يا أحلى صبيه بتمْـرُقْ مَـغْـرِبْ ..
عين فى الأرض ويَدْ تتناول من خالات الضِـيقْ.. رَوَّابْ

يا خَـلوه بتعْـزِم وتعزِم باشَّـه ..
الضربوا الصَـيْ
الهاجـروا فوق رُقَّاب الضَـيْ
مُخْـلاية الزاد بتعشِّـي الوينْ ......
مُـدَّاح الزينْ
ضيفاً درويشْ
فُـرَّاس الخيلْ
سُـرَّاى الليلْ
دُقَّـاق العيشْ
بتعشِّـى الديشْ 
والناس المادَّه عيونها تنادى الرحمه،
عيونهم جَــفَّنْ
الناس الشادَّه بطونها..
الرِيقَـه  الدَخَلَتْ لا زال جوَّه ..
بطونهم خَـفَّنْ
الناس الكادَّه  الجوع .. اللاحسه الكوع..
الخيلهم نَـفَّنْ 
الناس الحادَّه  علي الما مات ..
الحَيْ ومكَـفَّـنْ
أفراح الناس ما كَـفَّـنْ...
أحزان الناس ما كَـفَّـنْ ؟؟
الصبر جميل.
والناس المادَّه عيونها تنادى الرحمه،
عيونهم جَــفَّنْ
الناس الشادَّه بطونها..
الرِيقَـه  الدَخَلَتْ لا زال جوَّه ..
بطونهم خَـفَّنْ
الناس الكادَّه  الجوع .. اللاحسه الكوع..
الخيلهم نَـفَّنْ 
الناس الحادَّه  علي الما مات ..
الحَيْ ومكَـفَّـنْ
أفراح الناس ما كَـفَّـنْ...
أحزان الناس ما كَـفَّـنْ ؟؟
الصبر جميل.
يا برواز الصبر جميل ..
الحزن المالِـحْ عطَّـن
فـرح الحِـله في لـيلـة الدُخـله
والـحـزن المـالِـح
قَطَع الخَرَزَه  وقلع الرَّشْـمَه 
مبروك الـصرخة الأولى
على لِسنات  الحضروا المَوْلِـدْ ...
جـتات محـتـشـمَة.


فى جاه الحلة الشايلة الحَـفـَّـة ..
لا سيرة تـدُقْ
لا زين لاحُـقْ
لا عَـمَّة تحِـنْ
لا خَـالَـة تـحَـنِّـنْ ... ولا خَـيَّة 
حتى الزغرودة الأغرودة
مجروحة وباهتة،
ملغية!
كل المواعيدْ
ضحكات العيدْ
أحلام الريدْ
الاغنيَّـة...
صبحت مهزومة ومتكيـَّة!

في جاه الحله الشايله الحفة
إحساس أطفالنا بيوم الوقفة
اندهشْ،
ارتعشْ،
اتحَـلـَّـلْ.
الكعك،
اللعبة،
البسمة،
اللبسة ..
الكل اتبلَّـلْ.
عربون البمسة الفى العينين..
ما فـرهدْ ..
مـــاتْ.
يا يوم العيد
دمعات أُمَّـاتنا  على أُمَّـاتهن 
فى العيدين ..
ما هِـن رحماتْ.
في جاه الحله الشايلة الحفة ..
فى جاه الحِـلة الشايلة الحَـفـَّـة،
القِـسـمة تفوتْ
أحلى البـنـُّوتْ
لا الغايب عَــادْ
لا لـحـقن خيلـهِن في اللـفَّـه. ........... 
محمد طه القدال 
music
flstudio 
Timbaland - Apologize
mohamedjamal

القدال - حميد (ياحليوة)

Colombian flute - ياوطني يابلد احبابي

‫نادر خضر - براك نسيت يا قآسي‬‎

‫نادر خضر - جـرح فؤادي - حفلة 3 يوم العـيد‬‎

المصير

ماضي الزكريات

Intro - نادر خضر

لو مني مستني الملام
ياسلام عليك يا سلام
ياحلو دا السكوت مرات كلام
وعدم الكلام هو كمان ملام
يا سلام عليك يا سلام
انا يا غرامي وصلت بيك
في الدنيا لي حد الغرام 
ولقيت ملامي في عينيك
يا سيدي زي الما ملام
يا سلام عليك يا سلام
الوردة لو فاتها الفراش
ما أظن تلومو مع الندى
ما بتجرح احساسو الجميل
والريدة يا حنين كده
يا سلام عليك يا سلام

