Lyrics | الكلمات

ولا صُحبة أحلى من تجلّي الذات
ولا حضن أدفى من ونس في النفس
غاب الصُحاب لكن الهوى حاضر
قادر ياخدني لحد عين الشمس
ساب القمر ضيُّه على بابي
نور لي كل اللي طفاه الأمس
أنا وحدي جايز بس منّي كتير
حالمين بعالم فيه قلوب تتحس
يا بحر فاصل شطّنا عنهم
بيننا وبينهم ألف سدّ وسد
عايشين بنلضم جرحنا واحنا
فيه شوك في روحنا ألمه فاق الحد
يا صبح جاي يصحّي في عيوننا
هنعدّي يومنا لو يا دوب ع القدّ
ده الوحدة صُحبة والصدى راجع
يرُد صوتنا هو هو الرد
ننادي تاني بس مين سامع
ولا صحبة أحلى من تجلّي الذات
ولا صحبة أحلى من تجلّي الذات
ولا حضن أدفى من ونس في النفس
___________________

Hamza Namira - Wala Sohba Ahla  حمزة نمرة

الكلمات

كانت صبية بقلب أخضر
زهرة في وسط الشوك بتكبر
شايفة الحياة صافية وبريئة
وما تعرفشي ايه المقدّر

من صغرها كانت بتحلم
زي كل البنات بترسم
عروسة لابسة فستان وطرحة
بس اللي حلم غير اللي فسّر

قابلت ولد حبت كلامه
شدها أوي باهتمامه
صدقت ما كانتش عارفه مخبي ايه

فيه ناس كتير الشر فيها
والمظاهر بتداريها
وزهرة مش شايفة الوش الحقيقي ليه

الطيبة دي ما تغرّكيش
مهما يقول ما تصدّقيش
ده مافيش أسهل من الكلام

إنتي أصلاً مش فارقة عنده
أناني وبيفكر في نفسه
يومين وهيقول لك سلام

وف يوم ولا كان يخطر في بالها
قال لها كلام وجعها
وببساطة الندل باعها
سابها غرقانة ف دموعها

لما من غير ذنب سابها
ابتدا يزيد اكتئابها
حسّت إنه خلاص ما فيش خير في البشر

صدمة صعبة جت في ثانية
حوّلتها لواحدة تانية
أصل أول جرح سهل يسيب أثر

إوعي تبكي مهما شوفتي
في الحياة مكتوب يا بنتي
ننجرح علشان نشوف

عيشي أحلامك زي مانتي
قومي تاني لو وقعتي
مهما كانت الظروف
____________________

Zahra  حمزة نمرة - زهرة

El-8orba ft Amir Eid - الغربة  مع أمير عيد

El-8orba ft Amir Eid | الغربة  مع أمير عيد

UglyBoy •• - El-so7ab ft Hamza Nmira- الصحاب مع حمزه نمرة

El-so7ab ft Hamza Nmira- الصحاب مع حمزه نمرة

Lyrics:

فارس یا فارس نبیل عمال بینده بینادي من زمان ولحد امتى هینده
من صغر سنهم واللقاء مابینا عادة
تلاتة كل واحد فینا مختلف بزیادة 
نبیل الهادي فینا والعاقل بنشوفه اكبر 
لكل موقف عنده حكمة وعمره مالیها كرر 
وعكسه فارس شقي طول عمره مهما كبرنا 
قلبه طایر ودمه فایر أكتر منا 
وأنا بحر الوسطاني بینهم فیا منهم الاتنین 
بتجنن وابقى عالي وأرجع أهدى في ثانیتین
جربنا حاجات كتیر لعب وهزار وفرح
واستحملنا برده یاما حزن وخناق وجرح
وكبرنا أكتر ولقینا العیشة مش بالساهل
لو مهما زاد الحمل بصحابي أنا هبقى قادر
بس الحمل زاد یا صاحبي وجه وقت البعاد
ده كلام في عقل فارس لما بیغرق في السكات 
ونبیل كلامه ثابت بكرة أحلى لو حاولنا 
مش هنلوم الظروف والزمن وده حظ جیلنا 
وفي ثانیة كانت تقوم خناقة بنهم بعدها 
یا عم كفایة حكم مش ناقصین ولا وقتها 
ویرد نبیل أصبر یا صاحبي ده الطریق طویل 
بكرة القلیل على القلیل بالصبر یكون كتیر 
هنستحمل لامتى مستحملنا كتیر حاولنا 
مش هارضى بالقلیل وهسمح تلوم في جیلنا 
كان ودي اقوم افض بینهم بس مش هینفع 
طول عمري دوري وسطهم شاهد بیشوف ویسمع 
الدنیا بحر عالى والصحاب طوق النجاه یا خوفى على نفسه فاللى نفسه فیه مھوداه 
خاف على نفسك یا صاحبى وعلى حبیبك بعدیك
ده البحر یاما غرق یاما فرق ناس كتیر قبلیك
فات كتیر بعد الخناقة أول مرة من سنین 
یفضى المكان علیا ومنبقاش متجمعین 
وبعد أیام جه نبیل عندي یزورني 
مشفتش فارس سألني بخوف أكدلي ظني 
والیوم التاني كان قدامي فارس بیصارحني 
ناویت أسافر وأتمنى نبیل یكون سامحني
مابقتش قادر أحاول ومات فیا الامل
الحال بیسوء زیادة طب إیه العمل
رغم المجازفة بدون ورق مطمن للطریق
اخترت البحر یكون سبیلي وللسفري صدیق
لا لازم تحاول تاني حاول أكتر 
یا فارس ده انتحار إزاي لنفسك تبرر 
طب هتعدي اهوالي وموجي إزاي في مركب صید 
ومتقولش الموج هیشیلني ولا كلام تعید 
مش هعرف احمیك یا صاحبي مش بأیدي مش هقدر 
أنا موجي علي وإنت عندي غالي ومتقدر 
الدنیا بحر عالى والصحاب طوق النجاه یا خوفى على نفسه فاللى نفسه فیه مھوداه 
خاف على نفسك یا صاحبى وعلى حبیبك بعدیك
ده البحر یاما غرق یاما فرق ناس كتیر قبلیك
نبیل عرف الحقیقة الصدمة كانت أقوى منه 
لو شوفوا شكله وقتها تدوله ضعف سنه 
كنت مستنیه یجیلي أصلي عرفت أنا قبلیه 
ماهو مات مابین ادیاه ولسة في حضني أنا مخبیه 
لو كان فهم كلامي لو كان لصوتي سمع 
لو كان عرف إن كل نقطة فیا دموع ووجع 
على فارس واللي قبله واللي هیروحوا بعدیه 
على أحلام غرقت وراحت جوه البحر اللي مداریه 
لو بس حس عذاب غیابه اللي سایبنا فیه 
أو لو بس قرا جواب نبیل اللي كاتبه لیه 
أنا مش هلومك أنا و بلوم البحر 
بس اللي باقلنا منك حزن وألم وقهر 
كان نفسي تشوفي ولادي كان نفسي أشوف ولادك 
كان نفسي ربي یجعل معادي قبل معادك 
كان نفسي ولسة نفسي أشوفك تاني عن قریب 
ونفسي ماشفش فارس تاني عن صحابه یغیب 
الدنیا بحر عالى والصحاب طوق النجاه یا خوفى على نفسه فاللى نفسه فیه مھوداه 
خاف على نفسك یا صاحبى وعلى حبیبك بعدیك
ده البحر یاما غرق یاما فرق ناس كتیر قبلیك

أغنية فارس  Zap Tharwat & Sary Hany ft.

بعدنا خلاص .. انا وانت خلاص تايهين 
ما بين الناس ..
يا صاحبي لسه قلبي حزين ..
انا وانت حكاوينا بتشبه بعض ، لكن لسه مفيش غلطة لسبب ف البعد 
حكاوينااا  بتتكرر ، وتتبدل اسامينااا 
وليلنا هو هو الليل لوحدينا ، وحابسين روحنا في جروحنا ، ننادي الليل ينادينا

×2
ليه نتباها بمين سايب ومين متساب! 
ليه بنعلق قلوبنا بناس تملي غياب ! 
جاوبنا يا لييييل وقول الرد 
في غيرنا  حاله يشبهنا ، ولا احنا بنشبه بعض

يا ليل موجوع قالولك ياما وحاكولك وشوفت دموع 
وليك اصحاب كتير غيرنا وايه الموضوع ده كل الناس في جرح كبير ، حتى احنا بقينا في حزن مالينا 

وبنخبي في الضحكة وفي اللمة بندارى ..
ويجري اليوم ف ضهر اليوم ، ولسه في قصة متشاله، ولسه للدموع باقي ، ولسه الحكي مش خلصان ، ولسه القلب متعلق ما بين مظلوم . 
وبين غلطاااان

Gawbna yalail Ft Khaled Essam - أحمد كامل

الــكــلــمــات
_________

زي ما تكون الحياه معانداك ، وحالفه لتوقعك 
عندك أمل تتقدم مهما كل شيء رجعك
كل ما يبقى فاضلك خطوه ..تتوجد ظروف تمنعك
إحساس إنك مش واخد حقك أكتر ما بيوجعك
وتقول لعله خير ومن تكرارها تشك في انه
لا خير ولا عمره كان .. ده شر ولنفسك زينته
انت ادعيت الزهد بركه اننا سيبنالك خيش
آخر مره السما تساعدك كانت أيام قريش

