تدور الحياه (جيتار) - محمد ساري

كلمات والحان: ساري
جيتار: ساري
صولو: دنيا محمود و عشيره رياض اطفال جامعه الاسكندريه 

يا سكره
يا طعمه قمره منوره
يا سكره 
و رسمه بسمه مدوره
يا نجمه في السما بعيده
وسايبه روحى مبعتره

الحب لَك خالص
يا حساب خلاص خالص
ليك الهوي يغلي
وانا ادُور وراه لايص

يا وردتى
معاكى حِليت دنيتي
يا وردتى 
بقيتي ليا صاحبتي
موانسه قلبي اللى اتقفل
بعدك بيبانه مسَنكره

ya sokraah.mp3

حاجات كتير

عزيزى الضيف أحمد (موسيقي)-محمد هلال

عندي حكايه

ويا بعض

كلمات : عصام حسني
الحان : محمد ساري

حاسب اوي و دقق في افعالك
احسن تقع في شر اعمالك
دى الدنيا دايره وكل حاجه اكيد
لو مهما طال الوقت رجعالك

داين تدان .. كلمه قالوها كتير زمان
صدقها واعمل بيها فعلاً قبل ما يفوت الاوان

علشان مفيش في الدنيا شي كامل
ف اكيد مفيش ولا حاجه تستاهل
عيش الحياه وحاسب من الايام
بس اوعي تغلط مهما هتقابل

داين تدان .. كلمه قالوها كتير زمان
صدقها واعمل بيها فعلاً قبل ما يفوت الاوان

داين تدان

صولو : عمر الشاذلي
كلمات : مروان سليمان & محمد ساري
الحان : محمد ساري

ممكن ابدأ بالقواله انتى بالنسبه لى حاله
و استحاله .. هتسيبينى
نفسى يبقى حالى عال .. تبقى دبله فى الشمال  
تبقى انتى نص دينى
قولتى ايه 
تتجوزينى !

املى كل الكون ورود .. وافقي متحطيش حدود
اسألى قلبك وبس .. حتلاقيه عنده الردود

ممكن ابدأ بالكلام ليه يوماتي في المنام
مش بنام لما تزوريني
نفسي تبقي لي المدام .. من الجراح ومن الالام
تبقي حضن بيداويني 
قولتي ايه  
تتجوزيني !

املى كل الكون ورود .. وافقي متحطيش حدود
اسألى قلبك وبس .. حتلاقيه عنده الردود

سمر علوم الكشفيه ال39

تتجوزيني !

كلمات و الحان : محمد ساري

اخر الانباء بتصرح ان الوضع خطير .. خطفوا طيارة الوفد المتجهه لابو قير
دى عصابة التنين الازرق ابو دم خفيف .. وطقت ف دماغهم قرروا يطلعوا ع المالديف

كابتن رحلتنا المشؤمه قائد بدرى ..  ومساعده الكابتن زيزو فخر الدلنجات
كالعاده متأخره جداً جايه بتجرى .. قائده روان جمال مسؤلة المضيفات

ضاحي وسمو معانا طالعين مشرفين .. اول بأول بيعدونا لانكون ناقصين
بدأوا مهمتهم فض اول اشتباك .. نادى وجلاجوله كانوا بيتخانقوا على الشباك

سندس ونوال خبرات وتقال مهما تقولوا .. م الصبح بيتعاركوا على مين نازل صولو
والشاذلي سايبهم وبيقرا اخر الاخبار .. ورحاب بتغيظهم وتكيدهم ومعاها ميار

بدأ الاقلاع في تمام الساعه تمانيه ونص .. والكل بيضحك ومزأطط والدنيا تمام
وسمعنا زعيق دوشه وتخبيط بنلف نبص .. لاقيناها عصابه زعيمها اسمه عبسلام

الخوف والرعب في رحلتنا عم الارجاء .. ندى حامد سايبه الكل وبتهدى في اسراء
نصنا بيزعق والباقي مبطلش كلام .. قامت ندى مرسي بعصبيه انا عاوزه انام

وعلشان الtension  والعصبيه ده هي تمشي .. بسمه و منه قاموا يفرقوا حلة محشي
وعماد بيصور ويشير اول باول .. وعطيبه بيحفظ زجله عامل دور متسول

عبسلام الصغير بيقشر كوسه .. علشان الطهي حينزل مع استاذ موسي
وفي صوت واحد زعقوا ليهم سلمي و نرمين.. انتوا ازاي كدا يا خوانا احنا مخطوفين

رامو متنح و مبلم بيخلص شكله .. ساند على صدره ونايم تقريباً عبده
حوده قرر اننا ننزل بالبراشوطات .. رد سباعي ازاى يابني معناش شورطات 

واتايه نايم وبيحلم والوفد يهاتى .. واحنا نزعق و نقوله ده كابوس يا مزاتى
دي رساله ولكل الدوره من وفد علوم .. اتغطوا كويس من قبل ما تروحوا في النوم

زوومامااا

كلمات و الحان : محمد ساري

معدتش مره حساباتك .. لقيت انك ظلمت كتير
وياما غلطت في حياتك ..  وياما خانك التفكير

