سيد درويش

اشبنجر دا مولينا
ياربي مسكا جينا
قدمت فرقة علي الكسار رواية " إللي يفهم " عام 1921 -وهي من تأليف أمين صدقي وقد اشترك في تلحين هذه الرواية مع الشيخ سيد 
درويش الملحن ابراهيم فوزي قدم فيها الشيخ سيد ثلاث ألحان كان من ضمنها هذا اللحن 
باللهجه النوبية
كتب كلماته الأستاذ بديع خيري

اشنجر دا مولينا --- ياربي مسكا جينا
يا شيخ دا احنا كفاية --- رضا ربك علينا
يا ما بنقاسي يا بهوات --- ويا ما الناس عيرونا
على خدمتا للخواجات --- والمــدامه ولا مــــونا
يهودي تركي ياباني --- في أكل العيش يا إخواني
مافيش مسلم ونصراني
هي هي هي هيه
هجرنا بلاد ابونا --- ونخلاتنا وعيالنا
ياريت اللي جابونا --- سابونا هناك في حالنا
يا هـوه حتى المزينين --- وصبيانها لها نـقابه
واحنا كومانده بوابين --- وليه نفضل كده غلابه
ماسونيه بلشــفية ايه ---ما هو احنا اللي خالقنها
ومنا فهمو معــناها
هيه هي هي هي
ياناس دي العبــودية --- دي ضد الإنسانية
مادام دا شئ غـريزي --- ياهوه فيكم وفيا
لإيمتى بس يا اخوانا --- ما بين يحيا وما يحياشي
يا اسيادنا اسمعوا منا --- نصيحه كـده ع الماشي
مادام قلبك ماهو صافي --- مسيرك تيقى الحافي
وتبقى قوفة ع الفاضي
هيه هي هي هي

اشبنجر دا مولينا - سيد درويش

والله تستاهل ياقلبي

 تأليف عبد الحميد الديب   

والله تســــــتاهل يا قلبى ليه تميــــــــل ما كنت خالى
انت أســــباب كل كربى وانت أســـــــباب ما جرالى
إيه بقى اللى ح يواسينى بعد ما انهــــــــدت آمــــالى
اذا كان حظى ناســــينى مين اروح له اشكى له حالى
ان شكيت قلبى وحواسى يعمــــلوا مؤامــــــــرة علىّ
وان بكيـت والحب قاسى تشــــــتكى منـــــــــى عينىّ
أعمل ايه واحنا ف غرب والأغـراب دول زى اليتامى
يا مين يواسيهم فى كربه يامــــا بيقاســـــــــوا ويامــا
يارب كل من له حبيــب طــــــال بعــــاده وللا قريب
ما تحـــــــــــرموش منه وهــــــــاته له بالســـــــلامة

سيد درويش - والله تستاهل

رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور 

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على


اللحن الثاني (على قد الليل ما يطول)

