المشهد الأخير | el ma4had el a5er
Recorded, Edited, Mixed and Mastered By mohamed sedeek
vocal : mohamed sedeek
Facebook account 
https://www.facebook.com/MOHAMEDSEDEEK6
Lyrics : mohamed sedeek & radwan 
Lyrics :
Verse 1 :
بدايه القصة دية  غير بداية كل مرة
مش عيون إتلاقت صدفة فا صحت روح المغامرة
مقدرش أعيش من غيرك كنتى ليا الهوا والماية 
وفكل فجر أدعى ليكى وأنسى أدعى ليا
مفيش مبرر بٌعد كنت قادر أستناكى
انا كل همى أفضل طول عمرى عايش معاكى
ماكانش ف بالى إن سناريو القصة يكون متكرر
وإن النهاية كانت محتاجة لوقت زيادة مش أكتر 
المشهد الأخير فى حياتنا كان مشهد وداع 
كنت بحلم نبقاا سوا بس فجأة الحلم ضااااااع 
إنسان ميت فى حضنك وإنتى أساسا مش حساه 
بيقول للكل حبيبتى وإنتى فى بالك مش حطاه
يتجرحينى أطيب جرح فى قلبك مش بإيديا
وحلمت أكون فى حضنك بس دة كله كتير عليا
ضلمتى نور السكة سيبانى مرمى ف طريق
مستنى الموت لوحدى بعزف لحنه بالبطئ

Corus :
مشهد وداع وعيشته وأنا قلبى بيبعد عنه 
فراقك صعب جدآ رغم إنه لابد منه 
شوفتك صورة ف خيالى كنتى قصة تملى أحكيها 
ياريتنى ما كنت قابلتك صفحة ماضى نفسى أطويها

Verse 2 :
مكانتش اول غلطة تقعى فيها ولا الاخيرة 
انا فاكر كل حاجة مكنتش تحت تاثير بيرة 
ادركت بعد فترة انه عادى اقدر انسى 
ما لما شوفت ايده ف ايدك محستش بغيرة 
انا صونتك فى علاقتنا ف مستحيل هيبقا شبهى 
فصيلة دمى نادرة مش هتلاقى منها فى ارضى 
مش هندم على ادمانى لفترة مدرك انه قدرى
لكنى مشفق بس عليه هيصاب بنفس جرحى 
اعتقادى لوحده فلتة ف انا مش مؤمن بردوا بعهرك 
مهما شوفتك فوق سريره هفضل احلف بردوا بشرفك
مش نفس شعورك اللى بحسه دة شعورى انا 
مكانتش مجرد حالة مر ع النظرة الاولى سنة 
ف انتى اللى اخترتى طريقة البعد كان عكس اختيارى 
شاركتك المحبة اللى انتى شاركتيها لغيرى
مش مستنى منك انك لحظة تنكرى خيرى 
الفرق بينى وبينك بس ان انا راعيت ضميرى

Corus :
مشهد وداع وعيشته وأنا قلبى بيبعد عنه 
فراقك صعب جدآ رغم إنه لابد منه 
شوفتك صورة ف خيالى كنتى قصة تملى أحكيها 
ياريتنى ما كنت قابلتك صفحة ماضى نفسى أطويها
 
 

