ادركني وارحم قلبي يا شادن العمراب❤️

القصيدة الرائعة : شادن العمراب
للشاعر الكبير : سيد عبد العزيز
--------.........................-----------
من غير ذنب وأسباب جفونى الأحباب
أحكي البحور يا دمعي الهاطل الكباب
وأذكر حبيبي الحايز في الحسن أول باب
بتذكر زمان ما كنا .. زمن الجهل أحباب
لسع صغير في عمرو .. يا ربي زيدو شباب
بقي شربي من دمعي المالي خلافو شراب
لاحول من نيرانو أنا منو في إستغراب
جامل ولا تكون عامل عن العشوق إضراب
أدركنى وارحم قلبي يا شادن العمراب
يالفي الصدود ونفور حاكيت غزال الغاب
هل تدري أو تعلم .. أنا في أشد عذاب
ما دام جمالك عارف أن الحسن ألقاب
أم سر هواكي منور بدر الكمال لو غاب
خبيت عقلي ولبي اللي للعقول ذواب
لكن هواكي الكاتل جرعني بالأكواب
مهما جفيت يا نافر خفاك عني صواب
أصلو الغزال من طبعو من كل شيء هواب
مع لوعتي وأشواقي يا طاهر الأنساب
في الحب وهبتك روحي ولي ما عملت حساب
يا من فتنت العالم بالمنظر الجذاب
من قال نظرت جمالك في العالمين كذاب
من فراقك دمعي علي الخدود منساب
سأموت شهيد في حبك أنا لا عذاب لا حساب
من غير ذنب وأسباب جفونى الأحباب

لا حولا من نيرانو انا منو في إستغراب ❤️

جميله

ابراهيم الكاشف - تسمح اقولك

يا سلام عليك
لو مني مستني الملام
ياسلام عليك يا سلام
ياحلو دا السكوت مرات كلام
وعدم الكلام هو كمان ملام
يا سلام عليك يا سلام
انا يا غرامي وصلت بيك
في الدنيا لي حد الغرام
ولقيت ملامي في عينيك
يا سيدي زي الما ملام
يا سلام عليك يا سلام
الوردة لو فاتها الفراش
ما أظن تلومو مع الندى
ما بتجرح احساسو الجميل
والريدة يا حنين كده
يا سلام عليك يا سلام 

الملام | مصطفى سيدأحمد

الخلاص


ما طالا فى بحرك فى مى
تمرك مفدع بالجريد شدرك أمد حد السمى
طينك معتق بالطمى
نبنيك أكيد نبنيك هوى
نبنيك أيوه سوا ... سوا
من نوع جديد
يا ايد أبوى على ايد اخوى على ايدى أنا
على ايد وايد نجدع بعيد
فى اللجه من راس ميضنه
حيكومة الفقر الكجار الكضبن والصهينة
هى اللى نقاص أيامنا كاس
اليا لطيف سوس البحر
نرجم قفاه حجر حجر
من ها ، الرصيف
الما قدر قدام تريعة الموج يقيف ... الما نستر
الأرزقية وناس مو ... يا
نسقيها كاس اسقتنا ... يا
نوريها كيف عشق الحياه
سنانا فوق حجر القصاص
تلقانا ناس ...
ضرب البحر جواها أحر من الرصاص
يا ضو حبيبين القسا
طول ما انت غرقان فى الأسى
تبت يدين ما ترمى ساس
ماتبنى مجدك من جديد
تفتح شبابيك الخلاص
تدخل نسيمات النشيد تستقبلا
بيت القصيد مستقبلا
يا بلدى يا فردة جناحى التانى
لما الناس تطير لى عالما
يا وجعة الزول اليجيك
ما يلقى فيك غير الهجير ...!!!
وناسا تواتى مسالمه
كل البشاشات القبيل يلقاها ميتى مسممه
الجاتا ... جاتا من الأرض ما جاتا من تالا السما
ماأعتى غبنك يا ولد وأعدل قضيتك وأعظما
لا ترجع السيف الجفير والدنيا فايرى مصادما
من غير تجيب تار البلد ريح العوارض تهزما
تطرد مع ابليس الأخير
ساعة الضلال من جنتك ، يا آدما
تاكل من الشدر الحلال
يغشاك نعاس فى ضل رمى
تختاك هضاريب الصعب حرقة ليالى المظلما
يابلدى لى خاطرك يطيب ضو القميرا الفى السما
باسمك يهب الهمبريب
نكشح تواريب الغضب بى عين قويه وفلهما
نوبه وذنوج ، بجه وحلب
عربان أشو ومولدين
تلقانا أو نلقاكا ضد ظلمة ليالينا العجاف
آمانا بيك وموحدين
فى ايدنا فاس وقلم رصاص
شتله وكمنجه ومسطرين
وطبنجه فى خط التماس
حراسه من كيد اليكيد
والشوق حماس يوقد شديد
بين كل ايد والتانية ايد
نبنيك ومابننسى القصاص
ومابننسى غيبتك يا شهيد
-------
حميد

