محتاج كام حضن عشان ترتاح 
محتاج كام موقف لجل تفوق 
انا اسف جدا ياصديقى انا طالع فوق 
انا غايب لكن عايش فيك , انا لسة بشوف حلمك بعنيك 
انا لسه بحب الرسم كمان - انا لسه ماليك 
انا سايب ذكرى عشان تفرح  انا سايب أها ماتسمعهاش 
الصاحب لو فعلن بيموت .. بيموت علشان كام صاحب عاش
البت اياها متعرفهاش ' وابوك محتاجك متسبهوش
امك بتحبك كلمها ' وكريم هيبيعك متحبوش 
سلملى على اصحاب القهوه والشله الفاسده ' و'طنت عبير
وامين الساعى ملهوش فلوس انا لسه محاسبه على المشاوير 
وبقولك ايه !! سلملى علبها وقول سافر قولها هيكون دايما جمبك
طمنها لحد ما تنسى الخوف قولها كان دايما بيحبك  
فـــــــــــــكــــــك  :)  ""
نستنى هقولك ايه ' ايه صحيح اخبار الاهلى معاك 
عارفك بتموت فـ وائل جمعه وبتحب تقابل انجى فى ماك 
أعقل .. أعقل وبلاش تنطيط وهزار العمر بيجرى وهتعنس
الجبر الخطى ايه اخباره علشان خطرى ذاكره كويس
انا شايف دمعه بلاشها بجد - انا يابنى كويس ومفرفش
انا لسه بهزر وبنكت ' وفى كل كلامى عليك بقلش
متخفش عليا انا زى الفل انا خايف اصلا يابنى عليك 
الدنيا بتاعكوا مبتطمنش ' الدنيا بتاعتى محال تأذيك
انا عايزك دايما تطمن'  وتجينى تزورنى عشان لو خفت
 وبلاش تتخيل انى معاك - انا أصلآ مـُت ..

Mohamed Hesham Ragab - 04.fo2 محمد هشام رجب - فوق

Lyrics : Abdalla Rabee ، Khaled Gamal
Composer : Abdalla Rabee
Arranging : Ahmed Galal
Mix & Master : Omar El Emam

MB Home Studio ♫ .

Abdallah Rabee - Te7py Ghery | عبدالله ربيع - تحبى غيرى

وبسألهم ..
ساعات الذكري مبتوجعش ..برغم البُعد والقسوة ...
برغم القول بان أنتم ...مجرد ذكريات جارحه  ولا تسوا ..
فليه دلوقتي بتبسّم عشان علي بالي جت سيرتك ؟!
وليه فاكر تفاصيلك
 ..جنون روحك
 ..نغم صوتك
 ..وضحكك ويا تكشيرتك؟!
وليه قابل كده بيكي ..برغم أن أنتي مش قابله ..؟!
وليه مُجبر أكون عنتر ...مع أنك ولا تسوي ...قُلامه ظُفر من عبله ..؟!
ومش عارف انا مالي ...
وليه باقي علي حالي ..برغم الدنيا قلابه ..
وكل دقيقه تبقي بحال ؟!
ومليون ألف كلمه (ليه ).....وكام مليون سؤال وسؤال ...
يا اول كلمه بعشقها ..عشان طلعت بدون ما أدري ..
يانقطه سواد ف طيف صورة ...
يا دمعه ف عيني محشورة ..يا قصّه بتنتهي بدري ..
يا ألف مدينه من سُكّر ...يا أبعد م الخيال بخيال ..
مُحال تنسي اللي كان بيننا ...
مُحال تقسي علي سنيننا ..
محال ترميني جواكي أموت ف النار ..
محال تسقي القليب منّك صديد ومرار ..
محال تتنازلي عن عشقي ..محال جدا وألف محال ..

