Donia btedy lelmhabeesh.. W ya3eny 3alena ya 7arafeesh .. Nesh2a 3ashan 7abet mlateesh mukafoosh el3eesh w elshai :D

bango

محمد منير - حدوتة مصرية يا ناس يا ناس يامكبوته - نسخة أصلية

اشوفك وين يا مهاجر  قصى حاتم # The Voice.

إتدلّعي واتبغدَدِي واتفاخري واتباهي

قولي لكل الناس .. ده عشقني والله

لِـمِّي العيال حواليا زِفُّـوني

ظاظوا عليّا وحَدِّفُوني طوب

ما انا اللي سِبْت عنيكي لَفُّوني

وانا اللي استاهل كل يوم مركوب

 

فاتدلعي واتبغددي واتفاخري واتباهي

آدي ضَحِيَّة كمان فِدا رِمشك الساهي

موت الضحايا جَزَايَـا ما انا اللي وَدِّيـتِـك

و لْـحَدْ حَدْ ما وَدِّتُـوش ولا حَدْ وَدِّيـتـك

و قلعت كل سنيني على خَصْرِك

ضَفَّرْت شَعْرِك عشّ جُوَّايا

بايَـعْت حُكمِك وابتديت عصرِك

ووقَفْت ورا عرشِك ومَسَكْت هـوَّاية

 

موت الضحايا جَزَايَـا وكُلَّها ضحايا

مين اللي قال الحب آخره عَمَار

الحب آخره نهاية في رحَاية

القسوة طاحنة والحجر دوَّار

 

فاتدلعي واتبغددي واتفاخري واتباهي

واستنكري من عزتي واستهتري بـجاهي

خَلِّيني مضرب مَثَل من بعد هيبة و وزن

كُبَّي المرار في العسل واملي الفرح بالحزن

 

يعني انتي أولهم ولا انتي اول همّ

ولّا انتي اول سهم إتْسَنْ لي واتسمّ

لو تكشفي ضهري تلقي السهام علامات

وانا زي زرع ف هوا وَطَّى حِيِـي وعَلا مات

 

موت العلالي شرف بس اسمها موتة

مش عدل تبقي ف ترف وانا باطفح الكوتة

ما يا إمَّا نَقْسَمْهُم وَخْزَة قصاد وخزة

يا إمَّا لا مواخذة توتة يا حدوتة

 

وابقِي اكدبي براحتِك واتدلعي براحتِك

طعم الهزيمة جِزَا للي يزور ساحتِك

وانا قلبي يا ما غلب.. مش عيب يبات مغلوب

اهو برضه فِدْتينا وكَفَّـرنا بيكي ذنوب

ولَـحَسْـنا من شَهْدِك وشرِبْـنا من رِيقِك

وسْكِرْنا من كاسِك وكَسَرْنا إبريقِك

وطْعِمْنَا من حُسْنِك وشْبِعنا بِـبَـريقِك

 

ومْشِينا في طَريقِك ورجِعْنا مَـلْـوِ اليَدّ

جَرْحِي قُصَاد جَرْحِك ولا حد ظالم حد

 

ولا انتي فاكرانا رجالة خيبانه

نبكي على النسوان ونْسِحّ في بكانا

كنتي اسألي نانا

اللي اسمها نانا

يا دوب زِعِلْنا يومين واهي دنيا لاهْيَانا

 

ما تكدبيش ع الناس.. الناس دي عارفاني

قلبي خشب لو غطس بِيْقِب من تاني

فماتحرجيش روحِك وتقولي ده عشقني

بدال ما صاحباتك يقولك آدي دقني

 

حِبِّي على قَدِّك واحكي على قدك

وان جت سيرتنا ف يوم ابقي الزَمِي حَدِّك

 

تتدلعي ماشي .. تتبغددي ماشي

وتقولي حبني موت برضه ما يـجراشي

بس انتي من جوا فاهمة ان زمنك مات

وبقيتي زي اميرة قلبها شحات

 

لِفِّي على صحابي .. سِبِّـيني في غيابي

قولي ان عمرك يوم ما وقفتي على بابي

لا كَوِيتي قمصاني و لا جِيتِي زُرتيني

و لا تعرفي مكاني و لا تعرفي تـجيني

 

واني يا دوب واحد دايب ف دباديبك

عامل كما عَيِّل شابط في جلاليبك

وانتي يا عيني أُف زهقانة مني خلاص

عملتي زار بالدُّف وسُقْتِي كل الناس

وانا برضه لازِقلك

معلش حظك كدة ربك ورازِقلِـك

 

روحي يا شاطرة هناك انضمي للالبوم

انا كل عشرتي بيكي 22 يوم

عملتي نفسك حكاية

ومحبة فيَّـاضة ومَخَدَّة بَكِّاية

وسهر وسُهْد وويل وبكا و غنا و مواويل

في 22 ليل

 

على أي حال شكرا وشكرا

ثم شكرا للقصيدة

قَلَّما تأتيني امرأةٌ بأفكارٍ جديدة

هشام الجخ - 24 شارع الحجاز

كيف التسلي

البحر بيضحك ليه - محمد مينر

قلت لنفسي وبعدين

احمد سعد _سألت نفسي _ الشبح

Mounir Ana mnek et3lmt-منير انا منك اتعلمت

Mounir Ana Menek Et3lmt- منير انا منك اتعلمت

اكل الحرام & اهل كايرو

Alimony

امانة يا بحر محمد منير

قالة لية انساها.MP3

ماجدة الرومي - وعدتك

دنيا مسعود - بتناديني تاني ليه

من مقال ١٠ أغاني محرمة

يا *سّ أمّك | غير معروف

نجاح الموجى -- سلملنا بقى على التروماى

ESSAM KARIKA 66               كتاب حياتى  عصام كاريكا

انا العيل اللى شايل السلاح .. وانا الطلقه اللى بتحرم المباح .. وانا أكياس الدم الفاسده اللى بتعدى السليم .. ياعم انا الشهاده والتعليم .. اللى مهما تعلى بيه ميأكلش عيش .. انا الحبر اللى خلص  وانا الريق اللى نشف .. انا الصبر اللى زال وانا البدن اللى ضعف

نجاح الموجى -- سلملنا بقى على التروماى

Mohamed TalȜat

Recent comments

Doaa Abd Elhamid

Related tracks