الهاويس

عجبا لغزال قتال عجبا | فؤاد عبد المجيد

علي الحجار - تتر مسلسل كناريا و شركاه

على الحجار - أنا كنت عيدك

اغنية تتر البداية لمسلسل زيزينيا
كلمات احمد فؤاد نجم
الحان عمار الشريعى

محمد الحلو - اسكندرية تانى

الشاعر هشام الجخ 
قصيده متزعليش

هشام الجخ - متزعليش.

حبيبتى من ضفايرها طل القمر - هدى عمار- على الحجار- ألحان عمار الشريعى

..ماتغربيناش وتقولى قدر...
..ماتوهيناش فى موانى سفر..
..ماتضيعيناش فى دموع وفراق..
..حا تجيبى منين زينا أحباب..
..فى قلوبنا حصاد..فى عينينا مطر..
...ماتغربيناش.......
..ماتغربيناش فى الأرض البور..واحنا الزراع..
..وادينا سواقى فرح بتدور..رغم الأوجاع..
دا أحنا المشتريين فدادين النور..لو خاين باع..
...ماتغربيناش.....
..ماتغربيناش فى بلاد الريح..واحنا الأحباب
..احنا اللى رفضنا تكونى ضريح..فى طريق كداب
..ظللى بالحب على المجريح..وكفايا غياب..
...متغربيناش...
..متغربيناش فى بلاد بتموت..واحنا الجايين
..يا أول دمعة واول قوت ..وياأول بيين
..العمر بدونك ليل بيفوت..مهزوم وحزين..
.....متغربيناش..وتقولى قدر..متوهيناش فى موا نى سفر...



كلمات الشاعر : جمال بخيت 
ألحان : فاروق الشرنوبى


متغربيناش - علي الحجار

ماكنتش في شلة صحابك ساعتها
ماشفتش دموعك و كسرت جناحك
و لما الحبيب الوحيد استباحك
ماكنتش معاك
ماكنتش فى وقت انبساطك.. بساطك
ماكنتش فى وقت اندفاعك.. دفاعك
و لما عرفت السهاد و السهر
و أول ليله تناجى القمر
وغامت عليك السما و الليالى
سامحنى يا غالى.. ماكنتش سماك
فى اول بحبك.. ماكنتش معاك
و اول واحشني.. ماكنتش معاك
فاتتنى الحاجات المهمه في حياتك
ولما دموعك بتحكى اللى فاتك
بحس انى عاجز افسر بكاك
يمكن لانى.. ماكنتش هناك

قصيدة مكنتش هناك لهشام الجخ ساقيه الصاوى

سكت ليه يا طير ملاك
مين اللى بالأوجاع ملاك
ليه كل ما انوى اسمعك مش بلتقاك
صوتك بيجى من بعيد بلقاه بكاك
حتى انت بيملّوك غناك

هشام الجخ - طيرملاكـ

وعشان غنى ومعاه فلوس

هملتنى وراحتله

ابكى على نفسى ولا

عالمسكين اللى راحتله

ولأنى راجل مليونير والخير كتير

عليت عيونى عالبكا

وقلت اسيبهاله زكا

ودفنت ايدى فالسويتر

وابتديت اشوط الطوب واغنى

كنا نتلاقى من عشيه

نقعد على الجسر العتيق

كوبرى الزمالك زى ماهو

البنات هم البنات

والولاد هم الولاد

والدرابزين الحزين لساه رزين

والكلاكسات اللى سارحة فالودان

واللى بيوشوشها فى عيونك غموض

واللى بيوشوشها فى عيونك امان

بس المكان هو المكان

خمسين سنة والكوبرى مصلوب عالطريق

لا انا كنت اول مين يحب

ولا يوم هكون اخر عشيق

وادى البنات ألوفات مترصصين عالكوبرى

يعنى انتى اجمل واحدة فيهم؟؟

ده انتى لو كشيتى فيهم تفزعيهم

صدقيـــــنى

صبغة الكدب اللى نزلت من ملامحك

غيرت شكلك نهائى

شوشت صورتك فقلبى بقيت ملامحك

فاستخبيت جوه دائى

جوه ابيات القصيدة

 

باختصار المكان هو المكان

والبنات هم البنات

فى اللى فازوا بالنهار

وفى اللى تاهوا فى البعاد

وانتى واحدة من اللى تاهو

اما انا ... فزى ما انا

وكوبرى الزمالك زى ما هو

 