سيف الدين: على قد الليل ما يطول

مسترضي بسهري ونوحي

في حبك ياللي من أول

ما شوفك تترد روحي

سنين وأيام دايب فيكي

بزمارتي أصحيكي

طول مانا وأنتِ في الدنيا دي

أفوت أهلي وأجدادي

حاروح على فين وأنت قصادي 

نزهة: تطل من النافذة

اه يا ترى يا ربي داهوه والا لأ حبوبي

سيف الدين: يا عين الحبوب من جوه 

يا سبب وعدي ومكتوبي

ياكتاكيتها

نزهة: ياننوسه

سيف الدين: ياقطاقيطها

نزهة: ياحنتوسه

سيف الدين: أنا م النجمة في استنظارك

نزهة : أديني نازله

سيف الدين: أما نهارك أبيض من طبق القشطة

نزهة: تنزل وتلتفت يمين وشمال

اوعى يكون حد شايف طيفي

سيف الدين: حطي ف بطنك بطيخة صيفي

مهجتي ف إيديكي أنا ف عرضك 

خليها يا روحي أمانة عندك 

نزهة: يوه يادين النبي تنك سارح

مش كنت معاك ليلة امبارح

سيف الدين: ماتفكرنيش .. أما دي حقه كانت ليلة في غاية الرقة

نزهة: فاكر وأنا حاطه إيديه في باطاتك قبلي الترعه

على غفلة وملت عليه ماقدرتش أقوللك اوعى

سيف الدين: قمت أنا بصيت يمين وشمال 

ساعة ما لقيت ما فيش عزال طبل طبلي وزمر زمري 

وشقلي بقلي وعنها ودوغري ورحت أنا قاطف لك فله

نزهة: من يومها عرفت الآخر إنك مستعبط ساهي

أيش قوله المثل الساير ياما تحت الساهي دواهي

سيف الدين: آه عليها عيون ما تلتقيهاش

على منادمين يا كده يا بلاش

نزهة: عليه مناخير فشر النبقة

سيف الدين: أما قوامها زيه ماتلقى

دنا متبرجل يا حدقة

يا كتاكيتها يا حلاوتها

يا قطاقيطها يا لطافتها 

قربي لي يانور هنيه قربي لي يانور عينيه

مهجتي ف إيديكي أنا ف عرضك 

خليها يا روحي أمانة عندك 

نزهة: يوه يادين النبي تنك سارح

مش كنت معاك ليلة امبارح

سيف الدين: ماتفكرنيش

الجميع: أما دي حقه كانت ليلة في غاية الرقة

على قد الليل ما يطول - سيد درويش


رواية العشرة الطيبة 1920

تقديم فرقة نجيب الريحانى ثم فرقة سيد دروي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

اللحن الثالث (يقطع فلان على عِـلّان)

ست الدار: يقطع فلان على علان دي الناس بقت مالهاش أمان

أصحاب الشوم وحبايب اللوم ستين خناقة ياخواتي في اليوم

لو كنت م اللي بالك فيهم اللي عصاية تجريهم

ماكانوش يموتوا في جلدهم ويحاسبوا مني كلهم

إن كان صغار ولا كبار يشوفوني يجروا بالمشوار

حتة لسان فشر التعبان

في الردح قوة ألف حصان

ضرب وتلطيش غيره ماعنديش

اللي له بخت مايعرفنيش

ماحد ياخواتي غلبني على الشناكل لعبني

غير مذهب الكلب داهوه اللي ملقح هنا هوه

دايبه ف هواه قال مش عاجباه

وحياة داهو لاموريَّاه


التوزيع الموسيقى الأستاذ : عبد الحليم على

يقطع فلان على عِـلّان - سيد درويش


رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على
اللحن الرابع (لأمر أمر الأغا)

بنات: الأمر أمر الأغاباشي اللي يقوله علينا ماشي

أدي احنا جينا ولا سبناشي صبية مليحة ماجبناهاشي

حزنبل: (في الوسط)

