ألا صحيح هو أنا أبقى إيه؟ و انتا إيه؟ و هو إيه؟ ما اللي فينا شاف ما فينا يقول عليه اللي تايه من متاعبه .. حس بيه و اللي حاوي خش لاعبه .. خد عينيه

Mafeesh Fel A3'any Keda We Msh Keda-مفيش في الاغاني كدا و مش كدا

مفيش في الأغاني كده ومش كده

تفرقنا عن بعض بالشكل ده

يا مصر اللي جايبة الشجر من زمان

وشايلة الضفاير على البرتقان

وقبل الأوان اللي قبل الأوان

بتحييني أنفاسك المسعده

مفيش في الأغاني كده ومش كده

تفرقنا عن بعض بالشكل ده

يا حلوة كلامك تحبه الودان

يشمسني في الدروه زي الميدان

يمشيني بين الحيطان الغيطان

عروسه وحصان في القمر والعدا

مفيش في الأغاني كده ومش كده

تفرقنا عن بعض بالشكل ده

عنيكي تغمض وتفتح يبان

سطوح الليالي عليه الأمان

وبحر الدره من ورق لامتحان

وبتغني موّالي يا مولّده

مفيش في الأغاني كده ومش كده

تفرقنا عن بعض بالشكل ده

بحبك كأني طليق العنان

و زى العجوز اللي دق البيبان

وزي الكتاب اللي كان ياما كان

وزي الرصيف اللي في السيده

مفيش في الأغاني كده ومش كده

تفرقنا عن بعض بالشكل ده

Mafish Fil Aghany- أحمد إسماعيل -مفيش في الاغاني كدة ومش كدة

320kpbs high quality جودة عالية جدا 

Mohamed Mohsen - Ya 7ashasheen - Live At Elbrnameg محمد محسن - يا حشاشين

دينا الوديدى - يعنى ايه كلمة وطن "The Nile Project"

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت

"يامنه - عبدالرحمن الأبنودي "موسيقي راجح داود

عمدان النور - مربعات ابن عروس

إسمع كلامى يا عمى
يابو العميمة النظيفة 
قبل اما هابدأ هاسمى 
بالله تعاشر عفيفة 
ليلى ليل ياعينى يا ليلى 
...........................
للندل لما تظلمت 
السبع طاطى بعينه 
واجب عالحر يتبع الصمت
لما الهلف ياخد يومينه 
...........................
زمانك زمان الكلوبات 
اللمض الصفيح بطلوها
دى الحرمة اللى بلا ابات 
جه اليوم بتحلف بابوها 
ليلى ليل يا عينى ياليلى 
...........................
ولا حد خالى من الهم 
حتى قلوع المراكب 
متقولش للندل يا عم
لو كان علي السرج راكب
...........................
تاريها الدراهم بتنفع 
تجيب للى وياه غنيمة 
والصاحب اللى ماينفع 
البعد عنه غنيمة 
ليلى ليل يا عينى يا ليلى 
...........................
دنيا علينا تربت 
أنظر بعينك راعيها 
العنزة لما تربت 
ما نطحت الا راعيها 
...........................
دنيا علينا تجارب 
وتتوه فيها البصارى 
العنزة تجرى ورا الديب
والسبع تاكله الحمارة 
ليلى ليل ياعينى ياليلى 
دى العنزة جريت ورا الديب 
والسبع كلته الحمارة

ألحان : يحيي نديم
توزيع موسيقي : حاتم النمر

تابعونا : FB.com/GazagaBand

Gazaga-el Sira

عمدان النور - مربعات ابن عروس

الليل اللي ملوش أخر
بيخوفني عالاخر
وبحس بواحد جنبي
عمال بيقولي اتاخر

وبياخد مني الحافي 
حتى مكاني الدافي
ويسبني لوحدي أتكتك
كده زي الناس الفافي

الليل اللي ملوش أخر
بيخوفني عالاخر
وبحس بواحد جنبي
عمال بيقولي اتاخر

الاكل على الطبلية
فتة ولحمة وملوخية
اللحمة إتقلبت كوسة
والحله لاقتها صنية

الليل اللي ملوش أخر
بيخوفني عالاخر
وبحس بواحد جنبي
عمال بيقولي اتاخر

أشتاتاً اشتوت 
انشالله يا جني تموت 
أو تيجي تعدي الشارع 
كده فايدوسك كتكوت

الليل اللي ملوش أخر
بيخوفني عالاخر
وبحس بواحد جنبي
عمال بيقولي اتاخر

وبياخد مني الحافي 
حتى مكاني الدافي
ويسبني لوحدي أتكتك
كده زي الناس الفافي

الليل اللي ملوش أخر
بيخوفني عالاخر
وبحس بواحد جنبي
عمال بيقولي اتاخر

ماتوسع بقى من جنبي
برضكك بيقولي اتاخر

بس خلاص

El Leil Elly Maloush Akher - Wust El Balad الليل اللي ملوش آخر - وسط البلد

Donia Massoud - Ya Baheya | دنيا مسعود - يا بهية

كلب الست - غناء : نبيل لحود 

Basata Band - Kalb El Set كلب الست - فرقة بساطة

أول كــلامـى بــذكـر الله بــعـديـن بــمـدح نــبـيـنـا
الله مـوجـود ولا غيرة سواه هوا خلقنا متكفى بينا
يابا أه ياعـينى على أه سيـدى أه ياعينى على أه
يابا أه ياعـينـى على أه هوا خـلـقـنـا متكـفى بـينا

تــاريـهـا الـدراهـم بـتـنـفع بتجـيب مِلّ ويـا غـنيمة 
والــصـاحـب اللـي مـايـنـفـع البُــعد عـنه غـنـيـمـة
يابا أه ياعـينى على أه سـيـدى أه ياعينى على أه
يـابـا أه يـاعـينـى عـلـى أه البُـعـد عــنـه غــنـيـمـة

ويــا دنـيـا يا بــعــوه راحــو فـيــن اللــى فاتــوكــى
راح فــيــن أدم وحــوا ســكـنــوا الـتـراب هـمـلوكى
يابا أه ياعـينى علـى أه سيـدى أه ياعينى على أه
يابا أه ياعـينـى عـلـى أه سـكنوا الـتراب هـملوكى

ولا حــد خــالـى من الـهـم حـتـى ضـلـوع المراكب
متقـولـش للـندل يا عـم لو كان على السـرج راكب
يـابـا أه ياعينـى على أه سيدى أه ياعينى على أه
يابا أه ياعـينى عـلى أه لو كان علـى السـرج راكـب

واللـي يـداديـك داديـه واجـعـل عـيـالك فى ايـده
واللي يـعاديك عـاديـه روحــك ماهياش فى ايده
يابا أه ياعينى على أه سيـدى أه ياعينى على أه
يابا أه ياعــينى على أه روحك ماهياش فى ايده


ممدوح مداح - هو انا ابقى ايه | من فيلم حين ميسرة

Mohamed Salah

Recent comments

Emad El Saied

Waled Salama 1

Related tracks