشي
انا همشي ..
هتوه ف الزحمة وانساكي
هروح اسكندرية خلاص 
وهقعد وحدي ع الكورنيش 
مفيش والله شئ منك 
كأنك حلم واتبخر 
وفرصة بتيجي متأخر
تمام والله عادي تمام 
هحوش دمعتي لقدام 
لوقت ماعيني توجعني 
لوقت ماحد يسمعني
واحس ف عينه بالشفقه 
ملامحي لايقه ع الاحزان 
عروسه ولايقه ف الفستان 
ف اخر مشهدين للحلم
يتوه دخان واتوه وياه
ويبقي ف تتر اخر الفيلم 
"نصيبي وقسمتك وحياه"

#طارق_عادل
٢٠١٧/٣/١٣

نصيبي وقسمتك - طارق عادل

قصيدة زينب - الشاعر احمد الطحان
ريمكس وهندسة صوتية جديدة .. كمانجا مكس
Mustafa El-Mallawani

زينب - أحمد الطحان [مكس كمانجا Prod. Mustafa El-Mallawani]

إهداء للفترة من " يوليو 2017 " إلى " سبتمبر 2018 "

كلمات : محمد عصام
https://www.facebook.com/M7mdess16

هندسَة صوتية وتوزيع : مصطفى الملواني
https://www.facebook.com/MustafaElMallawaniacc

الكلمات :
https://www.facebook.com/M7mdess16/posts/484955941985832?comment_id=485914351889991&notif_id=1537659983557617&notif_t=feed_comment