يازعيط يامعيك يابوكبير

ياأم ياأم بكير فيكم من كتم السر

الجميع: (بصوت خافت) في بير

حزنبل: (بصوت مرتفع) خير في سلامة

الجميع: (بصوت خافت) وسلامة ف خير

حزنبل: بقا سعادتلو مهابتلو مملوكاتلو .. تعظيماتلو

أبصر مدرك إيه هاتلوا وهكذا إلى آخر هاتلوا

الجميع: الله يديم عزه ويتأيد ويوعده بزيارة السيد

ونفرح له بألف وليد م الخلفة ونرقص ونعيد

حزنبل: سيدكو وتاج راسكو الأبجر نسل حلنبوحة الأكبر

سنجق مماليك البندر حاجي بابا حمص أخضر

المتعه الهايله عشانه إنه يغرق لودانه

ليل ونهار مع نسوانه فشر النمرود في زمانه

الجميع: راح يبقى أحسن من ده توصل دي الناس مقامات ياأغا حزنبل

بنات: إن كان يمدغنا نستحمل مانقولش بم .. قول .. اتفضل

حزنبل: فبناء ع الحلبقة عايز شابة خفه

حانقيها من الطايفه ونجي لكو ياخدها بزفه

كل بنية بنت بنوت تدي اسمها بالمظبوط

للباشكاتب عم هاروت توت .. حاوي .. توت

الجميع: توت حاوي توت توت حاوي توت

حزنبل: يالا ياوظاويظ ملوه على الأسامي

كاتب: إنتِ مين

بنت 1: عيشة

بنت 2: فاطمه

بنت 3: خضره

كاتب: ديهدي هو ليه عشر إيدين

بنت: يحمي عمرك

كاتب: طب تعالي

بنت: زهرة بنت الشيخ حسين

كاتب: زهرة زهرورة زهرهر واسم والدها حسين

ساكنة فين

بنت: في القيسارية

كاتب: آه ياريتنا موعودين

لو يسيبها حاج بابا كنت أكون م الفائزين

ست الدار: (منفردة)

إلا يعني فيها آه يابت جايسي

مافيهاش حاجة أهي مطرح ماترسي

أكتب اسمي ولا لأ .. لازم أكتب

المقايسه خير وبركه .. يامكتب

كاتب: هيه

ست: شك اسمي ويا دولا

كاتب: خرجوها

الجميع: مابقاش إلا دي روخرة يكتبوها

ست: بتقول إيه

كاتب: باقوللك امشي

ست: وأنت مالك

جاك مشش ينتش قفص عمك وخالك

بدي أعرف إيه وحش فيه أديني

وادي راسي وادي عيني وادي خشمي

ولا يعني ماليش جماعه بيعشقوني

ده بدال الواحد ميتين عم يلاغوني

هو كان على راسكو ريشة .. أما بلوى

ولا آدم ماهوش نافضني من أمي حوا

مادام الرك ع اللي تكون حليوة

قبل منكم وغصب عنكم .. إيوه .. إيوه


الأمر أمر الأغا - سيد درويش


رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على

اللحن السادس (آن الأوان)

الجميع: آن الأوان ياحلوة آن

والسعد كان مستني يومك من زمان

سيف: اتمخطري واتغندري واتجعصي ف التختروان

الجميع: آن الأوان ياحلوة آن

والسعد كان مستني يومك من زمان

سيف: يانور العيون خايف يكون حاتسيبيني يازينة البنات

نزهة: بكرة تشوف جنيهات ألوف وادندشك بالنشانات

سيف: مهما أسوح ولا أنوح دانا أروح وراكي كردفان

اتمخطري واتغندري وانجعصي ف التختروان

الجميع: آن الأوان ياحلوة آن

والسعد كان مستني يوم من زمان

(هنا يظهر حاجي بابا في قوارب النيل ومعه رجاله .. فيرى نزهة وهي محمولة فيعجب بها. وتخرج نزهة مجماعتها ويدخل المعلم حزبنل وجمهور من الفلاحين والفلاحات).

آن الأوان - سيد درويش


رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على

اللحن التاسع (عشان ما نعلى)

