قصيدة اتخطبتي

اتخطبتي
بعدتي بعد ما كنتي قربتي
هونت عليكي ولا مره ف يوم هونتي
نسيتي الحب ووعودنا وفجأه بكل برود غيبتي
مش مصدق الخبر ولا مقتنع
وان عقلي صدق قلبي يرفض ويمتنع
انك بكل سهوله خدتي قلبي ووعدتي تحافظي عليه
وانك بأسهل منها كسرتي قلبي وهربتي
طب كنتي قولي ايه اللي فشلت فيه
كنت غيرته
كنت شوفت ايه اللي انكسر بيننا وصلحته
مكنتش واعي للدنيا ولا اصدق بانك تمشي
اديني دلوقتى اهو بسمع بأنك خلاص اتخطبتي
طب كنتي قولي محبتكش  وهحاول اصدق
واصدق ازاي وانا شايف لمعت الحب ف عينيكي بلونها الازرق
كان سهل عليا الناس تمشي
ولا انك انتي اللي تسيبيني وتمشي
فكرت ان انا  اجرح فيكي لكن قلبي رفض
مقدرشي
انا عقلي شيطان وسوسلي اخونك
اني اشوف قصة حب جديده
وصعبت عليا وانا بدونك
مقدرتش حتي اني اخونك
وقدرت اخون عقلي وافتكرك وافكر فيكي
وقبلت بفكرة ترميني ولا اني اكون اللي راميكي
واحميكي من نفسي ومن حالي
ورفضت البنت اللي بكل حياتها جيالي
وبكل بساطه كسرت خاطرها
قلتلها نانا اللي ف بالي
نانا اللي اترسمت ف خيالي
هي البنوته اللي ربنا هداهالي
ولكنك كنتي  بغير ظني
ولا كنتي الام اللي ف بالي
ولا كنتي وطني
ومصدقتش لما قالو بكل بساطه انك وافقتي واتخطبتي
واقول ايه للي بايعاني
اداوي جروحها بوجودي
وهي بغيابها واجعاني
اتخطبتي
خلاص يعني  مشيتي بعد ما كنتي قربتي
ياريتك كنتي قلتي هغيب قوليلي هسيب
وكنت هقولك ع حالي ف غيابك شكله ازاى
وكنت هوريكي سيناريو حياتنا كتبته ازاي
ولا كنتي هتبكي ع حاجه
ولا تبقي ضعيفه ومحتاجه لحنان وسلام
نفسي
وانا كنت هقول اللي ف نفسي
تصبري حبه ونعيش ف محبه وبيت دافيان
من ضحكت وشك وعينيكي  الساحره كأن ساكنها الجان
واجيبلك وانا جاي بالليل شيكولاته وعصير ولبان
ومكنتش هشرب دخان
ولا هسيبك واخرج لاصحابي
وهبعد عن اهلي واحبابي
ماحبيبتي جنبي وتكفيني
وان لحظه ضعفت تقويني
وهبيعلك عمري وسنيني
وان تجرح قلبي كل الدنيـا
تحضني بايديكي وتقويني
ونخلف بنت تكون نانا
شايله اسمي وكل ملامحك
وان جيتي ومره وزعلتيني والله لاسامحك
لكن فجأة صحيت من نوم
علي حلم رسمته ف اوهامي
وانك وبكل سهوله غيبتي ومبقيتيش قدامي
واني معيبتش
وانتي اللي فيا عيبتي
ولغيري ضحكتي واتخطبتي
النهارده تحديداً حسيت بالبرد
كان نفسي اكون انا وياكي واعملك ممشي مفروش فيه ورد
بس اقول لك ايه يعني
فراقنا موجوعكيش بس المره دي أول مره بجد فراق يوجعني
ع العموم مبروك عليه حوريه عايشه ف وسط الناس
وانا هفضل مكتفي بالجرح اللي كل ما بيعدي عليه الوقت بدل ما بيلم بيوجعني
وايه يعني واحده راحت
ما اللي راحو زمان كتير
بس اللي بجد المره دي اني حبيتك وبضمير
اتخطبتي مبروك عليكي دبله حلوه وضحكتين وكام صوره
بس اوعديني انه يحافظ عليكي وميسيبكيش ف يوم مكسورة
وانا هكون  زي ما انا عايش بحالتي
والنهارده بكتب قصيده ليكي ف يوم ما اتخطبتي
بقلم /محمد مختار الوكيل
لينك قناة اليوتيوب 
https://www.youtube.com/channel/UCoDJ1GCAVielE0lZSnA5d7w

