7imaid

بنية بنية لي سالم ولد  عتمان
صلاة الزين 
وسمّوها الرتينة
أمها بت علي الخمجان
خريف الرازة عزينا 
كبار الحلة أباتا
وبكار الحلة أماتا
وبتمرق زينة
تبرق زينة
تمشي تهاتي وزينة 
و بلا الربعة التحجِّل
شاكية من شبكة كتافا
وفوق الجيد على ضهر البوادي
تغني مي خاتية الزرافة 
كلاما رصين
بسيما الودعة
إلا تزيد الطافة
ملاما حنين
كلاما يطمن الهمباتي
والمجلوبة متعارض كتافا
وقارية وكاتبة تحمد سيدها
ماخدة على البنيات الشرافة 
وكذا البريبة تبرد عيني
لا تغشاها لا أحضر نشافا
وكان في الحلة يوم حنة علي الشاشوق 
مشينا نقدم البنوت علي ضو الرتاين
عيونهن هارجة
تنبح في الفجر والليل قريب واقف يعاين
خدودهن واجّة زي جهر الكهارب الفي المداين
وكان الليل ومن الحفلة إلا صداها 
كان زغرودة...كان  غناي
رقيص الشامة  بت حمدين
وعرضة حامد العولاق
وشنق ود سعد طاقيتو
شان في الحلة سوكنتين 
وعيّط ود مجمر زين
شان الزينة رقصت زين
وفي الشعقيبه كان بازمالو شبالين 
وسهرة وين...وبهرة وين...وجهرة وين...وسكرة وين
اقول آ بنية ليش  ما تهِمِّي فوق  زولاً مشلهت فوق دريبك
لا النَّـفَس مجبود ولا  لحق الغزالة 
وقفت وانبهط  رمَّاشة
جدعت بالبسم رشاشة
يا المهجوم يهجمك  الله  كان داير تسيلي الخلعة 
قالت والعيون ضاحكة في  ضو الرتين بشاشة 
عاد من حيني جاتني الحالة
قلتلا: لا لا
وحات النعمة يا بنية
البريد في الريدة ما بخبر فسالة
حدرت  باسمة
قلتلا عايني
تسلم عينك إلا حقيقة مو ساهل كتالا
حلفت ناضرة
حالفابو الصباح الباش يلون في المشارق
والنسايم الجاية من  تالانا تالا
وحات أمي البعزها زي تراب حلتنا 
ببقى حداك يالمريود 
وأقول لي هلنا ناس قدام
و في ها الحالة مي شينة القوالة
و اساعل القمرة في  شانك
اقولها هيلا يالقمرة
وتانية وهيلا يالقمرة
و تالتة وهيلا يالقمرة
ودحين ساكن رويشات القليب في الحلة ما رشا المقالة
وحات الفرحة في ها الليل
بشوفك فيك عز ابواتي
ضرعاتك خدر يالباهي
ما داير الي من غيرك  كفالة 
وجاتني النهمة
قلتلا اقيفي  يالمريودة
داير ارميلي مرباعين 
وتبقي حمالتي عند سيد الحمالة
قالت والفجر في خديتّا
يالممسوخ حدانا العين
بعد ما تسدر الضحوية ،خت  الفاس  على  كتفك
و بوجح غادي 
بوبح غادي 
نم فوق البعجبك زين
- قلتلا زين
وداك الحين
بشوفك  يالرتينة مع الشمس  بتلالي
مِـنَّـــاك  للسحاب الكابي  فوق  حلتنا 
كان عامل ضُلالا
و بشوفك في عوينات الصبين
العشق لصف ضياهن
والنهار وصف  خطاهن
والصبر زارعنو فوق ضهر البيادر
فوق كتافين السقالة
بريد ريدِك سماح أهلي
وبريد ريدِك  كفاح أهلي
و بريد  مهواك
واريد انسانِـك الجوَّاك
واريدِك والله زي أخر الحتالة
وادولبيلك
اشيلك غنوة للسمحات
وانمك في تراتيلي
وأدوبيلك
وكل ما العتمة  تنزل  سابلة
أنسى عناي
أتاوق لي قناديلك
واشد حيلي
وأدوبيلك
إذا مغناي  
يبّــرِّد في الحشا صبرك
ويرجع لي تهاليلي
بدوبيلك
ولو الشوق عرف بكاكي
أطري غناي
عليك العِــزَّة يالمريودة دوبيلي