زمان يمكن بصوت قلبك...  مكانش يصح إنّي أفوز ..
وميصحش أكون جمبك ..عشان غيري سبقني وفاز ..
ماهي الدنيا بتدينا حاجات يمكن بنزهدها ..
وتمنعها ف  وقت الجد لما نعوز ..
وانا رافض أكون ليكي يادوب لعبه ..سراب كدّاب ..
كما المحروم من الضحكه...عشان عايش بوش شباب 
وقلب من اللي شافه عجوز ..
يجوز ...يمكن ..يجوز ينفع ..يجوز ينزل ..يجوز يطلع ..
يجوز أول ..يجوز تاني ..يجوز طاهر ..يجوز زاني ...يجوز القلب بيعاني ..
يجوز خاين ..يجوز باين ..يجوز عاشر وألف يجوز ..
مفيش فيكي إحتمال ثابت ..
مفيش مليان صبح فاضي..
أيديكي من زمان سابت ..
وصوتك لسّه مش راضي ...
انا المُجرم ف محكمتك ..وانا القاضي ..
يا سين ف الكسر فوق قلبي ..يا محور حُزن كان صادي ..
يا ساقيه الكُلّ من دمّي ..وسايباني الوحيد صادي ..
يا تعداد الحنين فيّا ..وتقويمي وأرصادي ..
كواني البرد من بعدك علي الوتر اللي كان حساس ..
دموعي خايفه تفضحني قُصاد الناس ..
وانا الكداب ف أقوالي ...ولو يسالني عن حالي ..
بقولله نسيت ..وباين كدبي ف عيوني ..
بحبك موت ..وموت جدا ..
بحبك وقت ما تردي ..واحبك لما بتصدي ..
وأحبك وقت بتوفي ..واحبّك لما بتخوني ..
واحبك وقت ما الاحلام علي قلبي بتتجمّع ..
أدان العشق قام يدّن ..
وصوت الحقّ لو يضعف ..اكيد للقلب هيسمّع ..
انا العابر ف أمواجك بحور ناشفه ..
وانا الصورة اللي مش واضحه ومش كاشفه ..
وانا اللي بقالي كام فُرقه بناديلك .. ..
وانا اللعنه اللي ساكناكي ..منين ماتروحي هتجيلك ..
أنا صوتك ..وانا جيلك ..
وانا النصّ اللي كان مُبهم ..وزاد إبهامه تاويلك ..
 أنا شمسك ..وانا نيلك..
انا موضوع ملوش اسباب ...وخايب ساب حنينه وغاب ..
أنا الزاهد وعاش كداب ...وانا العاصي اللي عمرة ماتاب ..
وانا المجنون ..وانا المسجون ..وانا اللي اتخان وناسي يخون ..
وانا الباقي اللي عمرة ما ساب ..
وانا السرّ اللي مش نافع ...يفكّ غموضه تعليلك ..
...
خلاص راحت ..
بلاش تندم علي الماضي ...بلاش تتعب علي الفاضي ..
بلاش تشرب عشان تنسي ...بلاش أصلا ..بلاش تقسي ..
بلاش تتمادي ف الاشواق ..بلاش تعشق بقلب نضيف ..
بلاش تكذب ..
بلاش تكتب ..
عشان الكلمه دلوقتي .. بتقلب ف  الوجع بخريف ..
لو المرادي شيء يجرا ..
محدش تاني راح يقرا ...
فشيل اوراقك الخضرة ....وبدّل بالكلام تخاريف ..
ساعات البُعد بينسّي ..ساعات الجرح بيقسّي ..
ساعات الدنيا بتموت ..مُحرك قلبنا الحثّي ..
لكن حاسب عشان دايما ..سيول الدمع لو تنزل ..
بتقلب ف الفُراق بنزيف ..
#نزيف
#عبده