لينك صفحتنا ع الفيسبوك 
https://www.facebook.com/Mohamed.mokhtar.alwakeel/

قصيدة.إتخطبتي |محمد مختار الوكيل |

قصيدة سامحيني
          سامحيني
سامحيني عشان ببعتلك وانا وعدتك بإني مش هبعت تاني
سامحيني عشان حبيتك اوي وانا ف الحب اناني
لسه عارف من شويه انك خلفتي وعدك ليا ولبستي دبلة حد تاني
سامحيني علي انك جيتي وحييتيني
وف لحظه مشيتي وموتتيني
ياسنيني ونار قلبي واشواقه
انا واحد كان فاجر جدا وعشانك غير اخلاقه
واحد شرب ناس من سمه كتير ومن نفس السم بردو اهو داقه
والمرادي السم دا منك
وانا كنت المره دي بجد عاوز اكون جنك
لو تطلبي لبن العصفور تلاقيه فجأه قصاد منك
انا كنت عجوز وانا بعيد عنك
واما حضرتي بقيت طفلك وانا اصلا اكبر منك
كنت اتمني افضل طفلك اضحك ببراءه قصاد منك
اكتب ف قصايد واوهبلك
قلبي وعقلي وروحي وحالي
انا دقت ف قربك طعم الشهد
وانا بردو ف بعدك دوقت المر ايام وليالي
بعدك عني سرطان ف الروح
بيقتل فيا فين ما بروح
انا اهو واقف وف قلب الصوره بضحك
انما من جوا عجوز وبكل برود بيموت مدبوح
انا نفسى اشوفك لو مره
نقعد نتكلم واعرف منك كل وعودك راحت فين
انا اكتر واحد عصبي
بس معاكي كنت بلين
كنت بفكر مليون مره الكلمه اللي هقولها هتوجع مين
ومفيش مره كلامي وجع
كنت بخفف عنك زعلك
واقولك نكته و فزوره وبعدين اغازلك
وكنت محافظ دايما ع فرحك ولا اني اكون سبب زعلك
كان نفسي تكوني معايا دلوقتى
روح واحده وساكنها اتنين
وف بيت واحد متجوزين
وتصلي ورايا وادعيلك ف السر وبدون علمك وتقولي آمين
وكنت عشانك بردو هبطل تدخين
ليه حبنا راح ومفضلتيش ومفضلناش قريبين
سامحيني عشان ادمنت وجودك
ادمنت الحب اللي انا شوفته معاكي
وعشقت الطفله الموجودة جواكي
سامحيني عشان رغم بعادك بردو انا ميت ف هواكي
سامحيني عشان رغم اني مريض نسيان
مقدرتش انساكي
سامحيني عشان صدقت وعدك إن مش هتوافقي بغيري يكون وياكي
قوليلي انساكي ازاي
وانا ف الاصل نساي  ومنسيتكيش
يا ريتك كنتي مشيتي بدون اوجاع
يا كنتي فضلتي وسيبتيني اعيش
بقلم /محمد مختار الوكيل