المشهد الاخير

Recorded, Edited, Mixed and Mastered By mohamed sedeek
vocal : mohamed sedeek
Facebook account 
www.facebook.com/MOHAMEDSEDEEK6
#za7ma_band
verse 1: 
المصفوفه ناقصه رقم مش هعيد كلامى 
ترس ماشى بشكل عكسى يعنى مش كآلى
إنت آخر مخلوقات المصفوفه السابعه 
جوه الدايره هات مثلث سيب أطرافه خارجة 
فرعون فوق عرش مصر قال النيل دة ليا 
متخلقش عشان العامه يشربوا منه مايه 
فى طريق النجاه همشى وإنتوا تمشوا ورايا 
مش تقتنعوا بموسى عشان ماسك فإيديه عصايه
لسه عندك أمل فإنك ترسم هرم كامل 
لسه العين مش باينه .. طب مش مكتوبلك كافر
هى الصورة واضحة بس إنت مش حابيبها 
نفسك بأى طريق توصل لأقرب غاز خامل 
بكره فى زمن ما هيرجع رقمك المفقود
يحرر طوق الفكرة والمصفوفة ليك تعود
النهاية معروفة لكل واحد حاكم قبه 
عمر إيديك مترابطة غير بمال وجنس شهرة
============================
chorus
فى الطريق مفيش دليل للوصول لأى حاجة
وإنت مصمم برضوا تمشى وايديك فوق كتف الخواجه 
اللى مات ماسك ف حلمه واللى باع قبض دهب 
واللى ف قلب بحر ميت رامى صينارة سمك
----------------------------------------------------
فى الطريق مفيش دليل للوصول لأى حاجه
وإنت مصمم برضوا تمشى وايديك فوق كتف الخواجه 
اللى مات ماسك ف حلمه واللى باع قبض دهب 
واللى ف قلب بحر ميت رامى صينارة سمك
================================
verse 2: 
إتبرأ منهم قبل ما يقتلوك عشان ذنوبك
هتزيد بذياده اتباعهم ليك من بعد موتك 
قتلوا القتيل وقالوا لموسى إعرف مين القاتل
رد إدبحوا بقرة جادلوا عايزين وصف كامل
محتاجوش ليوسف الا .. فى وقت وقوع الأزمه 
بعد وجوده جوه السجن خرج أمين لمال الخزنه
مفيش نبى من الأنبياء ماكانش راعى غنم 
دا حس لكل واحد فين يأدى أى عمل 
البداية غير النهاية بين خطين فنجمه دا علم 
رضاك بالأمر الواقع مش هيخففلك ألم 
أه هيعمل اللى محدش عامل وكله برضه كدبه 
جنته نار وناره جنه ديه أعظم فتنه
زمن الفوارس والدجال دة نهاية إنتظارنا 
معروف عيسى والإمام هيجيبولنا إنتصارنا 
أقوى قلب فارس فيهم قالوا الأرض دية حره
انا اخر واحد هتأذى ع أرض المجره
==============================
chorus
فى الطريق مفيش دليل للوصول لأى حاجة
وإنت مصمم برضوا تمشى وايديك فوق كتف الخواجه 
اللى مات ماسك ف حلمه واللى باع قبض دهب 
واللى ف قلب بحر ميت رامى صينارة سمك
----------------------------------------------------
فى الطريق مفيش دليل للوصول لأى حاجه
وإنت مصمم برضوا تمشى وايديك فوق كتف الخواجه 
اللى مات ماسك ف حلمه واللى باع قبض دهب 
واللى ف قلب بحر ميت رامى صينارة سمك

المصفوفة

Recorded, Edited, Mixed and Mastered By mohamed sedeek
vocal : mohamed sedeek
Facebook account 
www.facebook.com/MOHAMEDSEDEEK6
verse 1: 
فى التاريخ موجود عبر بس مين المستفيد
موسى عيسى وانبياء جت تصلح مش تبيد 
عبر كل الأزمنة المصلحين هما الأقل 
رغم كم  الأكمنة كله كان عنده أمل 
فى إختيار المعنى مبدأ وإختيار الكلمة فكرة 
فرق واضح مين اللى يبدأ كل حاجة بتبقا ذكرى 
كل ما بيزيد نضالك كل ما يتزيد همومك 
كونك مؤمن بفكرة مين فى كنه راح يلومك 
أول أمر فر القرءان كان بيدعى للقراءة 
دة كلام رحيم رحمن مش كلام كتاب قراءة 
فى اللى عايز بلده حرة هى بالنسباله درة 
عقد لولى فى نصه ماسة يبقا يلزم حفظه جوه 
المواعظ ليكوا شر والخيار ما بينكوا ضر 
فكر لون قانونكوا اعمى فكرى علمى بالف نهر
انتوا حاصدين ارض بور أما انا بزرع صحارى 
انتوا جمهوركم بيسمع اما انا جمهورى قارى
=============================================
chorus ×2
التاريخ لو كان بيذكر الحقيقة الكاملة لينا 
عمره ما كان ليكوا ينشر ان دة اصلح ما فينا 
مش بنكتب شعر ليكم جاى احارب اى فاسد 
دة علمنا ومش علمكم ربى ربك هو واحد 
====================================
verse 2: 
التاريخ بيعيد حكايته واحنا بنمثل مشاهد 
والرواية لكل فاسد ضد كل شخص عابد 
والحكاية  لما تخلص مش هتاخد منها شاهد
لسة شايفين القضية فى العدد ؟ دة الكل زايد
نطوا من سطح السفينة واهربوا قبل الغرق 
بعد كل تغييراتكم ممكن اعرف اية فرق
اوعوا ترجعوا المدينة المدينة هتنحرق
لجل عشرتنا القديمة مش هسيب واحد سرق
الخلاصة اننا ضد نظام عالمى
مش حكاية بلدى بلدك ضد حكام كوكبى 
كله تحت السيطرة عربى ان كنت او اجنبى 
بكرة العالم دة لينا والحروب هتنتهى 
صدقونى كل قلة بتيجى اقوى من اللى فاتت 
دى قواعد لعبة زايفة والوشوش العكرة عادت 
رغم كل محاولة سابقة ثم ماتت 
 النهاية هتنكتب بس بإيدين اللى ثابت