الخلاص | مصطفى سيدأحمد

شـــــــعبي 
كلمات الشاعر: بر محمد نور

أفكاري تايهة+هجروني - (شعبي) أحمد هاشم

هوى الروح-  ابراهيم عوض

العطبراوى .. ابو داوود .. جناين الشاطى .. خليل فرح

العطبراوي و ابو داوود -جلستنا رايقه-

من غير ذنب واسباب جافوني الاحباب 
احكي البحور يا دمعي الهاطل الكباب 
ازكر حبيبي الحائز في الحسن اول باب 
تزكر زمان ما كنا زمن الجهل احباب 
لسع صغير في عمروا يا ربي ذيدو شباب 
جافوني الاحباب 
بقي شربي من دمعي الما لي خلافو شراب 
لا حول من نيرانو انا منو في استغراب 
جامل ولا تكون عامل عشوق اضراب 
ادركني وارحم قلبي يا شادن العمراب 
يا الفي الصدود ونفور حاكيت غزال الغاب 
هل تدري او تعلم انا في اشد عذاب 
ما دام جمالك عارف ان الحسن القاب 
اخفي الهوي وتنور بدل القمر لو غاب 
خبيت عقلي ولبي اللي العقول زواب 
نسيم هواك القاتل جرعني بالاكواب 
مهما جفيت يا نافر خباك عني صواب 
اصلو الغزال من طبعو من كل شي هواب

من غير ذنب و أسباب  - عبد العزيز أبو داؤود

محمد الأمين - رجع البلد

 ساعة النسمة ترتاح
على هدب الدغش وتنوم
أنا مساهر 
هد الحيل .. غرامك
واجترار الذكرى 
طيفك في خيالي يحوم
يا هاجر
انا والليل .. ومر جفاك
مساهرين نحكي للافلاك
لاخلصت حكاوينا 
لالقينا البداوينا
يامشهيني طعم النوم
وطيفك في خيالي يحوم
سنين مرت . . ومروا سنين
.. وبراك عارف وبي ادرى
والحال ياهو نفس الحال
وفي جواي صدى الذكرى
وجرحك ياغرام الروح
لاطاب لابيدور يبرا
ده جرحك مهما طول وغار مطبوع فيني بالفطرة
وبين الذكرى والنسيان
مسافة قريبة يا انسان
ولو حاولت تتذكر
تعيد الماضي من أول
تلقى الزمن غير ملامحنا
ونحن بقينا مانحن
وانا الصابر على المحنة
ولو كان الزمان قساك
.. انا ماقسيت