عايز تفصل بيننا وبين خالقنا عشان نعيش في غابه
عايزنا نثور على إمتحانه .. بدل ما تشوف إجابه
هتموت بتحارب الحياه ، ومدوقتش طعم صلح
كن جميل ترى الجمال .. كن قبيح فترى القبح

لم تدع هذه القرية العفة لشخص أو لجهه
ربما لا تعني هذه القرية شيئا للآلهه
كلها بتقول كلام كبير وبتعرف تلفت نظر
كلها بتقول ربنا كبير ، وتلف تاخد حذر
.
يحصلك خير تقول ثواب .. شر تقول مصاب
يحصلي خير تقول ده فضل .. شر تقول عقاب
الحياه يا أذكى أخواتك عشوائية نتيجة إن
ممكن فراشه في ليبيا تكون سبب إعصار في الهند

ومين اللي قالك إنه لو حصل فمش مكتوب ؟
ربك بيسبب الأسباب وكل شىء محسوب

اما هو عارف مين هيتوب ومين هيموت حرامي
ما نتخلق ونخش نار وجنه بدون سياق درامي

وساعتها مش هتقول أنا اتظلمت؟

مانا مظلوم
بس هو مين يوم الحساب هيكونله حق يقول؟

لأ محدش إتظلم ومكانش قدامه اختيارات
ومحدش مبياخدش الأربعه وعشرين قيراط

ده أفيون بيضربوه المتدينين فميشوفوش
إن في أشخاص معاها فلوس متملكهاش شعوب

الناس دي قيمة المال في عينها غير في عينك انت
خلفة مشتاق لخلفه غير السابعة لأب سته
.
حاسس بيك وعارف كل شىء فكرت فيه
ضاقت الحياه عليك .. ظنيت إنه السبب في الضيق
حسيته مش مهتم بيك .. أو كإنه بيعجزك
تستقيم إزاي .. والمستقيم بيتدهس بالجزم

كل الظروف كانت ضدي لكنني في المقاومه قدوة
ما لم تعطيه لي السماء .. قد اقتلعته عنوة

وياترى كام حاجه م اللي حاربت لأجل ما توصلها
ندمت اما وصلتلها عشان منابكش غير شرها

أنا عشت واتعلمت .. وانت لا عشت ولا هتعيش

لأ عشت لكن مجريتش ورا حاجات متكتبتليش

كان ممكن تاخد أكتر .. تفرح اكتر .. لولا غبائك

الدنيا اللي بتدعي إنك فاهمها هفهمهالك
أغني الناس رغم كل فلوسه .. عاشها يوم ويوم
يوم مرتاح ، يوم على أتفه حاجه مكانش يجيله نوم
أفقرهم عاشها بنفس الحسبه .. يوم ينام جعان
ويوم يرزق بعشا .. ينام الدنيا مش سيعاه
.

ربك كان قادر يصلح العالم فقط بظهوره

دي حجة أي شخص أضعف من الإيمان بوجوده

مش الصعوبة في الإيمان .. الصعوبة في الأعمال
عشان فرضها عليا إله .. وجوده مجرد إحتمال

كتر المعاصي حطك على أول طريق الكفر
شيطانك أشطر من حنين .. لن تعود بخف

انت بالنسبالك احتمال عدم وجوده مخيف
مش في صالحك تبقى غابه .. لإنك الطرف الضعيف

انت اللي فشلت تمشي صح .. فلما ذنوبك تقلت
أصبح عدم وجوده آخر أمل إن انت تفلت

انا براعي كل الاحتمالات ؛ عشان مخسرش حاجه
لو مش موجود انا عشت .. لو موجود قلت الشهادة

كان كله عمل زيك لو الجمله هي الدين

مش التوبه باب مفتوح؟ .. خلاص نتوب على الستين

طب لو مت قبل كده ؟

تبقى أكيد متكتبتليش

لأ تبقى أخترت لآخر لحظه إنك متسمعنيش

El Joker Ft. Sam - Enfsam 7ad Part 2 L الجوكر و سام - إنفصام حاد الجزء الثاني

Enfsam 7ad Part 2 L الجوكر و سام - إنفصام حاد الجزء الثاني

الــكــلــمــات❤

المنبه رن ، لكن الهدف من الصحيان سخيف
تكملة النوم مش إختيار ... المستقبل مخيف
مفيش جنب بترتاح عليه عشان سريرك حجر
مشيت ورا كل خيط ، وإنجازاتك ... رف بكر

حتى القهوة بتستناك تسرح للحظه عشان تفور
الطفل اللي خاف م الضلمة كبر بقى يخاف م النور
أول ما بتبقى إنفراد ، وباقي بس تشوط
بتبدأ تسأل نفسك عن حقيقة الوجود

الفرق بين العبقرية والجنون بهتان
أكيد النص الفاضي أنضف من نصي المليان
عشان فشلت في التعايش .. جيت جهنم الإنتقام
قسوة العلامة إنها بتمنع رحمة النسيان

خلي نصك يسأل نصك عاد علينا ايه من جريه؟
مادام بنعيش نفس النهاية في آخر السيناريو
وليه بنكون أشخاص مش احنا طول ما الضوء علينا
آدي تاني منبه رن لا مننا نمنا ، ولا صحينا

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

ولد صغير .. حلم كبير ، ولما كبر الحلم مات
عجيب ضعف البشر ، وعجيبة قوة الكلمات
كلنا أسباب .. ده صاب عشان ده خاب
بس طول ما البشر سلالم إعرف إن اللي فوق كلاب

ملحقناش نشوف النور ... وصلنا والشعاع مكسور
سيبنا الأرض لأجل بذور ... رجعنا لقينا الأرض بور
والأوضاع متحسنتش ، لكن مبقيتش صاحب قضية
مضيت على إن مستقبلي مش أحسن من ماضيا

أسيب الجامع أقلع القفطان ... ألبس قبطان
أسوق سفينة .. تغرق .. أرقص رقصة القرصان
بطريقة غير مباشرة الدنيا قالتلي أقف بعيد
لما كل شىء قربت منه مات ببطئ شديد

هعمل ايه في قفص بجناح؟ .. سؤال ايه اللي انا جوابه؟
تملي في إيدي في مفتاح معرفش بابه
مقدرش أختار ما بينكوا ، وأخسر نعمة المحايد
حب واحدة ميتنسيش بواحدة ... يتنسي بوحايد

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

نفس المطعم ، والأوردر .. متخاطرش دقيقة
طعم الملل أحلى من خسارة جديدة
رص مزيد من لا شىء ... مزيج من الحمول عليك
بص .. عمرك من قدامنا عدى .. نسيك ده ولا ايه؟

بتعمل مش مهتم ، ولا مش مهتم فعلا؟
ضد أو مع الغريزة لما الموجة تعلى؟
الأقوى دايما صح ، والأضعف مقالش أشمعنى
مهو لو كل واحد طلب حقه .. الدنيا مش هتسيعنا

قريتنا وش فقر ، وناسها وش خوف وجهل
البنا ما بينهم صعب ، بس الهد بيهم سهل
متقولش زي العامة إن الفشل محتاج شماعة
نار القلق تحرق كيلو نيكوتين في ساعة

كل عيون كلاب حارتنا مفارقتكش لحظة
مخالش عليهم إنسحابك قبل كل رقصة
عيب المبدأ إنه فضحي ، والذكاء له ريحة
مهما دبحت نفسك مش هتبان دبيحة

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

El Joker - Met.hamesh L الجوكر - متهمش

Met.hamesh L الجوكر - متهمش

الــكــلــمــات
__________

سلامنا على نفوس في حلقة البحث عن الضوء
مذئوب في ليلة البدر مال مع الدراويش بشوق
نجمه بتوعد ، ونسمه بتطبطب في ليلة شقا
سقانا بل ريقه لما آخر شخص اتسقى

كل وعود السما مرسومة في عيون المريد
مختار حارتنا قال للظلم "لأ" بصوت عنيد
وردة خافت ع الحبيب .. شاعرنا قال الليلة عيد
حامينا بأمر من سلطاننا حشد جيش من العبيد

رجال حارتنا اجتمعوا حوالين الربابه الليلة
مختار بيتكتبله غنوة زي أبو زيد وغيره
دخل رسول حامينا برسالة .. عكر صفا ليلتنا
يا نسلم مختار ونعيش .. يا نموت وتدفن حارتنا

غضب سريع .. وقف ، وقال: هندبح المرسال
مختارنا قال قتل الرسول مش من شيم الرجال
مشي الرسول ، وسكتت الربابه ، وهتف صوت
رجال بتبايع المختار ع الحرب حتى الموت

طول الليل ذكي وجريء بيرسموا في خطتنا
وجيوش من العبيد بتزحف بإتجاه حارتنا
في الصباح كان طبل جيشهم جنب تكبيراتنا همس
والحامي الكلب لزم خيمته عشان مش حمل شمس

أما أسدنا كان على رأس جيشنا .. مخافش سهم غدر
قال هما كتره ، واحنا قله ، والنهارده بدر
من بينهم خرج فارس بيطوح عبيده بدرعه
وقال: أعتاكوا يجيلي .. وللأسف في مننا رجعوا

مختارنا قال أبارزك ، واللي يفوز يفرض شروطه
نحسمها بموت نفر ، بدل ما رجال كتير يموتوا
فارسهم ضحك زهوا ، وهجم بسرعة شديدة
مختارنا إتفادى الضربة ، وقتله بضربة سيف وحيدة