زيف تاريخ

Recorded, Edited, Mixed and Mastered By mohamed sedeek
 Lyrics & vocal : mohamed sedeek
Facebook account 
www.facebook.com/MOHAMEDSEDEEK6
verse 1: 
انا سطر فاضى ع الورق انا شخص من جواه اتوجع 
انا عيشت قبطان السفينة لكن بجازف الغرق 
انا كنت ف ضل حيطة اتسحب يمكن الاقى نفسى 
وتضيق خطاوى رجلى وكل الدنيا بتمشى عكسى 
مين اللى باع مين اللى خان مين اللى عاش واتهنا
مين اللى باع سعادته وطول حياته كان يتمنى
ادى الايام بتشهد  مين اللى عاش ف الزهد 
مين اللى حب يقرب لما التانى اشتاق للبعد 
عارفين حقيقته اكمنهم اكتر شيئ ذلهم 
ان اقصى طموحهم كان ما بين خطاوى رجلهم 
كان بيننا دايمآ حاجز نفسى اقرب بس عاجز 
كنت فاكر انى ف قربى ليكم هفضل فايز 
دلوقتى بتمثلوا .. بتعيشوا وتتخيلوا 
بتقولوا محمد باعنا لا وكمان بتتحججوا 
بتبدلوا المحتوى وبتغيروا ف الواقع 
محدش كان هيسيبكم لو فيه منكم اصلا نافع
=============================================
chorus
أول مرة اتمني المرض يبقي زهايمر يمحي ألام
لو بصبيت جوه مني هتلقي الحزن أكوام اكوام
من عشق إدتله كل حاجة سابني حتى بدون حاجة
وصحبة كانت بينا ذكري لا مجرد طيف سذاجة
لو بقيلي دور كمان نفسي مرة أكون مكان
لسه بنرجع لية بلهفة مهما عدا اى زمان 
نفسي اكون شيئ من الخيال شيئ يكون من المحال
شيئ يكون دايمآ سعيد شئ يكون مرتاح البال 
====================================
verse 2: 
 كرهت اعيش فى واقع فرض علينا نعيش فى كدبة 
رسمت نفوسكوا السودة على ورقتى ادارت الفكرة 
الكفن ملهوش جيوب خيطه اتنسل من الذنوب 
متجيبش فى سيرتى فى ضهرى بدل ما تبقا فى يوم معيوب 
مراعى عيش وملح وغيرى واكله عشان جعان 
فبعدت كتير عن دايرة ذم لجل ما اكون كسبان 
انا مش كارهكوا انتوا اد ما اصلا كاره نفسى 
انا كنت سند ليكم وانتوا فعلا كنتوا عكسى  
اللى باعنى علشان بنت واللى باع عشان مصلحة 
واللى جمعنى بيه فشلهم كنت ليهم صفقة مربحة 
ف مكانش عيب فى حقى لما زمان سيطرت عليكم 
من طبعى اكون القائد مكانش غصب دة كان بإيديكم 
كنت ليكم اخ كبير بدافع عنكوا بدون شروط 
اجدع صاحب مكانش اخ كلمة اخ نهشها الدود 
 ف تلفوا ولا تدوروا مش هتحنوا فى يوم غرورى
بتاكلوا فى لحم ضهرى و بتخافوا من وقت حضورى
=============================================
chorus
أول مرة اتمني المرض يبقي زهايمر يمحي ألام
لو بصبيت جوه مني هتلقي الحزن أكوام اكوام
من عشق إدتله كل حاجة سابني حتى بدون حاجة
وصحبة كانت بينا ذكري لا مجرد طيف سذاجة
لو بقيلي دور كمان نفسي مرة أكون مكان
لسه بنرجع لية بلهفة مهما عدا اى زمان 
نفسي اكون شيئ من الخيال شيئ يكون من المحال
شيئ يكون دايمآ سعيد شئ يكون مرتاح البال

