انا اكتآب فوق أكتآب فوق أكتآب فوق أكتآب <3 <3

هات صباره و ادفنا هههههه جامده افؤش و الله

Album Name : Zamn EL-3agayb
Mix & Master : Gigo
Rec. @ : Fo2sh Home Studio
الالبوم بيتكلم عن مواضيع كتير ومهمه اوى فى حياتنا 
يارب الالبوم يعجبكو متنسوناش فى الشير بقه <3
فؤش

Mohamed Foaad - Album Zamn EL-3agayb " Mixtape " 2016

One of the reasons they started calling me the Long lost Member of WUTANG

MIC-PHU

Lyircs By : Ehab EL-Kilany & Me " Chourse " 
Verse 1 & 2 : Mohamed Foaad " Fo2sh"
Chourse : Fo2sh
Mix & Master : Fo2sh
From Album : Zamn EL-3agayb 2016
Beat : Free Beat
Rec. @ : Fo2sh Home Studio
Lyrics : احباط اجبارى
واسألو عني يوميها
موتي كان بالاكتئاب
والا حلمي لما مات
جم وعضوني الكلاب
-----------------------------------------------------------------------
خططك بخصوص المستقبل بتحاول مره لو توصل
 فــ يعاندك كل المتخبي وزيادة احباط مش اكتر
 فاصل في حياتك مش حاصل احباط اجباري وهنواصل
 احباطك بيقابل ضحكك ...راضي ومش راضي بيلاعبك
 تفاصيل في حياتنا الملعونه ..بتحاول لو يطلع دينك
 احداث علشانك معموله .. علشانها الدنيا هاتدينك 
وساعات بنكون عايزين نحبط لمجرد ان مافيش مخرج
 وانا احنا أساسا مش فالحين غير في القهوه وشرب النيكوتين
 واللعب بجرح البني ادمين وبقولة لأه .....
 مش طايقين 
نسمع لمنير ... ونحب فؤاد 
نسرح في اغاني .. ..ندوب في حنين
 مع كل بدايه ...يكون تخمين مع كل نهايه ... نعيش تايهين
 ونعيش ناسيين .. 
ايه شكل الحاجة بدون إثبات ؟
 أو ليه دايما بنشوف احباط ؟
 مالي العالم فنكون أموات ؟
----------------------------------------------------------------------------------------------
انا المكبوت .. والكبت باين عالجدران
انا المكتئب .. مش شايف طريقى من الدخان
انا اللى جوه بلدى مش حاسس بالامان
انا الاحباط والاكتئاب داخل اى انسان 
--------------------------------------------------------------------------------------------
كل شئ فيا بيهرب من بداية اكتئاب
حلمي عايشه من سراب.. سني لسا في الشباب
بس جسمي شكله داب ...من عروض الاكتئاب
والخضار اللي في عينيا... فجأة اصبح كوم سواد
والتفاؤل من سذاجته.. سابني فجأة وشكله غاب
والنجوم حالفة تبانلي.. بس خايفة من الضباب
انا اكتئاب فوق اكتئاب فوق اكتئاب
فاعذروني لو هاغادر او راح اكبر من العذاب
واعذروني ..لو بايدي ! بس حلمي اصله شاب
وان في مرة رجعت تاني فاكتبو حلمي غياب
واحلمو انتو بدالي وشيعوني عالتوالي
وادفنوني بالتراب




09 -  A7bat Agbary - احباط اجبارى

Lyircs By : Mohamed Foaad " Fo2sh "
Verse 1 & 2 & 3 : Mohamed Foaad " Fo2sh"
Chourse : Sufi Band
Mix & Master : Gigo
From Album : Zamn EL-3agayb 2016
Beat : B8yabk
Rec. @ : Fo2sh Home Studio
Lyrics : بغيابك