سالب ميم ( طلوع الروح ) - محمد عصام

هندسة صوتية: أحمد سعيد بكير
https://www.facebook.com/ahmedsaid14
الكلمات:
شافني من بعد الفراق..
مكسور..
زي اللي واقع من حداشر دور..
على قلبُه
وجسمُه سليم
حزين..
زي اللي جاتله الأزمَة في الصحرا
ملقاش إيدين 
قلقان..
زيي في وقت ما يبقى بيننا معاد
واخاف ماتجيش..
تعايرني كل العقارب وقت تأخيرِك
وحيد..
ومش علشان لوحدي
علشان مكانش مشاركني حد في روحي.. غيرِك
تايه..
زي بعد ما غيبتي ونسيت اسألِك..
أستنى ولا امشي؟
ساعتها بس عرِفت تأثيرِك!
في حاجة فيا كل ما اقتلها
تيجي عينيها في ذكرى تحييها
قولتلها اقابلِك صدفة.. ترتبكي
ودي فرصَة ممكن ارجَّعِك فيها!
سألِتني عن معنى الألم؟
-بصيت لها وسكِت
سألِتني عن معنى الأمل؟
-بصيت لها وضحكت
سألِتني عنِّي؟
-بصيت لها!
وفِضِلت اراقِب كل شئ فيها
كإني آخر مرَّة هقابلها
بعديها قولت:
"لو عيني غِفْلِت.. قلبي هيعاكسِك"
قالتلي: "روحَك جميلَة"
قولتها: "مغرورَة..
بتمدحي في نفسِك!"
انتي اللي ممكن تحسمي الموقف
وانتي اللي عارفَة حنيني وعلاجُه
مِشْيِت.. كإنِّي بمشي وياها
مشلول وسابُه الكرسي.. محتاجه
ساعتها كنتي واثقَة في قرارِك
إزاي تقولي بحبَّك وانتي مترددة؟
وتودَّعيني الليلة ب ثبات واندفاع
إيه اللي أصدَق من عينيكي لو قالِت "بحبَّك"
غير عينيكي وهي بتقولِّي "الوداع"!
لو جينا قيسنا حنيني وحنينِك
قد الفروق فيما بين..
السنتي والكيلو
الغربَة برَّة البلد.. والوقفة برة البيت
الوقفة جوَّة الغريق..
والقعدة فوق الشط
عياطي مرة وحيدة..
وعياطِك الغالب
لو جينا قيسنا حنيني وحنينِك
يشبِه حنيني بس بالسالِب!
وتعالي نتبادل...
قلبك وقلبي والزمن يرجَع
وابعِد واسيبِك والسبب "مجهول"
شوفي ساعتها الجرح يبقى ازاي؟
وهتفهمي دلوقتي..
ليه مقتول!
أنا كنت وحيد..
بعدين جيتي
ومشيتي.. رجعت وحيد أكتر
بفقِد يومياً أي سبب بيه ممكن اعيش
واكسب يوميا حزن اكبر
تعايرني ب بُعدِك كل الأشياء حواليا
من بعد ما طَلَّعت لساني..
للدنيا بحالها عشان جنبِك
ترميني الذكرى ل ذكرى أحَنّ.. تفَكَّرني
تفتح صِدري وتاخد قلبِك..
ومعانداني
فكَّرت اِنِّك..
حقي اللي الدنيا اديتهولي ومتشال ليا
وطلعتي سلَف.. حبَّة ويترد
هل ينفع أستِلفِك تاني؟
كنت عارف..
طرق كتير للإنتحار
وفي يوم ما غيبتي..
خلِّيتي قلبي.. ينتحر بالغصب
وعرفت ترجمة الوداع في العين
وسحب الروح مع الإيد في السلام
كان في كلام جوَّايا كان لازم أقوله
بس تأثير الغياب.. خلِّاني أخرس!
ويأسي نسَّاني الكلام
من بعدها..
مافيش منديل مسكته الا..
وبتخَيِّل عليه ذكرى
يجوز روچِك
يجوز دمعِك
يجوز كحلِك
كلام لما فارقتيني
١٠ مناديل مافيش فيهم..
واحد فاضي
عشان امسح دموع عيني!
مكانتش أول مرَّة افارِق..
بس اول مرَّة اعيَّط!
مكانتش أول مرَّة تمشي..
بس أول مرَّة تِمشي!
كنتي جنبي وانتي مش جنبي
واللي كان قلبي.. ماهوش فيا
مش عوايدي أعيشها من غيرِك
مش عوايدِك تبقِي مش ليا!
اللي قالك تمشي كان قلبك
واللي تَبِّت فيكي كان عيني
مدِّي عينِك هتلاقيني هناك
سيبي قلبِك هتلاقيني هنا
واربي بابِك هَوحَشِك.. تيجي
راجعَة ليا وفْ إيديكي "أنا"
تاخدي مني شوقي وحنيني 
ليه بتمشي لما اقول " لأَّه"
واما اقول انا همشي.. بتصُدِّي
ليه وليه ؟.. ب إجابة ممسوحَة
إنتي فين؟..
مش كنتي بتردي!
كل شئ في الدنيا مش عاوز رجوعنا
وانتي كنتي كل شئ
والأماكن حتى رافضَة نروحها تاني
إلا لو كان كل واحد..
ناوي يبقى يروح لوحدُه
والأغاني..
مِنْها كام كوبليه.. معاكي
وكل شئ ناقص كتير.. زي الأغاني
كات بتوجَع قلبي ثانية..
لو مقَضِّيتهاش معاكي
شوفي وَجَعِت قلبي كام مرة الثواني!
كل حاجة عليها ريحِة البُعد بيننا
زي ختم برفض تأشيرِة سفر
أو نهايِة كل حلم مابوصَلوش
وكإننا في إنترفيو لـ علاقة ناجحة
بس قالوا ماينفعوش!
كل شئ في الدنيا مش عاوز رجوعنا
تخيَّلي!
حتى القدر..
شل القدر إيدي في فراقنا عشان..
لو جيت حضنتك هقنعك تفضلي!
دلوقتي وانتي بتبعدي عنِّي
مع كل خطوَة حاجات كتير هتموت
خطوَة!
مسكِة إيديكي واحنا بنعَدِّي الطريق
خطوَة!
كلمِة بحِبِّك بعد أي خصام بريئ
خطوة!
فرحِة عينيا لما بتشوفِك
خطوة!
كل شئ بقا حلو فيا
خطوَة!
والشعور بالراحَة وبطعم الحياة
خطوَة!
أثر الحاجات الحلوة طول الوقت
خطوة!
وانا برضو من ضمن الحاجات ديَّا
في خطوة هتخليني اموت دلوقت!

