Omar_khairat Only

Master عمر خيرت من مسلسل الداعية - موسيقى تصويرية داخلية

Omar Khyrat - Halmat's Conscience 1

Omar Khairat والله ماطلعت شمس

Rotating Time / Omar Khairat

Nogomi.com_Omar_Khairat-04.Tim

Omar Khairat_Neighbour

زي الهوا& دور يا زمن & عارفه علي الحجار عمر خيرت

عمر خيرت المزاج والرقي والروقااان

عمر خيرت صراع الاحفاد

Omar Khairat Opera - Am Ahmed‬ عمر خيرت قضية عم احمد


والله وشبت ياعبد الرّحمان
عجّزت ياواد ؟
مسرع..؟
ميتى وكيف ؟
عاد اللى يعجّز
فى بلاده
غير اللى يعجّز ضيف.
هلكوك النسوان؟
شفتك مره فى التليفزيون
ومرّه ورّونى صـــــــــــــــورتك فى
الجورنان
قلت:كبر عبد الرحمان !!
أمّال أنا على كده مت
بقى لى ميت حول.!!
والله خايفه ياولدى القعده تطول .
مات الشيخ محمود
وماتت فاطنه أب قنديل.. واتبـــاع
كرم اب غبّان!!
وانا لسّه حيّه وباين حاحيّا كمان
وكمان ..!!
عشت كتير
عشت لحد ماشفتك عجّزت ياعبد
الرحمان .
وقالوا لى قال: خلّفت
وانت عجوز خلّفت ياخــــوى؟
وبنات؟
أمّال كنت بتعمل ايه طيلة العمر
الفات ؟
دلوقت مافقت؟
وجايبهم دلوك تعمل بيهم ايه ؟
على كل أهى ريحة من ريحتك ع
الارض
يونسوا بعض
ماشى ياعبد الرحمان!!
أهو عشنا وطلنا منّك بصّه وشمّه
دلوك بس مافكرت فى " يامنة"
وقلت:ياعمة؟!
حبيبى انت ياعبد الرحمان..
والله حبيبى وتتحب
على قد ماسارقاك الغربة
لكن ليك قلب
مش زى ولاد الكلب اللى نسيونا
زمان.
حلوه مرتك وعويلاتك ؟
والاّ شبهنا..؟
سمّيتهم ايه؟ قالوا لى"" أية ونور"
ماعارفش تجيب لك حتة واد ؟
والاّ أقولك :
يعنى اللى جبناهم
نفعونا فى الدنيا بأيه..؟
غيرش الانسان مغرور..!!
ولسّه يامنه حاتعيش وحتلبس
لمّا جايب لى قطيفه وكستور؟
كنت اديتهمنى فلوس
اشترى للركبه دهان
أبا..ى ما مجلّع قوى ياعبد
الرحمان.
طب ده انا ليّا ست سنين
مزروعه ف ضهر الباب
لم طلّوا عليّا أحبّه ولا الاغراب
خليهم.
ينفعوا .
أعملهم أكفان..!!
كرمش وشّى ..
فاكر " يامنه" وفاكر الوش؟
أوعى تصدّقها الدنيا
غش ف غش.!!
اذا جاك الموت يا وليدى موت على
طول
اللى اتخطفوا فضلوا أحباب
صاحيين فى القلب كان ماحدش
غاب
واللى ماتوا حته حته
ونشفوا حيين
حتى سلامو عليكم مش بتعدى
من بره الاعتاب.
اول مايجيك الموت افتح
اول ماينادى عليك اجلح
انت الكسبان
اوعى تحسبها حساب..!!
ولا واد ولا بت
ده زمن يوم مايصدق.. كداب.
سيبهالهم بالحال والمال وانفد.
اوعى تبص وراك..
الورث تراب
وحيطان الايام.. طين
وعيالك بيك موش بيك عايشين.!!
يو...ه يا" رمان"
مشوار طولان
واللى يطوله عن يومه ياحبيبى
حمار.
الدوا عاوزاه لوجيعة الركبه
مش لطولة العمر
اوعى تصدق الوانها صفر وحمر
موش كنت جميله ياواد ؟
مش كنت وكنت؟
وجدعه تخاف منى الرجال؟
لكن فين شفتونى؟ كنتوا عيال
بناتى (رضيّة) و " نجيّه "
وماتوا وراحوا وانا اللى قعدت
طيّب يازمان
اوعى تعيش يوم واحد بعد عيالك
اوعى ياعبد الرحمان
فى الدنيا وجع وهموم أشكال والوان
الناس مابتعرفهاش
أوعرهم لو حتعيش بعد عيالك ما
تموت.!!
ساعتها بس .. هتعرف ايـــــــه هو
الموت!!
اول مايجى لك نطّ
لسه بتحكى لهم بحرى
حكاية فاطنه وحراجى القط؟
اباى ماكنت شقى وعفريت
من دون كل الولدات.
كنت مخالف.. برّاوى
وكنت مخبى فى عينيك السحراوى
تمللى حاجات
زى الحدّايه تخوّى ع الحاجه
وتطير
من صغرك بضوافر واعــــــــره
ومناقير
بس ماكنتش كداب.
وادينى استنيت فى الدنيا
لما شعرك شاب
قدم البيت
اتهدّت قبله بيوت وبيوت
وأصيل هوّه... مستنينى لما أموت
حتيجى العيد الجاى؟
واذا جيت حتجينى لجاى ؟
وحتشرب مع يامنّه الشاى؟

**********

حاجى ياعمّه... وجيت
لا لقيت يامنه ولا البيت ..!!


عبد الرحمن الابنودي قصيدة يامنة (عمر خيرت )

Amr Khairat - Awalad El-7alal

العاصفة - عمر خيرت

Egyptian Music - Omar Khairat ( Fatma 3) OUtHxIL98BM Youtube

Omar Khairat - khally balak (My cover)

Don't lose your mind

عمر خيرت - هروب

عمر خيرت _انا الى قتلت الحنش 2

عمر خيرت - الحلم

مقطوعة أندلسية من أجدد مقطوعات الموسيقار عمر خيرت وقلما يعزفها فى الحفلات الخارجية ولم تصدر فى أى البوم موسيقي له, للعلم أنه من الثانية ال 10 لل 20 وضعها فى إحدى حلقات مسلسل الجماعة فى رمضان 2010

عمر خيرت - أندلسيةOmar Khairat

علي الحجار - دور يا زمن

Omar_khairat Only

Mohamed Taher 19