وفي عز تكبيراتنا ، وعز ما جيشهم كان مصدوم
الكلب قائدهم خان العهد ، وأمر بالهجوم
مختارنا قال هنحارب .. احنا رجال وبيننا ميثاق
والويل لجيش عبيد اتساق للحرب بالكرباج

كل شهيد من بيننا مات قصاده منهم سته
خبر صمودنا بدأ يلف كل بيوت الحته
ولقينا رجال من كل حواري الحي بينضمولنا
حسينا بكترتنا لما الأرض إتهزت تحت رجولنا

هابوا العبيد .. رموا السلاح .. وهربوا م الميدان
مختارنا قال: سيبوهم. الحياة عقاب الجبان
لفينا نعلن الإنتصار وسط إحتفال حوارينا
كل بيوت الحي حيت كل راجل فينا

وردة جت .. بخجل قالت للمختار: قلقت عليك
العيون بتقول كتير ، والبق بينطق: أنا بخير
شاعرنا قال يا فاكر إن البرق قبل الرعد
آدي اتنين بينهم مسافه ، لكن روحين في حضن بعض

قضينا الليل بنمجد كل راجل راح مننا
وبنتحاكى بإن مهدي الحي بحاله من عندنا
مختارنا قال: كفى إحتفال. اجمعوا شيوخ حارات الحي
اللي فات يادوبك خطوة ، والمشوار بحاله جاي
___________________________________________

El Joker - El Mo5tar l الجوكر - المختار

El Mo5tar l الجوكر - المختار

أكيد كان ليها حلول
وأكيد مننا في طرف مسئول
كان سهل النهاية تبقى نقطة بداية
لو سعينا لحل وسط معقول

في طرف استُنزِف اهتمامه
وطرف مشافش إلا نفسه قدامه
طرف كان بيخسر ، والسكة مش بتقصر
يوميا بيدفع تمن إدمانه

كنتي كل حاجه عكسي وبتشدني
قبلت عشانك أتهد ، وشخص تاني يتبني
اتغيرت .. على أمل تتغير يوم لما تحبني
قال يعني الريح هتبقى نسمة لو الشجر ينحني

عشت معاكي فرحة .. معيشتش من آخرها
انتي كل ذكرى ببتسم لو افتكرها
في حاجات -وانا بحكي عنك- الوجع يقولي أنكرها
يسألني الحنين: وتحكي ايه؟ .. محيلتكش غيرها

الهجر .. مُر اللوم .. طول الليل .. صعوبة النوم
تُقل الحمل .. بُطء اليوم .. وسع الفجوة .. ضيق الكون
مكالمة صلح في انتظارها تقلت الثواني
كل إتصال جريت عليه ، وطلع من حد تاني

عاملة مش مضمونة .. مـ اللحظة الأولى
عشان أسعى إنك تفضلي موجودة
وأضحي .. من غير ما أسأل ده في مقابل ايه
انتي عايزة حد تكسريه .. مش تتسندي عليه

أكيد جبت آخري لسبب
مفيش إحساس مـ العدم
اخترت معيشش في ندم
مادام كده كده في ألم

ماهو مش معنى إني قبلت تفتري
مش منطق تبيعي وأشتري
نَفَسي بيطول لو أتغري
لكن جريني في طريق يتجري

رُب قَشةٍ ضاقَ لها الصدرُ اتساعا ً
فهوى كُل شىءٍ كحباتِ العُقدِ تباعا ً

من ساعتها بكابر ، وبكبت المشاعر
مضغوط –من غير ضغوط- عشان بعافر
عشان صلب أبان .. كإن الصعب هان
كإن لوح التلج –انا- مفيش جواه بركان

انتي فضلتي تزيدي الحمل لآخر نفس فيا
واللي أجبرتيني إني أرسم شرخ في الخلفية
سيبتيني وسط وادي الموت ماسك في كوم حجارة
ورافع عملتين الرشوة لقائد العبارة

لو حياتك وقفت .. كان الوضع اتغير
لكن سرعة شفاكي .. خليتني أبان صغير
مش قالوا نور اليوم بيدخل من شروخ الأمس
آدي الشروخ في كل سم .. فين الشمس ؟

أكيد جبت آخري لسبب
مفيش إحساس مـ العدم
اخترت معيشش في ندم
مادام كده كده في ألم

ماهو مش معنى إني قبلت تفتري
مش منطق تبيعي وأشتري
نَفَسي بيطول لو أتغري
لكن جريني في طريق يتجري

في الأول والآخر ده نصيبنا
ارتاحنا وتعبنا .. فرحنا وزعلنا
بعدنا ورجعنا .. اشتاقنا وزهقنا
كان نفسي تبوش مشاكلنا

مـ الأول قولتلك حياتي صعبة .. قولتي ميل
حكيتلك عـ الحمل اللي شايله .. قولتي معاك هشيل
كنت فاكر إني لقيت الضهر ، وإني لقيت شريك
ومصدقتش إنه طُعم وانا بتشد مـ المحيط

فجأة النفس يضيق ؛ فبنراجع نفسنا
يادوب غمضنا لحظة .. إزاي وصلنا هنا
يادوب عدينا غلطة .. معديناش كل ده
يادوب طاطينا مرة .. إزاي اتداسنا كده

فـ انا بلومك من غضب انا فيه
كنت شايف عندك أكتر عشاننا تعمليه
كنت شايف استهتارك باللي بيننا بيزيد
كنت شايف ورد بيدبل ورافضه تسقيه

أكيد جبت آخري لسبب
مفيش إحساس مـ العدم
اخترت معيشش في ندم
مادام كده كده في ألم

ماهو مش معنى إني قبلت تفتري
مش منطق تبيعي وأشتري
نَفَسي بيطول لو أتغري
لكن جريني في طريق يتجري

الجوكر - العقد

الجوكر- العقد

El Joker - Fora2 Salonat L الجوكر - فراق صالونات

الــكــلــمــات

بنقدم قبل النوم عرض شاش وميكروكروم
تهزيئاً لدراكولا .. بطولة الفيلم لفص توم
فاضل ألف جنيه على أول ألف في المليون
أو شفرة موس ، يا حبل في نجفة الصالون

آدي اللي إتلصم عطل .. الواقع يخذلك تتسطل
صعب تعيش بـ اللي منك فِضِل ، وصعب اللي فاضل فيك يتقتل
راسه مش في الطين عشان كرامته سوى البلاطة
لأ ،كان عنده إرادة .. بس هبت ريح وطاطا

في قمة الهيكل ده عين ترى الجميع
في أرض الذئب جُرِم إجتماع قطيع
ونادى منادي بكوننا اتنقذنا .. بحال المراكب اللي غرقت وعظنا
شكر كل اللي شارك ببصمة .. لقانا بنغرق نادى لقراصنة

صاحب الشيطان ومتصاحبش فكرة
الشر واقع ، والبلد دي خرم إبرة

اليأس سلاح ، وتلم .. يعشق اللي خاف فـ سِلِم
أما باني اللي بيتهدم .. لو مفاقش مكانش حِلِم
وطننا ضاق ، لكنه عشق .. الوضع ساء ، تحليته غش
وزيرنا مات ، وملكنا كِش ... وإتقال معلش

صمتك مش علامة رضا .. علامة الفرهده
كلنا أطراف في صراع على حتة جبنة في المصيدة
اللي متسطلش كفايه عاز فنون تسطله
ديلرات الكار نجوم طريق مخطيناش أوله

انا لما قولت لأ .. كنت بقولها عشان شاريكي
انا عند حسن ظنك .. قالب الدنيا ومش لاقيكي
قالولك إني طايش .. وإني مش بفكر فيكي
قسموني أتنين إتغدوا ببعض .. عشان يتعشوا بيكي

قالي ملفك كِبِر .. جملة سياسة كمان وشكرا
قولتله متهددنيش .. انت متعرفش انا مين في شبرا
هما اللي إتمادوا ؛ فـ مخدتش الدوا في ميعاده
كُنا سته .. وسته مننا ماتوا

طموحك نازل أرض الواقع .. هيبططك
اللي عوزته ، واللي إتحقق .. شىء ، وعكسه .. وده أحبطك
نِداك في مالطا ربى فيك الكسل
معادش فيها حاجه حلوة ، أو سوادها عسل

مربوطين في ساقية أكل العيش .. من تعليم لـ جيش
لـ حب قتله سعر السوق .. فقالوا عنه طيش
مش صدفة كل الناس دي بقت بتحلم بـ اللجوء
محدش غيرنا بيعزف .. تيتانيك بتغرق .. فوق

البلد دي فيها ظلم والسكوت عليه جريمة
فاضل ايه عشان تحس إنك ملكش قيمة
إتهانت جوه قبل بره .. ألف بدل مرة
سكرهم يا نمل مرر .. إتحرر

El Joker - Mosem El Ze2ab L الجوكر - موسم الذئاب

LaLa Land OST - Mia & Sebastian’s Theme - Justin Hurwitz

Mia & Sebastian’s Theme - Justin Hurwitz

الــكــلــمــات:

زي ما يكون الشقى من أجل الشقى مطبوع في چيننا
كل ده ، ويادوب عارفين نوفر اكسچيننا
العالم سلبي .. بوجودنا ، أو من غيرنا
معوزناهاش على طبق من فضة ... وعهد الله عافرنا

أما بعد ... مقدرش أديكي وعد
من خبرة رُبع قرن لقيت إني مش وش سعد
بُكرايا فوق كف العفريت ، وكل يوم تهديد
انا زي ما تقولي سبرتو ، والزمن عيدان كبريت

لا عوزت تاج وعرش ، ولا مفيش ... عوزت أعيش
مش كل من قبل مقام الدنيا صار درويش
اتكاتروا عليا ، ومكانش شىء في إيديا
ميعادنا في الحياة اللي جاية ، لو الشمس حية


لا صوت يعلو فوق صوت الإعلام الأُحادي
حتى لو فتحت القفص .. الطير بقى إعتمادي
بوصل خط النهاية لكن مبقفش للميدالية
من مسرح مصر الله يمسيك بـ الخير يا وليم

غضبان غضب مُبالغ فيه .. كان محال انا أميل
كان سؤال انا مين؟ .. بيطاردني للنفس الأخير
ياما شاورتلك عـ الشر واستنيت تطرحي
وجهة نظر من مطرحي .. عشتي ايه عشان تنصحي!

