ugool

غصن الرياض المايد - أبو داؤود

حبيبي اكتب لي /خالد محجوب ( مبجل)

الخلاص


ما طالا فى بحرك فى مى
تمرك مفدع بالجريد شدرك أمد حد السمى
طينك معتق بالطمى
نبنيك أكيد نبنيك هوى
نبنيك أيوه سوا ... سوا
من نوع جديد
يا ايد أبوى على ايد اخوى على ايدى أنا
على ايد وايد نجدع بعيد
فى اللجه من راس ميضنه
حيكومة الفقر الكجار الكضبن والصهينة
هى اللى نقاص أيامنا كاس
اليا لطيف سوس البحر
نرجم قفاه حجر حجر
من ها ، الرصيف
الما قدر قدام تريعة الموج يقيف ... الما نستر
الأرزقية وناس مو ... يا
نسقيها كاس اسقتنا ... يا
نوريها كيف عشق الحياه
سنانا فوق حجر القصاص
تلقانا ناس ...
ضرب البحر جواها أحر من الرصاص
يا ضو حبيبين القسا
طول ما انت غرقان فى الأسى
تبت يدين ما ترمى ساس
ماتبنى مجدك من جديد
تفتح شبابيك الخلاص
تدخل نسيمات النشيد تستقبلا
بيت القصيد مستقبلا
يا بلدى يا فردة جناحى التانى
لما الناس تطير لى عالما
يا وجعة الزول اليجيك
ما يلقى فيك غير الهجير ...!!!
وناسا تواتى مسالمه
كل البشاشات القبيل يلقاها ميتى مسممه
الجاتا ... جاتا من الأرض ما جاتا من تالا السما
ماأعتى غبنك يا ولد وأعدل قضيتك وأعظما
لا ترجع السيف الجفير والدنيا فايرى مصادما
من غير تجيب تار البلد ريح العوارض تهزما
تطرد مع ابليس الأخير
ساعة الضلال من جنتك ، يا آدما
تاكل من الشدر الحلال
يغشاك نعاس فى ضل رمى
تختاك هضاريب الصعب حرقة ليالى المظلما
يابلدى لى خاطرك يطيب ضو القميرا الفى السما
باسمك يهب الهمبريب
نكشح تواريب الغضب بى عين قويه وفلهما
نوبه وذنوج ، بجه وحلب
عربان أشو ومولدين
تلقانا أو نلقاكا ضد ظلمة ليالينا العجاف
آمانا بيك وموحدين
فى ايدنا فاس وقلم رصاص
شتله وكمنجه ومسطرين
وطبنجه فى خط التماس
حراسه من كيد اليكيد
والشوق حماس يوقد شديد
بين كل ايد والتانية ايد
نبنيك ومابننسى القصاص
ومابننسى غيبتك يا شهيد
-------
حميد

الخلاص | مصطفى سيدأحمد

مصطفي حمزه _الجريف واللوبيا

مصطفي حمزه-الجريف واللوبيا.mp3

عبدالخالق محجوب ندوة الجامعة

شارع الشعب محجوب شريف -الهمبريب

الهمبريب

حميد - السرة بت عوض الكريم

السرة بت عوض الكريم

شأن الحق يضوي at شأن الحق يضوي

الجابريه محمد الحسن سالم حميد

لمحتك- مصطفى سيد احمد

تراتيل - مصطفى سيد أحمد أوركسترا

طواقى الخوف - حفل التدشين

مصطفى سيد احمد - علمي عيوني السفر.MP3

محمد الأمين - وحياة إبتسامتك

wein yal3enab | وين يا العنب

al mehaira | المهيرة

ياسلام لو تحكي لي عن شجرة الحب النمت جوانا
 قامت غامره باحلامنا ضئ ياسلام لو تحكي لي
 عن بكره في الأفق البديع نشوانا تهمس بيك علي
 عن خاطري وكتين ينشدي يترجي عينيك الفصاح
 لـو تحكـي لـي عـن ضحكتن عـن روعتن
 عن صحراء عن جواهن تلاوي تنتظر غيمات وري

يا سلام لو تحكي لي | معتز صباحي (بروفا)

موثق للانسان محمد الحسن سالم حميد, اله الشعر عند العربان
واخرون...

الجابريه محمد الحسن سالم حميد

Mohamed Issam Bob 2

Recent comments

Qasim m. abass

Alshikh

Mohammed Al bnan

نبيل

Related tracks