في البدايه حولت اوضح ان الدنيا ديه فانيه 
خدت طريق الذنب مصير شفت الدنيا ديه خاينه
استسهلت ...  للذنب بقيت مبتوبش
 بعمل كل اللى عايزو لحد امته انا معرفش
خايف طب و ازاى ما انا كنت ما بخفش
اخدونى نسخه من ابليس ازاى وليه معرفش
شفت دنيا خاينه قاسيه دواره في سنين كتير
شفت كره حقد بقذاره تعبت من التفكير
لازم اراجع نفسى قبل ما يفوت كتير
لازم ارجع لربنا هيسمحنى ده قلبه كبير
نصيحه يابن ادم فكر ولو للحظه في التغير
فكر ازاى تعيش لله تعيش بردو بضمير
------------------------------------------------------------------------------
من صغر سنى لحد ما وصلت سن الرجوله
ذنب ف ذنب بعمله من بدايت الطفوله
خدت طريق الذنب مخير مش مصير فيه
عجبنى فستسهلت فمشيت في الدنيا بيه 
ابتديت ابقى وحش في اقرب حتى الناس ليا 
اهلى صحابى و حبيبتى ومفضش يوم بيا 
هيا الحياه علمتنى اخدها كدا 
طايش عايش بلا مبلاه بدون حساب و رقيب
بعدت عن صلاتى بعدت  عن القران 
بعدت فالدنيا اتقفلت من جميع الاركان
خايف اكون مش هتسمحنى لما اتعشم فيك
وجودك جمبى حمينى راجع تايب اليك
-----------------------------------------------------------------------------
راجع تايب اليك كنت واثق من وجودك جمبى 
كانت عارف لما ادعيك هتسامح و تغفر ذنبى
نصيحه يابن ادم فكر ورجع اليه
ارجع ولو ذنوبك هموم جبال خليك عشمان اوى فيه
ربك رحمته واسعه خلقنا عشان ندعيه
من كل هم  وذنب و ضغط خليك واثق اوى فيه
هو اقريب اليك من حبل الوريد


05 - B8yabk Remix - بغيابك

Lyircs By : Mohamed Foaad " Fo2sh "
Verse 1 & 2 : Mohamed Foaad " Fo2sh"
Mix & Master : Fo2sh
From Album : Zamn EL-3agayb 2016
Beat : Mabnsash " Karim Mo7sen "
Rec. @ : Fo2sh Home Studio
Lyrics : فاكره 
بعد الفراق الكل يسالنى انتا مين 
بضحك وزياده على الكلام ف دموعى تنزل من العنين
حاسه اللى بيا .. طب عنيى بتوحشك
حاسه ان صوتى في سكوتى بيوصلك
لسه فاكر كل ضحكه و كل كلمه قولتها 
فاكره لما قولت عاشقك كنت صادق وقتها
فاكره لما كنت اغيب عليكى او تغيبى 
كنت بحس الكون غريب اوى من غير حبيبى
فاكره لما اكنت اضيقك بالكلام عشان تغيرى
واما تغيرى احس بعدها بدموع كتير فعينى
كل اللى فاتنى انا نسيته بس فاكر ضحكتك
فاكره لما كنت اقولك انى عاشق دنيتك
فاكره لما كنت ازعل تحضنينى في جنيتك
سيبالى ليه ذكرى تاخدنى لابعد ذكرى لسكتك
انا عايزك انتى و عايز بدل الذكرى تبقى اصل
انا زى طفل في ابتدائى عاشق بنت جمبه في الفصل
----------------------------------------------------------------------------
انا قلبى عاشق للحياه .. انا قلبى عاشق للغنا
انتى زى الرحمه ليا و انتى بردوا لملهمه
انتى وانا .. وانتى انا .. انتى بكل الامكنه
وانتى القدر وانتى اللقا .. وانتى الجميله الطيبه
الوقت في بعدك مبيجريش و الثانيه تعدى  سنه
انا  لو مش ليكى  لمين هعيش .. ده انا اموت في ثانيه سنه
انا لسه بعيش ماسك ايدكى .. فحاولى  تبقى انا
انتى الحلم اللى بحلم بيه وانتى الاغانى الممكنه
طب فاكره .. لما بقلدك وبضحك  ضحكتك
 فاكره اخر مره جريتى عليا فخضتك
فاكره لما اتحميتى فيا من وحدتك وصحبتك
انا كنت عاشق عشق الاب فحبيتك وخليتك
بنتى الوحيده .. بنت قلبى ونور عنيا 
انتى صوت الكمان معزوف جوه اغنيه
لو لسه بقيا على اللى بينا .. اهربى منى فيا
ده انا لسه ماسك ايدك فمتسبيش ايديا



