مليون قصيدة ( امريكا قالت ) - عارف - سحب رمشه -- علي الهلباوي

دينا الوديدى
السيره الهلاليه
مهرجان الرصيف

دينا الوديدى - السيرة الهلالية كامله

قصة قصيدة قل للمليحة ذات الخمار الأسود
لقصيدة ( قل للمليحة ) قصة ، كان رجلاً يبيع الخُمُر ( جمع خمار ) فباع جميع ألوان الخٌمُر إلا الخُمُر ذات الألوان السوداء فظل حزينًا ورآه أحد الشعراء فسأله ما بالك حزينًا فشرح قصته أن بيعه لم يربح منه بسبب عدم بيع الخٌمُر السود فقال له سأعطيك هذه الأبيات وأنشد بها فى السوق وسترى ما يحدث وكانت الأبيات على النحو التالي :
قل للمليحة في الخمار الأسود ** مـــاذا صـنـعــت بــزاهــد مـتـعـبـد
قل للمليحة في الخمار الأسود ** مـــاذا صـنـعــت بــزاهــد مـتـعـبـد
قـــد كـــان شـمــر لـلـصـلاة ثـيـابـه ** حتى وقفت له بباب المسجد
ردي عـلـيــه صــلاتــه وصـيـامــه ** لا تـقـتـلـيــه بـــحـــق ديــــــن مــحــمـــد
فأنشدها فسمعها الرجال واخبروا نساءهم فى البيوت بتلك الأغنية التي تردد فتعجب النساء أن العابد قد فتن بالمرأة ذات الخمار الأسود لشدة تأثير الخمار الأسود فبيعت جميع تلك الخٌمُر

قل للمليحة في الخمار الاسود - علي الهلباوي

. جروب مزيكاتي ع الفيس بوك .. شرفونا هتنبسطوا 

https://www.facebook.com/groups/1471030076464570/

Mixed By : ♫ ♪ Mo.Hassan ♫ ♪
..
@mo-hassan2

والله وشبت يا عبد الرُّحمان ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
هلكوك النسوان؟
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمان.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمان.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمان
والله حبيبي .. وتتحب.
على قد ماسارقاك الغربة
لكن ليك قلب.
مش زي ولاد الكلب
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمان.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
ده زمن يوم مايصدق .. كداب.!!
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.ه يا رمان..
مشوار طولان
واللي يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
طيِّب يا زمان..!!
إ
إوعى تعيش يوم واحد بعد عيالك
إوعى يا عبد الرحمان.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..

الخال


العمه يامنه - مزج - الابنودي

قصيدة جنسية نادرة للشاعر صلاح عبد الله +18

قصيدة همسة عتاب +18 | الشاعر صلاح عبد الله

قل للمليحة في الخمار الاسود & ابعتلي جواب 

لمشاهدة الفيديو https://www.youtube.com/watch?v=UaB-e6Z5vHM

 قل للمليحة فى الخمار الأسود ماذا فعـلت بـناســك مـتعبـــدِ
قد كان شـمر للصلاة ثــيابــه حتى وقفـت له بباب المسجـد
ردي عليه صلاتـه وصيــامــه لا تقـتـليـه بحـق دين محمــــد

قالوا تسلى عن المحبوب قلتُ بمن كيف التسلي و في الأحشاء نيران
إن التسلي حرامٌ في مذاهبنــا و كيف أرضى بكفر بعد إيمــانِ
فشاربُ الخمر يصحو بعد سكرته و شاربُ الحب طول العمر سكران

أي شيء في العيد أهدي إليك يا ملاكي و كل شيء لديك؟
أساور؟
أم خموراً؟وليس في الأرض خمرً كالتي تسكبين من عينيكِ

أم ورداً؟والورد أجمله عندي الذي قد نشقت من خديكِ
أم عقيقاً كمهجتي يتلظى؟ والعقيق الثمين في شفتيكِ
ليس عندي شيء أعز من الروح وروحي مرهونةٌ في يديكِ

