حبل المودّة اتوصل
و بقينا سمن وعسل
دم الضحايا اتغسل
و خلاص مفيش أعداء

حبل الوصال والود
نازلين مطار اللد
على الإيدين بنشدّ
أجمل سلام و لقاء

العال تغنّى لعالية
أنا بنزهير يا أضاليا
ما تيجى حبّة يا غالية
و نوحّد الأجواء

بيجن خلاص اختفى
و شارون قعد فى الدفا
و أنيس خليل مصطفى
فى قمّة الأخلاق

رايح لتلّ أبيب
يمكن يكون له نصيب
يلقى فى هواها حبيب
قاتل عشر ابناء

يا دمعى بطّل تجرى
شوف الحمام القمرى
ينشد غناه بالعبرى
و يغنى للأسماء

إيجال آلون و عامير
أبا إيبان و شامير
أشكول و جولدا مائير
أميرة الأمراء

تنعق نعيق البوم
حق اليهود مهضوم
فى الحلق و الحلقوم
فى المعدة و الأمعاء

صحافة بالمظبوط
معاريف ها آرتس توت
و أحرنوت يدعوت
أنبوبة الأنباء

كيبور شبت شمعون
شالوم حاخام شمشون
كهنوت كوهين صهيون
يهوذا سامراء

راكاح و هستدروت
مشلاح ليكود بينط
هاجناه كينست يحط
خريطة الأسواق

همَّ العقول الفذه
و الموت معاهم لذّه
مرسيه أوى على غزه
إنتوا خصوم شرفاء

إنتوا يهود مساكين
تهتوا ياعينى سنين
ورجعتوا لفلسطين
فى قلبكم أشواق

صبرا و شاتيلا بلاش
ودير ياسين ما بقاش
و كفر قاسم باش
ما بين دموع و دماء

ما بكيتش ولاّ بكيت
ما نسيتش ولاّ نسيت
بابصّ فجأة لقيت
موتى بقوا أحياء

بحر البقر أطفال
و ابو زعبل العمال
و سينا حاضنة رجال
مظاهرة الشهداء
بيصرخوا فى دمنا
ما تهربوش مننا
إحنا اتقتلنا هنا
يا أيها الجبناء

إسكندريلا - بالعبرى الفصيح

ياروح / نهاية مسلسل ليس سراباً

ألقاب وصفات أبا الفضل العباس | الملا محمد باقر الخاقاني - هيئة شباب علي الأكبر عليه السلام - بغداد



جوليا اسود الليل

Mohamed Nadi 2

Related tracks