محمد الحسن سالم حميد

مرت الايام حبيبي...
ولسه.. ظالمنا الزمن...
اصلو ما قايلين وحاتك..
ندفع ألافرح تمن..
آ ه... مر التمن...
في هجير الدنيا ماشي..
اصلو لا ظل لا غمامه...
حبيبي يا حبيبي يا حبيبي...
تبكي عيني من حنينا...
تبكي فاقده الابتسامه...
حبيبي يا حبيبي يا حبيبي...
تشرق الدمعات وترجا...
يا صفاها... يا مناما..
حبيبي يا حبيبي يا حبيبي...
يرجى طيفك مره عابر..
يقرا في دموعا الملامه...
حبيبي يا حبيبي يا حبيبي...
تكتم ألحيره وتغازل...
تسأل النجمات...الى ما؟
إلى ما؟
إلى ما؟
خليتني أنا هنا
أغالب النور للزمن...
بقاني سواح
سواح
سواح
سواح
تهيجنا الذكرى.. وأنادي عليك..
وأبرى سراب بعيداً لاح..
اباري النجم لم يلوح....
يفوت يروح لحبيبتي صباح...
اكافي الشمس لم تغيب ...
شان ألقى سناك وأنوم مرتاح...
بقيت مسافر وسط الريح...
وزاد الرحله جنون وجراح...
أتعب مره وارتاح مره
ومره اهذي مع القمره
يا القمره يا القمره...
اقلبي السنسنة الحمرا
وشوفي حبيبي غاب ما جا..
اه ..اه ...لو تسمع اه
حبيتا وهويتا
لكن مني ضاعت
املي البنيتا
للدنياي راحت
وراحت م لقيتا
امالي البنيتا راحت ف ثواني
احلامي اللقيتا ضاعت مني تاني
الورده الرعيتا وسقيتا بحناني
ياريت م هويتا ضيعت الاماني
انا قايلك حنينه لعهدي بتصوني
انا قايلك امينه تنسيني ظنوني
تاريك ي ضنينة لهوايا بتخوني
هدمت املي فيك ي حليل البجونا
ودعتك وداعا م من بعدو عودة
حطمتي الاماني وضاعت من وردة
تاريخي وزماني زي السيف وحدا
قطع لي قليبي وحرمني المودة

سواح - النور الجيلاني

هردت لهاتي بالغنوات محمد الحسن سالم حميد

ضهر المعزه محمد الحسن سالم حميد

يا الله ما أحلى الوطن
يا الله ما تديني يا
أديهو عمري يكون فدا
عشان تبقى الحياة المخضرة بينات اوفياء
الأرض ورث الصالحين الأنقياء
ويا دنيا مين زي المسالمين اتقياء؟
ويا الله إن زالو الرسل ما زالو منك اولياء
أقبلني واحد منهم والهمني صبر الأنبياء
على عالمي المجنون يكون مسكون محنة وحن ضياء
من ناس شموس تطرد ديوش الظلمة والضر والرياء
يا الله انا الكادح إليك طول الزمن ما بوصلك من دون وطن تديني يا

يا الله ما احلي الوطن محمد الحسن سالم حميد

في دبابة .. في دبابة
مساويكك في دبابة
أباريقك في دبابة 
و مشاويرك في دبابة
تنوم و تحس في دبابة
و عاد لي متين في دبابة
تظل معزول عن الدنيا
و مَقطِّع بينك أسبابا
ولا تاخد خبار أهلك
و لا أخبارك في زول جابا
رويدك لا يغرنك
نعيم الفيها و أطيابا
حصارك كلما طول
موايدك جفت أكوابا
نهارك و إنت ماك فلاح
سموم و هجير وتَّابة
و من النسمة التهب بالليل
بقت عينيك هوابة
في دبابة
مصاقر حالك التبدي
و تراعي عليهو جلابة
تمارض وضع ينساقط
فروع ضبلاني من غابة
تعوِّر مركب التاريخ
تعصلج دفتو وتابه
صلاحو الطيبة ما هبت
بلا حبّانا و أحبابا
يا عايق الشعب يا غافل
ضياء عمرك في دبابة
بلاك يا سيدي الغافل 
عن الأيام و دولابها
منو الفي الدنيا ما فاكر
شوارع الثورة جيّابه
منوا لفي الدنيا ما فاكر
كراع البقرة جيّابه
شنو البتش شمس باكر
تظاهر ناسا و إضرابا
و مجرد فرض يا قاصر
و إرادة الشعب غلاّبة
إذا سديت دروب الأرض
وإنطامنت علي أبوابها
فكيف تضمن سماء الخرطوم
سماها الماها كضابة

في دبابه محمد الحسن سالم حميد

الجابريه محمد الحسن سالم حميد

ست الدار محمد الحسن سالم حميد

محمود عبدالعزيز - الزمان زمانك - كلمات وألحان عبدالرحمن الريح

في غفلة رقيبي، محمود عبد العزيز

فات الاوان -صلاح بن البادية

AHMEDESAM96@HOTMAIL.COM

مصطفى سيد احمد -ما طال في بحرك في مي  .MP3

محمد الأمين - اربعة سنين

طائر الأحلام.mp3

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

 

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

 

مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي

مسدار ابو السرة

قلبي مالو اليوم من جسمي فرر وراح

دمت يا محبوبي ودامت الأفراح

 

مالو جنح الليل زودني في الإشراح

والنسيم من قِبلك هب زي الراح

ياطبيب إنا سائلك قول لي بكل صراح

ما النسيم بشفيني ام بزيدني جراح

 

يا الما رأينا جمالك في عُجم ولا فصاح

يالشلت عقلي الشارد البي غرامك راح

الشغل أفكاري قول لي إيه يا صاح

ما نحن هل جنينا إم عقولنا نصاح

 

مالو صدرك قانع وللضمير طماح

مالو كتفت هادل وبي دروعك ماح

رِمشك إنت ياسيدي راجي منو سماح

أصلو هو الكاتلنا فينا هلل وصاح

 

يا الفي الصدير ده نهيدك موجه ليها سباح

يالغرامك أصبح كتلو لينا مباح

ودمت يامحبوبي ودامت الأفراح

ما بين نعيم لسرورك إشرق المصباح

مصطفى سيد أحمد والخالدي وسيف الجامعة  مرت الأيام

Unknown Album

الجابرى - سيد الاسم

موثق للانسان محمد الحسن سالم حميد, اله الشعر عند العربان
واخرون...

ست الدار محمد الحسن سالم حميد

Mohamed Issam Bob 2

Recent comments

Ishraga

Mohamed Abdelsalam

User 798637990

User 798637990

Related tracks