بلغـوها إذا أتــيـتم حـمـاهـــا أنني مُت في الــغـرام فــداهــا
وأذكروني لهــا بــكل جـمـيــلٍ فعساها تـــحـن علي عساهـا
واصحبوهــا لتربـتي ، فإن عظـــامي تشـتاق أن تدوســها قـدمــاهـا



ابعتلي جواب .. وطمني
ولو انه عتاب ما تحرمني
ابعتلي جواب 
ابعتلي جواب .. وطمني

غيابك طال وبستنا
وقلبك مال تتهنى
ان كنت هويت ونسيتني
وعلي جنيت ما رعيتني
ابعتلي جواب 
ابعتلي جواب .. وطمني

انا ليا إله.. يعرفني
من حر الأه .. ينصفني
مش قادر اقول انت الجاني
هاصبر على طول على احزاني
ابعتلي جواب
ابعتلي جواب .. وطمني




قل للمليحة في الخمار الاسود & ابعتلي جواب - علي الهلباوي

دينا الوديدي - السيرة الهلالية

قد خاب عبد لا يصلى على النبى نبى عربى مالى شفيع سواه 
نبى الهدى لولاه ما نعرف الهدى قطع العدا طه بحد قناه
أشكو لمن رفع السماء بلا عمد إلهى تعالى مقتدر فى علاه 
على ما جرالى يا ويح قلبى لما جرالى صابر على حكم الكريم مولاى
وياليل يا ليل يا ليل يا عينى على آآآه

استغفر الله العظيم من الخطأ إلهى تعالى واحد لا سواه

فلما فَرِغ الزناتي من الأشعار و سَمِعت عُمومِ الرجال الهلايل
قال اللي يبيع العمرِ مش عار إنما علي شيئ يحفظ مقامه
انا الزناتي انا جمل المحاميل زعيم الغروب و الرجال يعرفوني 
و عُمري عن الحدود انا ما حَاميل و للمرجلة جدَموني
لازم انزل الحرب بكرة طبول البلاوي حزينة 
ولا خلي ولا بنت بِكرة الا اما تِشلي حزينة
اه ياعين يا عين يا عين اه ياعين يا عين يا عين الا اما تِشلي حزينة 
انا الزناتي اسد الغروب هاتوا الرِجال الهلايل
 او حامت النسر و غَروب وهصَّبح الحمل مايل 
و بكرة لهايدور حربي بني هلال شعطت نياهم 
يا يرحلوا مِن غربي يا بالسيف اقطع رجاهم 
و ضربت طبول المَيدان و نزلت ولاد الأمارة
وقال الفتى يظهر يبان حلت شعورها العذارا
و ركبت عرايب بني حَنِير متقلَدة بالقضايب 
و طِير النَيا فوق حَنِير زادت نيران اللهايب
الولد جابته الخدادى و طلعت ولاد الأمارة
 خرجوا خلف الأمير فاتحين باب الخسارة 
قدامهم طوّح السيف و قال البلاد دى بلادى 
بقى صحن الصبر وىّ سيف ادموع تنزل علالى
 خليفة هز المُبتر اتخبَّلَت العَمايم
صرخ و قال الله اكبر اِدموع تنزل عمايم 
دخل النجوع الأمير قال نوم الليالي معاديني
.زعل الزعيم الكَبير اين المُقاتل يَجِيني.

