عندى_برد

عارف لما بـ نتمنى لو كانوا كِدبوا علينا .. بس استنوا؟
لو كانوا استمروا فى الكدب ... بس استنوا؟
لو كانوا اتكلموا فـ وشنا بـ حُبنا و من ورانا بإننا صعبانين عليهم .. بس استنوا؟!!
عارف إحساس الخوف من إنك ماتحبش تانى اللى بيخليك تفضل ماسك فى اللى واجعينك زى القط اللى ماسك فـ خنّاقُه فـ تفضل ماسك فيهم بـ رغم كل حاجة عشان يستنوا؟
عارف لما يصعب عليك الحلو فـ تنسى الوحش اللى خلى الروح جواك أرض شوك .. كل دا عشان يستنوا ؟
عارف ؟
لما تفضل مستنى إنك تعرف إنهم لسه هنا .. موجودين .. مستنيين ... هايفضلوا حتى لو بعيد بس هايفضلوا؟
عارف لما تتنازل عن كل الطلبات و الأحلام و الأمنيات و الذكريات الطبيعية معاهم عشان يفضلوا موجودين و عشان ماتزهقهمش و ماتزعلهمش من غير ماتقصد - كل دا عشان يفضلوا؟
عارف لما يبقى المكان اللى هما فيه جواك ماتقدرش تتخيله فاضى و من غيرهم .. تحس ساعتها إنك انت نفسك ماعادش فاضلَّك حاجة مِنَّك لأنك عبارة عنّهم فـ تبلع كل الإهانات و الزعل و الخناقات و تختصر كل المسافات اللى هُما بـ يزوّدوّها بس عشان يفضلوا؟
عارف كل دا؟
بافكر فيه يوميًا .. عشان كان نفسى إنت تستنى ..
عارفة انك مش هاتقرا .. بس انا مش قادرة ما أحسش بيك .. و عارفة انى مهما ندهت انت مش هاتسمعنى .. بس انا مش قادرة ما اندهش عليك ..
و عارف برضو؟
هادعيلك ..
ربنا مايكتب عليك تستنّى ..
ربنا يحبك و يكتبلك حتة من الجنّة ..
يارب كل خطوة تخطّيها و انت من غيرى .. تتهنّى

#مروه جمال الدين

عارف؟

وحشتينى وطول الوقت انا عايش ع الذكرى
مليش بكره عشان غيبه بعيد عنى وعن عينى
وحشتينى ومحتاج ليكى لعنيكى هنا جمبى
تعب قلبى .. ولو غلطان خلاص انسى وسامحينى
طال الفراق مبقتشى عارف
بعدك انتى هعيش لمين
طال الفراق والشوق خلاص مبقتشى يوم بقدر عليه
راح فين غرامنا اللى اتحسدنا ف يوم عليه
عمرو جلبط#

الاكونت
https://www.facebook.com/m0hammed.fathi


mohamed fathi

Popular tracks