آسف عـ الإزعاج ، والإحتياج ، وقلة المزاج
آسف على إن الطريق معايا كان زجزاج
مش بتعلم بسرعة ، وبليد في ظبط الجرعة
وعنيد ، وعندي مبيراعيش أمور وجب أن تُرعى

على قبر أرسطو نحتوا راس فنان مُسف
لو كانت في حتة تانية كنت أقول ممكن نخف
مسير الطين يجف ... أثينا بينا بتستخف
الأرض واقفة حداد ، والكون مأجبرهاش تلف

عزف العود الأبدي مش في صالح اللي انا عليه دلوقتي
أفضل أواجه الهلاك بشكل فردي
اهربي بلاش تعاندي .. هتقعي مش هتساندي
الدنيا مالت عليا ، والزمن موقفش عندي

ياريتني قولت لأ .. عمري ضاع على المدق
كانت بقت اكسچين خلاص أما ابتدت تغمق
شفت موت ملوش ميعاد .. في فراغ ملوش أبعاد
عشت ست سنين .. أربعة وعشرين ساعة بتتعاد

عيونهم مراية بايظة .. كان قرباني ليها
إني أشوه وشي لأجل ما يطلع شكلي حلو فيها
مفرحتش أما طلعلك صوت ؛ لإنك بنت موت
الكاس في إيد اصحاب الكاس من قبل أول شوط

تخيل .. اللي انت فيه من أجل ناس مُدركة
إن الخوف أمان ، ونزعة الواجب مُهلكة
خيوط الصح والغلط في بلدنا متلعبكة
كله ضهره لـ حيط ؛ عشان محدش أهل ثقة

كنتي فين وانا بصرخ إن نهجك استنزفك
وإن آلاتك اللي عزفتي عليها أصبحت تعزفك
فـ معادش تجزيء الحقيقة يستر العورات
ولا عاد معاكي إبرة وفتلة .. كل دي مقصات
_____________________________________

El Joker - Resala Rakam 1000 L الجوكر - رسالة رقم

الكلمات :
انا كنت طفل برئ تحديدااً كنت مليش غير نفسي 
كنت بعدي و بزعل بس كنت برجع تاني و انسا 

كنت زي الورده دابله محدش استناني اتحسن 
و اتوسخت سنه ف سنه ف سنه الدنيا غاويه توسخ 

و بغض النظر بردو عن كونك وحيد مكنش حقك تشكي كنت ممكن تزعل و تشيل جوه منك 

و برغم سنك كنت عاقل شكلك اكبر 
كنت كل ما اقول لحد عشرين سنه يبصلي و يستغرب 

كنت فخور بنفسي 
قاسيت كتير في حياتي 
و رغم كل سواد بشوفه كنت بايع اللي باقي

كله اختفا و سابني و كله كان باصصلك فالاغاني 
معكش ضحكه سلف انا اصلي وشي اسود زي حياتي 

القهوه اتدلقت علي ورق مكتوب عليه وحشاني 
حتي القهوه زهقت مني عشان بشربها ساده 

كنت بعافر كنت نفسي نعيشها زي الناس دي لثانيه 
.. مكنش حقك تبعد عنها 🙂

------------------------------
انا كل حبايبي فاتو تلت تربع صحابي ماتو 
كله فاتني و شاف حياته و انا طالع ميتيني وبضحك
كمانجا و صوت بيانو كام وتر طيبو بخاطري
كنت بكره كل الناس علي فكره بس بخاف لوحدي
------------------------------

مشيت و مكنش باقيلي حاجه اخسرها فـ ملتفتش
كل الي اتبقي يضحك حالي فـ للاسف مضحكتش
كان كل حاجه فاقده لونها حتي عنيا
و العالم مكنش يكفي زعلي براح الدنيا ضاق عليا

كنت فحرب مع دماغي كل ليله
عشان مقتلش نفسي بنام عشان حياتي مش جميله
و مش غريبه ان انا راجل وبعيط انا بشر و بزعل
انا بكتم و بحزن انا بسهر و بتعب بحكي و بندم

و مكنش ينفع اني اعشم قلبي بالي
طال مقامه علينا بملي و لو ع العشره يعم خلي
خلي مش جدع و بايعني كيفه كان اقربله مني 
و انا صاحبت كلاب حشيش فـ حياتي ميتعدوش بصوابع يدي

بلاش تحبيك .. فككو من جو اخويا و صاحبي
كلها ناقصه و كات بتجلي و كلها عارفه انها مش زيي
انا سيد جدعان و محدش كاسر عيني فـ حاجه و اشرف نفسي
كان شرف كبير للفشل انه زامل عمار حسني

Piano  بيانو ft : Ammar Hosny عازف

في هذا الشتاء كانت رغباتي محدودة للغاية؛ فنجان قهوة، وكتاب، ورأسها على صدري.

By : Mockingbird

♬sound of spirit♬ - Giovanni Marradi _ Sameone Like You

Giovanni Marradi _ Sameone Like You

💙إن لحظة حب تبرر عمراً كاملاً من الإنتظار

You Are The Moonlight

Song Lyrics | كلمات الأغنية

نفسك ترجع انسى مالكشى مكان
دورى إنى أوجع ما انت واجعنى زمان
مهما تقولى فرصة أخيرة مفيش
إنت راجع لى لما لقيتني بعيش
اللي فات كله مات يلا شكراً سلام
انتهيت واتناسيت مش هينفع كلام
كنت جنبك حاربت وتعبت ومشاعرك رخاص
فجأة بسهولة سيبت وراجعلي لا ابعد خلاص
اللي فات كله مات يلا شكراً سلام
انتهيت واتناسيت مش هينفع كلام
ايوة انا هو اللي قويت عليه
شوفت القوة عملت فيا أنا ايه
انسى رجوعك وامشي بكل هدوء
واعرف قيمتي لما تشوفني بفوق
اللي فات كله مات يلا شكراً سلام
انتهيت واتناسيت مش هينفع كلام

Ahmed Saad - Malkshy Makan | حصرياً احمد سعد أغنية مالكشى مكان - 2019

الكلمات :

#عمار_حسني

ازيك ؟ انا مش شبهك مع اني زيك
دمي مالح زي بحر بلدي لو بغرق هموت بتريق
عسل و ضحكي يحلي مرارة اي قعدة 
مع ان انا غامق و مطفي بس بشوف سعادتي فضحك سعادتك

جدع و عيلتي صحابي و كل ما املك هما
انسان بسيط بمعني الكلمه و قلبي ابيض و نفسي سالكه جدا
مبحبش الغلط و بفهم فالاصول شواف
ابن ناس ساعات لكن مش بنسي اصلي ان انا غلبان

ع قد حالي عايشها عشان مش حمل حمل العز
مع اني انا ابن ناس بس انا فهمان ان الفلوس بتهد
مش ناقص حاجه عيني بيملاها القليل و برضي 
حظي شايل مني حبه بالتالي كنت بحب مرضي

الناس كانت كارهاني بدون اسباب مقنعه
مع ان انا مأذتش حد اذوني , هنام زعلان مش كده :) ؟
منايا افرح امي و اشوف اخواتي تمام 
شيخ و بغني بتوه فـ غلطي و برجع اتوب انا عايش بين حالات 

------------------------------------------------------
انسان بـ 3 شخصيات عايز خريطه لنفسه
كان هو هو و هو جمبه و هو ضهره و صاحبه 
كان هو خصمه و ياما اتعاركو وياما مات
انا مجنون فـ نظر الناس و مش ببالي انا بـ حالات و حالات

انا اتولت باين .. الحته دي مش هنا
انا مش طبيعي اكون طبيعي بيعي مش هتفرق كده
بغني و مش بحب الغنا و كاره نفسي
تايه بيني و بيني انا توهه ولا عازف ولا عمار حسني !
------------------------------------------------------

#توهه

ازيك ؟ انا حد بتكرهه و بيحبك
حد ياما دافع عنك وقت ما السكاكين نهشت فـ ضهرك
انا حد وحش ميشرفش بيستعروا مني
شوفت اذي مـ الناس كتير فـ بعد اذنك سيبني لوحدي

راميني فـ ضلك ! .. انا اخر حد فاضلك
كل الوحش كان لـ توهه و كل الحلو كان بـ اسمك انت !
انا شخص مضلم .. مش هنفع كويس 
ليه رميتوا طوبتي بدري و سيبتو الشارع ليه وسخني سيبني

