هشام الجخ

هشام الجخ - منطقى Hesham Al-Gakh

اغنية فيلم هي فوضي . هو انتي ليه بعيدة كدة

هشام الجخ - المكالمه

Hisham Elgakh - Isis || ايزيس - هشام الجخ

الغيرة نااااااااااااااااااااااااااااااااااااااااار ☺☺☺☺♥♥♥♥♥♥♥♥

قصيدة الشاعر الهويس هشام الجخ - أيوة بغير.... اهداء اليكى ح00000000000000000

يا حظك يا حليمة .. و يا بختك يا حليمة .... 
جبتيني ليه يا عديلة لما أنتي عارفة انك حتسيبيني لوحدي بعد أبويا في الدنيا دي و حتمشي 
جبتيني ليه يا أمه ..  
جبتيني ليه ؟
طب ماكنتيش قادرة تلحقي انتي و أبويا تجيبولكم كام عيل
 اهو كان يبقى لي  اخوات يبقوا سندي و يونسوني 
ما أختك و عم سيد جابوا قرطة فوق راس بعض ماحدش قالهم حاجة .. 
جبتيني ليه ؟ 
و أهو حتة الواد اللي طلعت بيه من الدنيا ملقاش خال يطلعله .. طلع لأبوه يا أمه 
شقى العمر و صبرك يا حليمة كدبك و صدق وسواس أبوه 
عباس كدب صبرك يا حليمة 
و صدق زن كرم يونس 
كرم يونس اللي قبلتيه و قلتي يمكن ربك بيعوض الصابرين .. 
وحيد و غلبان وريدك يا حليمة .. 
حليمة حلوة .. بس يتيمة و غلبانة 
: أنا أهلك يا حليمة و انتي أهلي .. 
أسمعله و قلبي مكسور .. و هو يعيد و يزيد و يقول .. 
و أنا قلبي مشغول .. هو أنا مش بني أدمة ! *
المدير هيبة و منظر و قيمة .. 
اه يا أمة لو شفتيه أول مرة و هو بينطق اسمي 
: منورة يا حليمة 
: ده نورك يا بيه 
: مبسوطة  ؟
و خفت اقوله فرحانة .. شيفاك قصاد عيني طايرة و فرحانة 
بركة دعاكي يا أمة .. 
تضحكي و تقوليلي .. 
: ولاد الأصول رزق يا حليمة 
  ربنا يعترك في ولاد الحلال يا ضنايا 
 و يكون لك منهم سند و ضنى و عز و قيمة ..
ربك مع الصابرين يا حليمة جابر 
و أرد أنا زي الهبلة و أقولك 
: أه يا أمة لو شفتيه ابن الأكابر 

: مبسوطة معانا ياحليمة ؟طلع كله كلام يا عبيطة و شغل مسارح .. 
قال أمثل قال .. 
دول ولاد الأكابر يا أمة 
واحد نسي .. و التاني محلتوش الا أحلام تنقال 
ماله كرم يونس ؟
رايدك يا حليمة .. ولو رضيتي تبقى أمي داعيالي ..
أتاريها داعية عليه .. ميل حاله و حالي 
يا حظك يا حليمة .. يا فضحتك يا حليمة 
: أن الله حليم ستار يا بنتي 
 يقولي شيخ  الجامع ..
: قوليله 
: خايفة .. 
: ارمي حمولك ع الله قادر ينجيكي 
: خايفة 
: خايفة مني يا حليمة بكره فرحانا 
: خايفة عليك يا كرم 
: من مين ؟
: من روحي .. 
و .. .. مواتتنيش الجرأة و لا لساني نطق 
: خفت أقولك يا كرم تسيبني و تروح 
سكت .. و سكت ... و بعدين رفع راسه و ضحك .
اه و الله يا أمة ضحك و ياريته يا أمة ما ضحك .. 
عبيطة و قلت لروحي أهو هو ده الملاك .. 
لا همه ماضي و لا غلطة صغيرة ..
عبيطة و أفتكرته رضي بقسمته
 بيحبني و صدقني اني و الله مظلومة 
: غصب و الله يا كرم  مش مخيرة 
: رجلك من نوع فريد يا حليمة 
قالي انه مابيهموش الماضي يا أمه .. 
قالي أنه ما بيهموش الماضي يا عباس .. 
أبوك قال يا عباس و كدب .. 
أبوك بيكدب يا عباس واهم متسمعلوش 
قتلتني يا أبني ..
قتلتني يا ضنايا .. 
أبوك ضحية أمه .. تقوم تعملني أنا ضحيتك 
ده أنت أبن عمري و بطني .. 
هونت عليك يا عباس تصدقه و ما تفهم رطني 
الواد لخاله .. و خالك ستك ماجبتوش 
: خليك ملاك .. 
: خليك شيطان 
أزغد أبوك يطنشني و يكمل 
: خليك شيطان يا أبني .. الدنيا مليانة أبالسة 
 يمكن حظك يكون في الدنيا دي وفير 
خليك شيطان علشان تقب على خشبة المسرح و تبان 
 مثل يا عباس  .
: أنا لما أكبر حأبقى مؤلف .. مش شيطان 
 أنا حابقى ملاك يا بابا علشان خاطر ماما .. 
مش أنت لما كنت صغير ماما قالتلي أنك كنت عايز تبقى مؤلف ؟
: خليك ملاك يا حبيبي 
هونت عليك يا عباس ..
ده صوتك لسه بيرن في وداني 
: الخير حينتصر يا ماما متخفيش 
 ربنا عوض صبرك يا حليمة .. 
بقى دي أخرت صبري يا أبن كرم ..
يوم ما تألف تغفر لأبوك ظلمه لينا ..
و تتهمني بالباطل .. ومع كل الناس .. و قدام الناس 
يا بختك يا حليمة .. 
يا صبرك .. 
قتلتني يا أبني ...
لا حأدعي و لا حد حيقول أمين 
يحفظك ليا و يخليك .. 
حأضحك على روحي و أقول خيال و شغل مسارح 
حأكدب على قلبي  و روحي 
أبني نجح .. 
أبنك ربنا كرمه و نجح  يا حليمة ...
عوض صبرك .. و كرمك بأبن ناجح 
: مبروك يا حليمة 
 مبروك يا أم المؤلف العظيم 
يقول البيه و يهنيني 
و طارق يقولك قاتل 
و كرم يقولك حرامي 
و تحية خطفتك مني .. 
تحية خدت اللي ورايا و اللي قدامي ..
خدت شقا عمري و أستريحت و ماتت 
يحفظك ليا و يخليك .. 
جبتيني ليه يا عديلة ..
يا حظك يا حليمة 
قتلتني يا عباس .. 
وربك وحده اللي عالم