شريط العمر حيعدى قصاد عينيك
سنين العمر حتشوفها كما لحظات
ومهما بكيت على ما جنيت بتفكيرك
ما كانت عندك الفرصه . اوانك فات
نصيبك م الحياه حفره
منين ضمان تعيش بكره

منين ضامن تعيش بكره .. وعارف انه حتماً جي .. مجتش في بالك الفكره .. يجي بكره ومتبقاش حي 

قليل الحيله دلوقتى يا اذكي الناس
وكل القوه والجبروت كلام ف كلام
وكل المال و كل الجاه سبته خلاص
باقيلك ايه ! .. وفاضلك كام !
يا ريت ترجع .. معاك فرصه
منين ضامن تعيش بكره

منين ضامن تعيش بكره .. وعارف انه حتماً جي .. مجتش في بالك الفكره .. يجي بكره ومتبقاش حي

منين ضامن تعيش بكره

كلمات : عصام حسني
الحان : محمد ساري

ف اسكندريه ف الشتا لينا حكايات
ف اسكندريه لينا حبة ذكريات
لما الشوارع تبقي غرقانه
فيه حاجات كتيره بتصحي جوانا
وانا وانتى يا حبيبتي بنفتكر اللى فات

ف كل حتة ف شوارعها عندي حكاية إسكندرية دي فين ما باروح عايشة معايا

جو المدارس هو هو من سنين
نمشي براحتنا حتي لو متاخرين
علطول بياخدنا الكلام
 ريحة الشوارع واحنا راكبين الترام
وبنحكي عن احلامنا واحنا مروحين

ف كل حتة ف شوارعها عندي حكاية إسكندرية دي فين ما باروح عايشة معايا

اسكندريه في الشتا

كلمات : عصام حسني & محمد ساري
الحان : محمد ساري

اسم مصر ..
يعني أهلا بيكوا إنتم آمنين
 أرض مصر ف حفظ رب العالمين
 مصر يعني اسم مكتوب ف التاريخ من قبل ما العالم يفكر حتى يحسب بالسنين

كل اللى جالها .. صدق و سلم انه ما شفش في جمالها
فيها اختلاف .. واللى بيحكي من بعيد غير اللى شاف 

 أرض ثابتة ..
 مصر قلب الدنيا ديا حقيقة ثابتة
 صف واحد كله يجمع واحدة واحدة
بكره جي وحلمنا مسيره يكمل ..  واللي يمشي لوحده عمره ف يوم ما يوصل

كل اللى جالها .. صدق و سلم انه ما شفش في جمالها
فيها اختلاف .. واللى بيحكي من بعيد غير اللى شاف

اسم مصر

كلمات و الحان : محمد ساري
صولو : عبد السلام شريف

اول ما دخلت الجواله قالو يلا رهوط .. وانا كنت الفرود وسطيهم .. شغال مظبوط
استاذ ورئيس قسم الكشفي ف الرهط بتاعي .. والكل بيحلف بمهارتى وحسي الابداعى

جه وقت الدوره الكشفيه والكل حريص .. وقالولى متقلقش حتنزل تلعب و تهيص
الصبح نغني ونتشمس و الاوضاع بيس .. بالليل الكامبينج الرايق والباربيكيو

اتاريني لبست .. مش فاهم ليه حاجه ف حاجه .. تايه و احتست
بالليل بقعد ساعد ارض ف اشرفها مهمه
والصبح بقضيه بقي كله ف الخدمه العامه

جه وقت الرحله الخلويه وطالع حمال .. منا اسد الدوره الكشفيه والباقي عيال
بعديها الطهي الخلوى وحقعد انا ع النار .. مبتفرقش معايا بتاتاً منا واد جبار

من بين الكل اختارو اسمي علشان العرض .. علشان يستخدموا خبراتى لمساعدة فرد
حمسك لوحه بسيطه عبيطه واعمل كدهو .. منا نجم ماجبتوش ولاده على وجه الارض

اتاريني لبست .. مش فاهم ليه حاجه ف حاجه .. تايه و احتست
بالليل بقعد ساعد ارض ف اشرفها مهمه
والصبح بقضيه بقي كله ف الخدمه العامه

اتاريني لبست

كلمات و الحان : محمد ساري

تدور الحياه .. 
و تعدي بينا السنين
الدنيا ماسبتش مين .. من غير فراق
تاخدنا ماتاهات .. 
ونتوه في زحمة حاجات
بين ايه جي ... وانهارده واللى فات
قربنا مش بالمكان .. لكن راجعين اكيد
على وعدنا من زمان .. اننا نرجع نعيد
ذكريــــــات و حـــــــكايـات .. تحيينا من جديد
يا بعيد عني بس .. 
دايماً في بالى وبحس 
بيك وبذكريات تخص .. عمرنـــــــا
ايه يعني فراق وبعد ..
حنرجع ايوة بينا وعد
وتحلى .. من تانى الايام لنا
قربنا مش بالمكان .. لكن راجعين اكيد
على وعدنا من زمان .. اننا نرجع نعيد
ذكريــــــات و حـــــــكايـات .. تحيينا من جديد

تدور الحياه

لو بطلنا نحلم - منير 2018

Zein Mahmoud | Morb3at Ebn 3roos

We live in rhythms, express in tones and tell stories in lyrics ❣️

Mohamed Sary

Popular tracks