عثمان: عشان مانعلا ونعلا ونعلا لازم نطاطي نطاطي نطاطي

الجميع: عشان مانعلا ونعلا ونعلا لازم نطاطي نطاطي نطاطي

بسلامته الوالي أبوزعيزع مهجص باشا دقن تعيتع

أفيونته تمللي قال إيه نترصص دايما حواليه

نروح واقفين زنهار زي القط والفار

نلقاه دايما منفوخ نفشر له طاخ طيخ طوخ

حسن: الرك على حبة بولوتيكه وذمة كاوتشوك خربانه

مادام الأمير ملته أنتيكه لازم الرعية تكون وحلانة

الجميع: الرك على حبة بولوتيكه وذمة كاوتشوك خربانه

مادام الأمير ملته أنتيكه لازم الرعية تكون وحلانة

حسن: حزر فزر ياواد أنت بعقلك بعد الحنشصة دي اللي أنت عليها

ياهلترى الدنيا دي حاتروق لك وتشوف ماشاف قراقوش فيها

الجميع: تعرفش المسأله إيه عرنوس متعفرت ليه؟

حسن: من حقه سلامات سلامات ايش حال القفوات

الجميع: محاسيبك

حسن: ياخي سيبك

الجميع: أول شرط نطاطي البصله لسيدنا الوالي ونستعبط له

حسن: مهما تسمعوا تهجيص اعملوا روحكم بلاليص

الجميع: مهما نسمع تهجيص نعمل روحنا بلاليص

بلاليص بلاليص بلاليص بلاليص بلاليص بلاليص

عشان مانعلا ونعلا ونعلا لازم نطاطي نطاطي نطاطي


عشان ما نعلى - سيد درويش

اللحن الحادي عشر (يحميكِ يا شابّه)

الجميع: يحميكي ياشابة لشبابك ويبيض ياشايب شيبتك

تتهني به ويتهنى بك هيص ياجندي بدلوعتك

حسن: دستور ياللي ف وشه اخلوله

الجميع: حمص وعروسته باركوله

الوالي: هجاص خباص حاجي سنجق خمسة مره جوز طلق

الجميع: اللي قاله زمان حيعيده ويدش قديمه في جديده

الوالي: بيرم كلمني كلام لايق

حسن: هس سمع روقوا ياخلايق

حمص: محسوب منسوب حظرة والي فخر الدين باشا جناب عالي

الوالي: مرحب مرحب تشريف بلضم

حمص: كعكم .. كعكم .. كعكم .. كعكم 

الجميع: بلضم .. بلضم .. بلضم .. بلضم 

حمص: شفتو أفندم عروسه برنجي

والي: شفتو

حمص: شفتو أفندم عروسه أوكنجي

والي: شفتو

حمص: موش شفتو أفندم أوتشنجي

والي: شفتو

حمص: موش شفتو أفندم دور دنجي

والي: شفتو

حمص: ها .. دلوقت قدم بيشنجي

والي: جــــــوزال

ست الدار: بقى ده الوالي يوه يانداشة الخلقة دي خلقة باشا

الجميع: يافضيحتك مين كان يتصور حمصه ع الوالي بتتمسخر

والي: ان شاء الله جوازات صافيات دوب سوى سوى عرق العافيات

حمص: استفهام مخصوص من فضلك امتى رايح جوز بنتك

الوالي: طبلجي زمرجي هيصة جهاز نصف الليل يحصل فيه جواز

حمص: بقى يحصل فيه في نصف الليل

والي: ايفيت أفندم

حمص: نصف الليل

والي: إيفيت أفندم نصف الليل

حمص: (على حده)

حمدا لله شكرا لله وقت كافي علشان ارجع جوز بنت الوالي

الوالي: بوتشريفات كله خلاص سكتر برة أيا كل الناس

تعظيمات واجب تقديم حالا بوسوا يد كريم

حسن: تاتا ليف توتا واو توتا ييه يالا أمال ماتبوسوا ايديه

الجميع: يابو الريش انشالله تعيش وسنانك تغرس قراقيش

سيف: الحب يحلى ف نص الليل امتى بقى يقرب نص الليل

يانزهة الأرواح يابهجة الأفراح

السعد لاح ماحلى الصباح بعد الفرح بعد الفرح

في نص الليل

حسن: حضرة حمص أخضر أغا عروسه نمرة سته صاغا

ست الدار: هو دا سيف ولا عفريتته

سيف: ست الدار

ست الدار: أديني عرفته

الوالي: بعدين هانم يفضل والي إيده يستنى كده عالي

قدم هانم بوس يد كريم

الجميع: قدم هانم بوس يد كريم

ست الدار: ان كان ع البوس دانا أبوس وأبوس وأبوس وأبوس

(تتوجه ناحية سيف الدين)