تابعونا ع الفيسبوك
https://www.facebook.com/Mohamed.mokhtar.alwakeel/

تابعونا ع اليوتيوب 

https://www.youtube.com/channel/UCoDJ1GCAVielE0lZSnA5d7w

قصيدة سامحيني|محمد مختار الوكيل|

قصيدة والله ما هكتبلك تاني

قررت خلاص وبدون رجعه والله ما هكتبلك تاني
انا كل جروحي كانت سطحيه
انما جرح المره دي طلع جواني
المره دى انا اللي بقيت مجني عليه
وانا قبلك كنت الجاني
انا اسف ان انا حبيتك جداً
قلتها ميت مره ان انا ف الحب اناني
وان انا هو المجني عليه
وف اخر شات بتقولي مسامحه
قال ايه فجأة بقيت جاني
انا دايماً قلبي كبير بيسامح
ولأول مرة انا مش قادر اسامح حد اذاني
دلوقتي خلاص محبيتينيش
دانا فاكره مره قلت انا هبعد
ف اليوم دا بكيتي وقلتيلي اهونلي اموت ولا اني ف بعدك اعيش
تبت ف حبك وقلت انا عاشق متسيبينيش
واديكي خلاص سيبتي وحبيتي جديد
انا هرجع تاني وكما كنت واحد بايع وقلبه حديد
وهدور ع ام بجد مش بنت يادوب تنسي بسرعه وتدور ع حب جديد
وقليله يكمل وياكي
انما بالنسبه لقلبي هدوسه لو فكر مره يحن لذكراكي
وانا مش هبكي ع نفسي وحالي
وبالنسبه للمقامات
اهو بكرا الدنيا تدور بيكي وتشوفي مين فينا مقامه عالي
وان القلب اللي ف يوم بعتيه
كان دايماً شاريك بالغالي
وافتخري وقولي ان انا حبيتك
وان انا ولامره ف اي قصيده هجيتك
وان انا رغم بعادك فضلت احبك واستنيتك
٤ سنوات من حب بجد وانتي غايبه ولا مره حبيت واحده ولا مره نسيتك
بس المره دي بجد مجرد ما قفلتي والله نسيتك
ونسيت اصلاً ان انا حبيتك
وعرفت ان انا فعلاً مشبهكيش
قلبي ابيض وسني شباب وعقلي ماليه الطيش
ووعدتك وبقول من تاني والله ما هكتبلك تاني
والجرح المره دي جواني
وجع الحب بيكسر جداً بس ف اخر مره بجد جرحك قواني
وخلاني عاهدت بكل يقين والله ما هكتبلك تاني
وهكون كما قبل ما اشوفك عايش مرتاح
وانا هطرد حبك من قلبي واقفل بابي عليه
وارمي المفتاح
٤ سنين عايش فيهم بحبك ف غياب
وانتي يا جاحده ف شهرين بالظبط
بتوافقي بأول واحد جه خبطلك عند الباب
طب اخترعي الحجه الصح وامليها اسباب
انا واحد كنت ليلاتي بسيب ف بنات علشان مش انتي 
لكن المره دى انتي الموجودة وف دي الليله انا هو الشخص اللي اتساب
يا رياحا لا تهواه سفينتنا لما ذا تهب
عاوز ف الشتا بدل المطره سيول
تطفي ف قلبي نار الحب
امشي وشوفي حالي حالك واوعي متتبسطيش
وانا هبعد وهروح للدنا واكون مبسوط
وهكون مبسوط اكتر لما مشوفكيش
ولو الدنيا لفت بيكي هكون سندك ومهسبكيش
وان قلبك حن لقلبي فانا موتي اهون اني ارجع
واني اكون تاني معاكي واضيع وقت مع واحده محبتنيش
انا هنسي واعيش واكتب ف قصايد
وكفايا عليكي قصايد فاتت
انا كنت رسمتك شجره كبيره بتطرح شهد
ولما سقيت الشجره بحب ماتت
انا هنسي خلاص واعيش من تاني
واكتب شعر ف ناس حبتني وحبها جواني
وانتي خلاص اخرك هنا
وخلاص مش هكتبلك تاني 
بقلم/محمد مختار الوكيل

Mohamed Mokhtar Alwakeel

Popular tracks