.......................................
كلمات عبد الوهاب هلاوي 
غناء مصطفي سيد احمد

نزار الماحي - الملام

الحزن النبيل / بيانو


بَحبّها عادى..
بحبّها مِن سَنه تانيه إعدادى..
ابوها مُعلِّم
وكان جابوهم سَكنوا قُصادنا
سَكنوا قُصادى..
كُنت مَغبّر
وشِين و مَنقّر
صارّى و جادّى..
كان الشَبط اللابساهو اخدر
والفُستان كان لُونو رَمادى..
ازعل مِنها ارجع بيتنا
وقبل احصّل اعاود صادِّى..
كُنا اتنين فى خشم الباب
اتنين فى البيت
مُرسال الزيت
وحلاوه لُبان
سِيد الدُكان
لَعبة سابعون
مَص الليمون
مشوار الروضه الفى النادى..
حُمبكة النِيم
اكل القُضِّيم
سَف السُكّر
والفُول اخدر
وعروس وعَريس
عَرديب فى كِيس
وحنين ابداً ماكان عادى....
هَسّه كِيفِك
فى ياتو بَلد؟
مِما نقلوكم ما جِيتى
بِيتكم سكنوهو ناس سُوداتِل
ركبّوا للناس التلفونات
قُبالهم سكنو قَفير مِسكين
زى فَتره ومات..
وانا كُل ما امُر بى خشم الباب
تتسابق فى عِينى الحاجات....

طبعاً هسه بِقيتى كَبيره
ومُؤكّد عَسوله وأميره
انا زاتّى بعد فُتِّى كِبرتَ
مازى ما كُنت مَنقّر وشِين...إتغيّرت
مُمكن جداً ماتعرفينى
لو شُفتينى..
كدى خلينى
ماجايه قريب!
صاحبتِك امونه أُمبارح
مُش جاها خَطيب!
حَلفت لاتشوفو ولا دايراهو
والناس مهجومه تودّى تجيب..
يا بِت مالو!
قالت بِسكر ..
والبِسكر عند امونه مَعيب....
تتذكرى حسّان المسكين!
لمن بالصُدفه يلاقينا
وتدسّى وراى..
وانا اقرّص فيك مابسألنا
بس امشى معاى..
ماتعاينى عليهو
خلّيك بى جاى..
ونعدّى ولا بعاين لينا
ماشى المسكين وبيمدح ساى..
حسّان مالقوهو!
يوم هجّا وفات..
مَرقن فى وقتها دفّارات..
الحِله تقول مافضّل زول
ورجعَن خايبات..
والله كأنو اليوم داك مات!
شِدة ما الحِلّه انشغلت بيهو
اصلاً حسّان مع مَسكنتو
كان طيّب وزين
مبروك وحَنين.
الشِده السوداء وعرّاقيهو
راديهو الواقِف ومُسواكين
حسّان للصيوان فى الأعراس
حطب الدُخان حسّان بالفاس..
حسّان الطين لى ضرب الطُوب
حسّان الساس..
يوم يبقى نفير
هو القدحو كبير
حسّان للزِير
والضيف الجاى
يتلقىَ يطير
فى الحُوليه
عصرى النوبات
حسّان درويش
روح الحاجات..
غفّلنا وفات
لا معروف حى
لامعروف مات....

ازيّك ياخ
بالله كيفِك
البِت العالقه شديد جُوّاى
البِت البُن كُباية الشاى
حاجاتِك زى ما هِن قاعدات
امرُق مِنك القاك بى جاى
شبطِك اخدر
وفستانك كان لونو رَمادى
وحِزامو على ضهرِك وَرده
وبسرّحو ليك كانوا ضفيره
كُنتى اميره..
انا بفضل غايتو اعاين ليك
إمكن الاقيك
فى اي مكان
فى اى زمان
مالقيتِك برجع خشم الباب
اغبش وسخان
وفى راسى تُراب
كاسيني حنان
صادِق وكضّاب
زى اى صُغار
حلوين شُطار
بلعبو سابعون
مصوا الليمون
قاعدين فى البيت
مُرسال الزيت
حُمبكة النيم
اكل القُضّيم
سَف السُكر
والفول اخدر
وعروس وعريس
عرديب فى كِيس
ازيّك ياخ