04 - Fakra ' Pt 2 ' - فاكره اا

Lyircs By : V 1 " Gigo & V 2 " Mohamed Foaad
Verse 1 : Gigo
Verse 2 : Mohamed Foaad " Fo2sh"
Mix & Master : Gigo
From Album : Zamn EL-3agayb 2016
Beat : Free Beat 
Rec. @ : Fo2sh Home Studio
Lyrics : اربع حيطان
مابين ميدان الوحده الضحكه هشه زي الخيط
بيعد سنين حياته وعمره ضاع على كل حيط
سقف حلمه تحت سقف السجن بخمسه سانتي
مابين جدران الموت يعيش العمر زي الطيف 
وصف الحاله شخص عادي استنى يمكن يلقى الحتف
قلب جف دمع جف رباطة جأش اهل الكهف 
عمر سف .... مابين تراب السجن القلب باش
ملحوظه جرح القلب مش هيعالجه حبه شاش
فكتف الخوف ملامحه تظهر قلب نبضه باهت
رسم القلب عالجدران عمر العمر كان عالهامش
الحزن يونس وحدته العتمه تطايب خاطره
الدمع بيحضن غربته والهم يزود صبره
عايش بقلب وعقل وروحه متجزأه 
مش مسأله صبر اتخنق حلم اتولد يومها اتقتل
سايب  ...الوقت يداوي جروح وحيرة قلب احتار  
سهل تنسى لقطه ... الدنيا كاس وبار
----------------------------------------------------------------------------------
سامع صوت انسان ملهوف
عزة نفس فضهر الخوف
صوت المقام مكتوم صوت النايات مجروح
صوت الكمنجه فعينه سكوت
----------------------------------------------------------------------------------
فوسط اربع حيطان متلجم بوقى عينى  ايديا متكتفه
سامع صريخ جوه منى بيقول انسان فاشل
فوسط اربع حيطان مخنوق مكبوت 
والكبت باين على الجدران 
مكتوب كلمه بالشقلوب في كل ركن في الحيطه
سيبالى ذكرى منسهاش
انسان و عاش مخنوق مقيد كويس انه عاش
ليه الناس بتدور حوليا بالف وش ووش
ناس بتبيع ناس بتخون ناس بتسيب و ناس بتغش
وما بين الناس محبوس في اوضه عتمه ومبيفرقش
معاهم شكلى ولا حالى .. لو سكت اى يجرالى 
ليه الطيبه الزيده بيفتكرو ضعف نفوس
لا نفوذ لا فلوس طب ما تبوص ورا الكالوس
هتلاقى الطيبه قلب ابيض طالع من جوه الفانوس
هتلاقى الطيب روح الحياه وانسان دايما يفوز






03 - Arba3 7atan - اربع حيطان Ft " Gigo "