كلام الرتينة بت سالم ولد عِتمان في حِنّة علي الشاشوق

يا روحي انصفني في حكمك
لأنه قاسي علي أنا يا حبيب ظلمك

تظلمني والأيام قد تنصف الانسان
نشاهد المحبوب عفوا عيان وبيان

بالنسبة للطفك والرقة يا فتان
ما كنت تظلم من قد أضحى بيك ولهان

تتركني للماضي مع انه في الامكان
نجدد الذكرى وتنسى كل الكان

هيامي بيك يا فاتن مصدره الانصاف
انصفت حسنك حب وانصفت حبي عفاف

ذوبت روحي معاني دقيقة في الاوصاف 
هومت نفسي خيال في معبدك طواف

سكبت روحي على كاس المحبة سلاف
هل بعد ذلك اكون لسهام نواك اهداف

أنا يا حبيبي غرامي تركته للايام
تركت حب ودموع تركت شوق وهيام

عودت نفسي اذا ما اشتدت الالام
اصبر على الحرمان واضحي بالاحلام

جنة هواي العذري ندية كالانسام
تخلي نار الشوق بردا علي وسلام

التاج مصطفى - يا روحي انصفني - كلمات عبدالرحمن الريح

مصابيح السما التامنة وطشيش- محمد الحسن سالم حميد

مناقيش العداله عود محمد الحسن سالم حميد

ضهر المعزه محمد الحسن سالم حميد

اولاد الشيخ الطيب الشيخ برير - ظهر في الكون - مزمل

عبيت زاودني الريقة من بايت القوى 
بايت القوى الوطن الدشر … 
غيمو الربط 
ساعة بقينا من الروى …… 
فرسخ مطر 
سافرت لك بأشواقي لي آخر المنافي 
بحت في كل المخافي .. 
وكست عنك في الخرط 
في التواريخ القديمة .. 
التواريخ الرؤومة .. 
بين نقوش نبتة ورسوما 
في الطنابير العظيمة 
وبين لغة مروي القديمة 
وخط .. في خط 
راجعت بك كل الأسامي .. البعرفا 
كل الجمل .. 
حتي الضمائر .. وأحرفا 
صححت بك زمني الغلط 
باختبك قلبي الشقي .. 
وبشرتو بي لقياك عبط 
يا طيبة زي شارع وسط .. 
يمشيبو كادح وأرزقي 
وممتنعة زي قبض المياه 
والمافي 
والما بتلقي 
غالبني جيتك أصادفا 
لا في المعابر والموانيء المترفة 
لا في المطارات الوسيمة كما الفراغ 
لا الأرصفة 
كل الدروب التعرفيها وبعرفا 
التألفيها وبألفا 
خشيت دغيش سِعن الدني 
المرفوع علي سيبات وفا 
روابي كان قطاع غني .. 
وشوقاً مفورن وانكفي 
قدام خطي الوجد الِحفي 
غابن صباحات القرب … 
وبقت ضلامات الجفا 
وضي المصابيح الجريح .. 
كترت علي الريح …. وانطفا ؟؟؟ 
هوي يا بنية من الغبش .. 
من حر أباطهم مترفة !!! 
وين إنتي شان نرقد قفا 
وين إنتي وين .. في يات دغش 
ما بيننا بين غيبتك كفي 
لو بق حسك في... 
هشيم دبش الضياعات والسأم 
زي أغنية شوق .. 
زي نشيد .. 
اندبي همسك زي نغم 
او خب خطوك زي شهيد .. 
رفت مسيرتك زي علم 
ما كان مهابات الصقور 
(نخت) تحت رخة رخم 
وين إنتي وين .. 
ما كان هجم ديش العجم …. 
والدنيا ضو 
وامسن سبايا الأغنيات 
العزل … ألاه … شن تسو ؟؟؟؟ 
ولا في الكفوف الخاوية سيف … 
لا في الكتوف الزاوية ضو !!! 
دلَّجت درب الأربعين .. 
براً 
وبحراً 
حتي جو 