............
فيصل خليفه

فيصل خليفه - خشم الباب

التُوب دا لُونو شنو؟
مابعرِف الألوان
انا بعرف السُتره
الآهه والأحزان
مِين الوراك مَديون 
ومنو القفاك عيّان؟
يا الله مِن عِينِك
بتعاينى وين هسّه؟
جُوّاك شنو اندسّه!
الوَجعه والمَغسه..
يا وردى يا فاتِح
يا جُرح يا ناتِح
يا غُبن يا فاضِح..
يا خاله يا خاله
ادينى داندُرمه
داندُرمه بى مِيّه
معموله بى نِيّه
بتنجّد اللِحفات
بِتحلّنا شويّه
عَرديب بروح مَنقه
بتخفف الزَنقه..
خَلِّيك كما إنتى
اكل الحَلال طاعم
مِن حافظَتِك بِعتى
زمن الضمير نائم
وقت الحَرامى نهار
يسرِق ويقوم حآئم!!


..................
فيصل خليفه

التوب دا لونو شنو

بينما نحن نقاسي بين رمضاء الماسي
و أقاصي المقبرة … فأجتنا اتبرا
فإذا بالمقبرة تتنامى سنبلات
و الماسي قبرة
دوزنوا لحن المبادي فالأيادي حنجرة
لونوا قوس الأماسي كيف كاسي محبرة
وطني … أو اتبرا
خلف ليلاي قصاصي أي فجراً يا ترى
وطني … أو اتبرا
اتبرا الطيبة يا منجم الثورات
كيفك بعد غيبة وغربة ووطئ جمرات
رجالتك الهيبة … نسوانك الحارات
قالن لي قولا تسر … تنفع زمان الضر
كل البلاد أم در .. والمهدي حي ما مات
الخطوة في الشارع منبثة ثورية
بق الغضب طالع .. أبرول وطورية
شافع ورا النافع .. طلبة وأفندية
الجوعو كان دافع .. لي هبة شعبية
ما الصبر ما نافع في أيام كركية
ذات وضع همباتي .. وأحوال متل دية
كهان وجهدية .. وكابات هي ما هيّ
حموني اغرودة والدنيا عيدية
حرموني زغرودة في فرحة عادية
حظروني من عودة .. أو مرقة ليلية
منعوني من ذاتي .. واخواني جندية
للقمع يوماتي سدوبا وردية
شك في هوياتي .. فتيش وسخرية
لكناتي .. لهجاتي .. شلخاتي .. عينيا
أوكير وحمداتي .. باعوضة سل فيا
تحتاج معاناتي لبطاقة شخصية !
يا مسخ بعاتي .. وقام لجنة شعبية
لي حضرة الآتي .. شايل الفرح ليا
عبيت مساماتي .. من غيمة منفية
وعلى أرض مأساتي .. فرغت ما فيا
وضل الوطن شاطيء .. وشمسو المراكبية
النيل ديمقراطي .. والقيفة جمعية
بردت غنواتي .. بي نمة مغلية
.....
محمد الحسن حسن سالم حميد