Lyircs By : Mohamed Foaad " Fo2sh "
Verse 1 & 2 : Mohamed Foaad " Fo2sh"
Chourse : Fo2sh
Mix & Master : Gigo
From Album : Zamn EL-3agayb 2016
Beat : Instrumental Beat
Rec. @ : Fo2sh Home Studio
Lyrics : زمن العجايب
زمن العجايب زمن الهلس زمن الكاش
معاك فلوس تدوس مفيش حاجه خلاص ببلاش
تتعشم في ناس بزياده تلقى الناس بقت اوباش
اوباش تحوم حوليك تخد صدمه تتدخل انعاش
زمن العجايب كل يوم بيموت الشايب 
 اضرب المربوط هيخاف السايب 
السرقه  بتيجى من المال السايب 
سرقه جهل فقر ولسه جوه زمن العجايب
الحاوى عنده كتير ياما لسه في الجوارب
ارانب وخداها ناس مش من حقها
تعليم فساد اخلاق و الرقاصه لقيا بختها
ام عشان الفلوس ممكن تبيع شرف بنتها
ملعون ابو الفلوس اللى يخليها تبيع عرضها
الحب .. الكدب .. الذنب .. الحقد حاجات ملت قلبنا
الكره .. الغدر .. القله .. السلب بقيت من طبعنا
اجرام .. اخلاق .. اهدار في المال مص وفدمنا
رشوه .. وفساد .. فن ... ابتذال موجود جوه شعبنا
-------------------------------------------------------------------------
ميكروباص جديد فاتح بابه لناس غلابه
حكايات كتير وياه اهلا بيكو جوه يا ساده
زمن العجايب هل هتشوف بعنيك وخد افاده
حكايات وجع وحنين وخد عشاق تهريب بزياده
-------------------------------------------------------------------------
ميكروباص فاتح بابه لكل الناس
من اول السواق ولحد اخر راس
اهالى كتير جواه وشباب واقف محتاس
مليان كتير حكايات وكلام كتير في الراس
ميكروباص شايل هموم الناس و الكون جواه 
تسمع احلى الحكايات لو لفيت معاه
غلط العقل اللى اقال ان بكرا احلا
بكرا لو شاف الناس لبكى وداعا الله
سواق بشهادته يقدر بفتح اكبر شركات 
ملقاش شغل في البلد لقا ادمن مخدرات
ام بتدعى ربنا لبنها اللى مات 
سافر لجل لقمت العيش غرق ومن سكات
في هجره غير شرعيه من شده الازمات
شب ومات مقتول من النصب  للبهوات
اب مسحول مع بنته بيشوف يجوزها ازاى
مرتبه في اخر الشهر بيكفى اللى جاى
شب فارق حبيبته  شرخت اهاته الناى
لملم دموع عنيه وشرب الذكرى شاى 
وفى بنت باعت عرضها نهش الفقر لحمها
الدنيا بتيجى عليها كبرت لقت فقرها
عمال بيعرى فيها و الفقر مستنيها
 واخد كل اللى ليها وشباب بتلعب بيها
راجل عجوز حكاى .. ابنه الكبير هانه
قال ايه عاوز ابوه .. يكتبله راس ماله
مراته لعبت بيه لجل الفلوس و المال
ملعون ابو الفلوس اللى تقسى العيال
ميكروباص ودنيا تلاهى ولسه ياما فيها
حكايات كتير بتدور سبحان مغير الاحوال


02 - Zamn EL-3agayb - زمن العجايب

Lyircs By : Mohamed Foaad " Fo2sh "
Verse 1 & 2 : Mohamed Foaad " Fo2sh"
Mix & Master : Gigo
From Album : Zamn EL-3agayb 2016
Beat : Instrumental Beat
Rec. @ : Fo2sh Home Studio
Lyrics : انترو
عوجه بورنيطه ونص عين سببتى جوه دايره
وسلاح بيطير ناس في ثانيه الا ثانيه
والسالبه بتصيد ارواح على روحه كانت جانيه 
على فرسه سودا غضبانه بترفص في ولاد الز...
عود التبغ مبيفؤقش ايدى وواجهى عابس 
عقد احتكار مع الشيطان ولخبثه دارس هارس افش
ما الفؤش لفوق اكيد لفوق من غضبى اجنى دوق
لو صح فوق شق الشقوق فشوقك يجنى شوك
-------------------------------------------------------
الحفله ابتدت حضرت العفاريت فؤش جه ها قد عاد من جديد
ارفع ايديك طب عالى البيت تسمع مزيكا بدون تعقيد
فلوهات تنطيت طب خد يعبيط شايفك واقف هتظيط
ده فن نضيف مش فن هالك .. 2 فى 1 ارض المعارك
ده فن نضيف مش فن هابط .. والقدره فى المعارك
طب تعرف تعمل كدا .. طب تعرف ترقص هنا
اه لو لعبت يا ظهر و مفيش صاحب بيتصاحب
الشعبى ده امره سهل .. وانا جاى من ضهر راجل
اسنجا دلع بنات طب خد وهات هاتلى كيت كات