النور الجيلاني- عز الليل


ولد عبد العزيز محمد داؤود في مدينة بربر في عام 1930 وتلقي تعليمه في احدي خلاوي بربر.
ثم انتقل الي المدارس الاولية , توفي والده وتركه صغيرا فعمل بالتجارة ولكن كان الغناء يجري في دمائه منذ نعومة اظافره , فقد كان صاحب صوت جميل عزب صقلته تلاوة القرآن فزادته حلاوة وقد لاحظ ذلك شيخه في الخلوة فعلق علي صوته بانه جميل وسوف يكون له شأن كبير غني في ذلك الوقت في ختان احد اصدقائه وعندما سمع شيخه بذلك فصله من الخلوة فكانت تلك بدايته حيث انه اتجه الي مجال الفن , كان يستمع الي كبار الفنانيين آنذاك مثل كرومة وسرور و الامين برهان و زنقار حتي تأثر بهم .
اثري الفنان عبد العزيز محمد داؤود الحياة الفنية بروائع اغاني الحقيبة و اغانيه الخاصة وعشقه الكثيرون من ذوي الزوق الرفيع , بني عبد العزيز محمد داؤود مجده الغنائي , وهو بعد متين , علي قصائد انشأهن عوض حسن احمد مثل (فينوس) ثم جأت (صغيرتي) ثم (هل انت معي ) للشاعر المصري محمد علي احمد واسهم عبد المنعم عبد الحي في ذلك العقد المتلالي بقصيده ( لحن العزاري) . وبازرعة ( صبابة) وحسين عثمان منصور (اجراس المعبد) ولا بد اننا نؤمن اليوم ان عبد العزيز داؤود قد اجاد الغناء بالعامية و الفصحي كليهما .
تعامل عبد العزيز مع الكثير من الملحنين و الشعراء الا ان اكثر من ارتبط اسم عبد العزيز به كان الاستاذ المرحوم برعي محمد دفع الله و الاستاذ بشير عباس عازفي العود المجيدين.
رحل ابوداؤود ولم يترك غير هذا التراث الضخم وهذه السيرة العطرة وماتزال قفشات ابوداؤود ونكاته تثير البهجة في نفوس كل السودانيين ومازال ابوداؤود يطرب كل من عشق وعرف معني التطريب و مابرحنا نسمعه يقول (مناي في الدنيا قبل الرحيل اخلي العالم طربا يميل) …

غني ابوداؤود للعديد من عمالقة الشعراء السودانيين نذكر منهم علي سبيل المثال لا الحصر : محمد البشير عتيق ..ود الرضي ..محمد علي احمد …محمد احمد سرور …صالح عبد السيد (ابو صلاح) .. كرومة ..عمر البنا …ابراهيم العبادي …محمد محمد علي ..خليل فرح ..بازرعة ..علي المساح ..عبد المنعم عبد الحي ..سيد عبد العزيز ..عبيد عبد الرحمن ..عوض حسن احمد .. احمد محمد اسماعيل ..حسين عثمان منصور ..احمد فلاح ..عبد الرحمن الريح .. الطاهر محمد عثمان .. عبد القادر ابراهيم تلودي .. محمد يوسف موسي .. عثمان محمد داؤود ..علي ابراهيم .. مكي السيد .. محمد الزبير رشيد .. الزين عباس عمارة .. فضل الله محمد .. اسحق الحلنقي .. الصادق الياس .. نعمان علي الله .. ايوب صديق .. موسي حسن .. حسن محمد حسن .. اسماعيل حسن .. عوض احمد خليفة .. مبارك المغربي .. حسن التني .. احمد عبد المنطلب (حدبـــــاي ) .. احمد ابراهيم الطاش عبد الله النجيب ..

حسب احصائية اذاعة امدرمان يبلغ عدد الاغاني المسجلة رسميا بمكتبه الاذاعة 186 اغنية , منها 31 اغنية من اغاني الحقيبة و 45 لحن للموسيقار برعي محمد دفع الله ثم عدد من التسجيلات و الاناشيد و المدائح النبوية و الابتهالات وعددها اكثر من 49 عمل و في مجال الاناشيد الوطنية فله اكثر من 35 نشيدا وطنيا و ايضا له اكثر من 20 مقابلة ولقاء اذاعيا مختلفا هذا بالاضافة الي عدة تسجيلات في ترتيل القران الكريم .. اكثر شاعر تغني له الراحل هو الشاعر الطاهر محمد عثمان شاعر عطبرة وهي مسقط رأس عبد العزيز محمد داؤود


من غير ذنب و أسباب - عبد العزيز أبو داؤود

mohamed jamal

Recent comments

nasraldeen atif

Shadi

Baraah Elsir

Osama Eltayeb

Related tracks