بعيد عنك حياتى عذاب

متبعدنيش بعيد عنك

ماليش غير الدموع

أم كلثوم الشقيه

ضحكت عليا

سهرتنى الليل بطوله

اكتب الشعر اللى نفسك تسمعيه

وانا لاجل خاطرك مش هاقوله

وان كان حبيبك شاعر كتّبيه

وابعتيلى قصايده اول باول

اه يا زمن يا احول

بقى ابقى حبيتك وبقيتك

عن الدنيا وما فيها واصطفيتك

سبتلك وردة فؤادى تقطفيها

كنت فاكرك هتراعيها

وتداريها بين ضلوعك

وان ما كفتهاش دموعك

من دماكى تضيّفيها

كنت فاكرك يوم ما اقول الآه

هاتخدى منى الآهة تخففيها

ولا كنت يوم يخطر عليا

انى لو مديت اديا

ليكى ممكن تكسفيها

يا ام كلثوم الغرام محتاج حموم

قبل متغنى لقلوب الناس تعالى نضفيها

 

هشام الجخ - وعشان غنى

لما يغرق مركبي وانا سايقه فجأة

ولما تنهي قصتي وانا لسة بادئة

لما تنكر تضحياتي

ولما اوهب لك حياتي

و ازرع الدنيا ف عيونك ورد يطرح من ربيعي

و التقاك بتقول لي ضيعي

مش طبيعي

 

فين كلامك عن حياتنا

فين سعادتك وانت بتلاعب ولادنا

وعنيك تغير كل ألوان الحاجات

طلقتني ونسيت معايا الذكريات

 

انا لسه فاكراك وانت بتقول لي احلمي

وانا لسة فاكراك وانت بتقول لي ارسمي

بس مش حاقبل اكون برواز خشب ع الحيطة يقدم يترمي

كان الطبيعي وانت بتقول لي احلمي

وانت بتقول لي ارسمي

تقول لي بيعي

مش طبيعي

هشام الجخ - مش طبيعــى

هشام الجخ - حظك كده-بلانت

تتر مسلسل الاصدقاء...محمد قنديل

زمن وحافر في القلْب اسمُه
والعزم.. ناره ما بتنطفيش
والحُزن.. راجِعْ.. عارف مواسمه
عُمره ما يرجع علي ما فيش
ياخد بتارُه
ويطفي نارُه
ولما يشبع.. ما بيرتويش
وانت واقفْ له علي الروابي
ساعات تزعق.. وساعات تحابي
هيه البطولة تعيِّش اسمك
والا البطولة إنك تعيش؟
ياعمّ.. شوف لك دوا مِخالِف
دوا الزمان ده.. مابيداويش


تتر النهايه لشيخ العرب همام - على الحجار

انا مروحتش اسكندريه الا مره واحده وأسبوع واحد......بس كان أحلى أسبوع ف حياتى...

اسكندرية تانى و اه م العشء يانى
و الرمل الزعفرانى ع الشط الكهرمانى

اسكندرية تانى و اه م العشء يانى
و الرمل الزعفرانى ع الشط الكهرمانى
و السحر اللى احتويته و البحر اللى احتوانى
و البحر ابو الف موجه
و الموجه بالف حالة

وانا المغرم صبابة
باسكندرية يابا
وفكرة كونى انسى
فحكم الاستحالة
فحكم الاستحالة

عشقت بحرك وغرئت فيكى
وصبحت عندك ف العشئ حالة
و سمعت منك و عشئت بيكى
وعجبنى قربك على اى حالة


وعاشرت فيكي الخواجة ينى
اجريجى لكن مصراوى جنى
اسكندرانى عاشق اغانى
جعان يغنى شبعان يغنى
ويبات فحالة يصبح فحالة
وكونه ينسى دى الاستحالة

وسمعت صوت النديم نسايم
ع البحر صابحة و البحر هايم
وسمعت سيد بيقول يا مصرى
الدنيا صاحية ليه انت نايم
ولما عاند و خانى عصرى
لاشد ضهرى ولا خد بنصرى
رميت فحضنك ع الرملة أصرى
وفتحت ع البحر حضن مصرى
ادى الأضيه و أدى الرسالة
وكونى انسى دى لاستحالة

تتر مسلسل زيزينيا | أحمد فؤاد نجم | محمد الحلو

كلمات : سيد حجاب 
ألحان : إبراهيم رجب 
غناء : محمود عبدالعزيز وشريف منير 

يلا بينا تعالوا - من فيلم الكيت كات - كلمات سيد حجاب - ألحان إبراهيم رجب


الكلمة نور وبعض الكلمات قبور
#عبدالرحمن_الشرقاوي 

هشام الجخ - طيرملاكـ

mohamed nassar

Recent comments

Kamal Aboyara

Related tracks