من بعد الفراق - محمد عصام

تلاتين تلاته(30/3)

هندسة صوتية:
https://www.facebook.com/ahmedsaid14

الكلمات:
أنا والليالي بنربط الحلقة
أنا والليالي بننصب النَصبَة
انا والليالي بنقلب الكرسي
الحكايَة في وقت ويعَدِّي
روح وعند الإنتحار ترسِي
أنا والليالي ! ..
لأ أنا لوحدي
…
ودَّة عيني تشوفِك الليلة
ودَّعيني يا "ذكرى" يا جميلَة
صدَّعيني بـ صوت أخير مرَّة
صَدَّة عيني مسافَة مضطرَّة
تبقى بيننا.. يارب تبديلَة
رجَّة عيني دموعي هَتنَدَّع
رجَّعيني لـ دُنيا بتوَدَّع ..
الجروح - التُقل - في الشيلَة
إلتقيت بـ اصحابي من فترَة
أرسِم الأوجاع قصاد عينهم
يرسموا الأوجاع قصاد عيني
يخلَص الاسكيتش عَدا ورقَة
أرسمِك بـ إيدين..
تهِدِّيني
هي حرب أخِرها في هزيمة
في هزيمَة بتنتهي بموتَة
في هزيمَة بتنتهي بـ كسرَة
في هزيمَة وانتي عرفاها
قصدي يعني لما تنسيني
قالوا صابني سهم كان طايش
سهم إيه! ..
دبابيس في شراييني
قد ميلي لـ عينِك الحِلوَة
قدِّميلي الذكريات خِلوَة
عُزلَة راحَة في عالَم الزحمَة
إختميلي نصوصي بـ عينيكي
واختميلي فُراقنا بـ إيديكي
لمس إيدِك في الوداع رحمَة
الشتا قارس ومش حاسِس
الفراق قارص وبتوجَّع
النصيب قارص في رَمياتُه
والخسارَة نصيبي .. بَتوَقَّع
الصَدَف وشوشتها تقولِّك
والصُدَف حَلِّفتها تئول لِك
لو تخطي الدُنيا هتقولي
الشوارِع عارفَة عِنواني
" هذه " لأ " تِلكَ "..
بتخَيِّل!!
ولِّدتني م اللي فات.. عيل
عرَّفِتني الدُنيا بـ عينيها
رجعتني لـ اللي فات تاني
إعذُريني عشان قليل حيلَة
كل شئ في الدُنيا بالحيلَة
بس انا ساذِج.. مفكَّرتِش
في الحلول الصح..
فهماني؟
في العلن ويايا .. مخفية
بذكُرِك بالخير في حكاويا
سامعَة؟ ..
لسة بقول غزل فيكي
" رجعوني عينيكي لـ عينيكي "
إختلاف أذواق في أُغنية
بحضُنِك من غير حساب يمكن
وانتي عارفَة حدودنا.. 
حفظاها
ده دليل لـ غبائي وذكائِك
كل مرَّة باعود جروحي تزيد
ببقى غرَضي اني احضُنِك.. وانسى
إن بيننا في سلك كان شائِك
قلِّديني في إني بتمَسِّك
قل ديني بقيت شيطان .. مَسِّك
إستعيذي يجوز تفارقيني
وَدَّة عيني تشوفِك الليلَة
ودَّعيني ثُمَّ ..
واعديني!

13 نوفمبر 2017

ودَّة عيني - محمد عصام

لا تخافوا واهربوا
لا تخافوا وانتحروا
https://www.facebook.com/profile.php?id=100060171747199
special thanks to / El Ghol

هتسيب ولا تموت 2. ★ +18

Facebook profile:-
https://www.facebook.com/M7mdess16

ألف و ١٠٠ يوم - محمد عصام

Muhamed Essam - محمد عصام ✪

Recent comments

Yassin Elhadary

Hend Gamal

ammar nashat - عمار نشأت

سُهِـيلة جمـال♡"

Related tracks