مكانش أخ

Recorded, Edited, Mixed and Mastered By eskander el kaher
 Lyrics & vocal : mohamed sedeek
verse 1: 
نبدا بالحمير اللى قالوا نشتم صديق 
اللى اكبر واحد فيهم فى بحر رابى مات غريق
مش فوق ال 20 بحب ادس بس كلين
عشان يبان الفرق بينى وبينكم .. مستضعفين
إرجع خدلك شفطة من كاس الدسات ك رشوة 
يمكن ترجع تانى لعقلك وتقول تانى دى كانت غفوة
والتانى بدل ما يقوللى شكرا علمتنى أراب
شتمته قاللى #عليك حسيت انه بنت لابسة حجاب 
قالوا كتير زمان الكترة بتغلب الشجاعة 
بس انا حالف بعد ما اسيبكم لتعيشوا .. انتوا فى مجاعة  
عارف انكوا متجمعين كلكوا حوالين سماعة 
بتمسعونى ومنتظرين انى اقع فوقوا لأ دى اشاعة 
خافوا زمان يواجهو وصنعوا منى اله جديد 
ف كفرتوا لية دلوقتى ما انتوا كنتوا فى يوم عبيد 
بترابو بفلة بلاستيك ودة مجنون صاحب عبيط 
جرحى فيكم مش مش بلمه بستنى اما يجيب صديد
بستفز دماغك فترة اسيب علامة وبصمة وصمة 
فى تراكاتك واضحة تقدر تقول دى بطحة 
الناس هتاخد بالها متحسسش استنى لحظة 
بسقيكوا الذل ياسطا ف انا مش محتاج للواسطة 

chorus × 2
استسلم للغباء وداق داء الكبرياء 
فظن باستياء ثم بعد فترة فاق 
دة حرف من الهجاء جاء ليكم بإستهزاء شاء يكون ليكم دواء ف السم فى الترياق 

verse 2: 
دة ثبات ع المبدأ وانا ببدأ ادقدق ف تفلق ف تبرق صاحبك بيرابلك من اجلك حلك مش شكلك محتاجلك إثبت واسمعنى بندهلكوضحت بجهلك وغباوتك فرقك بيبانلك ف بتاكلك ريسبكت مشتمتش اهلك 
سماعات حفلتكو عملت بيها بروفة فى بيتى 
وفى بوستاتكوا بتشتمونى لأ فعلا تمرت تربيتى 
قولت كتير التقدير التقدير دايما للفكرة 
مش محتاج منكم تكدير التكدير هيكون من بكرة 
ف اليوم دة يومى مش يومكم بستفز دماغ جمهوركم
لجل يشوف الفرق بيننا ف يجيلى وطبيعى يسيبكم 
عملت تراك دارك عشان اغيرلكوا فى التون 
ماليش انا فى الاكشن ف بشوفكم فى سبيس تون 
التراك دة فاشل جدا مش محتاج لرأى الفانز
عندى كتير سكلزات كتبتها وانا بشرب كانز 
بتذاكر فى تراكاتى وتأيفها طلع تراك 
بوضح بس فكرة انا مش ناوى اعمل أتاك 

chorus × 2
استسلم للغباء وداق داء الكبرياء 
فظن باستياء ثم بعد فترة فاق 
دة حرف من الهجاء جاء ليكم بإستهزاء شاء يكون ليكم دواء ف السم فى الترياق 

