انا جايلك واقف 
مش هاممني البرد المتسرسب 
ولا شال ولا جاكته 
الحزن مش سايب ف قلبي حتة

بناديك وبناجيك 
اديني صبر أيوب 
علي حزن يعقوب اللي صابني 
انا بس محتاج طيفها يحضرني 
يطبب عليا ويقولي هتعدي
عايز اشوف يد  بتتمد غير يدي

ايدين ممدودة 
وانت عطشان 
ثابت ليه يبو قلب بهتان 
مستني ريق من صديق او حبيب 
فارقك زمان 
تبقي خسران 

وزعت همومي علي الخلق ف المترو 
وكتبت قصايد و طيرتها مع الدخان 
بعت مشاعر كدابه ل حضن مبيطمنش
وسرقت شويه حب واهتمام
عارف 
عارف اننا خسران 

لسه بخاف ولسه عامل حساب الكاس
وسحبة يوم ورا التاني 
لسه بلعن الظروف والايام 
واقول الدنيا بتعلمنا دروس 

يارتني عملت حساب غيابها 
كنت هقلل فنجان القهوة التاني علي التربيزة 
و كنت هحفظ الشوارع عشان متوهش من غيرها 
كنت قفلت الماتش وعارف اني هكسب 
كنت هداري عيوبي عشان محدش يشوفها 
كنت 

يارتني عملت حساب 
يارتني قفلت الباب 
يارتني ما استعجلت العتاب 
يارتني 

الزمن واقف مبيمشيش و خوفي مستخبي ورا الشيش  والذكريات عملالي كمين 
 دي سابع مرا اقفل الباب  بس طيفك ممشيش
دي تالت مرة اكسر البراويز 
ليه صورتك فضلت ف البال؟! 

غيابك مموتنيش بس وجودك كان بيحيني 
لسه رجلي شيلاني لسه ضحكتك حمياني 
هبقا اشوف صورتك كل مرة سرقه من ورا الشيش





سبت الأيام تخبط وتيشل 
ولعت ف كل الحسابات و التدابير 
كان عندي امل ف مصير 
مصير اننا هنتلاقي 
وترجع تداوي جراحي وتلمم انهياراتي
لكن ادركت اني مخسرتش غيرها  

نسميها حسرة ولاخسارة 
مش فارقه هولع كام سيجارة 
واكتب شطرين عنها 
وانساها ف زحمه 
او طريق اول مره امشيه 
هحاول ارمي ذكريات ف جيوب قديمه 
هبيع ضحكتها ل روبابيكاا  
مش هحتفظ بيها واخليها انتيكاا

  

لكن رغم كل دا مش قادر انكر ان انا حبيتها 

مسحول ف ذكريات الرصيف ولقطة هناك وكادر وقفيش 
سبنا هنا ضحكة وسبنا هنا حزن وسبنا هنا حنية 
وسبتيلي جرح مسيل يدوم طول العمر
بس تعرفي ان لسه الإمكان فيها ريحة الغايبين 

 غيبتي ولكن عمر ما طيفك فارقني 
بس لجل الشوق المترصص فوق الكتب والجفون
ابقا طلي عشان بتوحشيني 














انتيكااا

الهروب

مسارى اجبارى

اهو دا الى صار  في دينا الوديدى

إنــــتــــحـــر - كشكول باند

Ghost

أهو دا اللى صار و أدي اللي كان
مالكش حق
مالكش حق تلوم عليا
تلوم عليا ازاي يا سيدنا
و خير بلادنا ماهوش فى ادنا
قولي عن أشياء تفدنا
و بعدها بقى لوم عليا
مصر يا ام العجايب
شعبك اصيل و الخصم عايب
خلي بالك م الحبايب
دول أنصار القضية
بدال ما يشمت فينا حاسد
إيدك فى إيدي نقوم نجاهد
واحنا نبقى الكل واحد
والأيادي تصير قويه

دينا الوديدي - اهو دا اللي صار

يالي وحشاني متوحشنيش

يعدى الصيف و يجى الشتا و أنا زى ما أنا 
تفوت أيام و أسمع كلام عن حلم راح و إنتهى 
نفس أنادى بأعلى صوتى نفسى أهرب من سكونى 
نفسى أكسر الحواجز فى مكانى متكتف و عاجز 
نفسى أغير و أتغير
نفسى أختار طريقى نفسى أهرب و أفك ايدى 
نفسى أتلكم و أقول نفسى و أزعق و أثور 
نفسى أغير و أتغير  

Amir Eid - Ye3ady El Seef

"لا الذنب ذنبك، بل كانت حماقاتي."

غمض عِنيك وإسمع.. وإتخيل المَزيج ده.. مُجرد حدوتة، خيوط رفيعة كافية تخلي كل حاجه واضحة.. بس إحنا مبنشوفش عن قصد ساعات.

عِندما يَجف نهر الفرص الثانية.. ويُصيب تُربتنا القحط والبور.. لابد من الرَحيل حتى وإن كُنت تُمزق قَلبك بنفسك مع كل خِطوة تخطوها بعيدًا.
لكل من أهدروا فرصًا على من لا يستحقون.. ومازالوا يحاولون.

مسارى اجبارى

Mohamed khaled2000

Recent comments

Wega 🃏🔐

user403292979

Related tracks