الوالي: مهووس مهووس سكتر بره

الجميع: سكتر بره قدام والي فيه حد يبوس

ست الدار: جرى إيه ف عينيكم دي خدوده يحسدها الورد اللي ف عوده

سيف: اخص ياويلي ياسواد ليلي إيه بس مشعلق دي ف ديلي

ست الدار: والله باينها رايحه تبظرم على راسكو واخليه لكم ميتم

الجميع: يادم ياسم ياكبه تشيلك قصبه ف وشك حمى تجيلك

نزهة: ياخواتي ماتشهدوا ويايا عصفوري حاتخطفه حدايه

ست الدار: سامعينها ياهوه نازلة شتيمة ماخرجش واسيب دي سليمة

(تهجم على نزهة)

الوالي: كوكمش مجنون سكتر بره

الجميع: كوكمش مجنون سكتر بره (يخرجوها)

سيف: حملة وانزاحت ياسيد

الجميع: حملة وانزاحت يابدوي

يحميكِ يا شابّه - سيد درويش


رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على

اللحن الثالث عشر (إتمخّطري يا عروسه)

الجميع: اتمخطري ياعروسة واتهني بعريسك سيد العرسان

ده بلبل الأفراح بيغني والسعد جانا أشكال وألوان

سيف: ياسمن بلدي يابلح أمهات يافل مجوز في البستان

ياللي عليكي تروح جنيهات بعد البعاد الوصل أهو آن

الجميع: اتمخطري ياعروسة واتهني بعريسك سيد العرسان

ده بلبل الأفراح بيغني والسعد جانا أشكال وألوان

نزهة: الرب عالم يوم مارأيتك إني على الهجران ماقدرشي

افرح وهيص واتهنى بعيدك دي ليلة الحظ ماتتعوضشي

الجميع: اتمخطري ياعروسة واتهني بعريسك سيد العرسان

ده بلبل الأفراح بيغني والسعد جانا أشكال وألوان

حجاب: حاجي بابا شوك ياشا حاجي بابا شوك ياشا

حاجي بابا: دور زنهار

الوالي: أسباب توقيف حال وأمور لازم انكر

حاجي بابا: دور زنهار

الوالي: أسباب توقيف حال وأمور لازم انكر

سيف: ياحاجي بابا حرام وحياة راسك وراس أمك وأبوك

المجموعة: انسى القديم واللي فات مات دا يوم فرحنا دا يوم مبروك

حاجي بابا: إيقاف أعمال تغيير أحوال خيبات آمال وغدر زمان

نرده أفكار اسمع أخبار ست الدار جنة مكان

الجميع: إهئ إهئ إهئ

ياخسارتك ياست الدار بعد العز أهو حظك طار

حاجي بابا: واليوم لازم جوز غيره جوز ابنة فخر الدين

الوالي: لكن أفندم بو موش لازم هذي زوجة سيف الدين

الجميع: هذي زوجة سيف الدين هذي زوجة سيف الدين

حاجي بابا: هيدى سكتر مكتر هلضم بلضم كرته بازافانج

حاشية: ها سنجق منجق سيفه محزق وبيضرب لنج

الوالي: اللي منكم اغلب تاني مش ملزوم سيبوا والي ف حاله

مافيش كاني مافيش ماني امسك بنته حلاله بلاله

سيف: أهو اللي راح يغلب راح ياخد ست البنات يتنعم بيها

تدلعه لما يكون رايق تسقيه من الجنة ويسقيها

الجميع: أهو اللي راح يغلب راح ياخد ست البنات يتنعم بيها

تدلعه لما يكون رايق تسقيه من الجنة ويسقيها

حاجي بابا: بظظ عينك ها ها ها كسر إيدك ها ها ها لخبط مخبط ثم كمان

سيف: وحياة عمك ها ها ها لاشرب دمك ها ها ها لازم أخليك زفتنيان

الجميع: أهو اللي راح يغلب راح ياخد ست البنات يتنعم بيها

تدلعه لما يكون رايق تسقيه من الجنة ويسقيها

حاجي بابا: هنكر منكر ها ها ها أول آخر ها ها ها كركبة مركبة مرقوعات