محدش صاحبي و خالصه الشغله معايا بظبطه 
قبل ما ترسي هندقلها هلقي عزوه لو سموني فركه
ماتت اصولك انت بطولك اصحي انت بتتغفل
كله خيش و خنتاريش مفيش جدعان خالص دلوقتي

اخواتي يسدو عين الشمس لو هنروح فـ داهيه
و لو خصمنا حاربنا شرق و غرب الاتناشر دي باقيه
مبحبش الراب مش بترازي نجم انا علم جيهتي
لو محدش يعرف اسمي كفايه رعبهم من سيرتي

------------------------------------------------------
انسان بـ 3 شخصيات عايز خريطه لنفسه
كان هو هو و هو جمبه و هو ضهره و صاحبه 
كان هو خصمه و ياما اتعاركو وياما مات
انا مجنون فـ نظر الناس و مش ببالي انا بـ حالات و حالات

انا اتولت باين .. الحته دي مش هنا
انا مش طبيعي اكون طبيعي بيعي مش هتفرق كده
بغني و مش بحب الغنا و كاره نفسي
تايه بيني و بيني انا توهه ولا عازف ولا عمار حسني !
------------------------------------------------------

#عازف

ﺍﺯﻳﻚ .. ﺍﻧﺎ ﺍﻛﺘﺮ ﺣﺪ ﻓﻴﻬﻢ ﺷﺒﻬﻚازيك .. انا اكتر حد فيهم شبهك
كنت جمبك لما كنت لوحدك وانا لميت الناس و شهرتك
هشيت دخانك وقت ما اتوسخت بـ توهتك
خدت حقك من كل الي اذاك وزيادة و رجعو تحت رجلك

من بعد ما كنت لاشئ عرفت اني فين ما هروح انا هلمع
كل الي اتريق عليا من زمن دلوقتي مناهم ان احنا نتصور
محدش سلكلي و مع ان انا لوحدي اتكارت بدماغي
كل الي غنو حزين فالبلد نسخ مني مش اكتر مين فيكو عازف

اظن كفايه كده و فضو السيرة و خلصت
نجم جيلي و بكره تشوفوا و الايام اكيد هتثبت
محدش ينكر .. انا ضهري شال فناره
انا بطولي و انتي بكتره عازف مستقوي بـ اوتاره

عملت قيمه لـ ناس قيمتها تراب فـ هوا
اظن انضف ايام حياتكم كانت ايامنا ايام ما كنا سوا
مش فارقه عمار ولا عازف ولا توهه
كنت عظيم فـ كل حالاتي انا نور مع ان كل حياتي سودة

------------------------------------------------------
انسان بـ 3 شخصيات عايز خريطه لنفسه
كان هو هو و هو جمبه و هو ضهره و صاحبه 
كان هو خصمه و ياما اتعاركو وياما مات
انا مجنون فـ نظر الناس و مش ببالي انا بـ حالات و حالات

انا اتولت باين .. الحته دي مش هنا
انا مش طبيعي اكون طبيعي بيعي مش هتفرق كده
بغني و مش بحب الغنا و كاره نفسي
تايه بيني و بيني انا توهه ولا عازف ولا عمار حسني !
------------------------------------------------------

Ammar Hosny " عمار حسني " - Cases | حالات Ft : عازف , توهه

علي الالفي - سافر

الكلمات : 
#سيف_ليو
غرقان ف بحر العشق و انا غلبان مادراش العوم 
كوابيس خلتني بقالي فتره مدوقتش طعم النوم
اخر مره سمعت صوتها كانت سكاكين بتقطع لحمي 
قالتلي صعب نكمل .. انا جالي عريس و اتقدم 

و بصت للي معايا مخدتش بالها من الي معاها للاسف
كان معاها راجل لو بأيده يتاقلها ماس مش دهب
ضحكت و قولت ماشي امشي و مش هنادي
مقصدش اقولك امشي بس لو هتمشي عادي 

و من بعديها بقيت مريض بالحزن و التفاصيل 
زي اول مسكت ايد و اول مكان شوفتك فيه 
و اول مره قولتي بحبك و اول ليل قعدنا في و سهرنا
و اول مره غيرت عليكي و اتخانقنا 

و اول حضن كان ف الشتاء و خطوت رجلك هنا و هنا
كنتي اول كل حاجه زكريات كتير متعبه
ملقتش وصف لو شطانه قلبك كان زمانه حن
انا اتأذيت ف نفسي و ان اكرهك عمره ما كان الحل
---------------------------------
مريض بوسواس قهري حد يشوفلي مخدر
دماغي سوحتني نفسي ابطل اركز
كان بين حضنك و حضني قبل حبي صحابك 
لقيت خاتم فإيديكي قبل ما اقول عقبالك

مريض بوسواس قهري حد يشوفلي مخدر
دماغي سوحتني نفسي ابطل اركز
كان بين حضنك و حضني قبل حبي صحابك 
لقيت خاتم فإيديكي قبل ما اقول عقبالك
---------------------------------
#عمار_حسني
كل الزعل اذاني و سابني قالولي معاك ولسه لوحدي
هزاري مش مكفي يخبي دموع ندت عنيا و فلتت
و ميغركش ضحكه حلوه وارثها من امي
سحر صوتي جابلي وجع القلب مش اكتر نفسي ابطل اغني

معلش انا اسف لو مافهاش قلة ادب و مؤاخدة 
احنا كان ما بينا حب باين ولا كات بتهزر
هو انا لوحدي عبيط و فاكرك و لا بتمثلي 
يعني بتفتكريني لما تروحي معاه فـ مكاننا و بتتعبي

انا لوحدي .. سواء شئت او ابيت 
الله يرحم حب سنين اتباع بدبله و محبسين
و ان كان تمامك مال فـ بكره تلاقي الاغني
و ان كان حبه عشان جمالك بكره تكرمشي و يستغني

انا محدش حبك قدي .. كل الفكره اني معييش
انتي تقل جمالك دهب ماشي خاطري اغلي اكيد
و عشان كل ما حيلتي حب مظنش انه هيكفيكي
انتي ناقصه اكيد مافيش غير التراب هيملي عنيكي
---------------------------------
مريض بوسواس قهري حد يشوفلي مخدر
دماغي سوحتني نفسي ابطل اركز
كان بين حضنك و حضني قبل حبي صحابك 
لقيت خاتم فإيديكي قبل ما اقول عقبالك

مريض بوسواس قهري حد يشوفلي مخدر
دماغي سوحتني نفسي ابطل اركز
كان بين حضنك و حضني قبل حبي صحابك 
لقيت خاتم فإيديكي قبل ما اقول عقبالك
---------------------------------
#ال12

Ammar Hosny ' عازف ' - Details  تفاصيل Ft - Seif leo

عمار حسني - تفاصيل

الـكـلـمـات

كالعادة من الفجرية جريت آية على شغلها
تبيع كام عقد فل ، وورد يجيبوا تمن أكلها
هي عارفة إن الساعادي الناس بتبقى مستعجلة
ياما قضت في الإشارات ساعات ع الفاضي في الوقت ده

فخدت بعضها وقعدت على باب جامعة من اللي هي
ساعة ولقت بياعين بيجروا .. شكلها البلدية
لمت وردها وجريت .. دخلت شارع هادي شوية
لقت عربية جاية .. قالت رزقي أهو في رجليا

قالتله فل يا باشا .. بلدي وريحته تبسط
قالها تعالي علقيه ، وفتح الباب ، فركبت
حط إيده على شعرها .. سألها عن إسمها
قالت آية .. سأل عن سنها ، وقام لامس جسمها

جريت .. تعبت .. وقفت عند باب مدرسة .. عنيها
جت على أم بتودع بنتها ، ومش هاين عليها
تفلت إيدها من إيديها ، وتبعد عنها ولو ساعات
فـ بصت للسما وسألتها انا ليه غير البنات

 اما القاهرة تنام ، والشارع يفضى .. آية تنام
كتر خير كباري بلدنا سقف للغلبان
آية بتنام بـ عين و عين ، وتصحى في عز نومها
كل ما تسمع صوت رجلين تدعي يارب استرها

مرت سنة وحالة آية هي هي الحالة
مقابل البقاء مش أكتر كل يوم شغالة
نص النهارده عدى على الكورنيش .. مجاش جنيه
شافت واحد وحبيبته وقفوا بعيد .. جريت عليه

قالتله ورد يا بيه .. خد ولو وردة اهديهالها
وفجأة جه في بالها .. هل في يوم هبقى انا مكانها؟
فاقت على الله يسهلك .. كله صحيح يا شاطرة
كده معاها ألف الله يسهلك النهاردة

لفت كتير لحد ما القدر رزقها
ببنات على باب مطعم ادوها أكل إتبقى
وقالولها تعالي يا حلوة تتصوري معانا
شكرتهم جدا على إحساس إنها انسانة

وجت تعدي الشارع فاتحة العلبة تاكل منها
كانت عربية هتخبطها لولا واحد قام شاددها
وسألها إنتي كويسة ؟ .. وخوفه ده مخليها
مستغربة إزاي ده نفس الشخص اللي برجله مصحيها ! 