أشريك قلت من الزمن 
واعتق معاك رقة مشاعري 
أزوجك كل الوطن 
كل الرجال الحملو أرضك بالحلال 
وأفتق سحاب العشق شو 
ولا بنتي في الزنج البجم … 
لا كنتي في العرب الأشو 
لا في شلوخا … 
ولا الوشم .. 
لا في شيوخا ولا في عو 
بل فيك غشاني الزمن … 
أداني صرصر وبعتو نو 
كوترني .. بي حبل الوخم 
كل ما انقطع تو .. بان لي .. تو 
ناقز وراك .. 
ناقز وراك .. 
ناقز وراك .. 
انترتعت رؤياى .. 
هكع .. 
ما بين أريت … يا ام زين … ولو 
وبين تبقي وين .. 
لاك في الوجود 
لا في العدم 
لا في الحقيقة … ولا الوهم 
لا زين 
لا شين 
لا البين بين .. 
يا راحة الباقالو هم 
لا عنك أفتاني الزمان .. 
لا منك انقطع العشم 
يا ريتو أغناني الكمان 
آ طيبة عنك صوتك نغم 
من أعلي ميضنة فيي 
كان أعلنت موتك للأمم 
أو .. صح بجيتك لي الرمم 
لكنو صمتك طال … 
وحان ميعاد زفافي علي الألم 
قلت أرفع أيديني وأقول … 
خاني الصبر .. 
خان وانهزم ؟؟؟ 
زي ما أتهزم كمين نبي … 
وخانت علاي التاريخ ذمم 
آ طيبة أخافك ؟؟؟ واللا اخاف 
السبة واللعنة الوبيلة ؟؟ 
تحل ورايا كما الجفاف ؟؟ 
أو ….. تار علي أكتاف قبيلة ؟؟ 
معلمي الله من عتاد .. 
يبرد حشاها .. ولا في حيلة 
بلا تأمل في البعاد .. سنين .. 
سنين .. ودنين .. طويلة 
وكيف ؟؟ وكم ؟؟ 
والإنأخذ بالدم غصب … 
مافي البرجعو إلا دم !!!! 
آ طيبة هيلة .. 
سلام 
عوافي يا أصيلة .. كما المعانا 
أو .. بديلة علي اللي مافي 
يمه أدخلي علي غنانا .. 
يا أمرقي من القوافي 
يا أحذرينا وما تخافي 
وما بنخيب حاشا ظنك … 
ينفخوها وما بتموت 
حية نارك … حية يوت 
ختي قدرك في الأثافي .. 
يوسف الفي الجب يمرق 
ضاربا ريقة اليلقي قوت 
روقي أكنك .. 
واللا كنك .. 
تاوقي في البحر الخرافي .. 
يونسك في ياتو حوت 
سمَّ ينده جوفو حافي .. 
وهطينا علي الأثافي …. 
وهبي نارك لا تموت 
يا حمامة غار محمد .. 
يا خيوط العنكبوت 
يمة كسناك ضمة مافي .. 
الدروب وين غيبنك ؟؟؟ 
في سؤالنا الضاري عنك .. 
سدن أبوبن بيوت !!!! 
والبيوت البشبهنك .. 
انكرننا وانكرنك !!! 
ننكشف لا لوم عليهن .. 
بس ها كيفن يسترنك ؟؟ 
وفي سكاتنا الجاري منك 
رحبن بينا السجون 
الدرادر والمنافي 
فينا من روَّح فدايتك .. 
وفينا من لا زال … 
وفينا 
ما في من بدل لرايتك 
وانتي في ذات السكوت !!! 
التراب يتشهي حنك .. 
السحاب عابر يفوت 
واللا يكمد للعيون 
بالغبار غمة وسوافي 
وانتي يا آخر المرافيء 
يا أم وجوداً صار خرافي 
في صحاريك داخ غفاريك .. 
من برد زمنو الرعافي 
دون كواريك .. 
مات واتاريك 
غبتي بي كل المرافيء 
يا لساريك .. لاك موافي 
لا كمان قادرين نسيبك 
نمشي في الزمن المجافي 
ما عهدناك عاد تخافي 
كانفعالات المراهق ... 
شابكة كالشجر الضفافي 
خيلك - الريح - حين تناهد 