سيف: خد دي ف راسك ها ها ها ودي ف دماغك ها ها ها

حاجي بابا: طعنة خنجر ثم وفاه

الجميع: حاجي بابا شوك ياشا حاجي بابا شوك ياشا

أهو سيف الدين راحت أيامه والله خسارة ياسيف الدين

جلبهار: حظي انقضى ساعة القضا وآدي المقدر يامسلمين

الجميع: يالابنا ع الأوضة التانية نكتب كتابك ياحمص أخضر

الجميع: اتمخطري ياعروسة واتهني بعريسك سيد العرسان

ده بلبل الأفراح بيغني والسعد جانا أشكال وألوان


إتمخّطري يا عروسه  - سيد درويش


رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على

اللحن الرابع عشر (إحنا الغجر)

الجوقة: احنا الغجر وانتو الحكام أفعالنا ج.ر.ش.ك.لام

الشر راح والحظ أهو دام هاتوا الكوؤس عيدوا الأيام

عشان ما نرقص ونغني

والي: بن والله أفكار يوك أفندم عاوز أسمع غنيوة منكم

غنيوة تم تم تم تم تم تم تا

تم تم تم تم تم تم تم تم تا

الجميع: تم تم تم تم تم تم تم تم تا

ست الدار: اسمع كده خليك فاكر إن الزمان مش هيدوملك

الدهر من طبعه غادر يكفي يابني آدم ظلمك

والي: بن والله أفكار يوك أفندم عاوز أسمع غنيوة منكم

غنيوة تم تم تم تم تم تم تا

تم تم تم تم تم تم تم تم تا

الجميع: تم تم تم تم تم تم تم تم تا

سيف: يكفى الغرور نضف قلبك حظك وعزك شيء زايل

دا اللي يشوف أيام مجدك بكرة يشوف دمعك سايل

لجوقة: احنا الغجر وانتو الحكام أفعالنا ج.ر.ش.ك.لام

الشر راح والحظ أهو دام هاتوا الكوؤس عيدوا الأيام

عشان ما نرقص ونغني


إحنا الغجر - سيد درويش

(لحن الختام)

الجميع:الليلة يامكتر عرسانها حدش له هوى في جوازة كمان

ده الحب يحلى ف نص الليل ظيطوا وغنوا ياعرسان

حسن: الكتكوتة الألاتركه

حزنبل: للشمروخ الخفافي

سيف: وأنا أموت فيكي ياسمبوسكة

جلبهار: كل دا عني ماهوش خافي

الجميع: حطي باطاطك في باطاطه واتركنوا ع الناحية دي

حسن: دلوقتي الدور على سي ميلص

حزنبل: وآدي عروسته الخلبوصة

حسن: يبقاش أحسن من دا عريس

حزنبل: ولا فيش أحسن من دي عروسة

الجميع: حطي باطاطك في باطاطه واتركنوا ع الناحية دي

حزنبل: وآدي أربعة

حسن: هاتهم بالمرة للكام نفر اللي فاضلين

الجميع: حطي باطاطكم في باطاطهم واتركنوا ع الناحية دي

حزنبل: أدي اللي فاضلة من البيعة

رواية العشرة الطيبة 1920

تقديم فرقة نجيب الريحانى ثم فرقة سيد درويش وعمر وصفي

تأليف : محمد تيمور

تأليف الأغاني : بديع خيرى

الحان فنان الشعب الموسيقار : سيد درويش

التوزيع الموسيقى الأستاذ : عبد الحليم على

حسن: وأهو منابك ياسي جعلص

ست الدار: إخيه وميت إخيه وأنا مالي طلعت م المولد بلا حمص

حاجي بابا: أنا بوس راسك بوس رجلك معلش النوبة تعال لي

الجميع: الليلة يامكتر عرسانها يارب بارك ف العرسان

لحن الختام - سيد درويش

يوم تركت الحب كان لي في مجال الأنس جانب
ورأيت المجد عاد لي بعد ما كان عني غايب 
مين يصدق بعد ميلي اني أقول الهجر واجب 

سيد درويش

Mohamed Hossam 24