انا وانت فينا خير بس الحياة ساعات تلهينا
أو تظهر أسوأ ما فينا ، بس ده مش عذر لينا
كل طفل شوارع يستحق أكتر من نظرة حزينة
يستحق دعم .. بدافع واجب مش فضيلة

على ضفتنا انا وانت الحرب حرب فلوس ودروع
عـ الضفة التانية آية وغيرها في حرب ضد الجوع
فـ المرة الجاية لما تقابل آية في الإشارة
راعي إن العرق بنزين ومتبقاش شرارة

 اما القاهرة تنام ، والشارع يفضى .. آية تنام
كتر خير كباري بلدنا سقف للغلبان
آية بتنام بـ عين و عين ، وتصحى في عز نومها
كل ما تسمع صوت رجلين تدعي يارب استرها

اما القاهرة تنام ، والشارع يفضى .. آية تنام
كتر خير كباري بلدنا سقف للغلبان
آية بنت 12 سنة بقالها خمسة منهم
هي كل طفل شوارع مـ اللي المجتمع خاذلهم
___________________________________________

El Joker - Aya (Music Video) l الجوكر - آية

الكلمات :
مكنتش بعرف احكي كنت بشتكي للورق فترات
مكنش بينا طريق مقابله كنت بسهرلك فـ شات
و فرق بين جوابات و بين كلام ع لوح ازاز
محدش عارف انا عيطت كام مره ومكتوب تمام

مكنش فـ ضهري عيله فـ اتسندت فـ صحاب فلصو
اول ما اتحطيت فـ اول عركه سابوني لوحدي و جريو
فـ انا اتعودت اكون لوحدي و متسندش بحد
و اتعلمت انها كلها جدعان بتسيبني وقت الجد

حبيت ملاك كانت جميله و الايام بتغير
عشنا جوه دماغي و بره العالم كان لسه بيترندر
هي تعبت و انا يتزهق مني ان جيت للحق
اظن كده خالصين يا بنت الناس بكفايه كسر فـ بعض

و انا ابن اصول محيلتيش اللضا وكده بس جدع
ممكن اديلك عنيا بس هتسندني اما هقع ؟
مش هتجمعنا صدفه الطيبون للطيبات
و انا كان قلبي طيب جدا وانتو اوسخ خلق الله

----------------------------------
كات جوابات لـ السما مكتوبه فـ ضهر الملزمه
مبلوله بـ عياطه لما قالو عليه يتيم ف المدرسه
و الي يزعل اكتر من انك لوحدك
انك تتعب بس ما تلقي حد تبوحله حتي بتعبك

جبنا اخرنا .. الدنيا باين زهقت منا
ماهو يا تغورنا فـ داهيه يا تدفنونا مع زمايلنا
كنت نفسي فـ حضن بس مافيش احضان كانت بتساعني
انا كل الي اذاني كلام كتمته فعشت اتأذي لوحدي
----------------------------------

في صوت كمان مسكتش صوت عازف مسابش السوق
انا حالي كل يوم بيسوء و شكلي مش هفوق مش كده ؟
متفوقنيش عشان لو فوقت هكره نفسي
كانت الناس بتحب الناس و كنت لوحدي بحب ازايز ويسكي 


كتبت ان انا مضايق ع الحيطه اتصوروا معاها
كان كل الي هاممهم ياخدو بوست مش يسمعو غنايا
حاربوني عشان نجحت فـ حاجه مش حاببها
لو هكون كويس بكره اشبعوا بالشهره وربك مش عايزها

متفرحيش ان انا تعبان انا هبقي كويس بكره
هطلع المس نجم السما بس انتي هتفضلي لسه وسخه
و الي اتباع  بمال قارون هيفضل اسمه اتباع
و الناقص لو خد كنوز الدنيا هيفضل بردو جعان

كل الناس سميعه مش كل الي سمعك صاحبك
بكره الهيلمان ده هيخلص و هتتفض و تبقي لوحدك
بلاش عشم و و متسبنيش عشان هوحشك
بكره كل الناس هتحبك لما تموت فصله نقطه انتهي

----------------------------------
كات جوابات لـ السما مكتوبه فـ ضهر الملزمه
مبلوله بـ عياطه لما قالو عليه يتيم ف المدرسه
و الي يزعل اكتر من انك لوحدك
انك تتعب بس ما تلقي حد تبوحله حتي بتعبك

جبنا اخرنا .. الدنيا باين زهقت منا
ماهو يا تغورنا فـ داهيه يا تدفنونا مع زمايلنا
كنت نفسي فـ حضن بس مافيش احضان كانت بتساعني
انا كل الي اذاني كلام كتمته فعشت اتأذي لوحدي
---------------------------------

عمار حسني - ويسكي

الكلمات :

#Awney_adel 
ماتوفقتش مع طفولتي فا شكلي عجز بدري حبه 
كنت بشوفهم مبسوطين لكن لوحدي كنت بشقا 

كنت بتعب.. كانت حياتي مجرد اقتراحات في مشقه الدنيا فاجره معكش حق الشبكه فارمي الورده و انسا

ولا كانلي كبير ولا كانلي في حد خير ولا كانلي حتي في نفسي سنده ابقا اتسندها زاملت الحيط فا مال

انا حظي تاه و تعبت بين حكايات انا كل من بكاني كنت ف يوم واكل في طبق معاه 

فا قالولنا ان احنا.. صغيرين علي فكره.. 
المرض مش بيفرق بين كبير و صغير مرضي بأكتأبنا.. 

كل الحكايات دي هتخلص و الاغاني هتولع عيب انك تكون كبير و شحط و بنت تشتم امك يا اهبل 

اظن الحق اصبح باين.. اظن انك مكنتش سالك فاتغفلت و اتاخد مكانك 

كل اللي قالك ان الدنيا بخير دا كذب 
كنت اوسخ خلق الله عاشرت ابلسه و بالنسبالهم دهب

-------------------------------------------

بلاش تكتر.. لمتهم جمبك منظر 
جوا دماغي ناس بتعيط ميغركش ان انا بهزر واضحك 

وشوش بتبان عليها الهده  
كان في كلام مابينا..! 
اتقال فوسط هزار في قعده قهوه 🙂

-------------------------------------------
#Ali_AGnabe

شادد رحالي و دوق مرار في وسط جو الشتا 
انا كنت  صغير فاكر أن كل الناس طيبه 
كان صقر في و سط بحر وعلي الرصيف كلاب السكك 
كنت ضهرك و اما بحنا و حتجلك ملقكش هنا

اياك تكون فكرني مسلم 
اياك تكون فكرني هفضل في الوجع مكمل 
لو الموت دخل عليا فجأه هيلقيني مقبل 
انا حبيت الدنيا جدا بس معايا كانت بتندل 

يخسارتك يا قلب يا ابيض 
كنت عايز تحمي الملك ونسيت ان معكش طابيه 
كلو عارف فين يوجعك وبرضو كلو داس
في ناس طلعا با نجاسه وناس طلعت بحب الناس 

يارب اوعدنا بالصاحب اللي يسندنا 
يارب أبعدنا علي اللي كلاب لمصلحتها 
ياما سهرنا في الحواري بزرع و نبيع في ورد 
انا اتكتب علي سور مملكتي اخر عازف علي الأرض 

-------------------------------------------

و بنتمني الضحكه ليله 
ضحكه تهون يوم يعدي 
ليله وحده بس جميله 
واسرح في الملكوت و أتأمل 
واكتب وانا ديما بتعلم 
أن الدنيا كاس مش اكتر 
وانت بتشرب كل ليله 

و لسه يامااا
متستغربش كلو منظر 
اناس دي مش شيفنك ولا عرفين انك مضمر 
مريض نفسيا اهم سعدوك عشان حلتك تدهور 
عشان تحب فيهم.... قلبك يطفي و يتكسر

-------------------------------------------
#Ahmed_Heso

مرمي تحت رجلي كنز بس انا بصيت لفوق 
مكنتش بتمنا الحياه ع قد ماتمنيت افوق 
مكنتش راضي عالاحوال وظروف بتجبرني اني اهاجر 
كنت ببعد نفسي غصب كنت للاشخاص بتاجر 
مبصتش لقدام كان قوت اليوم ع قد اليوم 
كنت بقوم وانا بقول انا هرجع امتي ومش بقوم 
انا معوزتش القي نفسي .. 
 شقيت علشان اتكون 
كل حيطة سودا في وشي بس انا حبيت الون 
.. 
اتحمل .. سمعتها كتير لو تعرف عنها 
فانا بقيت رمز لاشخاص تتكلم الكلام ده منها 
.. الدنيا غالبة بس لو فكرت لثانية .. 
تلاقي نفسك جوة دايرة ومش هتخرج غصب عنها 
انت اللي خدت المبادرة سيرتك عاللسان كلام 
الناس مبقاش وراها غيرك انت اية انا تمام 
رجعت تاني   هشرب علشان انام .. 
هنزل  بدري علشان اتهان .. هشرب سم  كان كلام .. ... 

-------------------------------------------

الصورة مختلفتش ياما .. 
الناس عايزالك حفرة .. انزل مع السلامة .. 
الغلب ع قدك تماما .. 
اكتب علشان تتلاقي .. احلم مع الغلابة .. 
الدنيا مبتفتحش ايديها .. 
فتح عنيك هتعما .. 
افتح رجليك هتجيلك .. 
الرزق للي فوق الناس .. 
اجري صح هتتهان .. بيع مخدرات تمام .. 