verse 3: 
عندى تراكات أتباهى بيها مش بتباهى بحد 
ببنى ريق وأمشى فيه ف اللى بتبنوه دة سد 
لو ناوى تحسب افكارى عمرك ما تبطل عد 
دكتور تشريح ع البييت ف دماغى عالية بجد
ع البييت دراح تجميل لجل ما أشكلكوا رسمتكوا قاللك
بينافس ايمينم فى تراك ناجح .. طب تفتكروا ؟
تراكى دة هتك عرض مش انتظار فى محطة مترو 
صديق بيسد قدام اى حد ومهما كتروا 
بتمنى اكون مجنون بتحاول تبقاا عاقل 
مريض بداء الراب ف بلاش قصادى تباتل 
اخدت انا الصدارة عافية عليكوا وعن جدارة 
خبرة عنكوا وافرق فشخ اعتبرنى ياض حضارة 
سيبت صوتى فى التراك لجل تزود فى الفيوهات 
مش بتكلم ع اللى فات انا بس بقصف فى الجبهات 
بتغنى راب مصلحة عشان تلم فانز بنات 
وفانزك بعد كدة بيعملولى شير وادد 

chorus × 2
استسلم للغباء وداق داء الكبرياء 
فظن باستياء ثم بعد فترة فاق 
دة حرف من الهجاء جاء ليكم بإستهزاء شاء يكون ليكم دواء ف السم فى الترياق 


داء الكبرياء

vocal : sedeek
music : click clack beats 
mix & master : sedeek 

سايقها حرب prod by (click clack beats)

mix & master : mohamed sedeek
vocal : mohamed sedeek
Facebook account 
www.facebook.com/MOHAMEDSEDEEK6
verse 1: 
فتح عيونه ع الدنيا ملقاش ضهر يسنده 
بعد فقد ابوه وامه طبيعى محدش يحسده 
سنه سبع سنين ف محدش لسة علمه 
يادوب بيوفر احتياجاته الدنيا سودة فى نظرته
معاشش طفولته طبعا شرب كاس الهم بدرى 
كان لازم يبقا سند لأخته وميفكرش فردى 
أصبح أخ واب وام كله فى نفس اللحظة 
مبقاش فى وقت لنفسه دى بداية المغالطة 
كبر الابن ويصبح صاحب صنعه مش شهادة 
والاخت اتخرجت من طب وفتحلها عيادة 
وتستمر المعاناة ف يبدأ تجهيز اخته 
تمناية وعشرين سنة وشكله يدى ضعف سنه 
بعد فترة اقل من المتوقع اتقدملها 
صديق الجامعة اللى حلف انه فى يوم حبها 
وبطيبة الاخ وافق ع الجوازة اكمنها 
كانت حابة بردوا وهو هيرتاح من همها 
=============================================
chorus ×2
ارضى باللى انقسم ليك اللى انكتب محفوظ 
مش كل واحد خد اللى عايزه تقول عليه محظوظ
اللى يبانلك خير يمكن من جواه يكون شر 
كل واحد فى اختياره غصب عنه كان مضطر
============================================= 
verse 2: 
بعد ما جوز اخته كان طبيعى يفوق لذاته 
يعمل حاجة لنفسه قبل ما يتفاجئ بمماته 
وبحسبة بسيطة عن حياته هو يساوى كام 
معملش لنفسه حاجة ف ساوى صفر ع الشمال 
وفى يوم زارته اخته جوه بيته الجديد
اللى بناه بعد شقا وتعب دام 3 سنين
مكانتش جاية تشوفه او تتطمن على احواله 
كانت جاية عاوزة ميراث ابوها اللى ليها سابه
رد يابنت الناس ابوكى وامك مسابوش حاجة 
مش هحكى ولا هقول كتير ربك عالم بالحالة 
ثم انى صرفت عليكى اد كدة من قلب جيبى 
دراسة وفى جوازك كنتى هتبقي فين من غيرى 
رفعت قصية والعلاقة اتقطعت بينهم فترة 
ويقابل اخته فى المحكمة مع بداية المرافعة 
ف قدام الجميع يتنازل لاخته عن ما يملك 
وقبل ما يغادر القاعة وقع من طوله ميت 
=============================================
chorus ×2
ارضى باللى انقسم ليك اللى انكتب محفوظ
مش كل واحد خد اللى عاوزه تقول عليه محظوظ
اللى يبانلك خير يمكن من جواه يكون شر
كل واحد فى اختياره غصب عنه كان مضطر 


