والمسافة بعيدة بين الفعل والقول البعيد..

من الشام  الحرّة ، فلسطين بدمي!

متسمعنييش !! ولا تشوفنيش لييييه

سباق في ساحة ما بين إنسان وبين قلبه

كان لي أخ.. رُفَقا في السرا وفي الضرا وفي الثورة.. وفي الحلوة وفي المرة.. سنين وسنين.. نقول ونقول ومانبطلش جَخ.. كان لي أخ.. ننحبس مانقولش آه.. ننضرب مانقولش آخ.. أحلى لحظات التعاسة.. علمتنا الزنازين.. وإحنا جاهلين في السياسة.. بس لينا في الحنين.. لأمل يكشف ظلومة المظلومين.. تقدروا تسمونا عشاق للمبادىء.. كان لي أخ.. كنت أنا مؤمن بصدقه.. وهو مؤمن إني صادق
أذكروني لما تصطادني الأيادي .

عبد الرحمن الأبنودي - كان لي أخ

زمان لما افترقنا ليل الطريق سرقنا وتهنا في المسالك

انا المجروح وانتي حزينه زي ماانتي عنيده في امتثالك

تعبنا ياحبيبتي تعبنا م العناد طريق واعر فرقنا وتهنا في البلاد

مع انك ياحبيبتي حياتك في الوداد وانا عارف نهايتي في البعاد

عذابك وحشني وعشقك هبشني وقلبك فرشني جناين وقمره

راجع لك ياسمرا

زمان لما افترقنا - أحمد فؤاد نجم

ابتهال رائع: سبحانك اللهم جل علاك

كلمات الابتهال: 

سبحانك اللهم جل علاك
لطفا بعبدك خالقي رحماك
يا كاشف البلوى أتيتك راجيا
أرجوا رضاك فليس لي إلاك
إن كان حظي في الحياة قليلها
فالصبر يا مولايا فيه رضاك
ما حيلتي والعجز غاية قوتي
فإذا قضيت فمن يرد قضاك
وجهت وجهي نحو بيتك داعيا
يا من تجيب العبد إذ ناداك
بك أستجير ومن يجير سواك
فارحم ضعيفا يحتمي بحماك
يارب قد أذنبت فاغفر زلتي
أنت المجيب لكل من ناداك


إبتهال فيلم ليلي - Lili Film [HQ]

أشعار .. أحمد فؤاد نجم
أداء .. الظابط : الشيخ امام
المتهم : أحمد فؤاد نجم

إنت شيوعي

أنا مصراوي

إنتو مصايب إنتو بلاوي

ممكن أعرف مين الأول بيكلمني

إحنا نيابة أمن الدولة

طب فهمني دولة مين؟

دولة مصر

مصر العشه ولا القصر

أيوه حنبدي ندور ونلف حاجه تنرفز خالص إف

مالك ... شايل طاجن خالك

لم لسانك ما تخرّفش

أنا ما اقصدش اهانتك طبعا

أيوه استعبط

لا ما اعرفش

إيه رأيك فـ سفارة كوريا

إيه رأيك في قضية مصر

مصر فـ وحده هى وسوريا وليبيا ولازم ييجي النصر

ييجي منين وازاى و لمين

آدى كلام الشيوعيين

أنا من حقي

حق فـ عينك

أنا بتكلم بيني وبينك

يعني كلام برّا التحقيق

إذا كانش يسببلك ضيق

طيب قول

مين مسئول ؟

مين مسئول عن إيه يا أخينا

ع إللي جرى لنا فـ غزه وسينا

أنت شيوعي أكيد و طاوعني فضّي دماغك من دي قضيه

شعبنا جاهل مهما تقول له مش حيآمن بالشيوعية

؟ما الشيوعية فـ فيتنام .. إيه رأيك فيهم يا همّام

مش بطال مش بطال

لكن إحنا .. ورانا عيال

طب ما نحارب لجل عيالنا يطلعوا أسعد من أجيالنا

إنت الظاهر مخك فاضي و هتدوشني معاك ع الفاضي وأنا بحبحت معاك بكفايه إبقي اتفلسف عند القاضي