-------------------------------------------
#Ammar_Hosny

الدنيا مكتش جدعه معانا .. مافيش حلول حلانا
لو هتدور هتدور شمال و لو هتكون هتكون لحالك
كل زمايلك مش باقيالك كله جلي تعبك قصد
احنا شلنا طوب الارض محدش شالنا كله اتشل يابا

تعابين و بدنا نعيش معييش حتي اني اتعايش 
غرقان جوا الهم و بايش كنت فوسط احلامهم سايس
كنت بعدي عشان انا طيب مش عشان مش قادر ائذيك
انا بستفسر بس ع عشرتنا ازاي هانت عليك يا جدع !

العيش و الملح كله اتطفح 
بعد اذنك عايز اعيد حياتي عشان عديت نصها مصطبح
و انا لحم كتافي اتقطع و اتوزع ع غيري 
عايزك تحفظ شكلي عشان هغفلوك و بكره تجيلي يا اهيل

سقفوله عشان مغفل 
مين يتوه توهه اقوم بيكم لوحدي لو انتو بشكل
و الي دوست زمان طلع دخان عماك و سابك
خد بالك يتاخد مكانك 🙂

-------------------------------------------

انا كنت فاكره حبة تعب .. هنام و هفوق
منحوس كان عندي حلم بس مكنش معايا فلوس
وعشان طيب يا قلبي اذوك و بهدلوك
خد بالك عشان مش جمبك حد مهما زادو وشوش

منحوس كان عندي حلم بس مكنش معايا فلوس
وعشان طيب يا قلبي اذوك و بهدلوك
خد بالك عشان مش جمبك حد مهما زادو وشوش

-------------------------------------------

عمار حسني – وشوش

الكلمات :
تفاصيل حكايتي الي انا هحكيها مش هتهمك 
زي ما انا مش مجبر احكي انا مش جابرك انت تسمع
بس انا محدش سمعني و مش موهوب غير فالكتابه
بعد اذنك بعد ما تقري الورق ولع فيه و انساني

اسمي مش معروف مكنش مهم خالص
ممكن لو ضروري و عايز جت فـ فتره قالولي عازف
عندي سن فـ ورقه بلاستيك مش مصدق انه سني
فـ انا هقولك اني عندي الف سنه وحبه زياده يمكن

عندي سواد محلق عيني و اكتئاب مأتب ضهري 
وقت فات بيسرق عمري و حزن فـ قلبي كان كبرني
و كل ده لسه .. برسم ساعات ع الحيط مشنقه 
كل الحزن ده امتي اتلقي فـ قلب مكملش العشرين من سنه

ثواني .. الورق ابتدي يخلص و هسيبك
انا هروح مسافة السكة لو سمحت استني دقيقه
اهدي .. مكتوب لسه ده اول جواب
شكلي هدوق القهوه انا النهارده و شكلي مش هنام

------------------------
كنت ميت ماسك فـ الحياه بإيديه
كنت طيف محدش واخد باله مني ليه
كنتي نفسي اتسمع بس 
اكيد حياتي فيلم اكيد حياتي كدب
------------------------
دلوقتي و انا بكتبلك كملت السهر يومين 
بدأت اتهته فـ الكلام و اسقط صوتي بان عليه
تعبان .. دي تالت رزمة ورق تتقطع و احرقها
بان فـ طرف الورقه كلمة انا مضايق قبل النار ما تاكلها

امي سألت النهارده عن احوالي 
و انا كالعاده كدبت عليها و خدت نفسي قولت تمام انا عادي
و هي خدت بالها و بصتلي و عديتها 
و امي عارفه ان انا مضايق وانا مضايق اني خيبتها

كنت لعنه لـ اي حد قرب مني كسرت نفسه
كان بودي افرحهم بـ ابنهم بس ده غصب بردو
كنت بصحي ابص فـ المرايه اشوف احلامي بتبهت
اطلع بره اشوف بصتهم ليا بكره نفسي اكتر

رميت شباك احلام فـ الميه و مصطادتش غير نحس
و كل الي عرفتهم كانو خيالات مأته و نص كرف 
كنت غريب فوسطهم كانو كام مشوار و مسيري اروح 
... هسيبك شكل الصبح هيطلع
------------------------
كنت ميت ماسك فـ الحياه بإيديه
كنت طيف محدش واخد باله مني ليه
كنتي نفسي اتسمع بس 
اكيد حياتي فيلم اكيد حياتي كدب
------------------------
كملت اربع ايام مبخرجش من الاوضه 
صحابي نسيو باين كل صورهم لمه و صورتي مش موجوده
موبابلي مرنش من زمان و عضم صدري ترب 
مش ببالي صحيح بس انا من البني ادمين بردو

جسمي خس من قلة الاكل و من قلة النوم 
انا قصرت فـ حق نفسي كتير يا رب انام ما اقوم
مكنش حد فايق خالص
كل واحد كان مشغول بنفسه و انا ببهت و بعافر

امي قالتلي ان انا هتحاسب علي جسمي الي بهلكه بهده
وانا مكنش عندي طاقه افهمها انه غصب بردو
هما ضحكو لما قولتلهم مكتئب 
فضلو يتريقو عليا ساعتها و انا كان نفسي اتسمع بس

فجأه الدنيا بانتلي متسعنيش بحزني
كل احضانهم مش كفايه كان كل الزعل عشاني لوحدي
اخر مسكن خدته من ساعتين و بدأت اصدع 
 هسيبك و انزل  خد بالك ع نفسك 
------------------------
كنت ميت ماسك فـ الحياه بإيديه
كنت طيف محدش واخد باله مني ليه
كنتي نفسي اتسمع بس 
اكيد حياتي فيلم اكيد حياتي كدب
------------------------
كملت اسبوع صاحي جسمي تعب همد
انا حاولت انام صدقني فـ دمي مهدئات تموت
قلبي واجعني .. مبقتش عارف اميز
بين تعب طالع من جسمي و تعب م التفكير بيجنن

قومت حاولت اجيب كوباية مايه وقعت خبطت شنطه
كنت بشيل فـ جيبها كل حاجه كانت باقيه منها
شوفت صورتنا .. وجمبهم صورك فـ فرحك
و انتي كنتي جميله عموما انا مكنتش لايق جمبك

عارف .. مش هكدب عليكي خايف
بس لازم اعمل حاجه عشان الدوشة جوه دماغي
ربطت الحبل .. شوفت الدنيا ملونه جوه عقده
و كان حلي الوحيد عشان انام و ابطل افكر

اخر جواب .. كان نفسي حد منهم يسمعني
كانو وقفو بيتفرجو و الاكتئاب بينهش عضمي
يالا سلام .. قولو للدنيا مات زعلان
بكره مش هيبقي تمام نهائي بكره مش هيبقي تمام :)

------------------------------
#Ammar_Hosny #عازف
بحب عمار حسني وبحب حزنه 💙

Ammar Hosny ' عازف ' - Letters  جوابات

Ammar Hosny " عازف " - Letters | جوابات

الـكـلـمـات

شوفيني زي ما تشوفيني .. عمري ما اتأثرت
مش واصل عشان مش عارف الطريق! هل ده شرط؟
مش راضية بس راضي لإني وسطهم ك فرد
أضعف مما انتي فاكرة ، وأقوى مما انا افتكرت

كفاكي كبر .. فجرتي شبر شبر
بكتب الجمل في مخي عشان خسارة الحبر
يابنت الناس انا استكفيت ، وريحتك طلعت
قالولي قالت يؤمر أعمل .. قلت تبعد

تلت حياتي معاكي طاعة ، والتلتين في عمى
بسرق لحظة استطاعة بإرادة من السما
الخالد بعد شمسه راعى قرب الليل اتقى
دي الفلوس ، ودي البضاعة .. ياريت مشوفش وشك بقى

سيبيني لنقصي .. نزلت ك سهم رأسي
كرهت كون مزيكت شخصي متناسبش رقصي
هما مش سبب نجاستك .. هما زوقك
موصومة أرضك .. ملعونة السما اللي فوقك

ليه سيبتيني بجري؟ كنتي باني بدري
ليه سيبتيني مغري؟ وصلتيني آخري
ليه سيبتيني أضحي بكل شىء عشانك
كنتي قولي إن انتي حابة تفضلي في مكانك

بستغرب كل ليلة إن الجحيم لسه بيتملي
عاملة مستنية الصبح ، ومختارة تكملي
بقيتي بهلوان من كتر ما انتي بتتجملي
الرخص في كل معنى ليكي مهما تتأولي

قليل الحيلة ، بس صعب أبان ضعيف
هرتاح لو قولتي قولت لأ عليك عشان نضيف
بان حاولتي ، ودي سخافة .. قولك مع فعلك تنافى
بنت مقصر ، وانا بكسر في حيطان بيننا مش متشافة

شكيت في نفسي ، وقولت يمكن خانني فكري
وسكتت فترة .. فترة طويلة لو تفتكري
واللي فيكي فيكي .. مفيش عدل يرضيكي
عمرك ما تستحقي اسامحك على ماضيكي

كل كلامك كدب ، ولابسة وش ، وديلك نجس
فاتحة دراعاتك ، واللي تحضنيه يتحبس
انتي مش ضحية زي ما قريت في ورقك
جسمك مطلي بعرقهم ، وأجسامهم بعرقك

متبصليش بعجز ، وتطلبي المساعدة مني
انا لما عينتك كنتي أول من مفروض يعينني
ضيعت ظهوري فداكي .. موصلتش فداكي
وانتي عارفة انا كنت قادر أبقى ايه في كام سنة لولاكي