لوحة التاريخ بيشهد 
لونا والدم الإضافي 
إلا يا وتري وغناهو .. 
راحة أنغامو .. وهناهو 
يا نبي الثورة الغشاهو 
برداً أكتر من غتاهو 
إلا يا بت جاك زمن دارع الأيام قلب 
الدفاتر والكتب 
إستحمت بالغلب 
التلاميذ النجب .. 
طيشا الفقر …. 
الغبينة 
صنت الأجراس وجينا 
إلا يا .. آخ … ما لقينا 
الجوامع مستباحة .. 
والمصلين صر جنب 
الكنائس جالبا دينا !! 
والمدينة تبيع عوينا !!! 
لي النخاسية الغرب 
لي اللحاسية وعقب 
تشتري آفات الرعب 
والهتافات الجرب 
عربدت باسم السما ... 
توكت ريح السحب 
ومن ضروعاً .. كان تكب 
كل أطفال الفقاري .. 
وكلهن في فد شخب !!!! 
في اللغة الجرسية .. سب 
في التقي النجسية .. سب 
في الوقار الفاوة .. سب 
في شعار ما ساوي .. سب 
واللا أريت ما كنا منك .. 
لا في بيناتنا القرب 
كنا أقلا نشوفو عادي 
التردي الجاي وغادي 
دسادي في النعم الزيادي 
وابن آدم بالأيادي 
لي سترة الحال يكافت .. 
غابة غابة .. 
ووادي وادي 
ينبح المسكين يا طيبة .. 
طيبة يا راحة الفتارى 
وواحة الفي الصي حيارى 
عورة الشرفاء الفقاري 
سترها ولب المباديء 
يا بنية الأجر أم خير .. 
أو نبية الشجر الطير .. 
يا رسول البسمة للأطفال … 
حبيبة نيل بلادي 
يا طليقة الغيم … 
عروس طين البوادي 
المناديل بانتظارك … والأيادي 
معبأ شوق .. 
يا طيبة .. 
طيبة .. 
طيــــــــــــ .. 
ولا حياة لمن تنادي 
بكَّاك بكيتي .. سكت برايا 
كنت حافي علي إبر .. 
بتَّ حابي علي شظايا 
من انكسار رماش عيونك 
فوق مسام سام المرايا 
من كتر تعباً تعبتو .. 
قلت ألقاك ما كفاية 
يا تكملي في صمتك 
يا أخلص بيك غنايا 
دي الحنايا وراك يبست 
ولامست عشميق الخلايا 
وبت أمسد من حروفك 
وأقتل الأيام .. قراية 
بتق الغيم .. برضو أرضك 
ما استجابت لي سقايا 
وقلت أخطك بي دمايا 
يا أصابعيني أبقي ريشة 
ويا شراييني الدواية 
وقنعي الريح الورايا 
النكع بالخيل .. محالاً .. 
يدي بي بقر الدرايا 
انتهت كل الخفايا 
وقلت أكوسلك في الخطايا 
لما في ذات لقيا حر .. 
وزاد هواكي علي هوايا 
وقمت خنتيني معايا ؟؟؟ 
اشتكيتك لي القمر 
لما أنسام السحر 
الرياحين والزهر 
شهدوا لي عليك يا اخية 
جاء القمر سواك برية 
وباعتزاز في إبرة حية 
صاح في جمعنا يا برية 
من يكن من غير خطية 
......... 
وقم رميتك بالتحية من اللي في 
فيا ….وفية 
يا معاكي تغيبينا .. 
يا تعالي وابقي جية 
للبعيشو غصب عشانك … 
والبموتو بحسن نية 
حار علينا بعد طراوة … 
وبين عيون أحباب تقية 
نبقي في كتمة وشقاوة 
وبين أراذل 
وارزقيـ……ـة 
كفاك شكية !! 
يا التشرك لي غمامك … 
وتحتك الأنهار قوية 
ما انسرق ذات ليل سنامك … 
لو قبيل كست الحوية 
كفاك شكية !! 
وما بيضيع حق لا قضية 
لو في طلاب من وراهو 
ونية بيضاء وبندقيـة