���� ���� ������نزيف ..عبده العتيقي

بين مرحلة فضا , يليها زحمة مشاغل الحياة ,
لقيتني بسرح ,
بسرح في امبارح اللي عدّي صاروخ ,
في دعوة دعيتها بحرقه , و لسه ما اتحققتش ,
بالجزع و من بعدُه الرضا ,
______________
لقيتني ركزت لأول مره في الحياة ,و خرجت الطاقه دي ,اللي كنت مستهلكها بس في البُكا عاللي راح ,
لقيتني ارتحت , و انا مشغول ,
و لكن من تاني لقيتني , سرحت ,
بقالي كتير اصلي ما حلمتش , فقولت افتكر , حواديتي ليّا زمان ,
و الليل في بدايتُه و لسه مطوّل , يمكن اتوه في حدوته من اياهُم ,و انام ,
______________
و كان يا مكان , كان في واحد , مش حاسس بالأمان ,
بيدوّر على حكايته المتبعترَه , عشان يخبيها لنفسُه من عيون الناس ,
بيحاول يفهم , يعني ايه حُب ؟ , يعني ايه صاحب , يعني ايه حُضن , يعني ايه أمان ؟
و راح بحياتُه لمتاهه , 
بين جدرانها كان ضلمة , و اخرها نور في توب معيوب ,
سرح بخيالُه في الضلمة , و رسم بنت حلوة و حبها ,
و زين لنفسُه قربها , 
رسم بخياله , اللي مش فيها , و اتمنى يشوفُه ,
و نسي , انه بيرسم في الضلمة ,
قاد نورُه للحظة , لقى الصورة ملخبطة , 
و فهم , ان اصل الصورة , ماكنش محتاج تعديل , 
و ان رسمُه الزايد , بوّخ الصورة اللي اصلاََ , مش لايقه على خيالُه ,
_____________
كمّل تاني في المتاهه , بس رسم صاحب يكون ونيس , 
و نسي ان بره المتاهه كان لُه عزيز , 
 خيالٌه من تاني خانُه في الضلمة , و خناقُه مع صاحبُه لسوء الفهم ما كنش عيب في الصاحب ,
بس عيب في اللي اختارُه , 
اصل خيالُه ده بليد , و اصلُه ما بيعرفش يختار ,
قال, طب هصبر تاني و اتعلّم , 
اصلي بختار اجبار , بين ضلمة المتاهه ,
___________
و كمّل تاني في متاهتُه , لسه بيدوّر على حكايتُه , 
بقلب مُرهق , و روح حزينَه , 
الضلمة زينتلُه من تاني البنت , 
يا عم دي جيّالك خليها تدفّيك في حضنها , دي هي اللي قدّامك ! 
مش لسه بتحبها  !!
قام رد , ازاي احب اللي مش شبهي ! ,
و الحضن ده كداب , مش هغلط تاني و اختارُه ,
ده الحضن اللي هيحضنّي , هينوّر الضلمة , و يخرجني برّه المتاهه ,
__________
النهار زمانُه طالع , عايز اكمّل باقي الحدوته ,
اخر المتاهه , كانت بنت صغنطrrوته ,
كان في عيونها شئ غريب ,
شئ خلاه أول مره يختار ,
هي دي , 
انا مش هرسم تاني بخيالي , انا بشوفه قدامي حي ,
الحكاية بتتحكي في صورة جديده , اجمل من اللي كنت بدور الاقيها ,
اصل الماضي لازم تتصالح معاه عشان تبني المستقبل ,
انا فهمت بيها الماضي , عشان هي المستقبل ...
آخر الحدوته , آمان , 
ياما عاش يحلم بس يفهم معناه ,
الآمان في الحب , 
في الحضن وقت الحزن ,
في الصاحب اللي بيقويك ,
و المتاهه , اللي بتحلى بس وقت الوصول,
احلى ما في الخيال , هي ..
و احلى ما في التوهان , هي ..
و احلى ما في الاحلام , هي ..
_________-
خلاص انا افتكرت حواديتي , 
و من تاني راجع انام ,و احلم ...

تشويش غير متعمد-حدوتة آخر الليل

عشر دقايق بكا .. لمحمد ابراهيم ..