هى قضيه ؟

لأ ملوخية

أمال فاهم إيه آمال هيّ الدولة دي لعب عيال

ممكن أعرف أنا هنا ليه

 ؟أيوا هتعرف ، أمال إيه . يوم خمسه وعشرين الماضي إيه مشاك عند التحرير

تحرير إيه يا جناب القاضي

أنا مش قاضي

بكرا تصير

بطل غلبه وجاوب دوغري

أنا غلباوي كدا من صغري

كل الشيوعيين أمثالك آخر غلبه وقله ذوق يحصل إيه لو تمشي فـ حالك فاكر نفسك  مين ، ما تفوق

لو راح افوق مش من مصلحتك

أنا معجب جدا بصراحتك

إيه رأيك فـ حكاية الطلبه

حاجه عظيمه بشرة خير

إنت دماغك ينفع جزمه

وانت لسانك ينفع سير

إخرس قطع لسانك سافل

كتر خيرك

مخك قافل ، مين وداك بقي عند الطلبه رايح ضمن المندسين

رحت أناقشهم واسمع منهم

تسمع منهم إيه يا سي طين دول عايزين الدنيا تولع علشان أصلا مش فاهمين

هيّ الحرب يا عالم لعبه دى بتتكلف بالملايين

وأنت هتدفع إيه من جيبك

امال هـ ادفع من جيب مين إنت حمار وخدوك فـ مشمّك رحت هناك زى الباقيين ، عاملين لجنه وقال وطنيه مش ممكن دول وطنيين ، وجماعة أنصار الثورة و فلسطين وهباب الطين . ما نخلينا يا سيدي في حالنا مالنا ومال الفدائين
هو إحنا اللي نهبنا بلدهم دول عالم صيع فاقدين ، قتلوا الراجل عند الشيراتون وإحنا إللي طلعنا القاتلين

وصفي التل دا كلب وخاين

اهو كل العالم خاينين ، واحد صاحبي مراته مرافقه وهو مرافق ييجي عشرين . أمريكا بتزعل وبتحرن .. هو إحنا يا عالم ناقصين ، مش نستعبر مـ إللي جرالنا ونعيش بقي زي   !العايشين
دي عيال عُملا للشيوعيه وإحنا عدو الشيوعيين

روّق دمك بس شوية . مين مساعدكو بقالكو سنين

بيساعدونا صحيح يا سي بعجر علشان دول عالم مجانين إحنا حيلتنا منين نديهم ونسددهم بالملايين

همّا شافوها قضية مبدأ

مبدأ مين وزكايب مين ، هي دى عالم تعرف مبدأ . دولا بقول لك ناس مجانين . عملو السد العالي علشان نبقي اشتراكيين ، إشتراكيه هناك فـ بلدهم وإحنا ف بيتنا نعيش حُرّين 
عايزين الفلاح الجاهل يتساوى بالمحترمين ! وكمان قال تحديد ملكيه أبو ألفين يدّوه  خمسين شغل ملاحده وعالم كفره ومخالفين أحكام الدين والعُمّال رخرين اسم الله فاكرين روحهم بني آدمين .. ناس عايزين الحرق بولعه دا كله من الشيوعيين نشروا لنا الأفكار السوده أولاد الكلب الملاعين ، مين وداك بقي عند الطلبه
انطق قول
اتكلم مين

هما إيه مطالبهم ؟

انت حتستجوبني يا شاطر

لأ مش قصدى بس أنا باسأل كانوا طالبين كراريس ومساطر ولا مطالب ميه الميه كل الشعب مآمن بيها

دول طالبين حرب وشعبيه . مين مجنون بقي حيمشيها . عايزين يدوا الرتش سلاح عشان تحصل فيها مجازر أنا لو أشوف حلوف فلاح شايل شومه لازم اهاجر

لازم بينه وبينك دم

دم فـ عينك هُس اتلم .. ثم نحارب ليه و بـ إيه ؟ بسلاح ما يموتش بعوضه

روّق دمك بس يا بيه الحرب ضروره و مفروضه
و اهو نفس سلاحنا المظلوم فـ فيتنام دابح أمريكا

دي طبيعه أرض يا بني آدم

بطلوا بقي كدب وبولوتيكا ، طب ما الهند بنفس سلاحنا فـ باكستان بعزقت الغرب

!رأيك يعني ضروري ان إحنا و حتمـًا يعني نخش الحرب
طيب حاضر
فين المخبر
هتغير رأيك
بالضرب
هتغير رأيك بالضرب