01 - Intro ' t3rf ta3ml keda ' - انترو

بحارب ب ميك الاب .. اسمعو واتمني يعجبكو ^^ . 
Rapper : Ahmed Mezo
Lyrics : Ahmed Mezo
Vocals : Ahmed Mezo
Beat : Free 
@ 2016 - 
______الكليمات ________ 
V1
مريض بالوحدة مش لاقي لمرضي علاج 
فلحظة العيش اتاكل فلحظة الملح داب 
صحبي يقع اشيلو الحمل زاد اعينو 
ووقت مقع ملقيش حد اشكيلو ! 
كلمني يا انا .. احكيلي يا انا 
مع الكل طيب وبعملهم بجدعنة 
كسرو نفسي وخلو الضهر اتحنا 
نفسي اصرخ و اقول ال اه زيادة عن سنة 
بقول وجعي ولسة الناس مش سمعة 
ياقلبهم .. مشيو وبقيلي الحزن ويا الدمعة 
يا احمد نفسي اشوف ضحكتك يانفسي ارتاحي 
ازاي وانا ملقتش سند طالع مكسور جناحي 
سمكو في قلبي انتشر .. تعبت يابة من البشر 
لو كان الحب بالعقل مكنش القلب اتكسر 
كاتب في الاغنية وجع احسيس انتو متفهموهاش 
انا ابكي .. انتو تصقفو وتقولو عاش 
_______________________
C 
سبت كل الناس حتا كرهت نفسي 
كل سكك الدنيا فلحظة مشية عكسي 
عنية بحرقة تبكي . و القلب لمين هيشكي 
زي سفينة بدون شراع من غرهم مش هتمشي
___________________________
V2 
يا ورقة معلش تعبتي كتير من قلمي 
دا لما هما سبوني .. انا ملقتش غيرك جمبي 
كلام كتير محبوس ف ليل مفهوش قمر 
وقلبي تاية في احساس بوحدة وسط البشر 
حتا القمر .. سبني وخلي بيا 
وانا من امتا اتمنيت حاجة وبقت لية 
ولما قلت موجوع محدش حس بالموضوع 
حزن اتجمع في ضحكة عشان تداري دموع 
بنعاشر ناس .. وفي وجعنا مبنشفهاش
وفي عيد ميلادي لأسف اقربلي مجاش 
وانا يامة شلت عنكو حمل يخلي الشاب كهل 
و اكتم من جواية ال اة عشان البكا مش سهل 
______
ضميري 
ـــــــــــــــ 
ياعم حلك بقا .. دا كلهم سابوك 
كمل في طريقق عادي ولما تعلي هيحبوك 
انساهم .. قطع صورة كانت وياهم 
ندمهم علي كل لحظة كانت معاهم 
ملكش صاحب عكازك يا ابني ايديك 
خليك لنفسك صاحب مش هيشيلك غير رجليك
زور الفرح شوف حياتك عادي وعيش 
بطل تستنا حدج جي في قطر مبيمشيش

new track - mezo- aktfet || اكتفيت

الصدمه جاتلي يوم ما سمعت خبر موتها
كنت بعشق كل حاجه فيها حتي عشقت سكوتها
مقدرتش اقنع نفسي ان دي بداية فراقنا 
كل حاجه جت علينا حتي الوقت سرقنا
ملحقتش اشبع منها ولا من عينها ولا ضحكها 
خلاص هعيش وحداني وبيوحش قلبي صوت حسها
مبقتش الدنيا فارقه معايا اللي محلياها ماتت
 انا بتعزب فوق وهي تحت ارتاحت
عايز اموت واشوفها واعيش في الجنه معاها 
خلاص مش فارقه حياه انا كنت عايز مين سواها  
هي حبيبتي وروحي وقلبي وكل حاجه ليا 
مش طايق نفسي داخل خارج باستمرار بيقطع فيا
كانت لما تبقي جنبي احس الدنيا بتضحكلي 
 كان وشي منور من الفرحه دلوقتي اتغير شكلي 
وانا بغني فاكر صوتها وفاكر رسمة عينها
قلبي يقولي هي جنبي لا مماتتش هي فينها
-------------------------------------------------------
ملحقتش اتعلم واقتنع اني من غيرها بموت 
بكلم صوره ليها بس سامع سكوت
سيبتيني ليه وروحتي فوق في حته احلي
مش كنا متواعدين عالمره قبل الحلوه نعدي المحنه
ايوة عارف غدر الزمن صعب نقاومه انا وانتي 
بس كنتي تحاولي معايا احسن ما انتي استسلمتي
ليه في اول موجه مرض بعدتي عني وسبتيني 
ليه موتي فيا بعد ما كنتي بتحييني 
---------------------------------------------------------  
 دخلت في غيبوبه قلبي شبه مات واتدفن 
وجسمي عايش حي مستني يتلف بكفن 
مش داري باي حاجه غير اني سامع كل الناس
 وسمعت صويت من اهلي لدكتور بيقول البقاء لله 
ايوه انا مت وفارقت الدنيا الفانيه في ثانيه
الله اعلم رايح فين جنه ولا جهنم تانيه
عايز اشوفها وحشتني ودوني المس ايديها
وحشني القمر والنجوم ملفوفه بتنور حواليها
امانه عليكوا انا خايف تسيبوني في القبر لوحدي
مش كانت هي تبقي معايا وتكون في الضلمه ونسي 
روحها بتطمني في كل لحظه فيها بخاف 
اول يوم في القبر راحه من سنين في الدنيا عجاف
حزن اهلي عليا مش حاجه بالنسبه لجرحي
بغني في قبري وبداري حزني و زعلي بفرحي
 التراب فرقنا والدود اكل قلوب صانت و حبت  
وجسمي اتحول عضم و دمعي في الكفن متثبت 
------------------------------------------------------------------

