اول رمضان وانتي بعيده || محمد عنتر ومريم عزيز

مش موهبة || فرج البنا - من حفل دار الأوبرا

محمد عدلي
هندسة صوت ورؤية فنية : إسلام عادل

شايفك معايا 
في كل الشوارع اللي كنا بنمشي فيها 
الوان هدومك في الشتا وعنيكي وانتي بتختاريها
كل حاجة فيكي سايبة فيا حاجة 
ريحة الشتا وصوت أنغام 
أول بحبك ليا وانتي بتقوليها 

بلبس هدوم اخر شتا علشان بذوقك 
والساعة اللي انتي اختارتيها 
في ايديا فين ما بروح 
تفاصيل حياتي هي هي ناقص وجودك 
بشبه لرسمة على الورق ناقصة بس الروح 

صورك ورسايلك قدامي وحافظهم اكتر من اسمي 
فيه صورة انا وماسك ايديك وباصصلك وانتي بتبتسمي 
ورسالة قولتيلي بحبك وكفاية البعد اللي ما بينا 
مع انك دايما ويايا 
في كلامي وشعري وفي رسمي 

بلبس هدوم اخر شتا علشان بذوقك 
والساعة اللي انتي اختارتيها 
في ايديا فين ما بروح
تفاصيل حياتي هي هي ناقص وجودك 
بشبه لرسمة على الورق ناقصها بس الروح

شكرا :عمرو شريف - إسلام موسى - إسلام عبد الحكيم - محمود نبيل - عماد مجدي - عمر جاويش - جمال أنيس




رسمة على الورق .. محمد عدلي

في شهر سبتمبر — الشاعر مصطفي ناصر

من وحى نص الليل - عبد الله عفيفى - GBN Media Production

اسكندرية الفراق ل محمد الجوايدي

هندسة صوتية : مصطفى الملواني
كلمات : محمد عصاام
لينك الأكونت : https://www.facebook.com/M7mdess16
الكلمات :

يارب انا ماكُنتِش كدة
رجلي الشمال تِقلِت - أوي -
وبقيت بَزُك من التَعَوُد .. مش عَرَج
وبقيت بكشَّر من مفيش وقت الهَرَج
معرفش انا اللي بقيت رِخِم
ولا التعب هو المُسَيطر ع المَزاج
على كل حال
" الصبر مفتاح .. " - لأ بلاش
الجُملَة دي مبحبهاش
بتزيدني صبر!
وفـ قلبي نَغزَة باحِسَّها تأنيب ضمير
او دعوَة على شخصي الضعيف
من شخص ما
وفي راسي زلزال لما بيقوم بَرتِجِف
وبخاف انام
أصحى على القبر وحساب
وذنوبي كسبانة ومفيش حل وهروب 
لأ معتقِدش ..
فيه أكيد إتاحِة فُرصَة أتعادِل واتوب!.
وبقيت كئيب ..
بسكُت من اليوم مُعظَمُه
واضحَك اذا صادِف وملِّيت م السكوت
طول عمري فقري
زيي زي لمبَة في فرع زينِة عيد
.. جديد
مبتشتغلش
وتاريخ لـ شخص عظيم مُؤَثِّر
متنقلش
كلمِة " بحبِّك " من طرف واحِد
مقالش
أول مُرتَّب .. شَهر شُغل ومرمطة
فيه احتمال انُّه اتنَشَل
بزعل عليه
يارب انا ماكُنتِش كدة
من بعد ما اتعوِّدت ع الوضع الجديد
مابَقِتش فاكر كنت إيه!

يارب انا ماكنتش كدة - محمد عصام

زي البيوت في الصِيف
ما عادش لقلبي حُرمة ..
وبقيت مَشاع ..
أتشاف بنور العين
ونور الصحبة
وخطوة العابر !
تفضحني نسمة شوق
تطير منها الستاير ..
وان غابت النسمة اللي بتبرد غيابهم
أغرق في عرق الغيبة .. تخاصمني السَّراير !
يشويني ليلي ع الملاية من القلق
والشوق ينغص عيشتي لو جفني اتقفَل
ما بقتش بسأل نفسي ( كيف بدأ الخلق ؟!)
دلوقتي بسأل نفسي امتى هينتهي ؟!
عقلي لما بيترمي في حجر المخدة بيتحرق
ما بقاش بيسأل ع الوجود .. أو ع العدم
بقى يبكي زي عيال حارتنا يوم شِتا
والأرض عكّاها المطر .. وما فيش نزول
وكأني ضايع وسط كوم إجابات !
قشّة في كومة إِبَر !
وما فيش سؤال لايق لأي إجابة ..
أنا كل حاجة عارفها حصلت امتى وازاي وبذنب مين !
لكن ما فيش صيغة سؤال ..
تقدر تقولك قلبي بيفكّر في إيه ؟
في نحس أكتر من كدا ؟!
أكتب قصيدة عشان ابوح ما القاش حروف ترضي اللي نفسي استنطقه !
جوايا ناس كلبشتهم لما اتقابلنا
عشمني فيهم ضيّهم وحلفت اصونهم
واكمني طيب عمري ما اديتهم خوانة
اديتهم المفاتيح ..
دلوقتي هم مكلبشين جوايا مش متكلبشين !
ورجعت بسأل نفسي ..
مين اللي محبوس جوا مين ؟!
طول عمري
باهراني اللمض .. الضوء خطفني
وكل نور بيشدني !
ما اعرفش أكتم قلبي بين اربع حيطان..
بالوقت
أدركت ان انا
رايح لموتي بقوة الدبان
وفضولي ألمس لمبة الصاعق !
..
على كل حال
القلب مفروط ع البلاط
والضهر مفرود للسما
وان كان دا قلبي ..
بس عمري ما اوطي اجيبه
زي كل اللي اتفرط على سكتي
دلوقتي
مش عارف انام !
والقلب بايت زي نص رغيف قديم ..
ما استطعموش غير اللي مالقاش اللي صَابح
وبقيت كبير
وشي مكرمش
قلبي ضافر بنت بيخربش في صدري !
كل اللي بينبهني على فرصة فاتتني
ما بقتش باعرف اقوله : "لسه بدري "
قلبي نغزني ..
قُلت ايه ؟!
عجّزت
جسمي اترعش
على وحدتي اتعكزت !
شَعري وِقع
وبقيت ببان أكبر ما انا
بتجيني فكرة موتي تعمل هرجلة
جوايا خوف محبوس ومتعلم شراسه
لو يوم طلقته
مش هيهجم غير عَليَّا !
مش عارف أبكِي
مش عندي وقت أضيعه
علشان أنزل مايه زايدة فـ نن عيني
سيبهم ووقت ما يقفوا على باب المهابة
هيكسروه
وهتبكي قدام البشر
زي العِيال !

-عبدالرحمن الدمياطي -

اسكندرية الفراق ل محمد الجوايدي

محمد الجوايدي

Recent comments

Kamila Shata

عبدالمجيدالعسيري

عبد الرحمن ناصر

عماد الدين على

Related tracks