ورقة من ملف القضية - الشيخ امام و احمد فؤاد نجم

تصاعد أنفاسي إليك عِتَابُ - High Quality

قصيدة الحسين (انى رأيت اليوم) لمصطفى ابراهيم مع رائعة ياسر عبد الرحمن وموسيقى آدم

مصطفى ابراهيم إنى رأيت اليوم

"فللّه قومٌ في الفراديس" - الشاعر الصوفي محي الدين بن عربي 

* إنشاد ديني بأسلوب الروك *
فللهِ قومٌ في الفراديسِ مذ أبتْ قلوبهم أن تسكن الجوَّ والسما
ففي العَجَلِ السرُّ الذي صدعتْ له رعودُ اللظى في السُفلِ من ظاهر العَجَى
وأبرقَ برقٌ في نواحيهِ ساطعٌ يجلِّلُهُ من باطنِ الرِجلِ في الشوى
فأولُ صوتٍ كان منه بأنفه فشمته فاستوجبَ الحمدَ والثنا
وفاجأهُ وحيٌ من اللهِ آمرٌ وكان له ما كان في نفسه اكتمى
فيا طاعتي لو كنتِ كنتُ مقرباً ومعصيتي لولاكِ ماكنتُ مجتبى
فما العلم إلا في الخلافِ وسرِّه وما النورُ إلاَّ في مخالفةِ النهى
محي الدين بن عربي
( 1 ) الناس يعيشون في الأرض منذ أكل سيدنا آدم من الشجرة المحرمة، أي منذ رفضوا العيش في الملأ الأعلي/"الجو و السما" بفعلهم المعصية
فللهِ قومٌ في الفراديسِ مذ أبتْ قلوبهم أن تسكن الجوَّ والسما
* قوم: البشر/بني آدم
* الفراديس: فردوس تعني "البستان"، و المقصود الأرض (و ليس الجنة)

( 2 ) و لما خُلق الإنسان من عَجَل نفخ الله فيه فدبت فيه الروح التي هي سر لا يعلم حقيقته أحد، و من هول النفخة التي حدثت في جسم آدم اليتيم (يتيم لأنه لم يكن له أب و لا أم) نطق كل شيء حتي نيران الجحيم في أسفل سافلين
ففي العجلِ السرُّ الذي صدعتْ له رعودُ اللظى في السفلِ من ظاهر العجى
* العجل: التعجّل
* السر : الروح
* صدعت: نطقت
* رعود اللظي: ألسنة النيران
* في السفل: في الدرك الأسفل
* العجي: اليتيم

( 3 ) و لما دبت الروح في آدم انبعث برق من باطن رجله - التي في أطرافه - ملأ جوانب آدم و أضفي عليه جلالاً
وأبرقَ برقٌ في نواحيهِ ساطعٌ يجلِّلُهُ، من باطنِ الرجلِ في الشوى
* الشوي: الأطراف

( 4 ) ثم (حسب بعض كتب التفسير) كان أول ما صدر من آدم هو "عطسة" خرجت من أنفه بسبب دَب الروح فيه، فشمته الله فقال الحمد لله و أثني علي الله
فأولُ صوتٍ كان منه بأنفه فشمته فاستوجبَ الحمدَ والثنا

( 5 ) و أوحي له الله أن يؤمن به، و كان ما كان في نفس آدم من الإيمان المستتر في نفسه
وفاجأهُ وحيٌ من اللهِ آمرٌ وكان له ما كان في نفسه اكتمى
* اكتمي: استتر/اختبأ

( 6 ) إذا كانت/وُجِدت الطاعة سيكون الإنسان مقرباً من الله، و مع ذلك لولا كَون الإنسان خطّاء ما اختاره الله ليكون خليفته علي الأرض!
فيا طاعتي لو كنتِ، كنتُ مقرباً ومعصيتي: لولاكِ ماكنتُ مجتبى
* مُجتَبَي: مُختاراً

( 7 ) فإذن ما الحكمة في جعل الإنسان خليفة الله علي الأرض إلا لأنه يجمع بين تناقضات/اختلافات (التقوي و الفجور) و لأن فيه الروح/السر، كما أن نور الإيمان لا يتحقق إلا بمخالفة الإنسان لهوي النفس
فما العلم إلا في الخلافِ وسرِّه وما النورُ إلاَّ في مخالفة ِ النهى
* العلم: الحكمة، في قوله للملائكة "إني أعلم ما لا تعلمون"


