Madah El Kamar مداح القمر من مسلسل الخواجه عبدالقادر

اوعى تتوه ياقلبي وتقول الظروف

قلبي العطوف - سلوى أبو جريشه

مفيش في الأغاني كده ومش كده

تفرقنا عن بعض بالشكل ده

يا مصر اللي جايبة الشجر من زمان

وشايلة الضفاير على البرتقان

وقبل الأوان اللي قبل الأوان

بتحييني أنفاسك المسعده

مفيش في الأغاني كده ومش كده

تفرقنا عن بعض بالشكل ده

يا حلوة كلامك تحبه الودان

يشمسني في الدروه زي الميدان

يمشيني بين الحيطان الغيطان

عروسه وحصان في القمر والعدا

مفيش في الأغاني كده ومش كده

تفرقنا عن بعض بالشكل ده

عنيكي تغمض وتفتح يبان

سطوح الليالي عليه الأمان

وبحر الدره من ورق لامتحان

وبتغني موّالي يا مولّده

مفيش في الأغاني كده ومش كده

تفرقنا عن بعض بالشكل ده

بحبك كأني طليق العنان

و زى العجوز اللي دق البيبان

وزي الكتاب اللي كان ياما كان

وزي الرصيف اللي في السيده

مفيش في الأغاني كده ومش كده

تفرقنا عن بعض بالشكل ده

Mafish Fil Aghany- أحمد إسماعيل -مفيش في الاغاني كدة ومش كدة

حبيبتى كل ما بنسى تفكرنى الحاجات بيكى

ائنك تدمعك عينى كأنى مش هغنيكى

دمايا متستهلش تكون كحلة ليله لعينيكى

و انا الدرويش ..

انا السابح بمسبحتى .. ومبخرتى .. و توب الخيش

اغنى لك .. و امول لك مواويلك .. ماتسمعنيش ولا تشوفينيش

ومش لازم مادام عايشة .. مادمت بعيش

وياما بيكى عقلى اتجن

وانتى الأنّ .. انتى الظن

و أنتى قلمى لحظة فن

يا غنيوتى .. انا احزن اغانيكى

و انت الحلم .. اااه من حلم .. لا نسينى ولا نسيكى ..

حبيبتي كل ما بنسى تفكرني الحاجات بيكي - عبدالرحمن الابنودي

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/

Mixed By : ♫ ♪ Mo.Hassan ♫ ♪
..
@mo-hassan2

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..

الخال


العمه يامنه - مزج - الابنودي

شعر | أبويا علمني أعمل من الورق ضفدعة| محمد مهدي

محمد منير _ ياغزال وشارد _ ليلة واحدة _ جوده عاليه HD.mp3

 يالا بينا تعالوا
نسيب اليوم فى حاله
و كل واحد مننا يركب حصان خياله
درجن درجن درجن درجن

هانهرب من النهارده
و نهرب من المكان
و نطير و نطير و نطير و نطير
و نطير مع نسمة شاردة
و نروح لأيام زمان

دى ايه دى مدبغة
علشان صنع الجلود
و دى ايه دى مصبغة
علشان صبغ الجلود

لكن ورا الصباغة والألوان والدباغة
في جلد كان جمل
و جلد كان حمل
وآهو كله بيتعمل جزمة
جزمة و حزام و شنطة
فيه جلد مالوهش لون
و جلد بألف لون
لو تغسله بصابون يطلع لونه أونطه

سيبك م المدبغة وصباغة المصبغة
و بص بص شوف
شوف الناس و الظروف
يمكن تلقى الديابة لابسة فروة خروف
يمكن تلقى الغلابة فى أول الصفوف

درجن درجن درجن درجن

كلمات : سيد حجاب

يالا بينا تعالو - الكيت كات

شد الحزام - محمد محسن

أنا هويت وانتهيت
وليه بقى لوم العذول
يحب إني اقول ياريت
الحب ده عني يزول
مادمت انا بهجره ارتضيت
خلي بقى اللي يقول يقول
أنا وحبيبي في الغرام
مافيش كده ولا في المنام
أحبه حتى في الخصام
وبعده عني ياناس حرام
مادمت انا بهجره ارتضيت
منى على الدنيا السلام

انا هويت كاملة - سيد درويش

نوادر من مسلسل غريب الحي - كلمات طه شلبي - 
الحان عبدالعظيم عبد الحق و عبد العظيم محمد 
 
الكلمات
جاوبيني يا وديان 
ضاع منا ليش الأمان 
وليش ياليل الهنا 
فارقت ليش حينا 
وتركت فيه الاحزان 

لا ليل ولا سمار 
ولا حتي ركية نار 
تهدي الغريب ع الطريق 
وتئانس الزوار 
الحزن لاف في الجدود 
والدمع بات ع الخدود 
والنوم جفانا كمان 

كنا وليل البراري 
يضوي علي ضي نارنا 
أبكي ياليل البراري 
أبكي علي اللي جرالنا 

الحزن لاف في الجدود 
والدمع بات ع الخدود 
والنوم جفانا كمان 
جاوبيني يا وديان 

شعر | أبويا علمني أعمل من الورق ضفدعة| محمد مهدي

Mohamed Sayed Mahdy

Related tracks