قبلك زي طيف بيمر غفله كانك صدق من كدب المرايه 🤍

Amr Hassan

عمرو حسن للمرة الأولى خلينا صحاب الجزء الثاني

الراجل | عمرو حسن

www.facebook.com/ar.ahmed.roma

عمرو حسن - ويسألونك عن الروح

زهايمر عمرو حسن

مبعرفش اعوم- عمرو حسن

عمرو حسن - متلازمة هي

قصيدة -سوبر يا لبّ- إبراهيم فرج

عمرو حسن - ذكري بتاريخ النهارده

باندا - عمرو حسن

كان سني أصغر من كدة || ابراهيم فرج

أخر مرة أقابلك || إبراهيم فرج

والمطر اللي بينزل دلوقت 
مش شبه اللي المطر اللي انا شُفته أول ما بدأت 
الشارع مش هو الشارع 
مش بس عشان طلعت عُمارات 
انما علشان ماتت حَضارات 
ماتت نظرات كانت عن حق 
ضاعت سلامات مخلوطه بأحلام ومحاولات 
والأمر الواقع بقى مش أكتر من اسمه 
الواحد بيعاين جسمه 
زي مابيفتّش محفظته 
بيدوّر على أجزاء منه ، فتحِت مواضيع
خبطت ف كراسي وف مشاعر وخريف وربيع 
وكإن الواحد بيسلِّم 
على شيء هيضيع قبل مابيضيع
--

القطر اللي بييجي برُكّاب 
مش زي القطر اللي بيمّشي محمِّل 
والناقص مضطر يكمل 

--
لم شفايفي من ع المجات واحسب 
عدد المرات اللي انا جرّبت حاجات فيها مع ناس مشيّت 
ارفع بصماتي من الأبواب وانت هتعرف 
ان انا ماتركتش باب إلا وجرّبت 
كل ما اقول قرّبت 
اتفرج على نفسي لوحدي
مزروع ف الأوضه اللي انا باقلع فها همومي 
بتأمل ناس لابس هدومي وعايشه مكاني
باتفرج على مشاريع أطفال
اتفق الشُركا يفضّوها
وبيوت كل ما ييجي العمال يبنوا حيطانها 
ييجوا ناس تانيين غير العُمال ويهدّوها 

--

مين المفروض دلوقتي يصبّر مين؟
الناس فاكره الطبطبه بالإيد 
واللي انا عاوزُه / ناقص ف السوق 
محتاج خمره تخلّيني أفوق
أو بِنج يحرّك أوجاعي
انما باجي ف أوقات وباقول مالهاش داعي 
الناس فيها اللي مكفّيها
مش هاتسوّل شلة أصحاب 
يطلبوا مشاريب وامشي آخرهم 
ولا ناوي أعكر صفو حاجات بحاجات غيرهم 
يكفيني أشيل بُرج إداري ، واغرس شجرة
ارفع عمدان من مطرحها ، وازرع أهلي 
اتبع خطوات ع السجادة وابني مكانها معارفي السابقين
مين المفروض دلوقتي يواسي ف مين

-- 

الناس ف الشارع ماشيه بناس مش حابّينهم 
عايشين ف أماكن مش مِنهُم 
واللي مصدّق ف الناس دلوقت 
بُكره يدينهُم 
انما بارجع أوقات وباقول : 
أنانيه ان انا افكّر بس ف نفسي 
لو كنت نجحت ف كل اللي انا دبّرتُه زمان 
كنت هاشرّد عشرين أسرة
هامنع رزق عن السينمات واكشاك الورد 
هامنع أطفال ييجوا العالم من باب غلطي 
واقطع بخيالي اللي انا ماملُكش سواه 
هافصل بين إيد واحد ماشي 
وبين الإيد اللي بتمشي معاه
وكإن المُخرِج مختارني أسلِّم لبديل
شغال عن الحظ مُجرَّد مندوب توصيل 
عقلي يقول لي : 
بإيديك قررت 
ومافيش حاجة اسمها مش عايز بعد امّا اخترتْ
اتفرج على فيلمك بحياد 
قلبي يقول لي :
لو كُنت ف يوم مازعلت هديت
لو كُنت ف يوم ما وقِفْت مشيت 
لو كنت نسيت 
كنت هاتبقى ف مطرح أحسن
بدل التواريخ ماتشيّد دنيا على كتافك 
ملعونه التواريخ اللي بتطلع على أكتافك 
لو كان فيهم واحد شافك زي ماتقصُد / مش زي ماقُلت
لو كان واحد فعلاً حسّك زي امّا بقيت / مش زي ماكُنت 
كان ممكن يبقى الفيلم جميل 
نهايات أسعد 
أعصاب أجمد 
وبيوت فيها ناس مش مهجورة
أحسن ما انت قُصاد الصورة 
بتبُص على الفيلم بحسره 
ولا منّك بتحقّق ايرادات 
ولا منك خارج بـ جوايز 

-- 

في الدنيا اللي بتحرِم محتاج 
وبتدّي لواحد مش عايز.

#الفيلم_اللي_ماخدش_جوايز

قصيدة الفيلم اللي ماخدش جوايز " عمرو حسن "

وما ادراك ما الفوبيا - عمرو حسن - كامله

قصيدة بعد ما تشوفك عنيا عمرو حسن حفل اكتوبر ساقيه الصاوي 2019

قصيدة انا مش كداب ل عمرو حسن من حفلة ساقية الصاوى أكتوبر 2019

عمرو حسن انا مش كداب

عمرو حسن بعد السكران ما يفوق للمره الاولى MP3

عمرو حسن - متلازمة هي

Mohamed Osha

Recent comments

Mena Hely

Ah Med

حسن السيد

No Love 💔😥

Related tracks