"فللّه قومٌ في الفراديس" - الشاعر الصوفي محي الدين بن عربي

أنا لزق اتشال خمسين مرة
من فوق خمسين نوتة وكشكول
وإتساب في الهوا عريان برة
ف نشف .. مبقاش يلزق على طول
- هو انت تطول ؟
قاللي الدرويش
مش عايز أطول .. أنا عايز أعيش
-إنتا اللي فهمت الزهد بلاء
إزاي هزهد في حاجات معييش ؟
-ياحمار دي فضيلة الاستغناء
وانا كنت استغنيت بمزاجي ؟
أنا اسمي يئست ومستغنتش
إيه الزهد ف إني أمّا آجي
أشتري مابَجبيبش عشان ملقتش ؟
فيه فرق مابين صبر العاجز
علشان مبقاش حاجة في إيده
وبين واحد أصلاً مش عايز
غير زي ما بس يعوز سيده
صدّقني أنا زاهد بالصدفة .. أو من غير قصد
أنا طاير آه .. لكن علشان مش لاقي الأرض
صدقني أنا كان نفسي أتعلّق .. في حاجات ياما
وأعيش إحساس إن أنا فعلاً من غيرها هموت
أنا عارف اعيش
من غير ما احتاج إني أقرا الوقت
من غير ولا واحد .. م اللي أنا أعرفهم دلوقت
أنا أعرف اعيش من غير اسمي
أو سنتوف برّة حدود جسمي
ومن غير السلسلة والمفاتيح
ومن غير ولا واحد من أهلي
ومن غير سارة
ومن غير البنت اللي أنا نفسي أجيب منها ولاد
ومن غير فيزا البنك الأهلي
وهشوف من غير النضّارة
عايز هَوا بس .. وميّة .. وزاد
كل يومين .. بَكْبَر وارمي حاجات
واكتشف إن أنا كان ممكن أعيش
من غيرهم أصلاً م الأول
معرفش بقى اليأس اتحوّل
وقلب على زُهد ..
ولا ده جين صوفي من الأول مش محتاج جهد ؟

علّيت صوتي وقلتله ماترد
الدرويش أصلاً مش موجود
الجامع فاضي ومِتغيّر
فيه عيل شبهي ونا صغير
شايل بلطة وبيهد عمود
مش عارف احرّك رجليّا
ةمش عارف أصرّخله يبطل
صوت دف بيعلى وبيقرب
دقات ورا بعض
وعمود الجامع بيشقق
وبيعمل أصوات زي الرعد
العيل بيسرّع أكتر
زي المسعور
أكتر أكتر أكتر أكتر
في نور ضارب في عنيّا
وألوان بتدور
كل اللي أعرفهم حواليّا
السقف خلاص كله بيتهد
فجأة مفيش في الجامع ولا حد
وبحسس على وشي كويس
وبشوف الدم
وببص لفوق
السما باينة منورة جداً
ومفيش عصافير
فيه ناس واقفين
شايلين في حاجات
ناس غيرهم شايلين بني آدمين
فيه ناس منهم شبه العِيلة
ومفيش غيري من غير شيلة
ف محدش عارف غيري يطير
أنا عمّال أترقّى وأطلع
السبورة عمالة تضيع
على مد الشوف .. أنا شايف بيت
و بتمتم بكلام مش واضح
فيه صوت بيقول (على فين رايح ؟)
ف بشاور .. ف يقوللي (لوحدك ؟)
ف أضحك وأشاور حواليّا
لولا إني لوحدي ..
ماكنتش جيت
_______________________
قصيدة المولويه .
شعر \ مصطفي إبراهيم
https://soundcloud.com/karim-shahien
/45pyid5ek78t?in=mostafa-khaled-3/sets/m4oa93gga4au 

موسيقي مسلسل موجه حاره 
https://soundcloud.com/ahmed-gado-2/mxgqv07nep2z?in=mostafa-khaled-3/sets/so0knrsufiuq