 قال الملك أبو على و الكل حاضرين جيوش العدا ملت الأراضى
 هيا ضربوا قرعة المقاتلين شووف تآجى على مين يا قاضى...
 ضربوا القرعة و الكل حاضرين أنا بُليت و جسمى دوابه
 قالوا قرعة الحرب جت على مين؟!
قالوا جت على أبو دوابه عامر الخفاجى بن ضرغام راجل معلم و راقى
 ما يهجم على الحرب غير بن ضرغام زعيم وادى العراق
 اه ياعين يا عين يا عين اه ياعين يا عين يا عين... زعيم وادى العراق 
قال البطل الأسمر اللون راجل ظريف المعانى الأسمر أبو عقل موزون "
ياقاضى عيد القرعة تانى القرعة ديّا ملبساش أنا سكران من غير كيفى
 يا قاضى القرعة ديّا ملبساش إزاى ينزل الحرب ضيفى؟؟
 عامر حدانا راجل ضيف أشيله فى ننى عيونى راجل و له أصل نضيف
 هيّا يا عرب اسمعونى" وقف عامر على القدامين 
و قاله يا ابن الشريفة كلامك يابو ريّا ده زين يابو العروق النضيفة
  إن منعتنى من حروبك نرجع عالعراق تانى 
آخر كلمة فين دليلك يا أسمر يا ظريف المعانى
 قال الملك ابن سرحان راجل عنده من الفهم ياما 
على حسّه الابن سرحان قال اديله قرعته ياسلامة 
هيّا دوروا العرب و تمّت لخدها و صلى ركعتان
 و الخلق جملة اتلمّت راجل ظريف المعانى 
صلى الفتى ركعتان و سرج على الركوبه
 على إيد قام هزّ سيفين فارس فى ننى أعجوبة
 طلع توكل على الله ووراه ولاه الزغابى
وكل الاغراض تبعاه على الخصم قلبه زغابى دفع الفرس فى الميدان ورفعلى راية كحيلة
 فجانى الفتى يظهر يبان راه الزناتى خليفة ..............
 لما نصلى على النبى

قل للمليحة في الخمار الاسود & ابعتلي جواب - علي الهلباوي  - مكتبة الاسكندرية 201_low.m4a

على الهلباوى موال البنت قالت لأبوها -


الكلمات :

أمريكا قالت 
ياعرب
العلم قال 
إن السما من غير عمود
إحنا العرب قولنا
دى حكمة ربنا
أمريكا قالت 
ياعرب
العلم قال
الكون مابيحدوش حدود
إحنا العرب قولنا 
دى قدرة ربنا
أمريكا قالت
ياعرب
القدس من حق اليهود
إحنا العرب
قولنا يبارك ربنا

مليون قصيدة ياعرب مليت خلاص من دى القصايد والخطب
مليون قصيدة ياعرب والقدس أهى محبوسة فى أوضة يهودى بتغتصب
وانتوا اخواتها وبكره ييجى الدور عليكوا
وهتدخلوا اوضة اليهودى اللى بناها بجبنكم من غير حيطان 
مليون قصيدة ياعرب كان نفسها تتقال فى يوم الانتصار
كان نفسها تهرب من الليل للنهار
كان نفسها وكان نفسها لكن كسرتم نفسها ميتى تفوقوا ياعرب ؟

لفيت
قوموا يافرسان العرب للمعركة
اللى يقولى مسكونى سيف عمر 
وأنا ضرورى هنتصر
ياسيف عمر 
قولى إيه السر فيك 
حدادك اللى صنعك ركب زرار النصر فيك 
خليك تحارب تنتصر حتى لو فى إيدين جبان 
واللى يقولى
ركبونى حصان صلاح
هتلاقوا عصر الظلم راح
ياحصان صلاح
ماتقولى ايه خلاك بطل
كانت وكلتك وكلة ميتين من الاحصنة ولا براسين ولا تلاجيك بعشر رجول تدخل المعركة وبتنتصر 
حتى لو كان اللى راكبك حاضن الخمرة بين شفايفه
المعجزة مش فى الحصان ولا عمرها كانت فى سيف

بالمناسبة
قبل ماخلص كلام
أمريكا باعتالكم سلام
بتقولكم متشكرين
لولاكم انتوا ياعرب
ماكانتش ليا منزلة بين الأمم
انتوا اللى وطيتم عشان
نركب على أكتافكم سنين
وعشان كده بنقولكم من قلبنا متشكرين
وعشان كده هوصى اسرائيل عليكم
عشان تبطل ضرب فيكم
يا اسرائيل يابنيتى اطمنى مافيش سلام
لكن بلاش الضرب فى بلاد العرب
ده مش عشان انتى رحيمة وطيبة يابنيتى
لكن عشان الضرب فى الميت حرام

مليون قصيدة ( امريكا قالت ) - عارف - سحب رمشه -- علي الهلباوي

M0hamed Talaat

Recent comments

omar

Kirø Jesus

Mohamed Maghrabi

Abdo Sayad

Related tracks