حسبة بسيطة

mix & master : mohamed sedeek
Music : free beat 
vocal & Lyrics : 
verse 1: mohamed sedeek
verse 2: ahmed pompo
#za7ma_band

za7ma 2016

متلزمنيش

mix & master : mohamed sedeek
vocal : mohamed sedeek
music : prod by (click clack beats)
بعمل راب لجل دماغى مش براب من اجل فيوز
ولو التراك دة حصة راب تعالى ياصاحبى انا بدى دروس
كل حرف بقوله فى كلمة جوة سطر دة كون 
ركز وانت بتسمع قبل ما ياخده الميكروفون 
سهلة يا صاحبى انى اكتب ولو على ورقة بفرة 
تلت سنين براب وفى مجالكوا عملت طفرة 
كلماتى بتطرطش دم .. البييت انا مش مسالم 
أراكم بتشفوا فى بعض .. ساعات بقول توائم 
صوتى فى التراك معدى مفعول الهيروين 
انتوا فى كفة وانا فى كفة واللى جامع بينا سين
ف انا بتدنجل على البيتات عشان الراب مش جايب همه 
قلمى بينزف تراكات وفى البيفات محدش شاغله 
بإختلاف مزيكتى ليا فى البطولة دور 
بنافس الإنقراض لوحدى قتلت الديناصور 
شوف .. علاقتى أنا بالراب زى المزيكا وتوباك 
ورابكم انتوا يشبه .. كمانجة عم بخ :D 
#بالشفا 

أنا علوضعى prod by (click clack beats)

متــــ على صدرك ـدخـهاش
verse 1 : sedeek
verse 2 : bogy
mix & master :mohamed  sedeek 
cover pic by : bogy 
التراك مش على حد تقريبآ :D 
بس لو لبسته إتفضل :P 
enjoy :D

2016

متخدهاش على صدركـ   "sedeek FT bogy"

أوتار وجع | awtar waga3 
mohamed sedeek FT mohamed gamal (dedo)
Master and Mix : mohamed sedeek
Music : Free Beat
lyrics : mohamed sedeek
--------------------
Verse 1 : sedeek
واهى دنيا تلف بيك ترميك فى حضن "غريب ميصونش"ا
واللى انت تهون عليه لو شوفته ضعيف "عليك ميهونش"ا 
تشكى الأيام وتدارى هم يفوق مرار الصبر 
ترجع حزين من تانى تتمنى لو ليلك ميطولش 
وكأن الليل دة حالف تبكى ف يزود قساوته 
بيسيبلك مر عمرك وبيقتل حلاوته 
وفى يوم ما تدوس على نفسك وتقرر إنك تستحمل
تكتشف إنك بتكرر نفس اللى بدأته من الأول 
ومرايتك تشهد بالوجع وعنيك تدارى فى الدمع 
سيب اللى قال مفارق هو أصلا مش مهتم 
بلاش تبوح وتشكى لحد يزود همك هم 
دة باعك لما إستقوى واللى كان رابطكم دم 
فوق إلعن فى الظروف كسر فى القيود 
متحاولش تقول وتنوح هما مش هيسمعوك 
وفر قصايدك لم اللى باقى لنفسك 
إنت ماشى فى سكة لوحدك هما إختاروا سكة عكسك
.....................................................................................
chorus: dedo
بنتوه دايمآ فى عتمة بنداوى إحنا فى جراحنا 
والعمر بيجرى بينا ما تقوللى وصلت لفين 
ناسيين أيام حياتنا فاكرين كل اللى فاتنا 
والليل يجمع ما بيننا وسهرنا يطول سنين
---------------------------------------------------------------------
Verse 2 : sedeek
بغنى ع الجراح واكتب واعزف مواويل وأليل 
دة كنت بموت م الكسرة قدامكم مش ببين 
ا"كلنا عاوزين مصلحتك" كلامكوا كله كان متزين 
دة عشان لمتكم تحلى .. انا لازم ابان قليل 
من فيكم صانى ؟ بصوا فى عينى ومتكابروش 
انا لما احتاجت اقرب كنت امشيلكوا وانتوا مبتمشوش 
مضطر اصارحكم حبة واقولكوا مرة ع اللى فيها 
انا كاره كونى بينكم كنت اتمنى نبقاا عيلة 
انا عيشت فى وحدة بينكوا قتلت مشاعرى عشان عايشين 
انا حاجة كانت موجودة وبتحارب بقالها سنين
إفهم بقاا .. انا اللى نص عمره ضاع فى الشقا 
بكتب تراكات اطلع فيها كبت وكام بهدلة 
واقول هكون مبسوط وأضحك على نفسى بكلام ووعود
وافوق واشوف افراح بشروط ولحن ناقصله نغمة عود 
ف بتظاهر بإنى سعيد وحزنى يعدى سيل 
برتاح فى بعدى عنكوا وبتدفى فى برد الليل 
...................................................................
chorus: dedo
بنتوه دايمآ فى عتمة بنداوى إحنا فى جراحنا 
والعمر بيجرى بينا ما تقوللى وصلت لفين 
ناسيين أيام حياتنا فاكرين كل اللى فاتنا 
والليل يجمع ما بيننا وسهرنا يطول سنين
....................................................................................
if you like , share it