الزهد _ قصيدة المولويه _ مصطفي ابراهيم

يا حبايبنا
فين .. وحشتونا
لسه فاكرينا
ولا نسيتونا
دا حنا فى الغربه
م الهوى دبنا
وأنتو فى الغربه
اوعوا تفكروا
إننا تبنا
مهما فرقونا
ولا بعدونا
يا حبايبنا


كلمات: بيرم التونسي 
ألحان: الشيخ امام 
تاريخ: 1984

الشيخ امام - ياحبايبنا فين وحشتونا - عود

ف الزمالك من سنين
و ف حمى النيل القديم
قصر من عصر اليمن
ملك واحدة من الحريم
صيتها أكتر م الأدان
يسمعوه المسلمين
و التتر
و التركمان
و الهنود
و المنبودين
ست فاقت ع الرجال
ف المقام و الاحترام
صيت و شهرة
و تل مال
يعني في غاية التمام
قصره يعني هي كلمة
ليها كلمة ف الحكومة
بس ربك لجل حكمة
قام حرمها م الأمومة
و الأمومة طبع ثابت
جوه حوا من زمان
تعمل ايه الست
جابت فوكس رومي و له وا
فوكس دا عقبال إملتك
عنده دستية خدامين
يعني مش موجود ف عيلتك
شخص زيه يا اسماعين
و اسماعين دا يبقى واحد
م الجماعة الغلبانين
اللي داخو ف المعاهد
و المدارس من سنين
حب يعمل واد فكاكه
و يمشي حبه ف الزمالك
و القيامة و الفتاكة
يرموا طبعا ع المهالك
غم سمعه من قيامته
حب يعمل فيها فله
بعد ما ألوط بيجامته
اشترى حتة مجله
قول مش بيقراف حكاية
من حكايات الغرام
و اندماجه ف القرايه
خلا مشيه مش تمام
ع اليمين يحدف بعيد
خطوتين
و تروح شمال
لمحه فوكس من الحديد
قال دا صيد
سهل و حلال
هب نط ف كرشه دوغري
جاب بيجامته لحد ديلها
اسماعين بدال ما يجري
قال يا رجلي
رجلي مالها
بص شاف الدم سايح
من عاليها و من واطيها
و ياللي جاري
و ياللي رايح
المجلة مش لاقيها
حبه و تلمو الظنايا
اللي هما البوابين
و الهكايه و الروايه
قال لهم دا كلب مين ؟
كلب مين
ما كلب مينشي
سمعه لبخ حبتين
قال له واحد فيهم امشي
اللي جابك انده مين
قال دا شارع يا مواشي
للجميع
راكب و ماشي
كلمة من دا
و كلمة من دا
ظاطو و انقلبت فضيحة
قول نهايته و القصد من دا
اسماعين شرب الطريحة
راحو اسم الشرطة جمعا
و النيابة كفيلة بيهم
و اترموا ف الحجر طبعا
لما ييجي الدور عليهم
شاف بلاوي ما تنحكيش
م الهفايا المحبوسين
قال يا عالم
يا شاويش
يا نيابة .. يا مسؤلين
خلصوه بعد المناهدة
جثه
من جحر الديابه
هي يمكن ساعة واحدة
كان ف مكتب النيابة
قال له ـ مالك يا اسماعين
قال له ـ زي البمب مالي
قال له ـ عضك فوكس فين
قال له ـ سيبني أروح لحالي
انت شوف سي فوكس يمكن
خد تسمم غصب عني
الوكيل قال برضه ممكن
و الشاويش قعد يغني
هييص يا كلب الست هيص
لك مجامك ف البوليس
بكرة تتولف وزارة
للكلاب
ياخدوك رئيس
انت توى ف النيابة
تسعمية من الغلابة
طب يا ريت يا فوكس كنا
و لا تربطنا الجرابة
انت فين و الكلب فين
انت كده يا اسماعين
طب دا كلب الست يا ابني
و انت تطلع ابن مين
بشرى لصاحب الديول
ولــللي له أربع رجول
بشرى لسيادنا البهايم
من جمايس أوعجول
اللي صاحبه يا جماعة
له أغاني ف الاذاعة
راح يدوس فوق الغلابة
و النيابة
بالتباعة
هيص يا كلب الست هيص

قصيدة أنا الدرويش - عبد الرحمن الأبنودي

Mohamed Hussien

Recent comments

Amira

Ammar Shaban

Salem Omar Hico

Mustafa

Related tracks