روح | Soul |MMAFRICAN

اغنيه غلطه راب حزين

Title : Msh Rag3en I مش راجعين
Artist : Mohamed Alaa ( X )
Music : Free Beat
Rec & Master & Mix : X MUZiC

الكلمات :

زي الوردة و شمس نورت حياتي
‎غابت بس كنت فاكر انُه عادي
‎زي طفل تاه و بينده لـ اقرب حد ليِه
‎يتمنى يشوفُه و ترجعلُه لياليه
‎الحُب بيعمل معجزات بيخليك مش انت
‎ساعات يفرحك بـ زيادة ساعات يكسرك ١٠٠ حتة
‎احنا بنخاف من الفُراق من كُتر اللي لينا فارقوا
‎مثلنا و قولنا مكملين بس فالحقيقة فرقوا
‎مكدبتش انا اد ما انتي كدبتي
‎مثلت بس انتي كمان مثلتي
‎دا اللي كُنت فاهمُه و اللي عقلي افنعني بيه
‎زهقت فـ شكيت خليت القصة بتنتهي
‎حقك مترجعيش انا فعلاً مستاهلكيش
‎كُنتي تستاهليني و كُنت مع غيرك بعيش
‎زعلان عشان بقينا اغراب
‎والله اشتاقنا لـ ناس حاضنهُم التُراب


‎ساعات نشتاق و نحن عشان قلوبنا مش قادرين
‎نستنى التليفون يرن لـ ناس سابونا و مش راجعين
‎تفوت سنين و سنين 
الحُب بيولد حنين
‎ساعات نشتاق و نحن عشان قلوبنا مش قادرين
‎نستنى التليفون يرن لـ ناس سابونا و مش راجعين
‎سابولنا ذكرى عيشنا متعذبين
‎كُلنا فترات و ماشين


‎انا جاي احكيلك بعدك حصلي ايه
‎اولاً طمنيني ازيك و عاملة ايه
‎وحشاني و نفسي اتكلم دا يعني لو سمحتي
‎شكلك متغيرش كتير لسه قمر زي ما انتي
‎قالولي الدُنيا بتنسي و مع الوقت ممكن انسى
‎٤ سنين مشوفتكيش لو يعني كُنتي حاسة
‎عارفة انتي اجمل واحدة فـ حياتي
‎او قابلتها فـ حياتي حُبك عُمرُه ما يبقى عادي
‎بشتاق لـ كلمة منك طريقتك لما تقولي بحبك
‎طول حياتي هفضل جنبك
‎قلبي اتعلق بـ قلبك
‎عُمرُه ما حس بـ حد قبلك
‎مش بتحس بـ قيمة الحاجة غير لما بتبعد و تفارقك
كلام كتير ما بينا بيفكرنى بيكى
‎بيفكرني بـ عيونك او لمسة من ايديكي
‎حبيتك بـ ابتسامة خلت عقلي مني يفوت
‎ارجعيلي او خليني زيك اموت

