إحنا معاك .. إحنا معاك
ريسنا يا أنور
إحنا معاك .. إحنا معاك
تخرب تعمر !

=====

إحنا معاك يا ابو لمعه يا قُمعه
ياللي خربت بلادنا ف جمعه
إحنا معاك مهما تغلبنا
نجري وراك ونبيع مبادئنا
إحنا معاك

=====

إحنا معاك يا بايع أراضينا
ياللي سايب أعدائنا ف سينا
بكره يا ريس بكره تخلي
الاستعمار يتحكم فينا
إحنا معاك

=====

إحنا معاك يا بطل مغوار
شوفنا الست ف خط النار
بكره الحلوه تقابل وزرا
وانت يا ريس تعمل زار
إحنا معاك

=====

إحنا معاك يا طبيخ ف الأنجر
رز بالكاري وسلطة بنجر
عامللي نفسك ولا بيكاديللي
وانت منفذ أمر كسينجر (*)

إحنا معاك

إحنا معاك ريسنا يا انور - الشيخ امام / نجم

“Without music, life would be a mistake.”

https://www.instagram.com/asmaasaberr8?igsh=M3B4NnMwYzI3N2Fl

إحنا معاك ريسنا يا انور - الشيخ امام / نجم

Heshmat El rafeq