ك ح ش

عاش متزن ونبيل..عاطف انيس

كرباجك القطرانو - كورال الحزب الشيوعي السوداني

غني ياخرطوم

ابوالعاص

ياوالدة يامريم

alnahrRingtone.mp3

Elections

السلاح ياهو السلاح

في رثاء المرحوم الزميل /  عماد الامين
كلمات و الحان و توزيع / علاء الدين سنهوري 

ابتسامة - كورال الحزب الشيوعي

غطي الجبال الليل 
شعر / محجوب شريف 
لحن / الهادي جمعة 
توزيع  أوركسترالي وتنفيذ موسيقي علاء سنهوري
ــــــــ
غطى الجبال الليل
لكن هدير السيل
لكن صهيل الخيل
نار الغضب والجوع
تحت الجبل مسموع
يضووا عز الليل
والموج شديد الظلام
غطى الشهيد الهمام
لكن دماهو بتقيد
لكن طريقو المجيد
ابداً شديد الزحام
رايات ترفرف غمام
ينزل رزاز النشيد
والنجمة تلمع هناك
رغم المكان البعيد

والنهر عبر السنين
يزحف بعنف وبلين
في الليل بيلمع يبين
فارس بسيفو السنين
يحمينا حضنو الامين
نطلع بكتفوا الشمال
ننزل بكتفوا اليمين
لكنو مين يقدر يقول
أنا سيدو مين


غطي الجبال الليل - لحن / كورال الحزب الشيوعي

كلمات / محمد الحسن سالم حميد
الحان / علاء الدين سنهوري

يا ريت خبيت فوق كتف الشوق
 لى حال مفتوق بي إبرة وخيت 
وعلشان ده يكون ..
 قوم حييّ نضالْ
عمال البلد أم خير يا خالْ
الدغري عديل بيصارع الويل حيّاً ما زالْ
بالصبر يشيل في الما بنشالْ
ما انيقّن وقال يا دنيا محال ينصلح الحالْ
بل عبّا وشال جواهو الفالْ
نازل وديان طالعبو جبالْ
أشواك ورمال 
غابات ووعر ..
بين ريح ومطر .. 
عِرْق الشّلالْ
ومطّامِن بال ..
 ما لاوز و قال يا ربي أصد من دربي الطّالْ
ما طال لا بد يشرق بكريهو الما بنطالْ
يشرق بالخير .. بالحب .. بالود ..
 يشرق لا بدّ يضوي الحَلاّلْ


يا خال - كورال الحزب الشيوعي

نادوها .. ما ردت
الأرض قالت هووي ...
لي ناساوإمتدت
يد الزميل وأخوي
شلناها....
وإنطلقت من الحلق 
يوي يوووووووووووووي
نحنا الشوارع جــات
نحنا المدائن جــات
حتي البدو والرحل
قالولك إتوكل
خلينا نبنيهــا
أسمنت أو جالــوص
قادرين نسويــــــها
ياشايـل السكيــــن
من إيدك أرميهـــــــــا

نادوها - كورال الحزب الشيوعي

بيني و بين النهر ضحايا .. 
و كمّين قتله و نصّابين

قدر الغيم اللماه سمايا
شالو الريح شالو  و بحمرة عين

حبل البير و دلوها منتف حارستانها دابيين
  ايدي تقيف  و الخطو مكتّف ما بين كهنة و ربّاطين
و نا ناذرلك شان اسقيك و ترجعي طيبة عروس الطين
و يرجع عصب العشم الفيك 
زي ما كان من قبل سنين 

النهر - كورال الحزب الشيوعي - الحان علاء سنهوري

ارضا سلاح ارضا سلاح
لونتحد ضد الجراح
نبني الديمقراطية صاح
نبنيهو  صاح وطن البراح
وطنا مجير لامستجير 
لامستبد لامستباح
ارضا سلاح ارضا سلاح


ك ح ش

Mohamed Kamal Ahmed