البحث عن ذاكره لوطن مفقود محمد الحسن سالم حميد

السلام ملح المشاعر محمد الحسن سالم حميد

تسجيل خرافي سفر الحسين والرضيه

الرجعة للبيت القديم  محمد الحسن سالم حميد

A Duet With Tracy Newman  From 2010  
We Made A Little YouTube In Her Home Office
This Is The Audio

I Wrote The Song Around '02
From A Musical Suggestion From My Then L.A. Neighbor, 
Larrow Farrow  - Thanks, Larry!

Generally My Wife Sings This With Me 
https://soundcloud.com/dragbunt/jersey-sky-7
Thank's Christie!
---
But This Version With Tracy 
Has Both Charm & Tempo To It
And I Get To Sing The 'Melody'
And There's Yet Another 'Dreadful' Version 
From My 2013 'Dreadful Sorrow' CD
Catch Them All!
----
I Love This Song
It's A Beautiful Accident...
----
My Neighbor Says; 
'My Friend Has A TV Pilot 
Set In New Jersey
Wanna Write A Song Together
To My Chorale Arranger/Director/Composer Neighbor 
I Say 'Sure' 
He Proceeds To Sit At His Piano & Play & Sing 
A Jazzy Phrasing Of 'Hey, Cover Me Tenderly' 
Stops - Turns & Says 'like that'
So - From Four Words & 8 Notes
And A Fortunate Grafting Of Memories & Notes
Came This Little Gift 

JERSEY SKY

Hey Cover Me Tenderly
And Take Me Home
To Listen To Brenda Lee
Naked

Don’t You Ever Wanna Try 
New Things?
Things You Think You’re Never Gonna 
Do Things
Windows Open Up Inside
When You Try The Things
You’ve Never Tried

Hey Cover Me Tenderly
And Take Me Home
Over The Tappan Zee
Naked

It’s Always Better When You Try 
New Things
Things You Think You’re Never Gonna 
Do Things
Say The Words You’ll Never Say
Whisper Them & Walk Away

Hey, Sing Me A Lullaby
And We Can Lay
Under The Jersey Sky
Naked

®rgoldman dragbunt music

JERSEY SKY

احرموني و لا تحرموني.. ثنائي الدبيبة

عبدالعزيز العميري _ الشوق و الريد

عبدالكريم الكابلي والبلابل،، حبك للناس

ابراهيم الكاشف - الشاغلين فؤداي

عبدالرحمن عبدالله،، ست الفريق

موثق للانسان محمد الحسن سالم حميد, اله الشعر عند العربان
واخرون...

مناقيش العداله عود محمد الحسن سالم حميد

Mohamed Issam Bob

Recent comments

نےغ ےم

نےغ ےم

Related tracks