ليه سيبتيني بجري؟ كنتي باني بدري
ليه سيبتيني مغري؟ وصلتيني آخري
ليه سيبتيني أضحي بكل شىء عشانك
كنتي قولي إن انتي حابة تفضلي في مكانك

بستغرب كل ليلة إن الجحيم لسه بيتملي
عاملة مستنية الصبح ، ومختارة تكملي
بقيتي بهلوان من كتر ما انتي بتتجملي
الرخص في كل معنى ليكي مهما تتأولي
_______________________________________

El Joker - El Korh Fe 3onoq Zogaga l الجوكر - الكره في عنق زجاجة

El Korh Fe 3onoq Zogaga l الجوكر - الكره في عنق زجاجة

الكلمات :

مجنون من نوع فريد متصنف م العفاريت
بكلم بشر مش عايشين و بصحي لوحدي طول الليل
شافوني ان انا غريب و لوحدي و كنت لوحدي عشان غريب
الناس بتحب الناس و بس و انت متصنف ابليس يا عبيط

انا الي زيي عاش لوحده  لحد ما حب الوحده
كنت مضطر اني اتخلي عني عشان منهارش و اهدي
شوفيني حد نضيف سيبك من عين الناس
انا مش ملاك بجناح بس انا حاولت اكون انسان واظن فشلت

مافيش تفاح نزلنا الارض احنا الي نزلنا
للاسف ولا انا ولا انت كانت مكتوبالنا الجنه لا
شياطين دماغي عايشه جوايا اكتئاب
حد زيي كان عذابه يعيش مع نفسه يومين كمان بس

علمته المشي و اول حاجه عملها سابني
عشت بقطع لحمي لاجل ناس اول ما جاعت كلتني
وانا محدش شافني زيي .. صدقني محدش جييلي
متبصليش بشفقه بصلي فعيني و موتني

------------------------------------------
الوضع مأسوي و محدش فاهم 
ضيعت نفسي بس لازم
بحب ناس مش بني ادمين 
تقدر تقول حبيت شياطين

------------------------------------------
حاربت لوحدي افكار الانتحار و كسبت
كنت مبلي بضلمة فقلبي عملت من سوادي فن
و رسمي كان شخبطه فعين الناس لكنه كان ابداع
كل شئ كان حلو ضاع حتي حلمي برخص تراب اتباع

كان ضلي مصور شخص قالي مش هجلي
لما طلعت فوسط النور بصيت ملقتش اي حد جمبي
خطاف المركب رسي خشب غرق بشر
وسط ما كنا بنحارب خسرنا نفسنا و كسبنا هدر

بكل يأس بعد الجلسه قال مش نافع
يمكن العلاج النفسي مش لكل البشر انا اسف جدا 
ضميت ضلوعي و قولت لنفسي متزعليش
كوني حد خاف يتأذي من العالم ده ميعبنيش نهائي

انا شوفت الفيلم و مرضتش اني احرق نهايته
او مقبلتش اشوفك وحشه زي ما قالو و قولت عليهم كدبو
حياتي مكتش جميله فـ كنت بعمي نفسي
عشت شبه حياه مع شبه ناس فـ شبه فيلم كوميدي
------------------------------------------
الوضع مأسوي و محدش فاهم 
ضيعت نفسي بس لازم
بحب ناس مش بني ادمين 
تقدر تقول حبيت شياطين

Ammar Hosny " عازف " - Demons | شياطين

الكلمات :
اصوات مطفيه .. اصوات بتشمت فيا
صوت غناها شعوذ قلبي طلسم سحرتني الجنيه
كان تقل جفني يميل جسمي بس لا انا صاحي
افرض نمت و جت زارتني مش هينفع انام والله

كان بين جفونها سحر اسود مرسوم بكحل
بصتلي و حنيت ونسيت هو الي اتبقي ايه م العمر ؟
انا مش حمل الخصام ف لو سمحت اخسرني 
ملعون بإني مش بنسي فلو سمحت اقتلني

قربت اتجنن .. فدماغي وساوس تأذي
عندي صحاب كتير لكني بظهر ف الصور لوحدي
انا بين ضلمتهم شخص نضيف فهتلاحظني
الدنيا حوريه و انا ابراهيم بحبها بس مش بتاعتي

ركز .. هتشوفني بعرج مش بتعجز 
عزيز فمش محتاجلك داهيه تاخد قلبي و تاخدك
علمتيني اني احبك و انا ع الارض مبحلق
بس نسيتي تعلميني ازاي احبك جوه بحر انا بغرق !
--------------------------------------------
مش نافعين لبعض .. انا مش هتنفس جوه البحر
مراكبي حب الصيد و صيده حب حبة صبر
متعمليش عليا ملاك
سرقو حلمي اهم هناك 🙂

انا مش هتنفس جوه البحر
مراكبي حب حبة صبر
متعمليش عليا ملاك
الدنيا بس للملاك
--------------------------------------------
بقالي اسبوع قدام الشط متحركتش 
شاع الخبر قالك بشر بيحب من اطلانتس
و الناس مقامات يابا سككنا مش بتجمع
جواهم ارحانين بس الفلوس بتلمع

متلبسوش وش الملايكه عنيكو باينه
كلها اخواتك فالقعده و كلها خلعت فالمايله
البشر نجسه .. محدش قال حبك بيحبك
كل الي اتحكي كان كدبه عشان يدارو تقل الحته

و جت عليك انت و ازمت و اتحرجمت
و الناس الي قد الدنيا بالنسبالك اتحجمت
الفتره دي هتطلع منها شخص اقوي
بس عشان ربنا بلاش تكون وحش زيهم لا

انا بقترح تروح الموج مش هيجيبها
هما بعدو عشان ملوك مافيش فترات راحت بترجع
اكتب رساله و لفها فأزازة فودكا
كان هنا احد البحاره حب حوريه بحر صدفه !
--------------------------------------------
مش نافعين لبعض .. انا مش هتنفس جوه البحر
مراكبي حب الصيد و صيده حب حبة صبر
متعمليش عليا ملاك
سرقو حلمي اهم هناك 🙂

انا مش هتنفس جوه البحر
مراكبي حب حبة صبر
متعمليش عليا ملاك
الدنيا بس للملاك
--------------------------------------------
💙عآش يـ عمّار

Ammar Hosny عازف - Mermaid حوريه

❣
الكلمات :
وسط وحل العالم بجري .. مبخافش غير من نفسي
عندي تلت عادات مؤذيه تفكيري و سكوتي و سهري
بوشوش زن العالم و مصاحب حيطان
سيبتلك هدوء فيروز سيبت دماغي فمهرجان

من سكه لسكه اتسكتنا بحاجات سكنتنا
سكنت ف اوجاع اذتنا ليه مسكنا فناس نسيتنا
سلكنا هلكنا مستفوش عشرتنا بنكله
كنا بخير من غير الناس شوفت الدنيا غيرتنا

ده مولد .. انا اسوء ياما م الي مبينهولك
لسه باقي الزار فدماغي صار عفاريتي بيندهولك
انا شخص مش مؤذي لكني باخد حقي
مش بنسي فيستحسن لو بتفكر تأذيني اقتلني

انا مؤمن بس مش شيخ .. حد وحش بس ييعمل خير
حد بايع بس بيزعل عليك .. حد ضايع بس قادر يهدك
 بضحك فعلا بس جوه جضيت .. صدقني حاولت لكني مليت
انا يمكن مجنون لكني اتحبيت .. الزار بيبتدي حد يعلي البيت

-----------------------------------
قلبي يأن  وليس يغنيه الدوا
هان الهوا بينى وبينك كيف ذا !
يا سيدي كيف الوصال بلا وصال
وبوصله يهوي قريني بالغرام
-----------------------------------

بين دقات الساعه بظهر .. مر مش مسكر
باب الحظ بتاعي مسكر  نفسي تفكيري يتخدر
بحلم لكني شايف كل الجي كابوس 
كل الناس بتشوف من بره محدش بص ع الكالوس

القلب فنار و العمر طار و انا شكلي عجر
انا مش زي ما انت شايف بص جوه عيني كويس
النحس ده متأيف عايزينك متكيف
مش عايزين تفتح عينك مش ممتاز كفايه جيد

كده ولا حاجه فتفكيرنا الدنيا بتقتلنا فكلمه
كلامي كان سم لكنه شفاك من اوهام ساكنه و عايشه فودنكج

و انا منك بس انا مش زيك ف انا هبعد عنك
مش بحكيلك لاجل انك تأذيك انا قصدي احميلك ضهرك

ركز بس و افهم لما تتعب كله هيخلع و يسيبك تولع
لما تنسي مش هتتعب لما تمسك اكتر كله بيخلع
خليك اقوي خوف كله منك انت احسن مما كانو عايزنلك
ششششش علي الصوت و حرك جسمك
فعلا بس جوه جضيت .. صدقني حاولت لكني مليت
انا يمكن مجنون لكني اتحبيت .. الزار بيبتدي حد يعلي البيت

-----------------------------------
قلبي يأن  وليس يغنيه الدوا
هان الهوا بينى وبينك كيف ذا !
يا سيدي كيف الوصال بلا وصال
وبوصله يهوي قريني بالغرام

فـ دوامه ..

-----------------------------------
عآش يـ عمار 💙

Ammar Hosny  عازف  - Zar  زار Ft. Kassar كسار

.. فدع الأيام تفعل ما تشاء ، وطب نفساً إذا حكم القضاء

Mohamed Said

Popular tracks