تابعونى من هنا : www.facebook.com/profile.php?id=100004239844387

Msh Rag3en I مش راجعين

مــاتــت _ قـــصــه _ حـقيقيـه _ (_راب _ بالعربي)_علي اهلاوي

أحمدكامل انتى فينAhmedkamelEntyfiin

Written by : TiTo _ HadAPa
Music: By : Free Beat 
the design ; Hadapa 
MiX. Master : TiTo
Band E3saR @2019
SoooN

Tito Rap - Ft - Hadapa - Attend _  تيتو راب - هضبة - سهر

Artist : MohaB 
prod by: Mohamed mahmoud 
rec&mix&master: mando amin 
poster by: yousef ashraf 
special thanx : nour el deen/fatma fahmii/amany sawlim/7oksh/yousef khaled/ramdan
...
غلطة و الندم كسر عضمي و الجرح و البكا هد ضلوعي سيرتك جرحت دمي و انسي تقولي رجوعي 
كان مشهد حرب قد الكلمة و صونت الوعد 
يعني مجتش ف بعد مكنش جمبو حد 

جوابك بان من عنوانه سلام ع اللي باعوا 
كما تدين تدان هتتسابوا متفكريش انا مش ليكي 
متندميش ياريت متحسبيش (بعد الكرامة مفيش) 
دي فضفضة عن كلام ف قلبي منك 

رميت خيري ف البر عشان تفضلوا فاكرين لقيت البحر معبي من شر الحاسدين نقشت ع القمر ملامح حزني انا تمام فكك من كدبي سيبني مش عاوز حد جمبي مين كسرني مين حبابني صعبت عليك عشان كدا سمعني امشي و ابعد عني و اصل الكل ضايقني لما بكاني ع حالي

(اوتار دموعك كانت زيف اتاري 
النصيب و القدر مش شماعة عشان نداري 
انسحابي كان اجباري ضلمتك كانت ع شمالي 
انا بكره خيالي عشان دايما ف بالي) 

لو قولت الهجر خوفك سيبت كل الناس عشانك
 لما رجعت عشان اشوفك فجأة طيرتي من مكانك 
 ‏شوفت حد شبهك افتكرتك انك انتي و اتفجاتي الرد جهلك لاي حاجة خاصة بيا يمكن بان الشكل واحد 
 ‏
 ‏بس هي فعلا غيرك لما قلبك بانلي جاحد 
 ‏قلبي غوط جوا بيرك فالتقيتك جوا بيرك 
 ‏لسه روحك باينة منك بس يمكن مات ضميرك 
 ‏بكفاياك يا شوق عاوز افوق من كسرة حزن و ضعف حضن 
 ‏
 ‏نظرة شجن و الحالة بتسوء من كاس المر ادينا بندوق من تاني جروح ف حزاني و ايه اللي جاني تعب اعصاب لاقاني كل الاحباب ملهوش عتاب قفلوا ف وشو الف باب و اللي ساب راح خاب من خانة الحب لخانة العذاب ايه اللي ناب غير فضفضة ف ميت جواب
تصبحوا ع خير⁦  •﹏•

ملامح حزنى -Mlam7 7ozny

Tamheed - تهديد

Written by : Mohab Morrison
Vocals : Mohab Morrison
Mix and Master by : Mohab Morrison
Music : Free beat
Artwork : Mohab Morrison

@2020

Lyrics | الكلمات

" بقالي 4 سنين براب مشوفتش دعم غير من تلاتة
ورغم إنهم عني بعاد يعني مبتربطناش حاجة "

" بحاول أعمل راب نضيف حابب أتسمع من ناس نضيفة "

Intro 

وحشني المايك بس برضه كنت محتاج إني أركز
مخي إتكسر من الأفكار ماشي بعقلي شبه متجبس
راكن أكتر من 10تراكات عشان للأسف مش متحمس
بمسح حاجات كتير كاتبها مستني إن دماغي تفلس

Verse 1 :

الأرض مش مكاني بكرة تشوفوني على الفضائيات
من قوة لساني هتلاحظ في تراكاتي كُتر البارات
طماع مقبلش بأقل من أربعة وعشرين قيراط
تتوتر قدامي ، تسمع كلامي هيجيلك إحباط