2017

أوتار وجع

نفس الدايرة  | nafs eldayra
mohamed sedeek
lyrics & Master and Mix : mohamed sedeek
Music : Free Beat
cover by : bogy 
--------------------
Verse 1 : 
انا وانتوا فى نفس الدايرة ف بيحكم علينا الزمن 
انا اللى اتهان ما بينكوا لما بيعتوا بارخص تمن 
سن قلمى اتنحل بخل انه يزودلى الامل 
ادمنت وجودكوا جنبى وكونكوا تدوموا دة كان محتمل 
وفضلت انادى بينكوا لكنى عمرى ما اتسمعت 
لمعت كنجم القاعدة لكن لبعض الوقت 
عرفتونى معنى الكدب عرفتونى معنى الغش 
علمتونى اكون ما بينكم واغير الف وش 
وفارقت لسكة لوحدى قررت اكون غريب 
ناس بتيجى وناس بتمشى واقول قسمة ونصيب 
بسيطة .. مش محتاجكوا خلاص تكونوا جنبى 
محسوبك جدع يعنى مش محتاج ازود همى 
ورجعت لنفس الدايرة .. معاييرنا اكيد مش دايمة 
دى كانت اكبر غلطة لما آمنت لناس اصلا خاينة 
هاتوا بشر من برة دايرة الانجاس 
عارف عيوبكوا لكن بشرب من نفس الكاس 
.....................................................................................
chorus:
ما تفوق وابعد عنهم متعبتش من غدرهم 
دول ياما كتير اذوك وانت كنت بتغفرلهم 
وبناقص تعبك يابنى عطشان اشرب من دمى 
وفر بكاك لنفسك دى فترة اكيد هتعدى 
فوضت امرى ليك يارب انت اللى عالم بيا 
دة انا صوت صراخى لو هيحكى ميستكفوش اذية 
خسارتهم مكسب ليا لو اكمل عمرى لوحدى 
ملعون ابوها عشرة مع ناس مش عاوزة راحتى 
.....................................................................................
Verse 2:
مكسور فى عتمة ليل واظهر ما بينكوا ولسة بضحك
دة الصبر لو بيحكى مش هتلاقى لفرحى مطرح 
وبإية يفيد البوح واقرب ما ليك باعوك 
اية العمل لما تقدم خير وهما ينكروه 
الناس دى رايدة قاعدة مش بتقدم فايدة تدور فى ساقية والف معاهم والقى نفسى لنفسى احلى ياعم سهلة 
هكدب على نفسى واقول دى جنة 
واجارى كلام متلون اراعى عشق كلاب للمادة 
سيب التعبان دة يلدع دة سمه مش بيوجع 
ودى صحبة مش هترجع .. بتنادى ومين هيسمع 
فى كل الاحوال مش هتلاقى طريق لراحة 
قلبك لو هيسلم مرة تبقاا بتكدب وب بجاحة 
الضربة اللى تقويك اضرب مكانها ضربة تموت 
دة الضهر اللى بيحميك هيجيله يوم اكيد ويزود 
وبناقص صحبة مش بتلاقى منها مكسب 
دول مش من توبك يابنى ف انت اكيد من غيرهم احسن
.....................................................................................
chorus:
ما تفوق وابعد عنهم متعبتش من غدرهم 
دول ياما كتير اذوك وانت كنت بتغفرلهم 
وبناقص تعبك يابنى عطشان اشرب من دمى 
وفر بكاك لنفسك دى فترة تكيد هتعدى 
فوضت امرى ليك يارب انت اللى عالم بيا 
دة انا صوت صراخى لو هيحكى ميستكفوش اذية 
خسارتهم مكسب ليا لو اكمل عمرى لوحدى 
ملعون ابوها عشرة مع ناس مش عاوزة راحتى

Mohamed Sedeek

Popular tracks