playing guitar  mohamedjamal
by flstudio

(محمد الحسن سالم حميد - غضب الشارع (عطبرة

ريم الرفاعي - ماتساهر بي

طارق ابوعبيدة ...سيد الروح

ﻛﻔﺘﻴﺮﺓ ﺗﻔﻚ ﺍﻟﺤﻴﺮﺓ
ﻳﺎﺑﺖ ﺃﺣﺴﻦ ﻣﻦ ﻏﻴﺮﺍ
ﺍﻟﺮﻳﺢ ﺑﺘﻬﺪ ﻣﻦ ﺣﻴﻼ
ﺑﺘﻘﻠﻞ ﻟﻴﻼ ﻣﻄﻴﺮﺍ
ﺃﻣﻚ ﻭﺍﻟﺼﺤﺔ ﺑﺘﻨﺰﻝ
ﺑﺘﻤﻐﺮﺏ ﻗﺒﻞ ﻋﺼﻴﺮا
ﻳﺎ ﺣﻠﻴﻼ ﺍﻟﻌﺮﻕ ﺍﺗﺼﺒﺐ
ﻓﺼّﺪ ﻭﺍﻟﻠﻪ ﺟﺒﻴﻨﺎ
ﺇﺗﺪﻧﻰ ﻫﻤﻘﻠﻮﺑﻴﻨﺎ
ﺃﺧﻮﺍﻧﻚ ﺷﻔﻊ ﻗُﺼّﺮ
ﻟﺴﻪ ﻣﺎ ﺑﻔِﺸﻮﺍ ﻏﺒﻴﻨﺔ
ﻭﺍﻟﺤﻴﻠﺔ ﻗﻠﻴﻼ ﺑﻠﻴﻠﺔ
ﻣﺮﺍﺕ ﺑﻤﻮﻳﺔ ﻛﺴﻴﺮﺓ
ﺭﻭﺷﺘﺔ ﺗﺨﻠﻰ ﺍﻟﺤﺘﺔ
ﺃﺿﻴﻖ
ﻣﻦ ﺛﻘﺐ ﺇﺑﻴﺮﺓ
ﺟﻴﺮﺍﻥ ﻭﺍﻟﺤﺎﻝ ﻣﻦ
ﺑﻌﻀﻮ
ﻧﻴﺮﺍﻧﻢ ﻧﺎﺭ ﺍﻟﺤﻤﻰ ﺿﻠﻤﺔ
ﺍﻟﻀﻞ ﻛﺮﺗﻮﻥ ﻭﺣﺼﻴﺮﺓ
ﻭﺍﻟﻌﻴﻦ ﻭﺍﻟﻨﻴﺔ ﺑﺼﻴﺮﺓ
ﻭﺣﺒﺎﻝ ﺍﻟﻨﺠﺪﺓ ﻗﺼﻴﺮﺓ
ﻣﻦ ﺳﺘﺔ ﺍﻟﺰﻭﻝ ﻟﻲ ﺳﺘﺔ
ﺍﻟﺠﺘﺔ ﺗﺘﻜﻞ ﺟﺘﺔ
ﺑﻴﻦ ﻛﺎﺭﻭ ﻭﺑﺺ ﻛﺮﻛﻮﺑﺔ
ﻭﺭﺍﻫﻢ ﺷﻔﻊ ﻗﺼﺮ
ﻳﺮﻋﺎﻫﻢ ﺣﺲ ﺣﺒﻮﺑﺔ
ﺗﺘﻮﺳﺪ ﺇﻳﺪﺍ ﻭﺗﻮﺑﺎ
ﺗﺘﺤﺴﺲ ﺑﺎﻗﻲ ﻋِﻤﻴﺮﺍ
ﻛﻔﺘﻴﺮﺍ ﺗﻔﻚ ﺍﻟﺤﻴﺮﻩ
ﻳﺎ ﺑﺖ ﺃﺣﺴﻦ ﻣﻦ ﻏﻴﺮﺍ
ﻭﻟﺬﻟﻚ ﺇﻧﺘﻲ ﻫﻨﺎﻟﻚ
ﻓﻲ ﺭﻛﻦ ﺍﻟﺴﻮﻕ
ﺍﻟﺸﻌﺒﻲ
ﺑﺖ ﺃﻣﻚ ﻣﺎ ﺑﺘﻜﻮﺳﻲ
ﺩﺭﻭﺏ ﺍﻟﺸﻚ ﻭﺍﻟﺬﻟﺔ
ﺟﺮﺑﺘﻲ ﺍﻟﻜﺴﺮﺓ
ﺗﻌﻮﺳﻲ
ﻣﺎ ﺑﺴﻤﻊ ﺣﺴﻚ ﺇﻻ
ﺍﻟﻨﺠﻤﺔ ﻭﺩﻳﻚ ﺍﻟﺤﻠﺔ
ﻭﻋﺠﻴﻨﻚ ﻓﻲ ﺍﻟﺒﺴﺘﻠﺔ
ﻓﻲ ﻟﻴﻞ ﺍﻟﺼﺎﺝ ﺍﻟﺪﺍﻛﻦ
ﺗﺮﻣﻴﻬﻮ ﻗﻤﻴﺮﺍ ﻗﻤﻴﺮﺍ
ﻛﻔﺘﻴﺮﺍ ﺗﻔﻚ ﺍﻟﺤﻴﺮﺓ
ﻳﺎ ﺑﺖ ﺃﺣﺴﻦ ﻣﻦ ﻏﻴﺮﺍ
...ﻛﻔﺘﻴﺮﺍ ﺗﻔﻚ ﺍﻟﺤﻴﺮﺓ
ﻳﺎ ﺑﺖ ﺍﺣﺴﻦ ﻣﻦ ﻏﻴﺮﺍ
ﺣﻠﻴﻤﺔ ﺍﻟﻨﻴﻤﺔ ﺗﻠﻤﻚ
ﻓﻲ ﺿﻠﻬﺎ ﻛﺘﺮ ﺧﻴﺮﺍ
...............................
flstudio11
https://youtu.be/sGfx4pRraPc