صورة مهزوزة ، من رعشة إيدك وإنت بتكتب عني
تحدي في راب أو شارع في الحالتين أنا مش بجلي
بس إنت رابك ضعيف بسمعه عشان بيضحكني
مش عشان دمك خفيف لا عشان مستواك متدني

مش عاجبك رابي ياسطا عادي ممكن تسمع حد تاني
مكانتي عندك مش شاغلاني ، ملكش مكانة بالنسبالي 
فشلت أحافظ على صحابي بس نجحت إني أعمل أغاني
لو مستغرب من دماغي عايزك تحط نفسك مكاني 

Verse 2 :

مشكلتي ببص ع الوحش فالناس فصعب إني أسلك
لأي حد في حياتي دايماً صورته في دماغي أسوأ
اللقطة بتحصل في لحظة وبتتبروز صعب إني أنسى
كره الناس بيخليني أقسى ودي أكتر حاجة محتاجها

آرائي مثالية ومظبوطة فمش بحاول أطرحها
أفكاري وإنطباعاتي ثابتة صعب أنقلها من مطرحها
زهقت من كتر الوشوش بتمنى تكون الناس واضحة
مش حب ده كان صراع عشان نشوف مين الـ ضحى

وجودها عندي زي فكرة حلوة دايماً بستنفزها
خدت منها كل اللي أنا عايزه خلاص مبقتش عايزها
وإنت وجودك في الراب أو في الحياة حاجة مستفزة
مكانك جوا دماغي صغير باراتي عليك أنا مش حافظها

ونرجع تاني لكره الذات كان نفسي إنه يقلل غروري
الظاهر لكل الناس عكس اللي نفسي شايلاهولي
ليا كاركتر حلو في الراب بحب إني أفتخر بيه
نقطة خراب علاقاتي بتبدأ بس لما أبدأ في التفكير

Verse 3 :

الراب ده لعبة وإنت غبي مستنيني أكسب منها
فكرة الصحاب دافنها محتاج إني أصاحب الفكرة
والتميز ده كذبة عمرها ما تسيبك تحتكرها
بصحيك وأقول دي خدعة وإنت برضه رافض تفهم

متعملش فيها صاحبي وإنك خايف على مصلحتي
ومش شايف إني بضحي ومش عارف إزاي تنصحني
خط سير حياتك باظ فياريت متجيش وتصلحلي
طول مابتحكم عاللي بيظهر مني ليك بشكل سطحي

لو الأرقام هتعمل نجم أنا هنا علشان أديلك صفر
ده راب يتسمع إنت بتترعب أما بتسمع الإسم
بجيب الخلاصة ودماغي مش بتحب إنها تكتر
فكر بس تفكر فيا وهتبقى آخر مرة تفكر

تعرف مستواك في الراب بعدها تكتم " سهل " 
فاكر نفسك كسبان عشان بتشتم ؟ " لأ "
عامل فهمان فمن جوجل بتنقل! " جهل "
بقلق من الآراء حتى لو كانت نقد أو مدح

متقاليش إني شخص كويس فقررت آخد الدور ده
الدنيا بتحارب نار شغفي وأقوى سلاح معاها برودها
محدش قبلني زي ما أنا بس أنا دايماً قابلني
هتحب تسمع تراكاتي بس هتندم لما تقابلني

ده تمهيد وإنت إتهزيت وبرضه عامل فيها راجل
ده تهديد وبكلمة زيادة هيحطوا جنب إسمك الراحل
أنا فرقة وإحنا في المنافسة هتشوفونا فطاحل
مستنيكوا السنة الجاية بنسخة راب أقوى بمراحل

Outro

إهدى ، منكرش إن ردود أفعالهم أحبطتني
متستسلمش للكآبة جملة سمعتها وضحكتني
الأفكار تفضل تزيد وفي وقت معين هنسى إسمي
مش عاجبك اللي بقوله تقدر تمشي ومش هيفرقلي

-
31 December 2020

Tamheed

Mohamed Foaad is an underground Egyption Rapper Born and Raised in ismailia 1992 ,, Started rapping in 2010 

09 - A7bat Agbary - احباط اجبارى

Mohamed Foaad

Recent comments

Mona Ahmed

Ahmed Ibrahim 966

Mohamed Hagag

Related tracks