ولاد الأصول رزق يا حليمة#أفراح_القبة

Hisham Elgakh .. Aywa Bagheer
قصيدة هشام الجخ .. أيوة بغير

Edited By : Mohamed Zaki   ( Ziko )

هشام الجخ .. أيوة بغير

خلينا صحاب - كلمات الشاعر عمرو حسن 
أداء صوتي / أحمد سمري 
شايفاك انسان طيب حسّاس 
راجل ورقيق 
تنفع كصديق ، لكن كحبيب ؟ عمري مافكرت 
تستاهل أحسن مني كتير 
والله ياواد لاهجيبهالك 
عاوزين بقا نفرح بعيالك 
وبحبك جداً صدقني وجوايا حاجات 
بس احنا اخوات 
سِكتِتْ وسكِتت
مشيّت ووقِفتْ 
وكإن الدنيا بتتحول اسود بهتان 
لون أنا مش عارفه لحد الآن
وكإن فيه خيط مزيكا حزين 
طالع من مطرح وقفِتْها 
هل حبيتها ؟ أم ان الأمر بحاله سراب 
قولتلها : انا رافض نبقى صحاب 
ياتكوني معايا يامتكونيليش 
سِكتِتْ لحظة .. علشان كانت هي ملاحظة 
ان انا مكسور وبهددها 
مدت إيدها مسكت ايدي 
وقالتلي خلاص فُك ياسيدي عازماك على قهوة ماتكسفنيش
كانت فاهمة ان الموقف صعب 
والصعب حبيبتك تتعاطف علشان تواسيك
فأخدت قرار اني انساها 
من يومها وانا بدونها معاها 
براقبها بعين عيّل محروم 
وباقول ما اطلبش باكلمها 
وبفكّر هي بتعرف مين 
ضحكتها لمين 
وباموت لو كانت بصاله 
أصبحنا لاننفع متصاحبين ولا عُدنا صحاب 
وبقينا برغم اللي مابيننا 
شخصين أغراب
تسعين في المية من الأشخاص المكتئبين 
بيحسّوا حنين لقلوب بتحِّن لناس غيرهم 
الواحد ضيّع وقت كبير مع ناس مش شاغل تفكيرهم 
هذا التفكير الغير صحيّ
هو المتسبب في القهوة 
ف عمر خيرت وtrio goubran 
وف قلب نظام النوم للعكس 
وصداع القولون العصبي
تضييع ستاشر ساعة ف شات
ودخولك ف مشاكل وحاجات 
وخروجك منك آخر الليل 
هتروح لطبيب هيبص عليك 
وهيكتبلك أدوية للنوم 
ومهدأ ويسيبك تمشي 
وهتفضل برضه مابتنامشي 
وهيفضل جسمك بيعاندك 
كل الموضوع انك عندك 
" متلازمة حُب اللي ماحبكش "
انت معندكش سبب عضوي 
يمنع عينك تقفل لساعات
السبب الأصلي ف عدم النوم 
انها شايفاكوا اتنين اخوات 
بالنسبالها .. هي بتعشق في اللي قَتَلها 
واللي ماقدّرش ودخلها ف مساحه كبيرة من الإهمال 
بتحب جنونه وعصبيته 
وتحب تشوفه بيجرحها
وتحب انه مابيكلمهاش 
مع انه مكلم ناس تانيين 
وتحب عدم غيرته عليها 
وتحب قساوته وهي تلين 
بالنسبالها .. عمرك ماهتبقى اللي ف بالها 
فافهم ياحزين 
واعرف دستور البني آدمين
عمرك بيضيع والوضع وضيع 
والعالم أجمل من غيرها 
عمرك ماهتيجي ف تفكيرها 
مع انك شاغل ناس تانيين 
وحاططهم ف القايمة اياها ( خلينا صحاب ) 
داين تتدان 
ومافيش مجروح مابقاش جارح
كله بيبحث على ألمه الخاص 
وكإن الحب بدون راحه 
وكإن الشوق لازمُه جراحه 
علشان مايروحش لناس ببلاش
اعتبره ماجاش 
ونصيحة ياريت لو كنتوا صحاب ، خليكوا صحاب 
علشان لو قولت على مشاعرك 
هتكون بتضحّي بصداقتها 
وان فعلاً فعلاً حبيتها 
استنى عنيها تقول قبلك 
واستنى الشوق فيها يقابلك 
وساعتها يجوز تنسى المسافات 
فيما عدا ذلك ف انت هتسمع 
انا آه حباك بس احنا اخوات .