[www.mp3gfx.com] - الحكايه بأختصار للشاعر عمرو حسن.mp3

شيزوفرنيا العلاقات - حسين الجوهري
https://www.facebook.com/HussienElgohary1

شيزوفرنيا العلاقات - حسين الجوهري

#قصيدة #مبتحبكش
مبتحبكش
بتتعب ليه وتزرع أرض مش أرضك
وليه سهران ؟
وليه قلقان ومش نايم ؟
وليه قاعد ؟
وليه قايم ؟
تجيب ف سيرتها 
ومشاعرك تسيل ع الأرض
مبتحبكش والله 
وكل ال اتعمل بينكم 
حكاية وقت مش أكتر 
كلامك كله كان عادى 
ووردك مرمى ف الشارع من الشباك
بتضحكلك وتبقى معاك 
وتحلف لك تكون وياك
وبعد ما تمشى بتسيبك 
تاريخ مهجور
حكيت وياها عن نفسك فتاجرت بيك 
أديها يا سيدى بتعايرك بأسرارك 
وبعياطك قصاد منها 
تجيب سيرتك وأخبارك 
وتسبكها بدموع عينها 
ولا صانت كلام بينكم 
ولا قدرت تراعى حتى حلفانها 
ياراجل ده أنت علشانها بقيت واحد ما تشبهلكش
بتبنى ف ايه ؟
بتنكر ليه كلام واضح كضى الشمس ؟
بقالك أد أيه مشتاق ؟
لواحدة كان لقاها فراق !
وكنت معاها طفل كبير
حكيت للكل عنها بدون ما تتكلم
وكنت تشوفها فتسلم 
وكنت تشم برفانها 
فتعرف دارها ومكانها 
وتعرف كل ألوانها بلمسة ايد 
آدى العيل ف وصف العيد 
لا نفع الشاى 
ولا الحكايات 
ولا الأحلام 
ولا البدايات 
ولا الحواديت 
ولا السلامات 
ولا الحرمات 
ولا حتى الكلام بينكم 
ف أول لحظة تختلفوا 
تهين ضلك 
وتشتم فيك 
وتدعى عليك 
ولا تقول ده كان طيب 
وكان فيه بينا ضحك دموع 
ولا بتقول ده صان وجعى 
ولا حافظ على المجموع 
مسافة ما الكلام بيموت
بتنسى كل شئ له أصل
وتترك للمشاع سيرتك 
بتعمل أيه ؟؟؟؟؟؟؟
يا أخى والله عيب فعلا !!!
عشان أمك يا أخى حتى 
عشان حلمك 
عشان لو شفت ف مراية انعكاس صورتك 
ما تتعرش وما توطيش 
يا دنيا رخيصة ما بتديش 
لواحد حد يستاهله 
يشوف الشخص لما يعيش
نتيجة موقفه وجهله
نصيبك وانتى من أهله 
هموم الناس ما بتضحكش
مبتحبكش
مبتحبكش وشكلك زفت 
أديك وعرفت أيه ردك ؟
كفاية خيابة من حدك 
كفاية سنين بتتسرسب عشان ولا شئ
مفيش ف الدنيا حد يبيع وهو برئ
مقامك وسط كل الناس مقام عالى 
ووزنك ف عيون أهلك دهب غالى 
وروحك نجمة بتلالى وقلبك ناى 
رميت نفسك لقلة قيمة بس ازاى ؟
طلع خوفك عليها ف عينها ضعف شديد
وقربت بمشاعرك بس هى بعيد 
خيالها مريض بناس عدوا 
بتستمتع ببيع وجعك على الرصفان 
وتيجى انت وبتسامح بأى ضمان 
لا والأغرب .. الأغرب بتطلع بعدها غلطان 
وتطلع برضو مش شارى 
كأنك العرض كان سارى 
يومين بالظبط
لا منك غيبت 
ولا قربت 
وآدى الأيام بتثبتلك وبالأوراق 
غلط نظرى ف نظرك فجأة ع الأشياء 
قعدت كتير عشان تفهم 
وربك شاء 
تتضيع أحلى ما ف عمرك 
عشان إنسانة ما تحسكش 
مبتحبكش صدقنى 
مبتحبكش

مبتحبكش كلمات الشاعر / عمرو حسن .. أداء صوتي / أحمد سمري

Lyrice : bilal ismail

prod br : rakan sherif mohamed

https://www.facebook.com/Bilal.3056/

https://www.facebook.com/bilal.ismail305

ناس بتحب القهوه والمزيكا والكتب

كأنَك طيف
ضرورى تنافسى ع الأوسكار براءه و زيف ..

مونودراما - عادل العش

video link ... https://www.youtube.com/watch?v=bRmNJgJioC0                  
Mohamed Ibrahim Page ..... www.facebook.com/VADIDODIDO?fref=ts            


Mohamed ibrahem _انا عيل قبل ما  يتعلم يحلم كان مات

.. الموسيقى تجعلنا تعساء بشكل أفضل

Mohamed Hesham Ragab - 04.fo2 محمد هشام رجب - فوق

Oraby92

Related tracks