محجوب شريف - كفتيره تفك الحيره يابت احسن من غيرا

من غير ذنب واسباب جافوني الاحباب 
احكي البحور يا دمعي الهاطل الكباب 
ازكر حبيبي الحائز في الحسن اول باب 
تزكر زمان ما كنا زمن الجهل احباب 
لسع صغير في عمروا يا ربي ذيدو شباب 
جافوني الاحباب 
بقي شربي من دمعي الما لي خلافو شراب 
لا حول من نيرانو انا منو في استغراب 
جامل ولا تكون عامل عشوق اضراب 
ادركني وارحم قلبي يا شادن العمراب 
يا الفي الصدود ونفور حاكيت غزال الغاب 
هل تدري او تعلم انا في اشد عذاب 
ما دام جمالك عارف ان الحسن القاب 
اخفي الهوي وتنور بدل القمر لو غاب 
خبيت عقلي ولبي اللي العقول زواب 
نسيم هواك القاتل جرعني بالاكواب 
مهما جفيت يا نافر خباك عني صواب 
اصلو الغزال من طبعو من كل شي هواب

من غير ذنب و أسباب  - عبد العزيز أبو داؤود

من ام در ياربوع سودانا نحييك وانت كل امالنا

فى غربك عروس الرمال وفى شرقك اية جمال

وجنوبك واسع مجال ياحلاة رطبك فى الشمال

من ام در ياربوع سودانا نحييك وانت كل امالنا

نحييك فى القرى والبادية وفى كل النواحى الهادية

فى الخرطوم زهورك نادية وتهواك النفوس ليك راضية

من ام در ياربوع سودانا نحييك وانت كل امالنا

بنعيم الجنوب جود لينا ومن فيض كردفان اغنينا

فى شرقك نصيد وادينا شمالك فيهو بركاوينا

تطرب بيك جميع اجيالك وفى كل البقع ترضالك

طوالى الفرح فى بالك ياربوع شوقنا فى استقبالك

من ام در ياربوع سودانا نحييك وانت كل امالنا


ام در ياربوع سودانا

أحمد الطيب وعماد أحمد الطيب - ضاع صبري

جمال فرفور - انت حياتي

غزال البر ياراحل

السراي يا السراي - عاصم الطيب قرشي

ريم الرفاعي ـ شارع الحوادث
..........................
اديني من لهجك حديث 
العافية حس اطفال ومرجيحة
وغناوي وابتسام
احميني من تلك الظلال الباهتة
والخوف والضلام
احميني من قسوة حبيبة 
اتبكمت وقت الملام
وارميني في حضنك غريق
مشروق ومليان بيك كلام
اديني من حِنك ولاد الفزعة شيالين هموم القاسية لو عز الطريق
ايدهم اذا غدر البحر تصبح مراكب للغريق
صدقات..وصول ..شارع الحوادث وفي المبادرة يارفيق
اولاد حلالاً بيسندو المحتاج عيونهم في قتامة الدنيا ضواية البريق
بيهم عنا المرضان يزول وما جف لي اماتنا ريق
اديني ياسودان امانك وطيبة الوش المباشر وعيشة السترة الحلال
ماحالنا من غير التكافل ومدة القدح الضواقة وختة الحبان محال
بالرغم من ضيق الايادي القلب مشرع للمحبه
وناس نفوسا اتطايب قسمت نبيقتا حبه حبه
وناس تجيد الاحتمال
من اجل اطفال الشوارع
وناس مع السرطان تصارع 
ياخ تعال
شان التعابي
وشان دموع امات غلابه 
ارح تعال
مالدنيا وان طولت فيها الي، زوال
والآخرة مابيحسن ختامك ليها غير سمح الفعال

اديني من لهجك  - ريم الرفاعي

نزار الماحي - لابتكتبي

حسن الخير - جنني العيون

همسة شوق - Shevannai Voices of the Elves

OUDADEN - Artala tit amtta

Iris DeMent - Leaning On The Everlasting Arms

سميرة دنيا - يمة أنا زولى ما جا

الليل الهادي - trumpet

Dance in western Sudan

نصرالدين علي - معذرة

قطار الشوووق

بلدا هيلي انا / عد بي الى النيل

عزف ساكس منفرد للجميل عبدالرحيم الروما 
اضافات.....
ايقاع سوداني 
بيانو 
باس 
جيتار 
لحن لنادر خضر
................................
https://www.youtube.com/watch?v=6pNJrHDfzOw&t=59s

Popular tracks by mohamed jamal