الله ينور قبرك يا مولانا

يهدى الغريب سكته,وتقرب المسافات

رحله إلى السماء السبعه ❤

رثاء الشيخ إمام للزعيم الفيتنامى " هو تشى منه " .


يادى العجب يارجب
يامرتب الحكايات
اسمع وشوف واندهش
واكتبها فى الكتبات
عسى الكلام ينقرى
لو قلبوا الصفحات
خلى الشعوب والدول
تتعلم البطولات
****
الحزن طول عمرنا
له من حياتنا حياه
نقضيها فى النهنهه
ونضيع الأوقات
نبكى على اللى مضى
ونعيش مع اللى فات
شوف العجب يارجب
واعجب من الروايات
شعب الملاحم بكى
نزلت دموعه دانات
ع الظالم المفترى
حلفت عليه ما يبات
****
اول ما طار الخبر
بين الجنود اشاعات
دمع البارود انهمر
دفعات ورا دفعات
واحده تصيب العدا
تردى العدا عشرات
والتانيه من عفوها
زعق الفضا زعقات
والتالته تحمى السما
من فانتوم الخواجات
والرابعه من بعدها
الميه والألفات
فى الأرض والسموات
يغسل طريق البشر
ويموِّت الحشرات
****
ولما ذاع الخبر واتأكد الخبر
صاح السلاح فى الحرس
قال هوشى منه مات
الحاكم اللى زهد فى الملك واللذات
و الزاهد اللى حكم ضد الهوى واللذات
مات المسيح النبى
ويهوذا بالألوفات
مات الصديق الوفى
للخضره والغابات
مات ... 
بس فات للأمل
فوق الطريق علامات
لو سار عليها العمل
طول الطريق بثبات
تهدى الطريق سكته
وتقرب المسافات

Comments

♫ يوسف

♫ يوسف

معتز

Ahmed

Abdelrhman EL Hoseny

Karim Nour

محمد عليَّان

Aya Adel 2