خلينا اصحاب كلمات الشاعر / عمرو حسن .. أداء صوتي / أحمد سمري

ايو بغير ❤

الشاعر هشام الجخ 
قصيده متزعليش

هشام الجخ - متزعليش.

أنا مش ناسى ولا عمرى هكون ابدا ناسى 💔

بطعم القهوة لـ محمود الفقى

وعشان غنى ومعاه فلوس

هملتنى وراحتله

ابكى على نفسى ولا

عالمسكين اللى راحتله

ولأنى راجل مليونير والخير كتير

عليت عيونى عالبكا

وقلت اسيبهاله زكا

ودفنت ايدى فالسويتر

وابتديت اشوط الطوب واغنى

كنا نتلاقى من عشيه

نقعد على الجسر العتيق

كوبرى الزمالك زى ماهو

البنات هم البنات

والولاد هم الولاد

والدرابزين الحزين لساه رزين

والكلاكسات اللى سارحة فالودان

واللى بيوشوشها فى عيونك غموض

واللى بيوشوشها فى عيونك امان

بس المكان هو المكان

خمسين سنة والكوبرى مصلوب عالطريق

لا انا كنت اول مين يحب

ولا يوم هكون اخر عشيق

وادى البنات ألوفات مترصصين عالكوبرى

يعنى انتى اجمل واحدة فيهم؟؟

ده انتى لو كشيتى فيهم تفزعيهم

صدقيـــــنى

صبغة الكدب اللى نزلت من ملامحك

غيرت شكلك نهائى

شوشت صورتك فقلبى بقيت ملامحك

فاستخبيت جوه دائى

جوه ابيات القصيدة

 

باختصار المكان هو المكان

والبنات هم البنات

فى اللى فازوا بالنهار

وفى اللى تاهوا فى البعاد

وانتى واحدة من اللى تاهو

اما انا ... فزى ما انا

وكوبرى الزمالك زى ما هو

 

بعيد عنك حياتى عذاب

متبعدنيش بعيد عنك

ماليش غير الدموع

أم كلثوم الشقيه

ضحكت عليا

سهرتنى الليل بطوله

اكتب الشعر اللى نفسك تسمعيه

وانا لاجل خاطرك مش هاقوله

وان كان حبيبك شاعر كتّبيه

وابعتيلى قصايده اول باول

اه يا زمن يا احول

بقى ابقى حبيتك وبقيتك

عن الدنيا وما فيها واصطفيتك

سبتلك وردة فؤادى تقطفيها

كنت فاكرك هتراعيها

وتداريها بين ضلوعك

وان ما كفتهاش دموعك

من دماكى تضيّفيها

كنت فاكرك يوم ما اقول الآه

هاتخدى منى الآهة تخففيها

ولا كنت يوم يخطر عليا

انى لو مديت اديا

ليكى ممكن تكسفيها

يا ام كلثوم الغرام محتاج حموم

قبل متغنى لقلوب الناس تعالى نضفيها

 

هشام الجخ - وعشان غنى

لما يغرق مركبي وانا سايقه فجأة

ولما تنهي قصتي وانا لسة بادئة

لما تنكر تضحياتي

ولما اوهب لك حياتي

و ازرع الدنيا ف عيونك ورد يطرح من ربيعي

و التقاك بتقول لي ضيعي

مش طبيعي

 

فين كلامك عن حياتنا

فين سعادتك وانت بتلاعب ولادنا

وعنيك تغير كل ألوان الحاجات

طلقتني ونسيت معايا الذكريات

 

انا لسه فاكراك وانت بتقول لي احلمي

وانا لسة فاكراك وانت بتقول لي ارسمي

بس مش حاقبل اكون برواز خشب ع الحيطة يقدم يترمي

كان الطبيعي وانت بتقول لي احلمي

وانت بتقول لي ارسمي

تقول لي بيعي

مش طبيعي

هشام الجخ - مش طبيعــى

هشام الجخ أيوة بغير 2


الكلمة نور وبعض الكلمات قبور
#عبدالرحمن_الشرقاوي 

هشام الجخ أيوة بغير 2

mohamed nassar

Related tracks