الف لأ ولأ ولا
على دمعة فى عيونك او آه
ده انتى الحقيقة اللى اتكتبت
وانتى السما وقت ماشتت
وانتى اللى حضنك متشتت
ورا قلبى يوهب له فى حياة
عمرك ده راسمه على كفوفى
ابص له يهرب خوفى
ألمح حروفك فى حروفى
بتنادى صوتى يبوح بهواه
مايهمكيش صوت الاحزان
لو وشوشك او هد حيطان
لسة الامل مرسم حيران
لو غاب نهاره فى لحظة وتاه
وان ضاع زمانى وفاتنى وحيد
قابل اكون شاهد وشهيد
شهيد من الشيب والتجاعيد
شاهد على فجرك بسماه

الف لأ لأ ولا - محمد منير

يا بنت يا ام المريلة كحلي 
يا شمس هاله و طاله من الكوله 
لو قلت عنك في الغزل قوله 
ممنوع عليا ولا مسموحلي 

أنا أحب أقول الشعر في الحلوين 
و الحلو أقوله يا حلو في عيونو 
و لو ابتديت بشفايفك النونو 
ما يكفنيش فيهم سبع دواوين 

يا ملاك يا جنيه يا ست الحسن 
يعجبني توهانك في أحلامك 
يعجبني شد الخصر بحزامك 
يعجبني أخذك للكتب بالحضن 

راحوا الصبايا و الصبايا جم 
أجمل ما فيهم مين غير بنتي 
و أجمل ما فيكي يا بنتي ان انتي 
في عينيكي نني في حنان الأم 

يا بنت يا أم المريلة كحلي 
يا شمس هاله و طالة من الكولة 
لو قلت عنك في الغزل قولة 
ممنوع عليا ولا مسموحلي

المريلة الكحلي  - محمد منير

يا معلقين ع المراجيح والحبل مستورد فاخر
ليلتنا فاتت زي الريح...ما هي كل حاجة وليها آخر
بس الحقيقة المذهلة ان الجميع في السلسلة
وفوق الرقاب يا معلمين...أحبال قطيفة مدلدلة
.
أصل الخواجة ابن ماريكا لما بيدخل حواريكا
يا إما ياخدك في بطاطه يا إما يا ابني هيأذيكا
حاكم الخواجة ابن ماريكا هو اللي بدع الشيكابيكا
تدخل قفاه عايز تلعب حيرقصك سامبا وسيكا
.
افتح عيونك فنجلجل
لكل من جه يتحنجل
أصل الجراد أشكال وألوان
حاطط على الأخضر بيحش
وبألف ماركة وألف دراع
وكل يوم بيبدل وش
.يا ابن العرب ياللا يا ويكا
اعرف بقى مين أعاديكا
ده أنت إذا كفوفك ضمّت
ما حد يقدر يساويكا

خواجه ابن ماريكا - محمد منير

رمان خلاص انفرط حبك و لا همنى
انت اتماديت فى الغلط ولاقولتلش لمنى
ذنبك بقى على جنبك روح لا تجينى لا تضمنى
اوعى بلاش تجرى يا رمان
و لا تيجى على حجرى يا رمان

ما تدحرجش و لا تجرى و لا تصدقش يا رمان
و لا تيجى على حجرى لتشرب قسوة الحرمان
اوعى بلاش تجرى يا رمان
و لا تيجى على حجرى يا رمان

عشقت من غير سبب عرفتنى منفعه
علمت قلبى الادب سنتين تلاته اربعه

عدى الزمان وخلاص اهو بان مين حب مين ادعى
اوعى بلاش تجرى يا رمان
و لا تيجى على حجرى يا رمان

محمد منير - يا رمان

سمع بكايا الحجر .. نهنه . وقال مالك
فتفت قلبى وانا .. ببكى على حالك
فيه حاجه غاليه عليك يا شاب .. ضايعالك
انا قلت ضاع الامال منى ومش امن
بحلم اعدى الزمن فى نطه مش ضامن
ياحمام بتنوح ليه .. فكرت عليا الحبايب
يا حمام ضاع منك ايه .. دوبتنى كده فوق ما انا دايب
العمر و احلا ما فيه .. كان حلم و طار من يدي
والحلم انادى عليه .. لا بيسمع و لا بيهدى
عيب إني اقول على نفسى احترت
او اقول وليف روحى هجرنى
من بين عيون الناس اخترت
جوز العيون اللى قتلنى
منا يا حمام زيك نايح
و الحزن ده له لون و روايح
سهم الهوا دايما صايب
يا حمام بتنوح ليه.. فكرت عليا الحبايب
يا حمام ضاع منك ايه .. دوبتنى كده فوق ما انا دايب

محمد منير - يا حمام

منيش آخر حبيب يدخل مدينتك .. ولا حتكوني يوم آخر حبيبة

داللي انكتب مفروغ يا عنقود العنب

واللي انقري غنيوة بس قصيرة

مشروخ يا ناي متغنيش

زعقك وجعني آه .. ولا كفانيش

*******
منيش آخر حبيب يدخل مدينتك .. ولا حتكوني يوم آخر حبيبة

داللي انكتب مفروغ يا عنقود العنب

واللي انقري غنيوة بس قصيرة

مشروخ يا ناي متغنيش

زعقك وجعني آه .. ولا كفانيش

دي عينيكي دول مرايات .. مرسوم انا فيهم

يا ضيعة الحكايات .. عاللي انكتب فيهم

*******
مشروخ يا ناي متغنيش

زعقك وجعني آه .. ولا كفانيش

Mohamed Shalaby 9

Popular tracks